প্রধানমন্ত্রীগী লোইশঙ
পি.এম.না সেন্তর-স্তেৎ সাইন্স কনক্লেব হৌদোকপদা থমখিবা ৱারোল
Posted On:
10 SEP 2022 3:51PM by PIB Imphal
মমিং লৈরবা গুজরাতকী মুখ্য মন্ত্রী শ্রী ভুপেন্দ্র ভাই পতেল, কেন্দ্রগী মন্ত্রী-মন্দলদা ঐহাক্কা লৈমিন্নরিবা, দা. জিতেন্দ্র সিংহজী, রাজ্য সরকারশিংগী মন্ত্রীশিং, স্তার্তঅপশিংগী লমদগী ঐহাক্কী মরুপশিং, মহৈরোয়শিং, অতোপ্পা দিগনিতরীশিং, নুপী অমদি নুপাশিং,
‘সেন্তর-স্তেৎ সাইন্স কনক্লেব’কী মরু ওইবা থৌরমদা ঐহাক্না পুম্নমকপু তরাম্না ওকচরি, অমদি থাগৎপা ফোঙদোকচরি। মসি ঙসিগী অনৌবা ভারত্তা ঐখোয়না পাইখৎলিবা ‘সবকা প্রয়াস’কী ৱাখল্লোন অদুগী ময়েক শেংবা খুদম অমনি।
মরুপশিং,
সাইন্স হায়বসি লমদম অমসুং রাজ্য খুদিংমক্কী চাউখৎ লমজেলপু খোঙজেল য়াংহনবা ঙম্বগী মপাঙ্গল লৈবা ২১শুবা চহিচাগী ভারতপু চাউখৎপা ঙমহনগদবা ইনর্জীগুম্বনি। মরিশুবা ইন্দস্ত্রীএল রিভোল্যুসনগী মাইকৈদা চঙশিনবদা ভারতকী সাইন্স অমসুং লম অসিগা মরী লৈনবা মীওইশিংগী থৌদাং য়াম্না মরুওই। অসিগুম্বা ফীভম অমদা, লৈঙাক চুপ্লি পায়রিবা অমদি থৌশিল থৌরাং য়াৎলিবা মীওইশিংগী থৌদাংসু মরুওইবা হেনগৎলক্লি। অহমদাবাদকী সাইন্স সিতীদা পাঙথোক্কদবা ব্রেন্দস্তোর্মিং অসিনা অনৌবা ইনোৎ অমা হাপ্লগনি, সাইন্সপু থৌগৎনবা থৌনানা থলহল্লগনি।
মরুপশিং,
ঐখোয়গী পুরানশিংদা অসুম্না হায়রমখি – জ্ঞানম বিজ্ঞান সহিতম য়ত জ্ঞাত্বা মোস্যসে অশুভাত।। হায়বদি লৌশিংনা বিজ্ঞানগা পুল্লবা মতমদা, ঐখোয়না লৌশিং অমসুং বিজ্ঞানগী মরমদা খঙলবা মতমদা মালেমগী সমস্যা অমসুং খুদোংথিবা পুম্নমক্তগী নীংতম্নবগী লম্বী মশানা হাংজরকই। সাইন্সনা পাম্বৈ, অওনবা অমসুং ইনোভেসনগী য়ুম্ফম ওইরিবনি। অদুগা হায়রিবা ৱাখল্লোন অসিনা পুক্নিং থৌগত্তুনা ঙসিগী ভারতনা জয় জৱান, জয় কিসান, জয় বিজ্ঞান লোয়ননা জয় অনুসন্ধান হায়বসিগা লোয়ননা মাংদা চংশিল্লি।
মরুপশিং,
