সাইন্স অমসুং তেক্নোলোজী মন্ত্রালয়
সাইন্স সিতী অহমদবাদতা পাঙথোক্কদবা স্তেত এস. এন্দ তি. মন্ত্রীশিংগী গুজরাত সাইন্স কনক্লেবতা কেন্দ্রগা খুৎশম্ননা চৎমিন্নদুনা পুনশিন্নবা থৌওংগী খুত্থাঙদা স্তেত-স্তেতকী ওইবা অখন্নবা তেক্নোলোজী অমসুং ইনোভেসন থিজিন্নবা অমদি মদুবু শীজিন্নদুনা হেন্না চাউখৎহন্নবা খন্নগদৌরি
সেপ্তেম্বর ১০, ২০২২দা সাইন্স সেন্তর অহমদবাদতা প্রধান মন্ত্রী নরেন্দ্র মোদীনা হৌদোক্কদবা নুমিৎ নিনিগী কনক্লেব অসিগী শেম শারিবশিং কেন্দ্র মন্ত্রী দোক্তর জিতেন্দ্র সিংহনা য়েংশিনখ্রে
কনক্লেব অসিগী বোর্দ থীম স্তেতশিংগী এস. এন্দ তি.গী শিংনবশিং থেংননবা এস. এন্দ তি. সেক্তরগী ভিজন ২০৪৭ অমা পুথোকপনা ওইগনি: দোক্তর জিতেন্দ্র সিংহ
স্তেত এস. এন্দ তি. মন্ত্রীশিংগা লোয়ননা লৌউ শিংউ, ঈশিং, ইনর্জী, হকশেল, মহৈ মশিং অমসুং দীপ সী মিসনগী মরমদা পাঙথোক্কদবা প্লেনরী সেসনশিংনা কনক্লেব অসিগী অখন্নবা মশক ওইগনি
স্তার্ত অপ অমসুং ইন্দস্ত্রী ১০০ হেনবগী সি.ই.ও.শিংগা পাঙথোক্কদবা অখন্নবা সেসন অমনা স্তেশিংনা থেংতরিবা তোপ তোপ্পা প্রোব্লেমশিংগী স্তেত-স্তেতকী ওইবা অকক্নবা পাম্বৈশিং পুথোক্নবা হোৎনগনি
Posted On:
04 SEP 2022 2:26PM by PIB Imphal
সাইন্স সেন্তর অহমদবাদতা প্রধান মন্ত্রী নরেন্দ্র মোদীনা হৌদোক্কদবা নুমিৎ নিনিগী ওইবা স্তেত এস. এন্দ তি. মন্ত্রীশিংগী গুজরাত সাইন্স কনক্লেবতা কেন্দ্রগা খুৎশম্ননা চৎমিন্নদুনা পুনশিন্নবা থৌওংগী খুত্থাঙদা স্তেত-স্তেতকী ওইবা অখন্নবা তেক্নোলোজী অমসুং ইনোভেসন থিজিন্নবা অমদি মদুবু শীজিন্নদুনা হেন্না চাউখৎহন্নবা খন্নগদৌরি।
ৱাফম অসি সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সকী রাজ্য মন্ত্রী (ইন্দিপেন্দেন্ত চার্জ); পি.এম.ও., পর্সোনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেসকী এম.ও.এস. দোক্তর জিতেন্দ্র সিংহনা সেপ্তেম্বর ১০, ২০২২দগী হৌদুনা পাঙথোক্কদবা নুমিৎ নিনিগী কনক্লেব অসিগী শেম শারিবশিং য়েংশিল্লবা মতুংদা ফোঙদোকখিবনি।
![](https://static.pib.gov.in/WriteReadData/userfiles/image/image001ZFXR.jpg)
কনক্লেব অসিগী বোর্দ থীম স্তেতশিংগী এস. এন্দ তি.গী শিংনবশিং থেংননবা অমদি স্তেতশিংগী মথৌ তাবা অমসুং স্তেতশিংদা এস.তি.আই.গী ফ্যুচর গ্রোথ পাথৱে অমসুং ভিজন পুথোক্নবা এস. এন্দ তি. সেক্তরগী ভিজন ২০৪৭ অমা পুথোকপনা ওইগনি হায়না দোক্তর জিতেন্দ্র সিংহ ফোঙদোকখি। স্তেত খুদিংগী ওইবা প্রাইওরিতীশিংগী চাউরাকপা মেপ্পিং, শিংনবশিং, ওইহন্নিংবা ফীভমশিং অমসুং তেক্নোলোজীগী মথৌ তাবশিং কেন্দ্রগী তোঙান তোঙানবা এস. এন্দ তি.গী লোয়শঙশিংগা খুৎশম্ননা চৎমিন্নবনা পুরকপা ঙমগনি হায়না মহাক্না হায়খি।
