কেন্দ্রগী সাইন্স অমসুং তেক্নোলোজীগী রাজ্যগী মন্ত্রী (ইন্দিপেন্দেন্ত চার্জ); আর্থ সাইন্সকী রাজ্যগী মন্ত্রী (ইন্দিপেন্দেন্ত চার্জ); এম.ও.এস. পি.এম.ও. পার্সনেল, পব্লিক গ্রিভান্সেস, পেন্সন, এতোমিক এনর্জী অমসুং স্পেস, দা. জিতেন্দ্র সিংহনা ঙসি হায়খি মদুদি হৌখিবা চহি ৮লোম অসিদা, প্রধান মন্ত্রী নরেন্দ্র মোদীগী য়াই-থৌরাংগী ওইবা থৌশিল কয়ানা বেঙ্ককী ৱাখল্লোন য়াওদনা খ্বাইদগী লৈজদ্রবা মীয়ামদা য়ৌহনখ্রে।

"লাভার্থিশিং" অমসুং পি.আর.আই., দি.দি.সি.শিং, বি.দি.সি.শিং অমসুং ম্যুনিসিপাল কাউন্সিল চীয়রপার্সন অমসুং মেম্বরশিং উত্তর প্রদেশকী মেনপুরিদা মথং মনাও নাইনা পাঙথোকপা মীফমশিংদা ৱা ঙাংলদুনা দা. জিতেন্দ্র সিংহনা হায়খি, লাইরবশিংতগী ওইবা অমসুং মীয়ামগী য়াইফনবা থৌশিল খুদিংমক জাৎ, বিজাৎ, ধর্ম নৎত্রগা ভোতকী ৱাখল থমদনা খ্বাইদগী লৈজদ্রবশিং নৎত্রগা ক্ব্যুগী খ্বাই অরোইবদা লৈরিবা খুদিংদা য়ৌহন্নবা পান্দমদা শেমখিবনি। মহাক্না হায়খি, পুম্নমক অসি দীন দয়াল উপাধ্যয়গী অন্ত্যোদয়া হায়বদি খ্বাইদগী অরোইবদা লৈবা মীওইদুনা হৌগৎলকপা হায়বা ৱাঙুলোল অসিগা চুন্ননা চৎলি।

দা. জিতেন্দ্র সিংহনা হায়খি মদুদি মোদীনা মে ২০১৪দা পায়রকপা মতমদা, লৈবাক অসিগী মীশিংগী তংখাই অমদি তোইলেৎ, য়ুম, তিকা, মৈগী কন্নেক্সন অমসুং বেঙ্ক একাউন্তশিং লৈতনা লৈনরম্মি। মহাক্না হায়খি, সবকা প্রয়াসকা লোইননা কেন্দ্র সরকারনা হৌখিবা চহি ৮লোমসিদা থৌশিল কয়া অমা ১০০% মায় পাকপগা লোইননা পুরকখ্রে, লাক্কদবা অমৃত কালগী চহি ২৫ অসিদা মালেমদা ভারতনা মাংজিল থাবা লৈবাক অমা ওইনবা অনৌবা ৱারেপসু লৈরি।

দা. জিতেন্দ্র সিংহনা হায়খি মদুদি, লৈবাক মচাশিংগী ওইবা থৌশিলশিং খুদম ওইনা প্রধান মন্ত্রী গরিব কল্যান অন্না য়োজনা (পি.এম.-জি.কে.এ.ৱাই.), পি.এম. আৱাজ য়োজনা, পি.এম. কিশান সম্মান নিধি য়োজনা, হর ঘর জল, উজ্জ্বালা, সৌচলয়া, জন ধন আয়ুশ্মননা অদুগুম্বা য়ুমশিং অদুদা রাজনিতীগী ওইবা ৱাখল অমত্তা য়াওদনা অমসুং 'সবকা সাথ, সবকা বিকাস, সবকা ভিশ্বাস অমসুং সবকা প্রয়াস' হায়বা নিয়ম অসিগা লোইনয়ান খুন্নাই অসিগী খ্বাইদগী শোত্থরবা কাংলুপতা পান্দম থমদুনা য়ৌহল্লি। মহাক্না হায়খি, মীয়াম্না করিগুম্বা খেন্নবা অমত্তা লৈতনা, মমাংঙৈগা মান্নদবা মওংদা অমসুং এপিজমেন্ত পোলিসীনা মনীং তম্না শানরম্বা মতমগা মান্নদবা মওংদা য়াইফ-থৌরাংগী থৌশিল কয়া অমা ফংনরি। হায়রিবা য়াইফ-থৌরাংশিং অসিনা মীওই করোর কয়াবু লাইরবগী অৱাবদগী লৌথোকপীরে অমসুং হিংবগী আর্থ হেন্না লৈহনবীরে।