ঐহাক্না হৌখ্রবা মতমগী মরু ওইবা হীরম অমদা ঐহাক্না নখোয়গী পুক্নিং চিংশিনবা পাম্মি। কেন্দ্র অমসুং রাজ্য অনিমক্কীদমক তুংলমচৎ শেমগৎপদা ঐখোয়না পুৱারীদগী তম্বা য়াবা পারাশিং অদুনা য়াম্না মতেং পাংগনি। করিগুম্বা ঐখোয়না হৌখিবা চহিচাগী ঙল্লিঙৈ মতমগী শরুকশিং নীংশিংলবদি, মালেম অসিনা অমাং অতা অমসুং অৱা অনাগী মতম অমদা কমদৌনা চৎলম্বগে হায়না ঐখোয়না খঙগনি হায়না প্রধান মন্ত্রীনা হায়খি। অদুম ওইদুনসু মতম অদুদা ফাওবা, নোংপোক্লোমদগী ওইরবসু নৎত্রগা নোংচুপ্লোমদগী ওইরবসু, মফম খুদিংমক্তা সাইন্তিস্তশিংনা মখোয়গী অচৌবা দিস্কভরীশিংগী থবক তৌখি। নোংচুপ্লোমদা, ঐন্সতৈন, ফর্মি, মেক্স প্লেঙ্ক, নীল্স বোহর অমসুং তেস্লাগুম্বা সাইন্তিস্তশিংনা মখোয়গী চাংয়েং কয়ানা মালেমবু মমীৎ থকহনখি। হায়রিবা মতম অদুমক্তদা, সি.ভি. রমন, জগদিস চন্দ্র বোস, সত্যেন্দ্রনাথ বোস, মেঘনাদ সাহা অমসুং এস. চন্দ্রসেখীনচিংবা সাইন্তিস্তশিংনা মখোয়গী অনৌবা দিস্কভরীশিং পুথোরকখি। নোংপোক অমসুং নোংচুপ্লোমগী খেন্নবা ৱাফম থম্লদুনা ঐখোয়না ঐখোয়গী সাইন্তিস্তশিংগী থবকপু শকখঙবিবা ৱাৎলি। মসিনা মরম ওইদুনা সাইন্সকী মতাংদা ঐখোয়গী খুন্নাইগী য়াম্লবা শরুক্তা খেন্নবগী ৱাখল্লোন অমা পোকহনখি। ঐখোয়না নীংশিংগদবা ৱাফমদি, ঐখোয়না আর্তপু পামজরকপদা মদুনা ইথিল পী, অনৌবা আর্তিস্ত কয়া পুথোকই। ঐখোয়না স্পোর্তস পামলকপদা ঐখোয়না ইথিল ফংই অমসুং অনৌবা শান্নরোয়শিং পুথোকই। মতৌ অসুম্না ঐখোয়না সাইন্তিস্তশিংগী মায় পাকপশিংদা হরাও তয়াম্বা ফোঙদোকপা মতমদা সাইন্স অসি ঐখোয়গী খুন্নাইগী, কলচরগী মহৌশাগী শরুক অমা ওইরকই। অদুনা ঙসি ঐহাক্কী অহানবা রিক্বেস্ততি রাজ্য পুম্নমক্কী মীওইশিংদা ঐহাক্না ঐখোয়গী লৈবাক অসিগী সাইন্তিস্তশিংনা মায়পাকখিবশিং অদুগী মতিক-ময়াই অদুবু নুংঙাইবা ফোঙদোকপীয়ু।
মথং-মথং ঐখোয়গী লৈবাক অসিগী সাইন্তিস্তশিংনা মখোয়গী দিস্কোবরীগী খুত্থাংদা ঐখোয়দা খুদোংচাবা পীরি। ঙসি ঐখোয়না কোরোনাগী ভেক্সিন অমা পুথোকপা ঙম্লিবা, ভেক্সিন দোজ করোর ২০০ হেন্না কাপ্পা ঙম্মিবা, পুম্নমক অসিগী শক্তি অসি ঐখোয়গী সাইন্তিস্তশিংনি। মতৌ অসুম্না ঙসি ভারতকী সাইন্তিস্তশিংনা লম খুদিংমক্তা অঙকপা কয়া তৌরি। ভারতকী সাইন্তিস্তশিংগী অপীকপা অমসুং অচৌবা মাইপাকপা খুদিংমক অসিবু নুংঙাইবা ফোঙদোক্তুনা লৈবাক অসিনা সাইন্সকী ত্রেন্দ অসিনা অমৃত কাল অসিদা চাউনা মতেং পাংলগনি।
