ঙাকশেল মন্ত্রালয়

প্রধান মন্ত্রী শ্রী নরেন্দ্র মোদীনা কোচীদা ভারতকী অহানবা লমদম অসিদা শাজবা এয়রক্রাফ কেরিয়র আই.এন.এস. বিক্রান্ত ওইনা কম্মিসন তৌখ্রে


“আই.এন.এস. বিক্রান্ত অসি শুপ্নগী ৱারশিপ অমা খক্তা নত্তে। মসি ২১শুবা চহিচাগী ভারতকী হোৎনবা কনবা, হৈশিংবা, হোংলক্লিবা অহোংবশিং অমসুং অচেৎপা ফিরেপকী খুদম অমনি”

আই.এন.এস. বিক্রান্ত অসি ইন্দিজিনসকী মতিক-ময়াই, ইন্দিজিনেসকী রিসোর্সশিং অমসুং ইন্দিজিনস স্কিলশিংগী খুদম অমনি: পি.এম.

লোইলম লৈঙাক্কী হৌখ্রবা মতম অদুবু থাদোকপা ওইনা পি.এন.না অনৌবা নেবল এনসাইন অমা মাইখুম হাংখি, এনসাইন অসিবু ছত্রপতি শিবাজীদা কত্থোকখি

ঙাকশেল মন্ত্রীনা আই.এন.এস. বিক্রান্ত অসি এস্পিরেস্নেল অমসুং আত্মনির্ভর ওইবা ‘অনৌবা ভারত’কী মশেক মঙাল য়াওবা খুদম অমনি হায়খ্রে

“মথংগী চহি ২৫দা জাতি অসিবু শাফনা থম্নবা অমসুং ঙাকশেল পীনবা ঐখোয়গী ফিরেপকী খুদমনি”

আই.এন.এস. বিক্রান্তনা লৈবাক অসিগী ঙাকশেল অমসুং শেন্মীৎলোন ঙাকশেনগনি: শ্রী রাজনাথ সিংহ

Posted On: 02 SEP 2022 12:02PM by PIB Imphal

লৈবাক অসিগী ইন্দিজিনস মেন্যুফেকচরিং হেনগৎলজলিবা অসি উৎলদুনা অমসুং ‘আত্মনির্ভর ভারত’কী মাইকৈদা মরু ওইবা পন্দুপ ওইনা প্রধান মন্ত্রী শ্রী নরেন্দ্র মোদীনা সেপ্তেম্বর ০২, ২০২২দা কোচিন শিপয়ার্দ লিমিতেদ (সি.এস.এল.)দা লৈবাক অসিগী অহানবা ইন্দিজিনস এয়রক্রাফ কেরিয়র ইন্দিয়ন নেবেল শিপ (আই.এন.এস.) বিক্রান্ত ওইনা কম্মিসন তৌখ্রে। থৌরম অদুদা প্রধান মন্ত্রীনা লোইলম লৈঙাক্কী হৌখ্রবা মতমবু কাউথোক্লদুনা মমল য়াম্লবা ভারতকী মেরিতাইম হেরিতেজকা চুনবা অনৌবা নেবেল এনসাইন (নিশান)সু মাইখুম হাংখ্রে। মহাক্না অনৌবা এনসাইন অসিবু ছত্রপতি শিবাজীদা কত্থোকখি।

