এসিয়ন দিবেলপমেন্ত বেঙ্ক (এ.দি.বি.) অমসুং ভারত সরকারনা ঙসি হিমাচল প্রদেশকী রাজ্যদা অফবা থক্নবা ঈশিং ফংহন্নবা অমসুং ৱাতর সপ্লাই অমদি সেনিতেসনগী ফীভম ফগৎহন্নবগীদমক দোলর মিলিয়ন ৯৬.৩গী লোন এগ্রীমেন্ত অমা খুৎয়েক পীনখ্রে।

হিমাচল প্রদেশ রুরেল দ্রিঙ্কিং ৱাতর মেনেজমেন্ত এন্দ লাইবলিহুদ প্রোজেক্তকী খুৎয়েক পীখিবা মীশকশিং অদুদি ইকনোমিক এফিয়র্স বিভাগকী এদিস্নেল সেক্রেতরী, শ্রী রাজত কুমার মিশ্রানা ভারত সরকারগী মীহুৎ ওইনা অমসুং এ.দি.বি. মীহুৎ ওইনা ভারতকী এ.দি.বি.গী কন্ত্রী দিরেক্তর, শ্রী তাকিও কোনিশিনা খুৎয়েক পীনখি।

লোন এগ্রীমেন্ত খুৎয়েক পীরবা মতুংদা শ্রী মিশ্রানা হায়খি প্রোজেক্ত অসি ২০২৪ ফাওবদা খুঙ্গংগী য়ুমথোং পুম্নমক্তা পাইপকী ঈশিং ফংহন্নবা পান্দম থম্লিবা ভারত সরকারগী জল জীবন মিসনগী পান্দমগা মান্নরি অমসুং মসিনা ৱাতর সপ্লাই ইনফ্রাস্ত্রকচর অপগ্রেদ তৌরগনি অমসুং অফবা, তুংকোইনা চৎকদবা অমসুং ইনক্লুসিব রুরেল ৱাতর সপ্লাই অমসুং সেনিতেসন সর্ভিসশিং ফংহন্নবা ইন্সতিত্যুস্নেল কেপাসিতী মপাঙ্গল কনখৎহল্লগনি।

“এ.দি.বি.না প্রোজেক্ত অসিদা শরুক য়াশিল্লকপবা ৱাতর মেনেজমেন্তগী খ্বাইদগী ফবা প্রেক্তিসশিং ফংহল্লগনি, ইন্সতিত্যুস্নেল কেপাসিতী মপাঙ্গল কনখৎহল্লফনি অমসুং তারিফ রিফোর্মদা লমজিংলগনি,” হায়না শ্রী কোনিশিনা মখা তাখি। “খোঙথাংশিং অসিনা য়ুমথোংশিংদা অরেপ্পা লৈতবা প্রেসরাইজ ৱাতর সপ্লাই পীনবা, ইনক্লুসিব সেনিতেসন সর্ভিসশিং ফংহন্নবা, সস্তেনেবল সর্ভিস দেলিবতীগী ওপরেসন অমসুং মেন্তেনেন্স মপাঙ্গল কনখৎহন্নবা অমসুং মরী লৈনবা স্তাফকী কেপাসিতী বিল্দিং তৌনবগী সরকারগী পান্দম অদু থুংহল্লগনি।”

রাজ্য অসিগী খুঙ্গংগী মীশিংগী ৯০% হেনবনা থক্নবা ঈশিং ফংলি অদুবু মথৌ নীংথিনা তৌবা অমসুং সর্ভিস ক্বালিতী ফগৎহন্নবগীদমক ৱাতর সপ্লাই ইনফ্রাস্ত্রকচর অসি নৌবা শেমদোকপা মথৌ তাই। এ.দি.বি. প্রোজেক্ত অসিনা য়ুমথোং ৭৫,৮০০বু সর্ভিস অসি ফংহল্লগনি, জিলা ১০রোমদা লৈরিবা য়ুমথোং ৩,৭০,০০০দা অরেপ্পা লৈতবা ৱাতর সপ্লাই ফংহল্লগনি। ৱাতর সপ্লাই অমসুং সেনিতেসন সর্ভিসশিং ফগৎহন্নবগীদমক প্রোজেক্ত অসিনা গ্রাউন্দৱাতর ৱেল ৪৮, সর্ফেস ৱাতর ইনতেক ফেসিলিতী ৮০, ৱাতর ত্রীৎমেন্ত প্লান্ত ১০৯, পম্পিং স্তেসন ১১৭ অমসুং ৱাতর দিস্ত্রিব্যুসন পাইপলাইন কিমি ৩,০০০ শানবা পান্দম থম্মি। পাইলোৎ ফিকল স্লদজ মেনেজমেন্ত অমসুং সেনিতেসন প্রোগ্রাম অসি য়ুমথোং ২৫০,০০০দা কান্নবা ফংহন্দুনা সিরমোর জিলাদা ইমপ্লিমেন্ত তৌগনি।

প্রোজেক্ত অসিনা হিমাচল প্রদেশ সরকারগী জল শক্তি বিভাগ অমসং গ্রাম পঞ্চায়ৎ (লোকেল গভর্নমেন্ত) ভিলেজ ৱাতর এন্দ সেনিতেসন কম্মিতিগী কেপাসিতী মপাঙ্গল কনখৎহল্লগনি। মসিনা রাজ্য সরকারগী ৱাতর তারিফ পোলিসী রিফোর্মশিংদা মতেং পাংলগনি অমসুং রাজ্যগী থাক্তা এসেৎ মেনেজমেন্ত সিস্তেম অমসুং দিস্ত্রিক্ত এসেৎ মেনেজমেন্ত প্লানশিং পুথোক্লগনি। মরু ওইবা প্রোজেক্ত স্তেকহোল্দর অমসুং কম্ম্যুনিতী-বেজ ওর্গনাইজেসনশিং অসি নুপী সেল্ফ-হেল্প গ্রুপশিং লাইবলিহুদ স্কিল ত্রেনিংশিং য়াওনা ৱাতর মেনেজমেন্তদা ত্রেনিং তৌগনি।

এ.দি.বি.না মাগী এক্সত্রীম পোভর্তী মুত্থৎনবগী খোঙথাংশিং অসি লেংদনা থমদুনা এসিয়া অমসুং পেসিফিকপু চাউখৎপা, ইনক্লুসিব ওইবা, মপাঙ্গল কনবা অমসুং তুং কোইনা চৎকদবা অমা ওইহন্নবা ফিরেপ লোখি। ইং কুমজা ১৯৬৬তা লিংখৎখিবা অসি রিজন অসিগী ৪৯ য়াওবা মেম্বর ৬৮না মপু ওইরি।

****