অফবা মহৈ পুরক্নবগীদমক স্তেত/য়ু.তি.শিংনা দি.এস.তি., দি.বি.তি., সি.এস.আই.আর., এম.ও.ই.এস., দি.এ.ই. অমসুং দি.ও.এস. হায়রিবা সাইন্সকী লোয়শঙ ৬গা পুন্না চৎমিন্নবা য়াগনি হায়না মন্ত্রীনা ফোঙদোকখি। কনক্লেব অসিদা লোয়শঙ তরুকমক্কী লোয়ননা ইন্দস্ত্রীশিংগী মীহুৎশিংনা শরুক য়াগনি হায়না মহাক্না মখা তাখি।
“আর. এন্দ দি.দা ২০৩০ ফাওবদা প্রাইভেৎ সেক্তরনা শেল থাদবা শরুক অনি হেনগৎহনবা” অমসুং লৈবাকসিগী অমসি স্তেতশিংগী মপুং ওইবা শেন্মিৎলোন্দা মতেং পাংশিনবনা মোদী লৈঙঙাক্কী আত্মনিরভরগী খোল্লাউগা চুননা পাঙথোক্কদৌরিবা সাইন্স কনক্লেব অসিগী মরুওইবা এজেন্দা অমসু ওইগনি হায়না দোক্তর জিতেন্দ্র সিংহনা পাউদমখি। আর. এন্দ দি.দা প্রাইভেৎ সেক্তরনা শেল থাদবা হেনগৎহন্নবা অমদি ভারতকী স্তেতশিংগী মরক্তা তেংবাংনবগী ফীভম শেমগৎপগী মতাঙদা ৱারী শানবগী মীফম্না খন্ন-নৈনবা অসিদা মফম চাউনা কনগনি হায়না মহাক্না হায়খি।
![](https://static.pib.gov.in/WriteReadData/userfiles/image/image002FOLZ.jpg)
লৌউ-শিংউগী লমদা লৌমীশিংগী শেন্থোক হেনগৎহন্নবা মথৌ তারিবা তেক্নোলোজীগী ইন্তরভেন্সন, দিসেলিনেসনগুম্বা তেক্নোলোজীশিং শীজিন্নবা য়াওনা থক্নবা অফবা ঈশিং পুথোক্নবগী ইনোভেসন, দি.এস.তি.না পুথোকপা হেলি বোর্ন থৌওংশিং, হাইদ্রোজেন মিসন্দা এস. এন্দ তি.গী থৌদাং য়াওনা পুম্নমক্তা ক্লীন ইনর্জী ফংহনবা, এম.ও.ই.এস.কী দীপ সী মিসন অমসুং সমুদ্র খোঙবালগী স্তেত/য়ু.তি.শিংগী লোয়ননা লৈবাকসিগী শেন্মিৎলোনগা মসিগা মরী লৈনবা, দিজিতেল হেল্থকেয়র ফোর ওল অমসুং নেস্নেল এজুকেসন পোলিসীগা সাইন্সকা পুন্না চৎমিন্নবা অসিনচিংবা হীরমশিংদা স্তেতশিংগী সাইন্স অমসুং তেক্নোলোজী মন্ত্রীশিংগা লোয়ননা প্লেনরী সেসনশিংসু মীফম অসিগী মনুং চন্না পাঙথোক্কনি হায়না দোক্তর জিতেন্দ্র সিংহনা ফোঙদোকখি।
স্তার্ত অপ অমসুং ইন্দস্ত্রী ১০০ হেনবগী সি.ই.ও.শিংগা পাঙথোক্কদবা অখন্নবা সেসন অমনা স্তেশিংনা থেংতরিবা তোপ তোপ্পা প্রোব্লেমশিংগী স্তেত-স্তেতকী ওইবা অকক্নবা পাম্বৈশিং পুথোক্নবা হোৎনগনি হায়না দোক্তর জিতেন্দ্র সিংহনা ফোঙদোকখি। স্তেকহোল্দর পুম্নমক্তগী থাদরকপা শেন্ফমশিংগা লোয়ননা স্তেত লৈঙাকশিংগা পুন্না থবকা পায়খৎমিন্ননিংবা মতিং লৈবা স্তার্ত-অপশিংদা সাইন্স দিপার্তমেন্ত ৬তগী মথৌ তাবা ঙাক্লৌ পুম্নমক ফংহনগনি হায়নাম মন্ত্রীনা ৱাশকখি।