থৌরম অসিদা ৱা ঙাংলদুনা প্রধান মন্ত্রীনা হায়খি ঙসি কেরলদাগী সমুদ্র খোঙবান অসিদা ভারত, ভারত মচা খুদিংমক্না অনৌবা তুংলমচৎকী মঙাল অমা উবা ফংলি। আই.এন.এস. বিক্রান্তগী মতাংদা পাঙথোক্লিবা থৌরম অসি মালেমগী থাক্তা ভারতকী হেনগৎলক্লিবা থৌনা-লিংজেলবু ইকাই খুম্নবা উৎপনি। মহাক্না হায়খি মদুদি ঙসি ঐখোয়না নীংতম লান্মীশিংনা খঞ্জরম্বা মতিক ময়াই লৈবা অমসুং মপাঙ্গল কনবা ভারত অমগী মঙলান অদু মঙফাওনবা উবা ফংলি। প্রধান মন্ত্রীনা ফোঙদোকখি, “বিক্রান্ত অসি পাকচাউই। বিক্রান্ত অসি তোপ-তোপ্পি, বিক্রান্ত অসি অখননৈ। বিক্রান্ত অসি শুপ্নগী ৱারশিপ অমা খক্তা নত্তে। মসি ২১শুবা চহিচাগী হোৎনবা কনবা, হৈশিংবা, হোংলক্লিবা অহোংবশিং অমসুং অচেৎপা ফিরেপকী খুদম অমনি। করিগুম্বা পান্দমশিং অদু লাপ্না লৈরবা, খোঙচৎশিং অদু শাংলবা, সমুদ্র অমসুং শীংনবশিংনা লোইনাইদ্রবদি – ভারতকী পাউখুম অসি বিক্রান্তনি। আজাদী কা অমৃত মহোৎসবকী চাংদম্নবা য়াদ্রা অমৃত অদুদি বিক্রান্তনি। বিক্রান্ত অসি ভারতনা আত্মনির্ভর ওইবগী অখন্নবা মমি অমনি”।

জাতিগী অনৌবা মতৌ অসিগী মতাংদা প্রধান মন্ত্রীনা হায়খি, ঙসিগী ভারতকীদমক শীংনবা অমত্তা অচৌবা ওইদে। মহাক্না হায়খি, “ঙসি ভারতনা অসিগুম্বা ইন্দিজিনস তেক্নোলোজীগা লোয়ননা অচৌবা এয়রক্রাফ কেরিয়র শারিবা মালেমগী লৈবাকশিংগী মরক্তা য়াওখি। ঙসি আই.এন.এস. বিক্রান্তনা লৈবাক অসিবু  অনৌবা থাজবনা থলহনখি, অমসুং লৈবাক অসিদা অনৌবা থাজবা অমা পোকহনখি”। প্রধান মন্ত্রীনা নভী, কোচিন শিপয়ার্দকী ইঞ্জিনীয়রশিং, বিজ্ঞানিকশিং অমসুং মরু ওইনা প্রোজেক্ত অসিদা থবক তৌরিবা শিন্মীশিংদা তৌবিমল খঙবা উৎখি অমসুং মখোয়না শরুক তম্লিবা অদুবু থাগৎপা ফোঙদোকখি। প্রধান মন্ত্রীনা হায়খি ওনামগী নুংঙাইরবা অমসুং য়াইফরবা থৌরম অসিনা থৌরম অসিদা হেন্না মগুন হাপলি।

আই.এন.এস. বিক্রান্তগী শরুক খুদিংমক্কী মশাগী ওইবা কান্নবশিং, পাঙ্গল, চাউখৎ খোঙচৎ লৈজৈ। মসি ইন্দিজিনসকী মতিক-ময়াই, ইন্দিজিনেসকী রিসোর্সশিং অমসুং ইন্দিজিনস স্কিলশিংগী খুদম অমনি। মাগী এয়রবেসতা ইনস্তোল তৌরিবা স্তীল অসি ইন্দিজিনস ওই, মসি দি.আর.দি.ও.গী বিজ্ঞানিকশিংনা দিবেলপ তৌখি অমসুং ভারতকী কম্পনীশিংনা পুথোকখি হায়না মহাক্না ফোঙদোকখি। কেরিয়র অসিগী অচৌবা মওং-মতৌ অসিবু শন্দোক্না তাক্লদুনা প্রধান মন্ত্রীনা হায়খি মসি তাওদুনা লৈরিবা সহর অমগা পাঙ্খক ওই। মহাক্না য়ুমথোং ৫০০০দা মৈ মরাং কাইনা পীবা ঙম্বা ইলেক্ত্রিসতী পুথোকই অমসুং মসিদা শীজিন্নরিবা তরা অসিনা কোচীদগী কাশী য়ৌগনি হায়না মহাক্না ফোঙদোকখি। মহাক্না হায়খি আই.এন.এস. বিক্রান্ত অসি মহাক্না লাল কিলাগী লানবন্দগী লাউথোকখিবা পাঞ্চ প্রনশিংগী ৱাখল্লোন অদুগী হিংদুনা লৈরিবা অপুনবা খুদম অমনি।

