আয়ুশ মন্ত্রালয়না “ৱান হর্ব, ৱান স্তেন্দার্দ” অসিবু মাইপাক্না ফংবা ঙম্নবা মরু ওইবা খোংথাং কয়া পাইখৎখ্রে। “ৱান হর্ব, ৱান স্তেন্দার্দ” অসিবু য়োকখৎনবগীদমক্তা অমসুং মসিবু থবক ওইনা ওন্থোক্নবগীদমক্তা ইন্তর-মিনিস্তেরিয়েল কোওপরেশন পীননবগীদমক্তা নই দিল্লীদা ঙসি ফার্মাকোপোইয়া কমিসন ফোর ইন্দিয়ন মেদিসিন অমসুং হোমিয়োপেথী (আয়ুশ মন্ত্রালয়) অমসুং ইন্দিয়ন ফার্মাকোপোইয়া কমিসন (হকশেল অমসুং য়াইফ-য়ুম্বাল মন্ত্রালয়)গী মরক্তা মেমোরেন্দম ওফ অন্দরস্তেন্দিং (এম.ও.য়ু.) অমা খুৎয়েক পীনখ্রে।

পি.সি.আই.এম. অমসুং ঐচ.কী দাইরেক্তর (ইন-চার্জ), প্রোফেসর (ৱৈদ্যা) পি.কে. প্রজাপতি অমসুং সেক্রেতরী-কম-সাইন্তিফিক দাইরেক্তর, শ্রী রাজীৱ সিং রঘুৱন্সিনা আয়ুশ মন্ত্রালয়গী সেক্রেতরী, ৱৈদ্যা রাজেশ কোতেচাগা লোইননা এম.ও.য়ু. অমা খুৎয়েক পীনখ্রে।

থৌরম অসিদা, আয়ুশ মন্ত্রালয়গী সেক্রেতরী, ৱৈদ্যা রাজেশ কোতেচানা হায়খি, “মসিগী এম.ও.য়ু. অসিগী মরু ওইবা পান্দম অসি আর্মোনাইজ তৌরবা হর্বল দ্রগ স্তেন্দার্দশিং পুথোকপদা মতেং পাংদুনা পব্লিক হেল্থ য়োকখত্তুনা পি.সি.আই.এম. অমসুং ঐচ. অমসুং আই.পি.সি.গী মরক্তা তেংবাং পীনদুনা হোৎনমিন্নবা অদুবুনি। পি.সি.আই.এম. অমসুং ঐচ. অমসুং আই.পি.সি.না  ময়ামগী ওইবা হীরম অমদা থবক তৌবা ওইবনা, ৱান হর্ব - ৱান স্তেন্দার্দ অসিবু ফংনবা স্তেন্দার্দশিং অদুবু হার্মোনাইজ তৌবা আয়বসি কাংলোনগী মতুং ইন্না মরম চাই অমসুং মরু ওই”।

মসিগী এম.ও.য়ু. অসিনা সাইন্তিফিক ইনফোর্মেশনশিং অমসুং দ্রগ রো মেতরিয়েলশিং/এক্সত্রেক্তশিং, সেমিনারশিং, ৱার্কশোপশিং, ত্রেনিং অমসুং অনৌবা ৱাখল-লৌশিং কবা পুথোক্কদবা থৌরমশিং কয়া পাংথোকমিন্নদুনা ত্রেদিস্নেল মেদিসিনগী স্তেন্দার্দাইজেশন তৌবগী লমসিদা ই-পাউ কয়া পীথোক-পীশিন তৌননবগীদমক্তা মখাতানা খুৎশম্নদুনা থবক তৌবদা মতেং পাংগনি। “ৱান হর্ব  ৱান স্তেন্দার্দ”কী মখাদা মোনোগ্রাফশিংনি হায়না খন্দোক্লবা পব্লিকেশনশিংগী অমত্তা ঙাইরবা ওথোরিতী অদু পি.সি.আই.এম. অমসুং ঐচ. খক্তগী ওইগনি।  এম.ও.বু. অসিগী মতুং ইন্না পি.সি.আই.এম. অমসুং ঐচ. অমসুং আই.পি.সি.না পুথোকপা মোনোগ্রাফশিং অদু মসিগী মতুং ইন্না মশক খঙদোক্লগনি; মরি লৈনবা মোনোগ্রাফশিংদা আই.পি.সি.না লৌখিবা থৌদাংশিং অদু মতিক চানা মশক খঙবীগনি। মোনোগ্রাফশিং অদুগী তেক্নিকেল ওইবা কন্তেন্তশিং অদু পি.সি.আই.এম. অমসুং ঐচ. অমসুং আই.পি.সি.না পুন্না পুথোক্কনি। মরম অদুনা মসিগী মোনোগ্রাফশিং অসি এ.এস.য়ু. অমসুং ঐচ. ফার্মোকোপোইয়া অমসুং আই.পি.না ফোংবা অদুগী মতুং ইন্না চপ মান্নবা লিগেল সেঙ্কতিতী লৈগনি।