হন্দক্কী কন্ফরেন্স অসি তোঙান তোঙানবা স্তেত/য়ু.তি.শিংগী মরী লৈনগদবা অনৌবা তেক্নোলোজীশিং অমসুং “ইজ ওফ লিভিং” মপুংফানা লৈহনবদা মখোয়বু শীজিন্নবা হায়বসিদা মীৎয়েঙ থমদুনা তোঙানবা ফোর্মেৎ অমদা পাঙথোক্কদৌরি হায়না দোক্তর জিতেন্দ্র সিংহনা হায়খি। মীফম অসিনা কেন্দ্র অমসুং স্তেতশিংগী মরক্তা লৈরিবা পল অসিবু লৌথোক্তুনা লৈবাক পুমবদা হেন্না মপুং ফাবা পুনশিনবগী মওংদা সাইন্স তেক্নোলোগী অমসুং ইনোভেসন (এস.তি.আই.) ইকোসিস্তেম মপাঙ্গল হেন্না কনখৎহনগনি হায়নসু মহাক্না ফোঙদোকখি।
স্তেত ২৮গী সাইন্স অমসুং তেক্নোলোজী মন্ত্রীশিং, য়ু.তি. ৮গী এদমিনিস্ত্রেতরশিং, চীফ সেক্রেতরী, স্তেতশিংগী সাইন্স অমসুং তেক্নোলোজীগী প্রিন্সিপাল সেক্রেতরী ইন-চার্জ য়াওনা স্তেতশিংগী মরুওইবা ওফিসিএলশিং অমসুং দি.এস.তি., দি.বি.তি., দি.এস.আই.আর., এম.ও.ই.এস., দি.এ.ই., দি.ও.এস., আই.সি.এম.আর., জল সক্তি, এম.ও.ই.এফ. অমসুং সি.সি., এম.এন.আর.ই.নচিংবা ভারত লৈঙাক্কী সাইন্স সেক্রেতরী পুম্নমক কন্ফরেন্স অসিদা শরুক য়াগনি হায়না পানরি।
নুমিৎ নিনিগী সাইন্স অমসুং তেক্নোলোজী কনক্লেব অসিনা থবক ওইনা পাঙথোক্কদবা ৱারেপ কয়া লৌদুনা অনৌবা মাইওন অমা পুরক্কনি অমসুং স্তেত অমদি য়ু.তি. পুম্নমক্তা নেস্নেল এস.তি.আই. পোলিসীগী চুশিন্নবা মখোয় মখোয়গী ওইবা এস.তি.আই. পোলিসী অমমম শেম্নবা খঙহনগনি হায়না দোক্তর জিতেন্দ্র সিংহনা ফোঙদোকখি।
![](https://static.pib.gov.in/WriteReadData/userfiles/image/image003PN1Z.jpg)
কনক্লেব অসিদা খন্নগদবা চাউরাকপা হীরমশিংগী মতাঙদা ৱা ঙাঙলদুনা, দোক্তর জিতেন্দ্র সিংহনা সাইন্স অমসুং তেক্নোলোজী, কেন্দ্র অমসুং স্তেতশিংগী মরক্তা এস.তি.আই.গী ইন্ফোর্মেসন অমসুং দেতাশিং ফাওদোক ফাওজিন তৌহন্নবা মেকানিজম শেমগৎপা, মরুওইবা তেক্নোলোজীগী লমশিংদা স্তেতশিংগী সাইন্তিস্ত, তেক্নোলোজিস্ত অমসুং প্রোফেস্নেলশিংগী কেপাসিতী শেমগৎপগী লমদা কেন্দ্র অমসুং স্তেতশিংগী মরক্তা হেন্না মতি লৈনা পুন্না চৎমিন্নবগী ফীভম পুরক্নবা কনক্লেব অসিনা পান্দম থম্লি হায়না দোক্তর জিতেন্দ্র সিংহনা হায়খি। স্তেতশিংগী আর. এন্দ দি.দা প্রাইভেৎ সেক্তরশিং শরুক য়াহনববু য়োকখৎনবা কেন্দ্র অমসুং স্তেতশিংনা পুন্না থবক পায়খৎমিন্নগনি অমদি অচৌবা অমসুং মতম শাংনা চৎকদবা “খ্বাইদগী ৱাংবা থাক্তা এস.তি.আই.গী লমদা কেন্দ্র অমসুং স্তেতশিংগী মরক্তা পুন্না চৎমিন্ননবা অমসুং য়েংশিনমিন্ননবা মেকানিজম” অমা থম্ননবা হোৎনগনি হায়না মহাক্না ফোঙদোকখি।
<><><><><><>
(Release ID: 1856658)
Visitor Counter : 151