প্রধান মন্ত্রীনা ভারতকী মেরিতাইম ত্রেদিসন অমসুং নেবলগী তৌবা ঙম্বশিংগী মতাংদা ফোঙদোকখি। ছত্রপতি ভীর শিবাজী মহারাজনা সমুদ্রগী শক্তিগী মপাঙ্গল শীজিন্নদুনা অসিগুম্বা নেভী শাখি, মসিনা য়েকনবশিংদা অকিবা পোকহনখি। ব্রিতিশনা ভারত্তা লাকপা মতমদা ভারতকী জহাজশিংগী শক্তিদা অকিপা পোকখি অমসুং মখোয়গী খুত্থাংদা ললোন-ইতিক তৌখি। মখোয়না ভারতকী মেরিতাইম শক্তি অসিবু মাইথিবা পীনবা ৱারেপ লৌখি। মতম অদুদা ব্রিতিশ পার্লিয়ামেন্তদা আইন শেমদুনা ভারতকী জহাজ অমসুং ললোন-ইতিক তৌবা মীওইশিংদা অকনবা অথীংবশিং থমখিবা পুৱারীনা উবা ফংখি হায়না প্রধান মন্ত্রীনা ফোঙদোকখি।

প্রধান মন্ত্রীনা হায়খি মদুদি ঙসি সেপ্তেম্বর ২, ২০২২গী পুৱারী ওইরবা নুমিৎ অসিদা ভারতনা মীখা পোনবগী মমি কোকহনবা, মীখা পোনবগী পোৎলুম অদু কোকহনবা ঙমখি। ইন্দিয়ন নেভীনা ঙসিদগী অনৌবা ফিরাল অমা ফংজখি। ঙসি ফাওবদা মীখা পোনবগী শক্তম অদু ইন্দিয়ন নেভীগী ফিরালদা মমি তাদুনা লৈরকখি। অদুবু ঙসিদগীদি ছত্রপতি শিবাজীনা  ইথিল পীখিবা অনৌবা নেভীগী ফিরাল অসি সমুদ্র অমসুং আতিয়াদা পাইহল্লগনি।

প্রধান মন্ত্রীনা হায়খি মদুদি বিক্রান্তনা ঐখোয়গী মেরিতাইম জোনদা ঙাকশেন্নবা চৎখিবা মতমদা নেভীগী নুপী লান্মী কয়া মসিদা স্তেসন তৌগনি। সমুদ্রগী চাউরবা শক্তি, লোইনাইদ্রবা নারী শক্তি অসিগা লোয়ননা মসিনা অনৌবা ভারতকী অৱাংবা পুক্নিং হুনিংঙাই ওইবা মশক অমা ওইরক্লি। থমলমখিবা অথিংবশিং অদু হৌজিক্তি লৌথোক্লে। ইপোমগী ঙমখৈশিং লৈতবা অদুগুম্বা ভারতকী মচানুপীশিংগীদমক ঙমখৈশিং নত্ত্রগা অথিংবশিং লৈররোই।

প্রধান মন্ত্রীনা হায়খি ঈশিং মরিক অমমমনা অচৌবা ইপাক অমা শেম্মি। মহাক্না হায়খি নীংতম নুমিৎতা ইন্দিজিনস কেনন শীজিন্নদুনা সেল্যুৎ তৌখিবা অদুসু পনখি। মতৌ অসুম্না করিগুম্বা ভারতকী প্রজা খুদিংমক্না ‘ভোকেল ফোর লোকেল’গী মন্ত্রগা লোয়ননা হিংবা তারবদি মসিনা লৈবাক অসিবু আত্মনির্ভর ওইহনবদা মতম য়াম্না চংলোই।

জিও-স্ত্রেতেজিক সিচুএসনশিংদা হোংলক্লিবা অসিগী মতাংদা মহাক্না হায়খি হৌখিবা মতমদা ইন্দো-পেসিফিক রিজন অমসুং ইন্দিয়ন ওসিনগী সেক্যুরিতী অসি মতম শাংনা নাথৈদুনা থমলকখি। অদুবু ঙসিদি লম অসি ঐখোয়গী পুম্নমক্কীদমক লৈবাক অসিগী মরু ওইবা দিফেন্সকী লম ওইরে। মরম অসিনা ঐখোয়না নেভীগী বজেৎ হেনগৎহনবদগী হৌরগা মখোয়গী মতিক ময়াই হেনগৎহন্নবা লম খুদিংমক্তা থবক তৌরি। প্রধান মন্ত্রীনা হায়খি মপাঙ্গল কনবা ভারতনা শান্তি লৈবা অমসুং শাফবা মালেম অমগী লম্বী য়াৎলগনি।

