কোল মন্ত্রালয় অমসুং মাইন্স মন্ত্রালয়না লৈবাক অসিদা মিনিরেল এক্সপ্লোরেসন তৌবদা পুক্নিং থৌগৎনবা অমসুং মাইনিং সেক্তরদা কেন্দ্রনা পুরকখিবা হন্দক্কী পোলিসী রিফোর্মশিংগী মতাংদা খঙদোক্নবা অনৌবা অমসুং কান্নগদবা লালোংশিং য়াৎনবা সেপ্তেম্বর ৯ অমসুং ১০দা হাইদরাবাদতা নুমিৎ নিনিগী জাতিগী থাক্কী মাইন্স মন্ত্রীশিংগী ওইবা কনফরেন্স অমা পাঙথোক্কনি।

কোল, মাইন্স অমসুং পার্লিয়ামেন্তরী এফিয়র্সকী কেন্দ্রগী মন্ত্রী, শ্রী প্রলহাদ জোশী, মাইন্স, কোল অমসুং রেলৱেজকী রাজ্য মন্ত্রী, শ্রী রাওসাহেব পাতিল দানবে, কোল, মাইন্স মন্ত্রালয়শিংগী সেক্রেতরীশিং, তোঙান-তোঙানবা রাজ্যশিংগী মন্ত্রীশিং, প্রিন্সিপল সেক্রেতরীশিং (মাইন্স) অমসুং দি.জি.এম.শিং/দি.এম.জি.শিং অমসুং অতোপ্পা মকোক থোংবা থৌপুবশিংনা মরু ওইবা কনফরেন্স আসিদা শরুক য়াগনি। মথংগী চহি ২৫দা মিনরেলশিংগী গ্লোবেল দিমান্দ অসিনা হৌজিক পুথোক্লিবা চাং অসিদগী হেনগৎলক্কনি হায়বা ৱাফম অসি য়েংলগা মিনরেল সেক্তনা ঐখোয়গী অপুনবা চাউখৎ-থৌরাংদা মরু ওইবা থৌদাং লৌগনি। মরম অসিনা জাতিগী থাক্কী মাইন্সকী মন্ত্রীশিংগী কনফরেন্স অসি মিনরেল সেক্তরদা রাজ্য সরকারশিংনা মাইয়োক্নরিবা অপনবশিং অদু খঙদোক্নবা অফবা ফম্পাক অমা ওইরগনি। কনফরেন্স অসিনা মাইন্স মন্ত্রালয় অমসুং তোঙান-তোঙানবা রাজ্য সরকারশিংগী মরক্তা লৈরিবা মরী অসিবু মপাঙ্গল কনখৎহন্নবা পান্দম থম্মি।

কনফরেন্সসিগী হায়লাইৎশিংদা মাইনিং সেক্তরদা পাইখৎপা খোঙথাংশিং অমসুং রাজ্য সরকারশিংনা ফন্দিং তৌবা নেস্নেল মিনরেল এক্সপ্লোরেসন ত্রস্ত (এন.এম.ই.তি.) নীংথিনা শীজিন্নবা হায়বা অসিদা খন্ন-নৈনবশিং য়াওগনি, কর্নাতকা, ওরিশা, মধ্য প্রদেশ, ছত্তিসগর, মহারাস্ত্র, গুজরাতকী রাজ্য সরকারসিংনা প্রজেন্তেসনশিং পীগনি, রাজ্য সরকারশিংনা লিলাম লাউখিবগী স্তেতসকী প্রজেন্তেসনশিং পীগনি অমসুং নোতিফাইদ প্রাইবেৎ এক্সপ্লোরেসন এজেন্সীশিং (এন.পি.ই.এ.শিং)গা লোয়ননা ৱারী শাগনি।

কনফরেন্সকী নিনি শুবা নুমিৎতা কোল মন্ত্রালয়না কোল সেক্তরদা পুরকখিবা রিফোর্মশিং অমসুং মখোয়গী শাফু, কোল মাইনিং প্রোজেক্তশিংগীদমক লম লৌশিনবগী এপ্রোচশিং অমসুং কোল লোজিস্তিক্সকী মতাংদা তোঙান-তোঙানবা প্রজেন্তেসনশিং পীগনি। হান্ননা এলোৎ তৌখ্রবা কোল মাইনশিংগী ওপরেস্নেলাইজেসন অমসুং মখোয়গী স্তেতসকী মতাংদসু মীৎয়েং চংগনি।

মসিগী মথক্তা রাজ্য সরকারশিংগী মাইনিং মন্ত্রীশিং, কোল মন্ত্রালয়গী সেক্রেতরী, দা. অনিল কুমার জেন অমসুং কোল ইন্দিয়া লিমিতেদকী চিয়রমেন, শ্রী প্রমোদ অগরৱালনা নিনিশুবা নুমিৎতা কনফরেন্স অসিদা ৱা ঙাংগনি।

****