مرکز، محکمہ قانونی میٹرولوجی کے ذریعے وزن اور پیمائش کے آلات کے مینوفیکچررز/ درآمد کنندگان کو تعمیل کی تفصیلات طلب کرنے کے لیے 63 شوکاز نوٹس جاری کیے ہیں۔ ای - کامرس پلیٹ فارمز پر مینوفیکچررز/ درآمد کنندگان/ فروخت کنندگان کو نوٹس جاری کیے گئے تھے، جس میں ماڈل کی منظوری، مینوفیکچرنگ/ در آمد کنندگان/ ڈیلر لائسنس اور وزنی پیمانوں کی تصدیق کی تفصیلات طلب کی گئی تھیں۔

یہ دیکھا گیا ہے کہ وزن اور پیمائش کے آلات کے کچھ مینوفیکچررز / درآمد کنندگان قانون کی دفعات کی تعمیل کیے بغیر  ای - کامرس پلیٹ فارمز پر ، افراد وزن کرنے والی  مشینیں اور کچن اسکیلز وغیرہ فروخت کر رہے ہیں۔ ای - کامرس سائٹس پر اس طرح کی غیر مجاز فروخت نے نہ صرف صارفین کی خدمت میں کمی پیدا کی ہے،  بلکہ حکومت کو،  آمدنی میں بھی نقصان پہنچایا ہے۔

صارفین کے مفادات کے تحفظ اورحفاظت کے لیے، وزن اور پیمائش کے آلے کے مینوفیکچررز/ درآمد کنندگان کو اپنے وزن اور پیمائش کے آلے کے ماڈل (سیکشن 22)، مینوفیکچرنگ لائسنس (سیکشن 23)/ درآمد کنندگان کی رجسٹریشن (سیکشن 19) کی منظوری حاصل کرنے کی ضرورت ہے۔ ) اور قانونی میٹرولوجی ایکٹ 2009 کے تحت وزن اور پیمائش کے آلے کی تصدیق/مہر لگانے (سیکشن 24) کی ضرورت ہے۔

اس کے علاوہ وزن اور پیمائش کے آلے کے پری پیکج/ای - کامرس پلیٹ فارم پر اعلانات کو قانونی میٹرولوجی (پیک شدہ اشیاء)،  رولز 2011 کی دفعات (رول 6) کی تعمیل کرنے کی ضرورت ہے۔

وزن اور پیمائش کے آلات کے ماڈل کی منظوری، مینوفیکچرنگ لائسنس/ درآمد کنندگان کی رجسٹریشن اور تولنے اور ماپنے کے آلات کی تصدیق/ مہر لگانا، صارفین کے مفاد میں اور وزن، پیمائش اور وزن کی پیمائش یا  نمبر کے ذریعے فروخت ہونے والے دیگر سامان میں تجارت اور تجارت کو منظم کرنے کے لیے لازمی ہے۔ مزید برآں صارفین کو باخبر انتخاب کرنے کے لیے پروڈکٹ کا لازمی اعلان پری پیکیج کموڈٹی/ای - کامرس پلیٹ فارم پر کرنے کی ضرورت ہے۔

مینوفیکچرر/درآمد کنندہ کو وزن اور پیمائش کے آلے کی تعداد اور ان کے تیار کردہ/درآمد، فروخت/تقسیم کیے گئے حصوں اور حکومت کو ادا کی جانے والی تصدیقی فیس کی تفصیلات کا ریکارڈ برقرار  رکھنے کی ضرورت ہے۔

لیگل میٹرولوجی ایکٹ کی اِن دفعات کی خلاف ورزی سیکشن 32 (ماڈل کی منظوری حاصل کرنے میں ناکامی)، سیکشن 45 (لائسنس کے بغیر وزن اور پیمائش کی تیاری پر جرمانہ)، سیکشن 38 (وزن  یا پیمائش کے درآمد کنندہ کی طرف سے رجسٹریشن نہ کرنے پر جرمانہ)، سیکشن 33 (غیر تصدیق شدہ وزن یا پیمائش کے استعمال کا جرمانہ) اور سیکشن 36 (غیر معیاری پیکجوں کی فروخت وغیرہ پر جرمانہ) کے تحت قابل سزا ہے، جوکہ جرمانہ یا قید یا دونوں ہوسکتے ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح- ا ک- ق ر)

U-9661