মহাক্কী ৱারোলদা ঙাকশেল মন্ত্রী শ্রী রাজনাথ সিংহনা আই.এন.এস. বিক্রান্ত অসি ‘অমৃতকাল’গী অহৌবদা কম্মিসন তৌবা অসিনা মথংগী চহি ২৫ অসিদা জাতিগী শাফনবা অমসুং ঙাকশেল পীনবা সরকারগী অচেৎপা ফিরেপ অদুগী খুদম অমা ওইরি। “আই.এন.এস. বিক্রান্ত অসি এস্পিরেস্নেল অমসুং আত্মনির্ভর ওইবা ‘অনৌবা ভারত’কী মশেক মঙাল লৈবা খুদম অমনি। মসিনা জাতিগী চাউথোকচবা, শক্তি অমসুং ফিরেপকী খুদম অমনি। মসি কম্মিসন তৌবা অসি ইন্দিজিনস ৱারশিপশিং শাবগী লম্বেদলদা অমুক্তা ওইখিদ্রিবা মওংদা মাইপাকপা অমনি। ভারতকী নেভীগী চৎনবী অসি ‘ওল শিপ নেবর দাই’ হায়বা অসিনি। ১৯৭১গী লানদা মরু ওইবা থৌদাং লৌখিবা বিক্রান্তগী অনৌবা শকলোন অসিনা ঐখোয়গী নীংতম লান্মীশিং অমসুং অথৌবা লান্মীশিংদা ইকাই খুম্নবা উৎচবনি”, হায়না মহাক্না ফোঙদোকখি।

শ্রী রাজনাথ সিংহনা হায়খি মদুদি খোঙজেল য়াংনা হোংলক্লিবা মালেমগী ফীভম অসিদা মেরিতাইম ত্রেদতা অপনবা থোকহনদনবা লৈবাক অসিগী মেরিতাইম য়াইফনবা হোৎনবা হায়বা অসি ভারতকী নেভীগী অচৌবা থৌদাংনি। মহাক্না হায় নেভীনা মতম চুপ্পদা জাতি নত্ত্রগা মালেমগী ওইবা খুদোংথিবা অমা হেক্তা থোকপা মতমদা ‘ফর্স্ত রেস্পোন্দর’ ওইদুনা লাকখি অমসুং আই.এন.এস. বিক্রান্ত কম্মিসন তৌবা অসিনা ফোর্স অসিগী তৌবা ঙম্বশিং হেন্না হেনগৎহল্লগনি। মহাক্না মখা তারদুনা হায়খি মদুদি মসি মরুপ ওইনা লোইনরিবা মীরৈবাকশিংদা ভারতনা রিজন অসিগী অপুনবা সেক্যুরিতীগী মথৌ তাবশিং থুংহনবগী মতিক-ময়াই লৈ হায়না থাজবা পীবনি। “ঐখোয়না ফ্রী, ওপন অমসুং ইনক্লুসিব ইন্দো-পেসিফিক অমদা থাজবা থম্মি। হীরম অসিদা ঐখোয়না পাইখৎলিবা খোঙথাংশিং অসি প্রধান মন্ত্রীনা থমখিবা বিজন ‘সাগর’ (সেক্যুরিতী এন্দ গ্রোথ ফোর ওল ইন দি রিজন)না লমজিংলি” হায়না মহাক্না হায়খি।

ঙাকশেল মন্ত্রীনা আই.এন.এস. বিক্রান্ত কম্মিসন তৌবনা সরকারনা ‘আত্মনিরর্ভর ভারত’ ফংবা ঙম্নবা লেংদ্রবা ফিরেপ অসি তোখাইবা পোলিসী অমা নত্তে হায়না তাক্লি হায়না ফোঙদোকখি। মসি প্রধান মন্ত্রী শ্রী নরেন্দ্র মোদীগী লুচিং মখাদা ভারত্তা হোংলক্লিবা অচৌবা অহোংবশিং অসিগী মরু ওইবা শরুক অমনি হায়না মহাক্না ফোঙদোকখি।

