ভারতকী রাস্ত্রপতি, শ্রীমতি দ্রৌপদী মুর্মুনা ওজাশিংগী নুমিৎনা লাকপদা ঙসি (সেপ্তেম্বর ৫, ২০২২)দা নই দিল্লীগী বিজ্ঞান ভবন্দা পাঙথোকপা থৌরম অমদা লৈবাক শিনবা থুংবদগী ওজা ৪৫দা নেস্নেল এৱার্দশিং পীখ্রে।

থৌরম অসিদা ৱা ঙাংলদুনা রাস্ত্রপতিনা মহাক্কী ওজাশিংবু নীংশিংখ্রে অমসুং মখোয়না মঙোন্দা তাকপী-তম্বীবা খক্তা নত্তনা মহাকপু নুংশিবীখি অমসুং ইথিল পীখি হায়না মহাক্না ফোঙদোকখি। মহাক্কী ইমুং-মনুং অমসুং ওজাশিংনা লমজিংবীদুনা ফংখিবা থৌনা অদুনা মহাক্না মহাক্কী খুঙ্গংদগী কোলেজ তমখিবা অহানবা নুপীমচা ওইবা ঙমখি। মহাক্না ঙসি পুন্সিদা মাইপাকপা ঙম্লিবা খুদিংমক অসিগীদমক মহাক্কী ওজাশিংগী লমন মতম চুপ্পদা তোনশিন্দুনা লৈরগনি হায়না মহাক্না ফোঙদোকখি।

রাস্ত্রপতিনা হায়খি ঙসিগী নোলেজ ইকনোমী অসিদা সাইন্স, রিসর্চ অমসুং ইনোভেসন্না চাউখৎপদা তঙাই ফদে। লমশিং অসিদা ভারতনা কল্লিবা মফম অসি মপাঙ্গল কনখৎহন্নবগীদমক স্কুল এজুকেসনগী খুত্থাংদা মসিগী য়ুম্ফম থোনগনি। মহাক্না হায়, মহাক্কী ৱাখল্লোন্দা সাইন্স, লিতরেচর, নত্ত্রগা সোসিএল সাইন্সেসকী তশেংবা তেলেন্ত শেমগৎপা অসি ইমা লোলগী খুত্থাংদা হেন্না কান্নবা ফংগনি। ঐখোয়না অঙাং ওইরিঙৈ মতমদা হিংবগী কলা অসিবু ঐখোয়দা তাকপীখিবা অদু ঐখোয়গী ইমাশিংনি। মরম অসিনা মহৌশাদগী লোইনরক্লবা তেলেন্ত অসি হেনগৎহনবদা ইমা লোলনা চাউনা মতেং পাংগনি। ইমাগী মতুংদা ওজাশিংনা ঐখোয়গী পুন্সিদা ঐখোয়দা তাকপী-তম্বী। করিগুম্বা ওজাশিংনা মখোয়গী মমা লোলদা তাকপা হৌরবদি মহৈরোয়শিংনা মখোয়গী তেলেন্ত অদু লায়না হেনগৎহনবা ঙমগনি। মরম অসিনা নেস্নেল এজুকেসন পোলিসী ২০২০না স্কুল এজুকেসন অমসুং হায়র এজুকেসনগীদমক ভারতকী লোলশিং শীজিন্ননবা মীৎয়েং চংখি।

রাস্ত্রপতিনা হায়খি মহৈরোয়শিংগী মরক্তা সাইন্স অমসুং রিসর্চতা পুক্নিং চংহনবা হায়বা অসি ওজাশিংগী থৌদাংনিখ অফবা ওজাশিংনা অরুবা প্রিন্সিপলশিংবু মহৌশাদা লৈরিবা অহিংবা খুদমশিংগী মতেংগা লোয়ননা লাইনা শন্দোকপা তাকপা ঙম্মি। মহাক্না ওজাশিংগী মরমদা মীয়াম্না হায়না ৱাহৈশিং অদু নীংশিংখি অমসুং মহাক্না হায়, “দি মেদিওকর তীচর তেল্স; দি গুদ তীচর এক্সপ্লেন্স; সি সুপেরিয়র তীচর দেমোন্সত্রেৎস; এন্দ দি গ্রেৎ তীচর ইনস্পায়র্স”। মহাক্না হায়খি মদুদি অফবা ওজা অমদা গুন মরিমক য়াওই। অসিগুম্বা অফবা ওজাশিংনা মহৈরোয়শিংগী পুন্সি শেম্বীদুনা জাতি অমা শেমগৎলি।

মহৈরোয়শিংদা ৱাহংশিং হংবগী অমসুং খঙদবশিং হংবগী হৈনবী লৈহন্নবা পুক্নিং থৌগৎনবা রাস্ত্রপতিনা ওজাশিংদা হায়খ্রে। মহাক্না হায়, ৱাহং কয়া কয়া খুম্বা অমসুং খঙদবা কয়া কোকহনবা অসিনা মখোয়গী লৌশিং হেনগৎহনগনি। অফবা ওজা অমনা মতম চুপ্পদা করিগুম্বা অনৌবা খরা তমশিন্নীংবগী ইথিল পোক্কদবনি।

রাস্ত্রপতিনা পীখিবা ৱারোল য়েংনবা মসিদা নম্বীয়ু -

***