মরুপশিং,
ঐখোয়গী সরকারনা সাইন্স বেজ দিবেলপমেন্তগী ৱাখল্লোনগা লোয়ননা মাংদা চংশিল্লি। ২০১৪দগী হৌরগা হৌজিক ফাওবদা সাইন্স অমসুং তেক্নোলোজীগী লমদা শেল থাদবগী চাং মশক থোক্না হেনগৎলক্লি। লৈঙাক্কী থৌরাং অসিনা মরম ওইরগা, গ্লোবেল ইনোভেসন ইন্দেক্সতা ২০১৫দা ৮১শুবদা লৈরম্বদগী, ঙসিদি ভারতনা ৪৬শুবা মফমদা হায়গৎলক্লে। অতেনবা মতমগী মনুংদা ৮১দগী ৪৬তা য়ৌখি অদুবু মসিদা লেপকনু, ঐখোয়না হৌজিক হেন্না ৱাংনা চংশিনগদবনি। ঙসি ভারতনা পেতেন্তশিংগী রেকোর্দ ওইবা মশিংদা পুথোক্লি, অনৌবা ইনোভেসনশিং তৌরি। নখোয়নসু উবা ফংলি ঙসি সাইন্সকী লমদগী স্তার্ত-অপ কয়ানা থৌরম অসিদা শরুক য়ারি। লৈবাক অসিদা লাক্লিবা স্তার্তঅপশিংগী ইথক অসিনা কয়াম খোঙজেল য়াংনা অহোংবা পুরক্লি তাক্লি।
মরুপশিং,
সাইন্স, তেক্নোলোজী অমসুং ইনোভেসনগী মায়কৈদা পুক্নিং চঙশিনবনা ঐখোয়না নহা মীরোলগী দি.এন.এ.দা য়াওরি। মখোয়না য়াম্না থুনা তেক্নোলোজীদা এদাপ্ত তৌই। ঐখোয়না ঙমজবী থাদুনা মতেং পাংশিনবা মথৌ তাই। নহাশিংগী ইনোভেসনগী ৱাখল্লোন অসিবু ঙাক্লৌ পীনবগীদমক থিজিন হুমজিনবা অমসুং ইনোভেসনগী লমদা অনৌবা সেক্তরশিং থোরক্লি। স্পেস মিসন, দীপ ওসীন মিসন, নেস্নেল সুপরকম্প্যুতিং মিসন, সেমিকন্দক্তর মিসন, মিসন হায়দ্রোজেন অমসুং দ্রোন তেক্নোলোজী, অসিগুম্বা মিসনশিংদা খোঙজেল য়াংনা থবক পাইখৎলি। মতৌ অসুম্না এন.ই.পি.না সাইন্স অমসুং তেক্নোলোজীগী এজুকেসনবু মমালোন্দা ফংহন্দুনা হীরম অসিদা ইনোৎ হাপ্লি।
মরুপশিং,
অমৃৎ কালগী অসিদা ভারতবু থিজিন হুমজিনবা অমসুং ইনোভেসনগী মালেমগী মফম অমা ওইহন্নবগীদমক ঐখোয়না চপ মান্নবাম তমদা হীরম কয়াদা থবক পায়খৎপা মথৌ তাই। সাইন্স অমসুং তেক্নোলোজীগা মরী লৈনবা থিজিন হুমজিনবগী থৌওংশিংবু লোকেলগী থাক্তা পুথবা মথৌ তাই। রাজ্যশিংদা মখোয়গী মথৌ তাবগী মতুং ইন্না থিজিন হুমজিনবা অমদি ইনোভেসন য়োকখৎপা মথৌ তাই। খুদম ওইনা কনস্ত্রক্সন অসি য়েংবীয়ু। হিমালয়ন রিজনগা চুনবা তেক্নোলোজী অসি ৱেস্তর্ন ঘাতশিংদা চপ মান্ননা কান্নবা উবা ফংই। লৈকংলাশিংগী মশাগী ওইবা শীংনবশিং লৈজৈ অমসুং সমুদ্র মপালশিংগী মশাগী ওইবা সমস্যাশিং লৈজৈ। মরম অসিনা ঙসি ঐখোয়না শেল চংদনা য়ুম শানবা লাইৎ হাউস প্রোজেক্ত পাইখৎলি, মসিদা তেক্নোলোজীশিং শীজিন্নরি, মখোয়গী চাংয়েং তৌরি। মতৌ অসুম্না সর্ক্যুলর ইকনোমী, ৱেস্র প্রদক্ত রিসাইকল তৌবদা সাইন্সনা মরু ওইবা থৌদাং লৌরি। অসিগুম্বা শীংনবা খুদিংমক লাকশিন্নবা রাজ্য খুদিংমক্না সাইন্স-ইনোভেসন অমসুং তেক্নোলোজীগা মরী লৈণবা মোদর্ন পোলিসী শেম্বা অমসুং ইমপ্লিমেন্ত তৌবা মথৌ তাই।
মরুপশিং,
সরকার অমা ওইনা ঐখোয়না সাইন্তিস্তশিংগা হেন্না হেন্না তেংবাং পীনবা অমসুং চুংশিন্নবা মথৌ তাই, মসিনা লৈবাক অসিদা সাইন্তিফিক মোদর্নিতীগী এতমোস্ফিয়র হেনগৎহনগনি। ইনোভেসনবু সাইন্তিফিক ইন্সতিত্যুসন হেন্না হেন্না শেমগৎপদা অমদি রাজ্য সরকারশিংগী থৌওংশিং লায়থোকহনবদা অহেনবা মীৎয়েং থমদুনা পুক্নিং থৌগৎপা য়াই। রাজ্যশিংদা লৈরিবা হায়র এজুকেসনগী ইন্সতিত্যুসনশিংদা ইনোভেসন লেব মশিং হেনগৎহনগদবনি। রাজ্যশিংদা সাইন্স, তেক্নোলোজী অমসুং ইনোভেসনগী লমদা মতমগা চুনবা পোলিসী থম্বা তাই। হৌজিক হৌজিক হাইপর-স্পেসিএলাইজেসন ইরা চত্থরি। রাজ্যশিংদা মালেমগী থাক্কী স্পেসিএলিস্ত লেবোরেতোরীশিং লিংখৎলি, মসিগী চাউনা মথৌ তাই। মসিদা ঐখোয়গী সরকারনা কেন্দ্রগী থাক্তা, নেস্নেল ইন্সতিত্যুসনশিংগী এক্সপর্তিসকী থাক খুদিংমক্তা অঙম্বা মতেং খুদিংমক পাংলি। স্কুলশিংদা মোদর্ন সাইন্স লেবশিং থম্বগা লোয়ননা ঐখোয়না অতল তিঙ্করিং লেবশিং শেমগৎপগী কেম্পেন খোঙজেল য়াংখৎহল্লি।
মরুপশিং,
রাজ্যশিংদা নেস্নেল লেবেল সাইন্তিফিক ইন্সতিত্যুতশিং, নেস্নেল লেবোরেতোরীশিংসু লৈরে। রাজ্যশিং অসিনা হৌজিক লৈরিবা লৈবাক্কী থাক্কী সাইন্তিফিক ইন্সতিত্যুৎশিং অমসুং লৈবাক্কী লেবোরেতরীশিংগী মঙম অমসুং হৈশিংবগী মপুং ফানা কান্নবা লৌগদবনি। ঐখোয়না সাইন্তিফিক ইন্সতিত্যুসনশিংবু অমদি মখোয়গী হৈশিংববু খ্বাইদগী ফবা মওংদা শীজিন্ননবগীদমক্তা ঐখোয়গী সাইন্সকা মরী লৈনবা ইন্সতিত্যুসনশিংবু পল কয়ানা খাজিল্লিবা অসিদগী