শ্রী রাজনাথ সিংহনা প্রধান মন্ত্রীবু ‘আত্মনির্ভর ভারত’কী মঙলান থুংহন্নবা হোৎনরিবা মহাক্কী মীৎয়েং শান্না উবা ঙম্বা লুচিংবগী মতৌ অদুবু থাগৎলদুনা হায়খি সরকার অসিনা দিফেন্স, হেল্থ, এজুকেসন, এগ্রিকলচর, ত্রেদ, ত্রান্সপোর্ত অমসুং কম্ম্যুনিকেসন অসিগুম্বা সেক্তর খুদিংমক্তা অনৌবা অহোংবা কয়া পুরকখি। মহাক্না পান্দম অসি ফংনবা ঙাকশেল মন্ত্রালয়না লৌখৎখিবা খোঙথাংশিংগী মরমদা পাউদমখি। মসিদা উত্তর প্রদেশ অমসুং তামিল নাদুদা দিফেন্স কোরিদোরশিং লিংখৎপা; পোসিতিব ইন্দিজিনাইজেসন লিস্ত অহুম থোকখিবা, দোমেস্তিক ইন্দস্ত্রীগীদমক কেপিতেল প্রোক্যুরমেন্ত বজেৎকী ৬৮% খাক্তুনা থম্বা’ দিফেন্স প্রদক্সন এন্দ এক্সপোর্ত প্রমোসন পোলিসী ২০২০ অমসুং এফ.দি.আই. লিমিত হেনগৎহনবা অসি য়াওখি। মহাক্না হায়খি, পান্দম অসি ‘মেক ইন ইন্দিয়া, মেক ফোর দি ৱার্ল্দ’না ওইরি অমসুং বিজন অসিগী প্রমান হৌখিবা চহিদা এক্সপোর্তশিংদা দোলর বিলিয়ন ৪০০ হেনখিবা অদুনা ওইরি।

“ভারতনা দোলর ত্রিলিয়ন ৫কী ইকনোমীগী মাইকৈদা খোঙজেল য়াংনা চংশিল্লিবা মতম অসিদা গ্লোবেল ত্রেদতা ঐখোয়গী শিয়র অসিসু হেনগৎলক্কনি। করিগুম্বা শিয়র হেনগৎলকপা তারবদি মখোয়গী অয়াম্বা শরুক্তি মেরিতাইম রুতশিংগী খুত্থাংদা শোইদনা লাক্কনি। মতৌ অসিদা আই.এন.এস.না ঐখোয়গী শাফনবা ঙাকশেনবা অমসুং শেন্মীৎলোন চাউখৎহনবদা মরু ওইরক্লগনি,” হায়না ঙাকশেল মন্ত্রীনা ফোঙদোকখ্রে।

থৌরম অসিদা ৱা ঙাংলদুনা চীফ ওফ নেবেল স্তাফ এদমিরেল আর হরি কুমারনা ২০৪৭ ফাওবদা মপুং ফানা আত্মনির্ভর ওইবা ঙম্নবা নেভীগী ইন্দিয়া@১০০গী ফিরেপ অদু ফোঙদোকখি, মসিদা ‘মেদ ইন ইন্দিয়া’ জহাজশিং, সবমেরিনশিং, এয়রক্রাফ, অনমেন ভেসেলশিং অমসুং সিস্তেমশিং য়াওরি অমসুং ‘কোম্বেৎ রেদী, ক্রেদিবল, কোহেসিব অমসুং ফ্যুচর-প্রুফ ফোর্স’ অমা ওইহনখি। মহাক্না মখা তারদুনা হায়খি প্রধান মন্ত্রীনা থমখিবা বিজন অদুগী মতুং ইন্না নেভীনা ৱাশক মঙা – চাউখৎপা ভারত, মীখা পোনবগী খুদম-চাংদম পুম্নমক মুত্থৎপা, হেরিতেজতা চাউথোকচবা পোকপা, অপুনবগী শক্তম ঙাকপা অমসুং থৌদাংশিং পাঙথোকপা – অসিগী লম্বেলদা চংশিন্নবা খোঙফম চেৎনা লেপ্পি।

