কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

কেন্দ্রনা অরূম্বা ওন্নবা অমসুং চাং ওন্নবা খুৎলাইশিং পুথোক্লিবা/মপান্দগী পুশিল্লক্লিবশিংদা পথাপ ঙাক্লিব্রা হায়বগী অকুপ্পা মরোল পীরক্নবা শো কোজ নোতিস ৬৩ থোকখ্রে

Posted On: 30 AUG 2022 10:44AM by PIB Imphal

কেন্দ্র সরকারনা দিপার্তমেন্ত ওব লিগেল মেত্রোলোজীগী থোঙদা অরূম্বা ওন্নবা অমসুং চাং ওন্নবা খুৎলাইশিং পুথোক্লিবা/মপান্দগী পুশিল্লক্লিবশিংদা পথাপ ঙাক্লিব্রা হায়বগী অকুপ্পা মরোল পীরক্নবা শো কোজ নোতিস ৬৩ থোকখ্রে। নোতিসশিং অসি মেন্যুফেকচরর/ইম্পোর্তর/ ই কম্মর্স প্লেৎফোর্মদা য়োল্লিবশিংদা মোদেলশিং অদুগী অয়াবা পীবগী অকুপ্পা মরোলশিং, মেন্যুফেকচরিং/ইম্পোর্তর/দিলর লাইসেন্স অমসুং ৱৈইং স্কেলগে ভেরিফিকেসন পীরক্নবা খঙহনখি।

কনাগুম্বা ৱৈইং মচিন অমসুং মিজরিং ইন্সত্রুমেন্তশিংগী মেন্যুফেকচরর/ইম্পোর্তর খরনা ই-কম্মর্স প্লেৎফোর্মদা আইনগী অয়াবা য়াওদনা মীগী অরূম্বা ওন্নবা মচিন অমসুং কিৎচন স্কেলশিং অসিনচিংবা কয়া য়োল্লে হায়বা থেংনরে। অসিগুম্বা অয়াবা য়াওদনা ই-কম্মর্স সাইৎশিংদা য়োল্লিবসিনা কঞ্জুমরশিংদা সর্ভিস শেম্বা হন্থহনবদা নত্তনা লৈঙাক্তসু রেভিন্যু মাঙহল্লি।

কঞ্জুমরশিংগী ইন্তরেস্ত ঙাক্তুনা থম্নবগীদমক অসিগুম্বা ৱৈইং অমসুং মিজরিং ইন্সত্রুমেন্তশিংগী মেন্যুফেকচরর/ইম্পোর্তরশিংনা লিগেল মেত্রোলোজী এক্ত, ২০০৯গী মখাদা ৱৈইং অমসুং মিজরিং ইন্সত্রুমেন্তশিংগী মোদেল (সেক্সন ২২)গী অয়াবা, মেন্যুফেকচরিং লাইসেন্স (সেক্সন ২৩)/ইম্পোর্তর রেজিস্ত্রেসন (সেক্সন ১৯) অমসুং ৱৈইং অমসুং মিজরিং ইন্সত্রুমেন্তশিংগী ভেরিফিকেসন/স্তাম্পিং  (সেক্সন ২৪) লৌগদবনি। মখা তানা প্রি পেকেজ/ই-কম্মর্স প্লেৎফোর্মদা ৱৈইং অমসুং মিজরিং ইন্সত্রুমেন্তশিং অদুগী দিক্লারেসনশিং অদু লিগেল মেত্রোলোজী (পেকেজ কম্মোদিতীস), রুল ২০১১গী প্রোভিজন (রুল ৬) ঙাকনা চৎকদবনি।

ৱৈইং অমসুং মিজরিং ইন্সত্রুমেন্তশিংগী মোদেল, মেন্যুফেকচরিং লাইসেন্স/ইম্পোর্তর রেজিস্ত্রেসন অমসুং ৱৈইং অমসুং মিজরিং ইন্সত্রুমেন্তশিংগী ভেরিফিকেসন/স্তাম্পিং অসি কঞ্জুমরশিংগী ইন্তরেস্ততা অমসুং অরূম-অয়াংগী ত্রেদ অমসুং কম্মর্স রিগুলেৎ তৌনবা, মশীংদা নৎত্রগা অরূম্বা ওল্লগা য়োল্লিবা পোৎশিংবু রিগুলেৎ তৌনবা হোৎনবদা চঙই। মখা তাবা পোত্থোকশিং অদুগী তঙাইফদবশিং দিক্লারেসনশিং অসি কঞ্জুমরশিংনা অপাম্বা খন্ননবা প্রি-পেকেজ কম্মোদিতী/ই-কম্মর্স প্লেৎফোর্মদা তঙাইফদনা হাপকদবনি।

মেন্যুফেকচরর/ইম্পোর্তরশিংনা ৱৈইং অমসুং মিজরিং ইন্সত্রুমেন্তশিং অদুগী মশীং অমসুং মখোয়গী শাখ্রবা/ইম্পোর্ত তৌরকখ্রবা পার্তশিং, য়োনখ্রবা/দিস্ত্রিব্যুত তৌখ্রবা অমসুং লৈঙাক্তা থিখ্রবা ভেরিফিকেসন ফীশিংগী রেকোর্দশিং থমগদবনি।

হায়রিবা লিগেল মেত্রোলোজী এক্তকী প্রোভিজনশিং অসিবু থুগাইবা হায়বসি সেক্সন ৩২ (মোদেলগী এপ্রুবেল পীবা ঙমদবগী), সেক্সন ৪৫ (লাইসেন্স য়াওদনা ৱৈৎ অমসুং মিজর শাবা), সেক্সন ৩৮ (ৱৈৎ অমসুং মিজরগী ইম্পোর্তরনা রেজিস্ত্রেসন তৌদবগী পেনালতি), সেক্সন ৩৩ (ভেরিফাই তৌদবা ৱৈৎ অমসুং মিজর শীজিন্নবগী পেনালতি) অমসুং সেক্সন ৩৬ (নোন-স্তেন্দার্দ ওইবা পেকেজদা য়োনবনচিংবা তৌবগী পেনালতি)গী মখাদা ফাইন নৎত্রগা ফাদোকপা পীবা নৎত্রগা অনিমক পীবা য়াই।

***************



(Release ID: 1855485) Visitor Counter : 129