পেত্রোলিয়ম অমসুং নেচরেল গ্যাস মন্ত্রালয়
মালেমগী এনর্জী ক্রাইসিসকী মমাংদা ভারতনা মায় পাক্না হল্লকপা ঙম্বগী খুদম অমা উৎখ্রেঃ পেত্রোলিয়ম মন্ত্রী শ্রী হর্দীপ সিংহ পুরি
ভারতনা এক্সপ্লোরেসনগী মফম হেনগৎনবা তোঙান-তোঙানবা থৌরাংশিং অমসুং এনর্জী সেক্তরদা সেল্ফ রিলাইএন্স পুরক্নবা হোৎনগনি হায়খ্রে
এম.ও.পি.এন.জি.না দিস্কবর্দ স্মোল ফীল্দস (দি.এস.এফ.) ৩১ অমসুং কোল বেদ মিথেন (সি.বি.এম.) ব্লোকশিংগী কন্ত্রেক্তকী খুৎয়েক পীনখ্রে
ইন্দিয়া এনর্জী ৱীক ২০২৩না এনর্জী ইন্নোভেতরশিংদা মমাংদা অমুক্তা লৈখিদ্রিবা খুদোংচাবা অমা পীরগনিঃ শ্রী হর্দীপ সিংহ পুরি; ইন্দিয়া এনর্জী ৱীক (আই.ই.দব্ল্য.) ২০২৩গী লোগো মায়খুম হাংখ্রে
Posted On:
11 SEP 2022 2:02PM by PIB Imphal
পেত্রোলিয়ম অমসুং নেচরেল গ্যাস মন্ত্রী, শ্রী হর্দীপ সিংহ পুরিনা সেপ্তেম্বর ৯, ২০২২দা পাঙথোকপা মীদিয়াগী থৌরম অমদা, দি.এস.এফ. বিদ রাউন্দ-IIIগী মখাদা দিস্কবর্দ স্মোল ফীল্দস (দি.এস.এফ.) ৩১ অমসুং সি.বি.এম. বিদ রাউন্দ Vকী মখাদা ই.এন্দ পি. দোমেস্তিক কম্পেনীশিংদা পীরদুনা কন্ত্রেক্তকী খুৎয়েক পীনখ্রে।
থৌরম অদুগী মনুংদা মন্ত্রীনা ইন্দিয়া এনর্জী ৱীক (আই.ই.দব্ল্য.) ২০২৩গী লোগো মায়খুম হাংখি, মন্ত্রালয় অসিগী ফ্লেগশিপ থৌরম অসি ফেব্রুৱারী৬- ৮, ২০২৩ ফাওবা বেঙ্গলুরু, ইন্দিয়াদা পাঙথোক্কনি।
ওপন হাউজ অদুদা কন্ত্রেক্ত লান্নবগী থৌরম অদুগী মতুংদা মন্ত্রীনা মখাগীশিং অসিবুসু ফোংদোকখিঃ
- মালেমগী এনর্জী ক্রাইসিসকী মমাংদা ভারতনা মায় পাক্না হল্লকপা ঙম্বগী খুদম অমা উৎখ্রে।
- ভারত সরকারনা মালেমগী ক্রুদ ওইল অমসুং গ্যাসকী মমল খল কায়রিবসি য়েংশিন্নবা অমসুং হন্থহন্নবা তোঙান তোঙানবা খোংথাং কয়া লৌখৎখ্রে। ভারত্তা ফ্যুল মমল হেনগৎলকপসি চাউখৎলবা লৈবাকশিংদা এক্সপোনেন্সিএল ওইনা হেনগৎলকপগা চাংদম্নবদা লেপখ্রে। চাউখৎলবা লৈবাক অময়াম্বনা গেসোলিনগী মমল অসি জুলাই ২১দগী ওগস্ত ২২ ফাওবদা ৪০% গী ইনফ্লেসন থোকখি, অদুগা ভারত্তনা গেসোলিন মমল অসি ২.১২% হন্থখি।
- মরুওইবা ত্রেদিং হবশিংগী গ্যাস মমল অসি জুলাই ২১দগী ওগস্ত ২০২২ ফাওবদা কা হেন্না হেনগৎলকখি। য়ু.এস.এ.গী হেনরী হবসু ১৪০% হেনগৎখি। জে.কে.এম. মার্করনা ২৫৭& হেনগৎখি অমসুং য়ু.কে. এন.বি.পি.না ২৮১% হেনগৎখি। অদুগা ভারত্তনা সি.এন.জি. অমসুং পি.এন.জি.গী মমল অসি ৭১%তমক হেনগৎখি।