পঞ্চায়তি রাজ ইন্সতিত্যুসন (পি.আর.আই.)শিং অমসুং মখোয়গী মীহুৎশিং অসিনা প্রধান মন্ত্রী নরেদ্র মোদীগী য়াইফ-থৌরাংশিংগী তঙাইফদবা পাউজেল্লোইশিংনি হায়দুনা কেন্দ্রগী মন্ত্রীনা হায়খি মদুদি পঞ্চ, সর্পঞ্চশিং অমসুং ব্লোক অমসুং দিস্ত্রিক কাউন্সিলশিংদা খল্লবা মীহুৎশিং অসিদা খ্বাইওগী মমৈদা লৈরিবা মীওইশিং, গ্রাসরুৎকী থাক্তা, অমসুং নরেন্দ্র মোদীনা হৌখিবা চহি ৮লোমসিদা হৌদোকখিবা থৌশিলশিং য়ৌহন্নবগী খুদোংচাবা অমা ফংলি।

পি.আর.আই.গী মীহুৎশিংদা অমসুং মীখলদা খল্লবা মীহুৎশিংদা ৱা ঙাংলদুনা দা. জিতেন্দ্র সিংহনা হায়খি মদুদি মখোয়শিং অসিনা মোদীগী অনৌবা ভারতকী অশেংবা পাউজেল্লোইশিংনি অমসুং মখোয়দা পি.এম. আৱাজ য়োজনা, উজ্জ্বালা, পি.এম. গরিব কল্যান য়োজনা, আয়ুশ্মন, পি.এম. কিশান সম্মান নিধি য়োজনা, স্বাচ্ছতা অমসুং অশেংবা থক্নবা ঈশিংগুম্বা থৌশিলশিং অসিবু ফংবা য়াবা খুদিং অমত্তা চীত্থদনা ফংহনগদবনি হায়না হায়খি। মহাক্না মখোয়বু দিস্ত্রিক্ত এদমিনিস্ত্রেসনগা লোইননা অমগা অমগা খুৎশম্নদুনা কনাগুম্বা অমত্তা লাইরবশিংগীদম থাদবা থৌশিলশিং শোইদনা য়ৌহন্নবা হোৎনগদবনি হায়খি।

দা. জিতেন্দ্র সিংহনা মীহুৎশিংগী মফমদা মীয়ামদা মোদী লৈঙাক্কী হৌখিবা চহি নিপাল অসিদা চাউখৎনবা পায়খৎলক্লিবা থবকশিং ভাপ তাহন্নবা কন্না হোৎনগদবনি হায়খি অমসুং মসিনা মতৌ করম্না লৈবাক্কী মুদপু অৱাবদগী অফবা ৱাখল খনবদা লাকখিবগে হায়বগী মতাংদা খঙহনগদবনি হায়খি। মন্ত্রীনা মসিমসু পনখি মদুদি হৌজিক ফাওবদা মোদী লৈঙাক্কী মথক্তা করিগুম্বা করপ্সনগী চার্জ অমত্তা লৈত্রি অমসুং মোদীনা মনুং মপান ফাওনা উবা অমসুং ফংহন্নবা হোৎনবা এদমিনিস্ত্রেসন অমা পীনবা হোতনবদা মায় পাক্লে হায়খি।

***************