आज सकाळी 7 वाजता प्राप्त झालेल्या प्राथमिक अहवालातील आकडेवारीनुसार, भारताच्या कोविड-19 प्रतिबंधक लसीकरण मोहिमेत देण्यात आलेल्या लसीच्या मात्रांच्या संख्येने 213 कोटी 72 लाख मात्रांचा (2,13,72,68,615) टप्पा ओलांडला आहे.

देशातील 12 ते 14 वर्ष वयोगटातील मुलामुलींसाठीची कोविड-19 प्रतिबंधक लसीकरण मोहीम 16 मार्च 2022 रोजी सुरु झाली. आतापर्यंत 4.04 कोटींहून अधिक (4,04,84,204) किशोरवयीन मुलामुलींना कोविड-19 प्रतिबंधक लसीची पहिली मात्रा देण्यात आली आहे. त्याचप्रमाणे, देशातील वय वर्षे 18 ते 59 या गटातील नागरिकांना कोविड-19 लसीची खबरदारीची मात्रा देण्याची मोहीम देखील 10 एप्रिल 2022पासून सुरु करण्यात आली आहे.

आज सकाळी 7 वाजता प्राप्त झालेल्या प्राथमिक अहवालातील आकडेवारीनुसार, आतापर्यंत देण्यात आलेल्या कोविड प्रतिबंधक लसीच्या एकूण मात्रांची गटनिहाय आकडेवारी खालीलप्रमाणे आहे:

भारतातील कोविड सक्रीय रुग्णसंख्या आता 52,336 इतकी आहे, देशातील आतापर्यंतच्या एकूण कोविड बाधितांच्या तुलनेत ही सख्या 0.12 टक्‍के आहे.

त्यामुळे, भारतातील कोविड रुग्ण बरे होण्याचा दर आता 98.69 टक्‍के झाला आहे. गेल्या 24 तासांत 6,032 रुग्ण कोविड आजारातून बरे झाले आहेत. देशात महामारीची सुरुवात झाल्यापासून आतापर्यंत कोविड-19 आजारातून पूर्णपणे बऱ्या झालेल्या रुग्णांची संख्या आता 4,38,86,496 झाली आहे.

गेल्या 24 तासांत, देशात नव्या 4,417 कोविड रुग्णांची नोंद झाली.

गेल्या 24 तासांत देशात कोविड संसर्ग तपासण्यासाठी एकूण 3,67,490 चाचण्या करण्यात आल्या. देशात आतापर्यंत एकंदर 88 कोटी 77 लाखांहून अधिक (88,77,46,764) चाचण्या करण्यात आल्या आहेत.

देशात साप्ताहिक पॉझिटीव्हिटी दर सध्या 2.06% आहे आणि दैनंदिन पॉझिटीव्हिटी दर 1.20 % इतका नोंदला गेला आहे.

***

GopalC/BS/DY

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai