নহারোল অমসুং শান্ন-খোৎনবগী মন্ত্রালয়
য়ুনিয়ন হোম মিনিস্তর শ্রী অমিত সাহনা হয়েং অহমেদবাদতা ৩৬শুবা নেসনেল গেমসকী এন্থেম অমসুং মাস্কোত হৌদোক্কনি
নিংথিরবা কর্তেন-রাইজর থৌরম অদুদা গুজরাতকী চীফ মিনিস্তর শ্রী ভুপেন্দ্র পতেল অমসুং য়ুনিয়ন মিনিস্তর শ্রী অনুরাগ থাকুর শরুক য়াগনি
Posted On:
03 SEP 2022 4:43PM by PIB Imphal
নোংমাইজিং নুমিৎকী নুমিদাংৱাইরমদা শক্নাইরবা মীওইশিং শরুক য়াদুনা অহমেদবাদকী ইকা এরেনা ত্রান্সস্তদিয়াদা ৩৬শুবা নেসনেল গেমসকী কর্তেন রাইজরগী থৌরম পাংথোক্লগনি। চিংলেম্লবা থৌরম অদুদা য়ুনিয়ন হোম মিনিস্তর শ্রী অমিত সাহ, গুজরাতকী চীফ মিনিস্তর শ্রী ভুপেন্দ্র পতেল অমসুং য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী অনুরাগ থাকুর শরুক য়াগনি। নিংথিরবা থৌরম অদুদা রাজ্য অদুগী তোঙান-তোঙানবা মফমশিংদগী লাকপা শক্নাইরবা মীওই ৯,০০০ হেন্না শরুক য়াগনি।
কার্তেন-রাইজর থৌরম অদুদা গেমসগী এন্থেম অমসুং মাস্কোত হৌদোক্কনি অমসুং লৈবাক অসিদা খ্বাইদগী চাউবা শান্ন-খোৎনবগী থৌরম হৌদোকপা ওইনা ৱেবসাইত অমা অমসুং মোবাইল এপ্লিকেসন হাংদোক্কনি।
গুজরাতকী চীফ মিনিস্তর শ্রী ভুপেন্দ্র পতেলনা হায়খি ঐখোয়না নেসনেল গেমসকী য়ুম্বু ওইবদা অপেনবা পোকই অমসুং হরাওই। ভারতকী মমিং লৈরবা শান্নরোয়শিং অমসুং ওফিসিএলশিং ঐখোয়না খৌরাংনা ঙাইরি অমসুং গেমস অসি খ্বাইদগী ফবা অমা ওইহন্নবা অউপ্পা উনা লোংনা হাইদোক্তুনা অকনবা থবকশিং পায়খৎলি।
থৌরম অদুদা শরুক য়াগদবা অতোপ্পা শক্নাইরবা মীওইশিংগী মনুংদা গুজরাতকী স্পোর্তস, কলচর অমসুং কলচরেল এক্তিবিতিসকী মিনিস্তর হার্স সংবি, অহমেদবাদকী মেয়োর কিরিতকুমার জে. পারমার, ইন্দিয়ান ওলেম্পিক এসোসিএসনগী এক্তিং প্রসিদেন্ত অনিল খন্না অমসুং য়ুথ এফেয়ার্স অমসুং স্পোর্তসকী সেক্রেতরি শ্রীমতি সুজতা চতুরবেদি, আই.এ.এস য়াওরি।
চহি ৭গী মতুংদা পাংথোক্কদৌরিবা ৩৬শুবা নেসনেল গেমস অসিগী থিমদি শান্নবগী খুৎথাংদা অপুনবগী শক্তম হরাও-তয়াম্বা হায়বনি অমসুং গেমস অসি সেপ্তেম্বর ২৯দগী ওক্তোবর ১২ ফাওবা পাংথোক্কনি।
রাজ্য অসিগী সহর ৬ হায়বদি অহমেদবাদ, গান্ধীনগর, সুরত, ভাদোদারা, রাজকোত অমসুং ভাবনগরদা শান্নবগী থৌরমশিং পাংথোক্কনি। নিউ দিল্লিদা ত্রেক সাইক্লিংগী থৌরমশিং পাংথোক্কনি।
ওলেম্পিক্কী মশান্নশিং য়াওনা তোঙান-তোঙানবা মশান্না ৩৬দা লৈবাক অসিগী তোঙান-তোঙানবা রাজ্য ২৮ অমসুং য়ু.তি ৮দগী লাকপা শান্নরোয় ৭,০০০ রোম শরুক য়াগনি হায়না পানরি। অহানবা ওইনা নেসনেল গেমস অসিদা মহৌশাগী মশান্না মাল্লাখাম্ব অমসুং য়োগা শরুক য়াগনি।
গেমস অসি ২০১৫দা ইকোন-কোন্না কেরলাদা পাংথোকখি।
*****
(Release ID: 1856538)
Visitor Counter : 123