চীফ ওফ নেবেল স্তাফনা মতিক ময়াই চেল্লবা চহি ৩৬ লৈবাক অসিগী শেবা তৌরকখিবা অমসুং ১৯৭১গী লানদা অচৌবা থৌদাং লৌখিবা হান্না বিক্রান্ত হায়না খঙনরম্বা অদুগী ফজরবা লেগেসী অদু মাংদা পুখৎনবা আই.এন.এস. বিক্রান্তগী কম্মান্দিং ওফিসর অমসুং ক্র্যুশিংদা খঙহনখি।

আই.এন.এস. বিক্রান্তকী মরমদা

আই.এন.এস. বিক্রান্ত কম্মিসন তৌবা অসি জাতিগী ওইনা চাউথোকচবা মীকুপ অমনি মরমদি মসিনা ‘আজাদী কা অমৃত মহোৎসব’ মনুংদা ফংখিবা ‘আত্মনির্ভর’গী মাইপাকপশিং অমসুং ইন্দিয়ন ওসিন রিজনদা মেরিতাইম সেক্যুরিতী ফগৎহন্নবগী মাইকৈদা শেমগৎলিবা মতিক-ময়াইশিং অসিদা পাম্না চৎপগী লৈবাক্কী থৌনা লিংজেল অদুগী অশেংবা খুদম ওইরি।

আই.এন.এস. বিক্রান্ত অসি ইন্দিয়ন নেভীগী ইন-হাউস ৱারশিপ দিজাইন ব্যুরো (দবল্যু.দি.বি.)না দিজাইন তৌবা অমসুং পোর্তস, শিপ্পিং অমসুং ৱাতরৱেজ মন্ত্রালয়গী মখাদা লৈবা পব্লিক সেক্তর শিপয়ার্দ অমা ওইরিবা কোচিন শিপয়ার্দ লিমিতেদনা শাখিবা বিক্রান্ত অসি স্তেৎ ওফ দি আর্ত ওতোমেসন ফীচরশিং য়াওরগা শাখি অমসুং ভারতকী মেরিতাইলগী পুৱারীদা মসি খ্বাইদবগী চাউবা জহাজ ওইরি।

মিতর ২৬২.৫ শাংবা অমসুং মিতর ৬১.৬ পাকপা বিক্রান্ত অসি চাউরাক্না তন ৪৩,০০০ লুম্মি, নোতিকেল মাইল ৭,৫০০গী এন্দুরেন্স লৈবগা লোয়ননা খ্বাইদগী য়াংবা খোঙজেল অসি নোৎ ২৮ ওইনা দিজাইন তৌখি। জহাজ অসিদা চাউরাক্না কম্পার্তমেন্ত ২,২০০ য়াওরি অমসুং নুপী ওফিসরশিং অমসুং হীরোইশিং য়াওনা ক্র্যু ১,৬০০রোমগীদমক দিজাইন তৌখি। কেরিয়র অসি মেছিনরী ওপরেসনশিং, শিপ নেবিগেস অমসুং সর্ভাইবেবিলিতীগীদমক ওতোমেসনগী য়াম্না ৱাংবা দিগ্রীগা লোয়ননা দিজাইন তৌখি। কেরিয়র অসিদা খ্বাইদগী নৌবা স্তেৎ ওফ দি আর্ত ইক্বিপমেন্ত অমসুং সিস্তেমশিং য়াওরি।

জহাজ অসিদা লমদম অসিদা শাজখিবা এদভান্স লাইৎ হেলিকোপ্তর (এ.এল.ঐচ.) অমসুং লাইৎ কোম্বেৎ এয়রক্রাফ (এল.সি.এ.) (নেভী)গী মথক্তা এম.আই.জি.-২৯কে ফাইতর জেৎশিং, কামোব-৩১, এম.ঐচ.-৬০আর মলতি-রোল হেলিকোপ্তরশিং য়াওবা এয়রক্রাফ ৩০ য়াওরিবা এয়র ৱিং ওপরেৎ তৌবা ঙম্মি। শোর্ত তেক ওফ বত এরেস্তেদ রিকবরী (স্তোবার) কৌবা নোবেল এয়রক্রাফ-ওপরেসন অমা শীজিন্নদুনা আই.এন.এস. বিক্রান্ত অসিদা এয়রক্রাফ লোঞ্চ তৌনবগী স্কি-জম্প অমা য়াওরি অমসুং মখোয়গী রিকবরী ওনবোর্দকীদমক ‘এরেস্তর ৱায়রশিং’গী সেৎ অমা য়াওরি।