আয়ুশ মন্ত্রালয়না থাজৈ মদুদি মসিগী স্তেন্দার্দশিং অসিবু হার্মোনাইজ তৌবনা “ৱান হর্ব, ৱান স্তেন্দার্দ অমসুং ৱান নেশন”গী পান্দম অদুবু মপুং ফাহল্গনি অমসুং ভাত্তা ইজ ওফ দু্ং বিজনেস ফগৎহল্লগনি অমসুং ভারতকী বোতানিকেলশিংগী লাল্লোন-ইতিক তৌবদসু য়াম্না হেন্না ফগৎহল্লগনি। ভারতকী প্রধান মন্ত্রীনা প্রোমোত তৌখিবা আত্মানির্ভর ভারতকী মাইকৈদা মরু ওইবা খোংথাং অমা ওইগনি।

থৌরম অসিদা, পি.সি.আই.এম. অমসুং ঐচ.কী দাইরেক্তর (ইন-চার্জ), প্রোফেসর (ৱৈদ্যা) পি.কে. প্রজাপতিনা হায়খি মদুদি, “মসিগী এম.ও.য়ু. অসিনা মোনোগ্রাফশিং ফোংবা য়াহল্লগনি, মসিনা মীপুম খুদিংমক্তা খান্নহল্লগনি। মেদিসিনেল প্লান্তশিং খন্নবগীদমক্তা অমসুং মরী লৈনবা তেক্নিকেলগী ওইবা  অতোপ্পা থবক কয়া পাংথোক্নবা মখোয়গী কন্সতিত্যুএন্ত,মার্করশিংগীদমক্তা জোইন্ত কমিতী অমা শেম্লগনি।”

আই.পি.সি.গী সেক্রেতরী-কম-সাইন্তিফিক দাইরেক্তর, শ্রী রাজীৱ সিং রগুৱন্সিনা হায়খি, “মসিগী এম.ও.য়ু. অসিনা হর্বল মেদিসিনগী লমদা লৈরিবা মেন্যুফেকচররশিং, রিসর্চরশিং অমসুং রেগুলেতরগূম্বা স্তেকহোল্দরশিং পুম্নমক্তা মখোয়গী মশা-মশাগা মরী লৈনবা লমশিংদা শিজিন্নবগীদমক্তা মালেমগী থাক্তা লৈবা মোনোগ্রাফশিং ফংহন্নবগীদমক্তা খুদোংচাবা পীরগনি। মসি আই.পি.সি.গীদমক্তা হর্বল মেদিসিনগী লমদা মরু ওইনা ক্বালিতী দোমেনদা হেন্না হকচিন্না রিসর্চ তৌনবগী অমসুং পব্লিক হেল্থকী মাইকৈদা শরুক য়ানবা খুদোংচাবা পীরি।”

হৌজিক্কী ওইনদি ইন্দিয়ন ফার্মাকোপোইয়া (আই.পি.)গা চাংদম্নবদা এ.এস.য়ু. অমসুং ঐচ. ফার্মাকোপোইয়াদা তোঙান-তোঙানবা স্তেন্দার্দশিংগা লোইন-লোইননা তোঙান-তোঙানবা এনালিতিকেল মেথদশিং কয়া ফোংখ্রে। আয়ুশ মন্ত্রালয়না “ৱান হর্ব – ৱান স্তেন্দার্দ”কী অনৌবা খোংথাং অসিগী খুত্থাংদা এম্বিগ্বিতী লৌথোকপা পাম্লি। মসিগী এম.ও.য়ু. অসিগী খুত্থাংদা মোনোগ্রাফ খুদিংমক ইন্তর্নেস্নেল ক্বালিতি রিক্বায়রমেন্তশিংগা লোইননা ইন্দিয়ন স্তেন্দার্দশিং য়াওগনি, মসিনা ইন্দিয়ন ক্বালিতী অসিবু চপ মান্নবা বোতানিকেলশিংগীদমক্তা মালেমগী স্তেন্দার্দশিংগা মান্নহল্লগনি।

************