রিপব্লিক দে, ২০২৩দা লাউথোক্কদবা পদ্ম মনা ২০২৩গী ওনলাইন নোমিনেসন/রিকম্মেন্দেসন মে ১, ২০২২দা হাংদোকখ্রে। পদ্ম মনাশিংগী নোমিনেসন তৌবগী অরোইবা মতম সেপ্তেম্বর ১৫, ২০২২ ওইরগনি। পদ্ম মনাশিংগী নোমিনেসন/রিকম্মেন্দেসনশিং অসি ওনলাইনগী খুত্থাংদা রাস্ত্রিয়া পুরুস্কার পোর্তেল (https://awards.gov.in )দগী লৌগনি।

পদ্ম মনাশিং মমিং ওইনা পল্লবদা পদ্ম বিভুশন, পদ্ম ভুশন অমসুং পদ্ম শ্রী অসি লৈবাক অসিগী মীচমদা পীবা খ্বাইদগী ৱাংবা মনা ওইরি। ১৯৫৪দা হৌদোক্লদুনা, মনাশিং অসি চহি খুদিংগী রিপব্লিক দে নুমিত্তা লাউথোক্তুনা লাক্লি। মনা অসিনা 'অখন্নবা থবক পায়খৎপা'বু মশক খঙবীনবা হোৎনরি অমসুং আর্ত, লিতরেচর অমসুং এজুকেসন, শান্ন-খোৎনবা, হিদাক লাংথক, মীয়ামগী থবক, সাইন্স অমসুং ইঞ্জিনীয়রিং, পব্লিক এফিয়র্স, সিভিল সর্ভিস, লল্লোন ইতীক অমসুং ইন্দস্ত্রী অসিনচিংবা ফীল্দ/দিসিপ্লিন খুদিংমক্তা অখন্নবা অমসুং তোপ-তোপ্পা মায় পাকপা/সর্ভিসকীদমক পীরি। জাৎ, শিনফম, থাক নৎত্রগা নুপী নুপাগী খেন্নবা থমদনা মনা অসি ফংবা য়াই। দোক্তর অমসুং সাইন্তিস্তশিং নত্তনা পি.এস.য়ু.শিংদা থবক তৌরিবা য়াওনা লৈঙাক্কী সর্ভেন্তশিংনা মনা অসি লৌবা য়াদে।

লৈঙাক অসিনা পদ্ম মনাবু "মীয়ামগী পদ্ম" ওন্থোক্নবা লেপ্লি। মরম অসিনা মীপুম খুদিংমক্না সেল্ফ নোমিনেসন য়াওনা নোমিনেসন/রিকম্মেন্দেসন তৌবীনবা হায়জরি। নুপীলক্তগী, খুন্নাই অসিগী অশোনবা কাংলুপতগী, এস.সি.শিং অমসুং এস.তি.শিং, নাম্ম শোইরবা মীওইশিং অমসুং খুন্নাই অসিগীদমগী কত্থোক্তুনা হোৎনজরিবা মীয়াম মরক্তগী মখোয়গী থবক থৌরমশিংবু তশেংনা শকখঙবীবা চঙবশিং থিদোক্নবা হোৎনবা য়াই।

নোমিনেসন/রিকম্মেন্দেসনশিং অসিদা মথক্তা পল্লিবা পোর্তেল অসিদা য়াওরিবা অইবা ৱারোল ওইনা সাইতেসন (য়াম্লবদা ৱাহৈ ৮০০), মীওই অদুগী মরী লৈনবা ফীল্দ/দিসিপ্লিন অদুগী অখন্নবা মায় পাকপা/সর্ভিস অদুবু ময়েক শেংনা পুথোকপীবা য়াওনা অচঙবা মরী লৈনবা অকুপ্পা মরোল খুদিংমক য়াওগদবনি।

হীরম অসিগী মতাংদা মখা তাবা অকুপ্পা মরোলশিং 'এৱার্দস এন্দ মেদলস' হায়বা হোম এফিয়র্স মন্ত্রালয়গী ৱেবসাইৎ (https://mha.gov.in) অমসুং পদ্ম পোর্তেল (https://padmaawards.gov.in )কী হেদিংদা ফংবীগনি। হায়রিবা মনাশিং অসিগা মরী লৈনবা স্তেত্যুৎ অমসুং কাংলোনশিং অসি https://padmaawards.gov.in/AboutAwards.aspx হায়রিবা লিঙ্ক অসিগী ৱেবসাইৎতা ফংবীগনি।

***