শেলথুম মন্ত্রালয়গী দিপার্তমেন্ত ওফ এক্সপেন্দিচরনা য়ুমশকৈশ নুমিত্তা লুপা করোর ৪,১৮৯.৫৮গী শেন্ফম কর্নাতকা (লুপা করোর ৬২৮.০৭), ত্রিপুরা (লুপা করোর ৪৪.১০), উত্তর প্রদেশ (লুপা করোর ২২৩৯.৮০), অন্ধ্র প্রদেশ (লুপা করোর ৫৬৯.০১) অমসুং গুজরাতকী (লুপা করোর ৭০৮.৬০) রুরেল লোকেল বোদীশিংদা গ্রান্ত ওইনা কাইথখ্রে‍। গ্রান্ত-ইন-এদ অসি কর্নাতকা, ত্রিপুরা, উত্তর প্রদেশকী ওইনা ২০২২-২৩গী তাইদ গ্রান্তকী অহানবা ইন্সতোলমেন্ত অদুগা অন্ধ্র প্রদেশ অমসুং গুজরাতকী ওইনা ২০২১-২২গী তাইদ গ্রান্তকী অনিসুবা ইন্সতোলমেন্তনি‍।

১৫শুবা ফাইনান্স কম্মিসন্না (ঐফ.সি.-১৫) (ক) সেনিতেসন অমসুং ওপন দিফেকেসন ফ্রী (ও.দি.এফ.) স্তেতস ঙাক্তুনা থম্নবা অমসুং (খ) থক্নবা ঈশিং পীবা, নোংগী ঈশিং য়োকশিনবা অমসুং ঈশিং রিসাইকল তৌবা হায়রিবা মরুওইবা সর্ভিস অনিসিগী ফীভম ফগৎন্নবগীদমক দিপার্তমেন্ত ওফ দ্রিঙ্কিং ৱাতর এন্দ সেনিতেসনগী রিকম্মেন্দেসন মতুং ইন্না রুরেল লোকেল বোদীশিংদা তাইত গ্রান্ত পীননবা রিকম্মেন্দ তৌখিবনি‍।

পঞ্চায়তি রাজ ইন্সতিতঞুসনশিংগী খাক্তুনা থম্লিবা গ্রান্ত-ইন-এদ অসিগী অপুনবগী চাদা ৬০দি ঈশিং পীবা, নোংগী ঈশিং য়োকপা অমসুং সেনিতেসন্নচিংবা (তাইত গ্রান্ত হায়না খঙনবা) লৈবাক্কী প্রাইওরিতীশিংগীদমক খাক্তুনা থম্বনি, অদুগা চাদা ৪০না অন্তাইদ ওই অমসুং মসিবু লম-লমগী মথৌ তাবগী মতুং ইন্না পঞ্চায়তি রাজ ইন্সতিত্যুসনশিংনা মখোয়গী অপাম্বা মওংদা শীজিন্নবা য়াই‍।

লোকেল বোদী গ্রান্ত অসি সেন্ত্রেল্লী স্পোন্সর্দ স্কিমশিংগী মখাদা কেন্দ্র অমসুং স্তেতনা সেনিতেসন অমসুং থক্নবা ঈশিংগীদমক্তা থাদরক্লিবা শেন্ফমশিংগী মথক্তা রুরেল লোকেল বোদীশিংদা অহেনবা ফন্দ ফংহন্নবগীদমক্তা পীবনি‍।

২০২১-২২ অমসুং ২০২২-২৩ মনুংদা গ্রান্ত অসি ফংবা য়ানবগীদমক, রুরেল লোকেল বোদীশিংনা অকক্নবা ফীভম খরা লৈহনবা মথৌ তাই‍। হায়রিবা ফীভমশিং অসি অরোন অথুপ লৈহন্দনবা, লোকেল বোদীগী মীখল চাং নাইনা পাঙথোক্নবা অমসুং চহিগী চাওখৎ থৌরাংশিং লোকেল বোদীশিংনা শেমজবা ঙমহন্নবা শেম্বনি‍।

তাইত অমসুং অন্তাইদ গ্রান্ত অনিমক ফংনবগীদমক, য়ামদ্রবদা লোকেল বোদীশিংগী চাদা ২৫না মখোয়গী মমাঙ চহিগী প্রোভিজনেল একাউন্ত অমসুং মমাঙগী মমাঙ চহিগী ওদিত তৌরবা একাউন্ত অনিমক শেমবা অমসুং পব্লিক দোমেন্দা ওন্লাইন্দা ফংহনবা মথৌ তাই‍। মসিগী মথক্তা, একাউন্তশিং অদু ইগ্রামস্বরাজ অমসুং ওদিত ওনলাইন পোর্তেলদা থাগৎকদবনি‍। গ্রান্ত অসি মওং চুম্না মীখল পাঙথোক্তুনা থাগৎলকপা লোকেল বোদীশিংখক্তদা পীবনি‍।

মসিগা লোয়ননা, তাইদ গ্রান্ত ফংবা য়ানবগীদমক, রুরেল লোকেল বোদীশিংনা সেনিতেসন অমসুং দ্রিঙ্কিং ৱাতর সপ্লাইগী চহিগী এক্সন প্লানগী মচা খায়বা ৱাফমশিং য়াওবা চাউখৎ থৌরাংগী প্লান ইগ্রামস্বরাজদা থাগৎকদবনি‍। থক্নবা ঈশিং ফংহনবগী চহিগী এক্সন প্লানদা থক্নবা ঈশিং ফংহনবা, নোংগী ঈশিং য়োকপা অমসুং ঈশিং রিসাইকল তৌবগী অকুপ্পা ৱারোলশিং য়াওগদবনি‍। সেনিতেসনগী চহিগী এক্সন প্লান্দা ও.দি.এফ.কী ফীভম অমসুং মদু ঙাক্তুনা থম্বা, অমদি লোকেল বোদীদা এস.এল.দব্লিউ.এম. ইন্তরভেন্সনগী থৌরাং অমসুং পায়খৎপগী মরমদা য়াওগদবনি‍। লোকেল বোদীশিংনা ১৫শুবা এফ.সি.গী ফন্দ (কম্পোনেন্ত অনিমক) শীজিন্নখিবগী অকুপ্পা ৱারোলশিং ৱেবসাইত্তা থাগৎপসু মথৌ তাই‍।

স্তেতশিংনা গ্রান্তশিং অসি কেন্দ্র লৈঙাক্তগী ফংবা নুমিত্তগী থবক তৌবা নুমিৎ ১০নিগী মনুংদা লোকেল বোদীশিংদা থাদোকখিগদবনি‍। থবক তৌবা নুমিৎ ১০নিদগী চোন্থরবদি স্তেত লৈঙাক্না গ্রান্ত অদু শেন্দোয়গা লোয়ননা পীগদবনি‍।

২০২২-২৩দা হৌজিক ফাওবদা থাদোকখ্রবা রুরেল লোকেল বোদীশিংগী গ্রান্তশিংগী স্তেত-স্তেতকী ওইবা শেন্ফম মখাদা পীরি:

২০২২-২৩দা থাদোকখ্রবা রুরেল লোকেল বোদীশিংগী গ্রান্তশিংগী স্তেত-স্তেতকী ওইবা শেন্ফম

*মশিংশিং অসি দেসিমেলগী অনিসুবা কাদা রাউন্দ তৌবনি‍।

****