হন্দক্তা পাঙথোকখিবা ইন্দিয়া-য়ু.কে. জোইন্ত কন্সলতেতিব কম্মিতি (জে.সি.সি.)গী মীফমদা কম্মর্সিএল কোর্তশিংনা মথৌ তৌবগী মওং, আর্বিত্রেসন অমসুং মেদিএসনগুম্বা অলতর্নেৎ দিস্প্যুৎ রিজোল্যুসন মেকানিজমশিং, কেস মেনেজমেন্ত, জস্তিস দিস্পেন্সেসন অমসুং কন্ত্রেক্তশিংগী এনফোর্মেন্সমেন্ত তৌবদা তেক্নোলোজী শীজিন্নবা অমসুং অচম্বা লেজিস্লেতিব দ্রাফতিংগী লম য়াওনা মসিদা লৈরিবা এক্সপরিয়েন্স অমসুং খ্বাইদগী ফবা প্রেক্তিসশিং এক্সচেঞ্জ তৌনবগী মতাংদা অপুনবা য়ান্ন-ৱারোল অমা শেমখি। মখা তানা লিগেল এদভাইজরশিং, দ্রাফসমেন, জুদিসিএল ওফিসরশিং, প্রোজিক্যুতরশিং অমসুং লিগেল প্রোফেস্নেলশিংগীদমক মমিং লৈরবা ইন্সতিত্যুতশিংদা ত্রেনিং অমসুং কেপাসিতী এনহেন্সমেন্ত প্রোগ্রামশিং অকক্নবা মতমগী মনুংদা পাঙথোকপা হায়না য়ান্নখি।

ভারত সরকার অমসুং য়ুনাইতেদ কিংদমনা ইং কুমজা ২০১৮গী জুলাই ১০দা লৈবাক অনিগী মরক্তা লো অমসুং জস্তিসকী লমদা তেংবাং পীনবা হেনগৎহন্নবগীদমক এম.ও.য়ু. অমা খুৎয়েক পীনখি। তেংবাং পীনগদবা লমশিংদা মাংলোমদা চংশিনবগী লম্বী শেমদুনা মসিগী পান্দমশিং অদু ফংনবা এম.ও.য়ু.গী মতাংদা জোইন্ত কন্সলতেতিব কম্মিতি (জে.সি.সি.) অমা শেমখি। জে.সি.সি.গী অহুমশুবা হকথেংননা পাঙথোকপা মীফম অদু নই দিল্লীদা ওগস্ত ১৮, ২০২২দা পাঙথোকখি।

ভারতকী দেলিগেসন অদু লো সেক্রেতরী, দা. নিতেন চন্দ্রনা লমজিংখি। কুপ্না খন্ন-নৈনবা অদুদা ভারতকী মাইকৈদগী দিপার্তমেন্ত ওফ লিগেল এফিয়র্স, লেজিস্লেতিব দিপার্তমেন্ত অমসুং দিপার্তমেন্ত ওফ জস্তিসকী মকোক থোংবা ওফিসিএলশিং, এন.এ.এল.এস.এ.গী মেম্বর সেক্রেতরী, অমসুং নই দিল্লীগী ইন্দিয়ন লো ইন্সতিত্যুতকী দিরেক্তরনা শরুক য়াখি। য়ু.কে.গী দেলিগেসন অদু য়ু.কে. সরকারগী জস্তিস মন্ত্রালয়গী সেকেন্দ পর্মিনেন্ত সেক্রেতরী দা. জো ফর্রারনা লমজিংখি। মহাকবু জস্তিস মন্ত্রালয় অমসুং নই দিল্লীদা লৈবা ব্রিতিশ হায় কম্মিসনগী মকোক থোংবা ওফিসরশিংনা তুং ইনখি। লুচিংবা অনিনা মীফমশিং অদু পুন্না ময়াই তাংবল লৌখি।