- এল.পি.জি.গী মায়কৈদসু, হৌখিবা থা ২৪ রোম অসিদা, সৌদি সি.পি.গী (ঐখোয়গী ইম্পোর্ত বেঞ্চমার্ক) মমল অসি ৩০৩% য়ৌনা হেনগৎখি। হায়রিবা মতম অসিগী মনুংমক্তদা, ভারতকী এল.পি.জি.গী মমল (দিল্লী) অসি হায়রিবা ফিগর অসিগী শরুক তরা থোকপগী অমা হায়বদি ২৮% তমক হেনগৎখি।
- ইকাইখুম্নজরিবা প্রধান মন্ত্রীগী লুচিং মখাদা লৈঙাক অসিনা অহেনবা ই. এন্দ পি. ইনভেস্তমেন্তশিং চিংশিন্দুনা এনর্জী সেক্তরদা ইরোমদোম লেপচবা হেন্না ঙম্নবা হোৎননবা তোঙান তোঙানবা থৌরাংশিং লৌখৎখ্রে।
- ভারতনা 'গ্যাসতা য়ুম্ফম ওইবা একনোমী' অমগী মায়কৈদা ভারতকী কঞ্জুমরশিংবু সিতী গ্যাস দিস্ত্রিব্যুসনগী থোঙদা শম্নদুনা, রিগ্যাসিফিকেসন কেপাসিতী হেনগৎহন্দুনা, পাইপ্লাইন নেৎৱার্ক পাকথোক চাউথোকহন্দুনা অমসুং সি.এন.জি. স্তেসন লিংখৎতুনা চঙশিল্লি।
- মে ২০২২দা নম্বেম্বর ২০২২গী দেদলাইনগী মাংওইননা পেত্রোলদা ইথানোল ১০% য়ানবগী থবক মায় পাকখিবা, ইথানোল পুথোক্নবা ২জি রিফাইনরী লিংখৎপা, অমসুং অতোপ্পা থৌরাং কয়া অমা লৌখৎপা হায়বসি লৈঙাক অসিগী অচুম্বা এনর্জী ত্রাঞ্জিসনগী খুদম অমনি। মন্ত্রালয় অসিনা পাইলত স্কেলদা শেমগৎলক্লিবা গ্রীন হায়দ্রোজেন মিসন অমসুং কম্মরসিএল স্কেল গ্রীন হায়দ্রোজেন পুথোক্নবা প্লান্তশিং অসি হায়রিবা ৱারেপ অসিগী শরুকশিংনি।
- প্রাইম মিনিস্তর উজ্জ্বালা য়োজনাগুম্বা খুন্নাই চাউখৎলোনগী থৌশিলশিংগী মরুওইশিং অমসুং মসিনা এনর্জী লাইরবগী সমশ্যা কোকহনবদা লৌরিবা থৌদাং, খুন্নাইরোলগী থাক ৱাংহনবা অমসুং খুন্নাইদা অহোংবা অমা পুরক্নবা হোৎনরিবসি পনবগী লোইবা নাইরোই।
ইন্দিয়া এনর্জী ৱীক ২০২৩দা, মন্ত্রীনা হায়খি মদুদি মসি মন্ত্রালয় অসিগী ফ্লেগশিপ থৌরম অমা ওইরগনি অমসুং মসিনা ভারতনা জি২০ প্রেজিদেন্সী হেক পায়রবা মতুংদা পাঙথোকপা ইহান হানবা মরুওইবা এনর্জীগী থৌরম ওইরগনি। থৌরম অসিনা রিজনেল অমসুং অন্তর্জাতিগী লুচিংবশিং অমসুং সি.ই.ও.শিংদা স্ত্রেতেজিক পোলিসীগীদমক চুংশিন্ননবা অমসুং এনর্জী জস্তিস অমসুং এনর্জী ত্রাঞ্জিসনগী মতাংদা লৈবা তেক্নিকেল নোলেজ লান্থোক্ননবা মমাংদা লৈখিদ্রিবা খুদোংচাবা অমা পীরগনি।
***************
(Release ID: 1858543)
Visitor Counter : 142