নহারোলশিংদা দ্রগকী তমথিরবা মাংজনিংঙাই ওইবশিং অসিবু অথুবা মতমদা খঙহনবগী তঙাই ফদবা অমসুং নহারোলশিংগী মরক্তা এন.সি.সি.না লৌরিবা অচৌবা থৌদাং অসিবু মশক খঙলদুনা, সোসিএল জস্তিস অমসুং এম্পৱর্মেন্ত মন্ত্রালয়না সেপ্তেম্বর ১২,২০২২দা ন্যু দিল্লীদা লৈবা বি.ঐচ.আই.এম. ওদিতোরিয়ম, দা. অম্বেদকর ইন্তর্নেস্নেল সেন্তর (দি.এ.আই.সি.)দা  এন.সি.সি. কেদেৎশিংগা উনদুনা ৱারি ৱাতাই শান্নবগী অমসুং দ্রগ এব্যুজগী মায়োক্তা মীয়াম্না ৱারেপ লৌনবগী থৌরম অমা পাংথোক্লগনি।

ৱারি ৱাতাই শান্নবগী থৌরম অসিদা কেন্দ্রগী ঙাকশেল মন্ত্রী শ্রী রাজনাথ সিংহ অমসুং কেন্দ্রগী সোসিএল জস্তিস অমসুং এম্পৱর্মেন্ত মন্ত্রী দা. ভিরেন্দ্র কুমারনা পুন্না শরুক য়ামিন্নগনি। লৈবাক অসিদা লৈরিবা এন.সি.সি.গী অপুনবা ১৭ স্তেৎ দিরেক্তোরেৎশিংনা থৌরম অসিবু লাইভ স্ত্রিমিংগী খুথাংদা শরুক য়াগনি।

সোসিএল ৱেলফেয়র দিপার্তমেন্তস ওফ স্তেৎসকী প্রিন্সিপাল সেক্রেতরীশিং, দা. অম্বেদকর চেয়র এজুকেস্নেল ইন্সতিত্যুৎশিং অমসুং এজুকেস্নেল ইন্সতিত্যুৎশিংগী মহৈরোইশিংসু থৌরম অসিবু ওনলাইন্দা য়াওবীনবা হায়জরি। দিস্ত্রিক্ত কলেক্তর খুদিংমক্তা এন.সি.সি. কেদেৎশিং অমসুং নহারোলশিংনা মখোয় মখোয়গী জিলাশিংদা  ৱারি ৱাতাই শান্নবগী অমসুং ৱারেপ লৌবগী থৌরম অসিদা শরুক য়াবা অমসুং য়েংবা য়াহন্নবগী খুদোংচাবা পীনবগীদমক খঙহনখ্রে। থৌরম অসিবু লৈবাক অসিদা লৈরিবা এন.সি.সি. কেদেৎ লিশিং কয়া অমসুং নহারোলশিংনা শরুক য়ারগনি হায়না থাজৈ।

দ্রগ দিমান্দ রিদক্সনগীদমক্তা সোসিএল জস্তিস অমসুং এম্পৱর্মেন্তগী দিপার্তমেন্ত অসি ভারত সরকারগী নোদেল দিপার্তমেন্তনি। মশক খঙদোক্লবা জিলা ২৭২দা ভারত সরকারনা ওগস্ত ১৫,২০২০দা নহারোলশিং, অঙাংশিং অমসুং মীয়ামগী মরক্তা ৱাখল লৌশিং হেনগৎহন্নবগীদমক্তা নশা মুক্ত ভারত অভিয়ান (এন.এম.বি.এ.) হৌদোকখি। হৌজিক ফাওবদা নহারোল কোতি ৩, নুপী কোতি ২ অমসুং এজুকেস্নেল ইন্সতিত্যুৎ লাক ১.৫৯ য়াওনা মীওই কোতি ৮ হেন্না এন.এম.বি.এ.গী শরুক অমা ওইরকখ্রে।

এন.সি.সি. কেদেৎশিংগী এক্তিভ ওইনা শরুক য়াবা অসিদগী, সোসিএল জস্তিস অমসুং এম্পৱর্মেন্তগী দিপার্তমেন্তনা অভিয়ান অসিবু অনৌবা থাক্তা পুখৎপা ঙম্লগনি অমসুং নশা মুক্ত ভারতকী পান্দম ফংবা ঙম্লগনি।

***************