এম.ও.য়ু. অসিগী মখাদা য়ু.কে.গী লো ফর্মশিং অমসুং উকিলশিং চংবা য়াহন্নবগী মতাংদা রিগ্যুলেসনশিং শেম্নবগী হীরমগী মতাংদা ওগস্ত ১৮, ২০২২দা লিগেল সর্ভিসেস কম্মিতি (এল.এস.দি.)গী মীফমদা তোখাইনা ৱাফম অসি খন্নখি। কম্মিতি অসিদা মথক্তা পনখিবা লৈবাক অনিগী ওফিসরশিং, অমসুং বার কাউন্সিল ওফ ইন্দিয়া (বি.সি.আই.) অমসুং লো সোসাইতী ওফ ইংলেন্দ এন্দ ৱেল্সকী মীহুৎশিং য়াওখি। লিগেল সর্ভিসেস কম্মিতিনা মাগী মীফমদা ইকাই খুম্নরবা ভারতকী অমসুং য়ু.কে.গী প্রধান মন্ত্রীশিংগী মরক্তা ইং কুমজা ২০২১গী মে ৪দা পাঙথোকখিবা ইন্দিয়া-য়ু.কে. ভর্চুএল সম্মিৎতা য়ান্নবা পুরকখিবা অমসুং রেসিপ্রোকেল বেসিস্তা ভারত্তা লিগেল সর্ভিসেস সেক্তর হাংদোকপা য়াওনা অমনা অমগী মার্কেৎ-এক্সেসকী মথৌ তাবশিং ফংহন্নবা য়ান্নখিবা লৈবাক অনিগী মরক্তা ললোন-ইতিক্কী মতিক-ময়াই অদু পুথোক্নবা ‘এনহেন্স ত্রেদ পার্তনরশিপ’ (ই.তি.পি.) লোঞ্চ তৌখিবা অদু নীংশিংখি।

এল.এস.সি.গী কুপ্না খন্ন-নৈনবা অদু ব্রিতিশ হায় কম্মিস্নর তু ইন্দিয়া, ঐচ.ই. এলেক্স এল্লিসসু শরুক য়াখি। মীফম অদুদা নাকল অনিমক্না লিগেল সর্ভিসেস সেক্তর হাংদোকপদা মায়োক্নরিবা শীংনবশিং অসিগী মতাংদা ফোঙদোক্নদুনা মরুপ-মপাং ওইবগী মওং অমদা মীফম পাঙথোকখি। লো সোসাইতী ওফ ইংলেন্দ এন্দ ৱেল্সকী প্রসিদেন্তনা মহাক্কী তীমগা লোয়ননা মীফম অদু ভর্চুএল ওইনা শরুক য়াখি। নন-য়ু.কে. ওইবা ক্বালিফাইদ ওইরবা উকিলশিংগী কোর্ত প্রেক্তিস অমসুং লিগেল এদভাইসকী লমশিং শেমখিবা রিগ্যুলেসনশিংগী মতাংদা কুপ্না শন্দোক্না পাউদমখি। বি.সি.আই.গী সেক্রেতরীনা মখোয়বু রিপ্রিজেন্ত তৌরিবা উকিলশিংগী হকশিং, কান্নবশিং অমসুং ইন্তরেস্ত ঙাকশেন্নবগীদমক কাউন্সিলদা পীরিবা থৌদাংশিংগী মরমদা ফোঙদোকখি। অদুম ওইনমক লৈবাক অনিমক্কী মীহুৎশিংনা মরী লৈনবা ইকনোমীশিংদা লিগেল সর্ভিসেস সেক্তর হাংদোকপদা ফংবা য়াবা কান্নবশিং অদু শীংথাখি, স্তেকহোল্দর পুম্নমক্কীদমক কান্নবা ফংগদবা মান্নবা গ্রাউন্দ অদু খঙদোক্নবা পুন্না থবক তৌমিন্নবা হায়বা ৱাফম অসিদা য়ানবা পুরকখি।

************