লমদম অসিদা শাজবা কন্তেন্ত ৭৬% য়াওবগা লোয়ননা আই.এন.এস. বিক্রান্ত শাখিবা অসিনা সি.এস.এল.গী কর্মচারী ২,০০০ হেন্নবদা দাইরেক্ত এমপ্লোইমেন্ত ফংহনখি। মসিগী মথক্তা মসিনা ও.ই.এম. ৫৫০গী মথক্তা, সব-কন্ত্রেক্তরশিং, এন্সিলরী ইন্দস্ত্রিশিং অমসুং এম.এস.এম.ই. ১০০০ হেনবদা কর্মচারী ১২,৫০০ রোমদা ইন্দাইরেক্ত এমপ্লোইমেন্ত পীখি লোয়ননা শেন্মীৎলোন্দা খুমাং চাউশিনহনখি।

নেভীগী অনৌবা এনসাইন

হৌজিক জাতিনা লোইলম লৈঙাক্কী ৱাখল্লোন কাউথোক্নবা মাইকৈদা চংশিল্লিবা অসিগা চাননা ঐখোয়গী পুৱারীদগী ইথিল লৌবা অনৌবা দিজাইন অমা হোংদোকপগী মথৌ তাবা লৈরকখি। নেভীগী মশক তাক্লিবা অঙৌবা মচুগী এনসাইন অসিনা অসিদা হৌজিক মসিদা মরু ওইবা মচাক অনি হাপচিনখি – কেন্তনগী মথক থংবগী ওইদা জাতিগী ফিরাল অমসুং ফ্লাই সাইদকী (স্তাফতগী লাপথোক্লগা) ময়াইদা নেভী ব্ল্যু – গোল্দ ওক্তাগোন য়াওরি। ওক্তাগোন অসিদা গোল্দন ওক্তগোনেল বোর্দর অনিনা গোল্দন নেস্নেল এমব্লেম (শশোকাগী লায়ন কেপিতেল – সত্যমেব জয়তে’ হায়না হিগোক মচুগী দেবনাগরী ময়েক্তা ইবা), মথক্তা এঙ্কর অমা য়াওরিবা অমসুং শিল্দ অমদা সুপরইম্পোস তৌরিবা অসি কোইশিল্লি: শিল্দ অসিগী মখাদা ওক্তাগোন মনুংদা গোল্দন বোর্দর রিবনদা নেভী ব্ল্যু বেকগ্রাউন্দদা ইন্দিয়ন নেভীগী মোতো ‘সেম নু বরুন’ অসি গোল্দন দেবনাগরী ময়েক্তা ইরি। ওক্তাগোন্দা য়াওরিবা দিজাইন অসি ইন্দিয়ন নেবেলগী ক্রেস্ততগী লৌথৌকপনি, মসিদা য়াওরিবা লোইলম লৈঙাক্কী মতমগা মরী লৈনবা ফোল্দ এঙ্কর অসি ভারতকী নেভীগী মতিক ময়াই তাক্লিবা অনৌবা এঙ্কর অমনা মহুৎ শিনখি।

কেরলাগী রাজ্যপাল শ্রী আরিফ মোহম্মদ খান, মুখ্য মন্ত্রী, শ্রী পিনারাই বিজয়ন, কেন্দ্রগী পোর্তস, শিপ্পিং অমসুং ৱাতরৱেজকী মন্ত্রী শ্রী সর্বানন্দ সোনোৱাল, নেস্নেল সেক্যুরিতী এদভাইজর, শ্রী অজিত দোবল, চীফ ওফ নেবেল স্তাফ, শ্রী অজয় বত অমসুং ঙাকশেল মন্ত্রালয় অমসুং সি.এস.এল.গী সিনিয়র সিভিল এন্দ মিলিতরী ওফিসিএলশিংনা থৌরম অসিদা শরুক য়াখি।

******



(Release ID: 1856318) Visitor Counter : 203