লৌথোরক্কদবনি। রাজ্যগী পোতেন্সিএল অমসুং রিসোর্সশিং নীংথিনা শীজিন্ননবা সাইন্তিফিক ইন্সতিত্যুসনশিংগী ওপতিমম য়ুতিলাইজেসন তৌবা চপ মান্ননা তঙাই ফদে। নখোয়গী রাজ্যদসু অসিগুম্বা প্রোগ্রামগী মশিং হেনগৎহনবীয়ু। গ্রাসরুতকী থাক্তা সাইন্স অমসুং তেক্নোলোজী য়ৌহন্নবা হোৎনবা হেনগৎলু। অদুবু ঐখোয়না খঙগদবা ৱাফমদি সাইন্স ফেস্তিবেলশিং অসি হৌজিক্তি রাজ্য কয়াদা পাঙথোক্লি। অদুবু স্কুল কয়ানা মসিদা শরুক য়াদে হায়বা ৱাফম অসি অচুম্বনি। ঐখোয়না স্কুলশিংনা সাইন্স ফেস্তিবেলদা শরুক য়ানবা হোৎনবা তাই। মন্ত্রীশিংদা ঐহাক্না নখোয়গী রাজ্যশিং লোয়ননা অতোপ্পা রাজ্যশিংগী ‘সাইন্স করিকুলম’ য়েংশিন্নবা হায়জনীংই। অতোপ্পা রাজ্যদা মাইপাকপা অদু নখোয়না মতৌ তম্বা য়াই। লৈবাক অসিদা সাইন্স প্রমোৎ তৌনবা রাজ্য খুদিংমক্তা সাইন্স অমসুং তেক্নোলোজীগা মরী লৈনবা ইনফ্রাস্ত্রকচর শেমগৎপা মথৌ তাই।
মরুপশিং,
ভারতকী রিসর্চ অমসুং ইনোভেসন ইকোসিস্তেম অসি মালেমগী খ্বাইদগী ফবা ওইহন্নবা ঐখোয়না অমৃত কাল অসিদা থৱায় য়াওনা হোৎনবা তাই। মাইকৈ অসিদা কনক্লেব অসিনা য়াম্না কান্নবা অমসুং সোল্যুসনশিং পীগদবা ওইরগনি। ঐহাক্না ময়ামদা থাগৎপা ফোঙদোকচরি অমসুং নখোয়গী ব্রেন্দস্তোর্মিং অসিনা সাইন্সকী খোঙজেলদা অনৌবা ইনোৎ অমা হাপ্লগনি, অনৌবা ফিরেপশিং হাপচিল্লগনি। অমসুং মীপুম খুদিংমক্না তুংদা লাক্কদবা খুদোংচাবশিং মাংহনবীনু অমসুং হীরম অমত্তদা খুদোংচাবশিং নান্থোকহনখিদনবা হোৎনগদবনি। ঐখোয়দা মমল য়াম্লবা চহি ২৫ লৈ। লাক্কদৌরিবা চহি ২৫ অসি ভারতকী অনৌবা মশক অমসুং মপাঙ্গল লেপকদৌরিবা মরম্না ভারতকীদমক্তা খ্বাইদগী মরুওইবা চহিশিং ওইরি। অমসুং মরুপশিং নখোয়না নশাগী রাজ্যদা সাইন্স অমসুং তেক্নোলোজীগী লমদা ফোর্স অমা ওইনবা হোৎনবীয়ু। নখোয়গী রাজ্যগী রিসর্চর কয়াগা লোয়ননা লৈবাক অসিনা খুমাং চাউশিনবদা মতেং পাংগদবা অমৃত ফংনবা শোইদনা হোৎনগনি হায়না ঐহাক্না থাজৈ। পুম্নমকপু হন্না-হন্না থাগৎচরি!
***
(Release ID: 1858387)
Visitor Counter : 129
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam