সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ); এম.ও.এস., পি.এম.ও., পর্সনেল, পব্লিক গ্রিভান্সেস, পেনসন্স, এতিমিক ইনর্জী অমসুং স্পেস, দা. জিতেন্দ্র সিংহনা ঙসি পুনেদা কে.পি.আই.তি-সি.এস.আই.আর.না দিবেলপ তৌখিবা ভারতকী অহানবা তশেংনা ইন্দিজিনস ওইনা দিবেলপ তৌবা হাইদ্রোজেন ফ্যুল সেল বস লোঞ্চ তৌখ্রে।

থৌরম অদুদা দা. জিতেন্দ্র সিংহনা হায়খি প্রধান মন্ত্রী মোদীগী হাইদ্রোজেন বিজন অসি শেল চংদবা অমসুং লাইনা ফংবা ক্লীন ইনর্জী ফংহন্নবা, ক্লাইমেৎ চেঞ্জকী গোলশিং থুংহন্নবা অমসুং অনৌবা ওন্তপ্রিনোরশিং অমসুং থবকশিং লৈহন্নবগী আত্মনির্ভর ওইবা পাম্বৈশিং ফংহনবা ভারতকীদমক মরু ওই। মহাক্না হায়খি, গ্রীন হাইদ্রোজেন অসি অফবা ক্লীন ইনর্জী ভেক্তর অমনি, মসিনা রিফাইনিং ইন্দস্ত্রী, ফর্তিলাইজর ইন্দস্ত্রী, স্তীল ইন্দস্ত্রী, সিমেন্ত ইন্দস্ত্রী অমসুং হেভী কম্মর্সিএল ত্রান্সপোর্তেসন সেক্তরদগী থাদোরকপা মপাঙ্গল শোন্থহনবা ঙমদবা ইমিসনশিং দীপ দিকার্বোনাইজেসন তৌবা ঙমহল্লি।

দা. জিতেন্দ্র সিংহনা হায়খি ফ্যুল সেলনা বস অসিগী পাৱর পীনবা ইলেক্ত্রিসিতী পুথোক্নবা হাইদ্রোজেন অমসুং নুংশিৎ শীজিন্নৈ অমসুং ঈশিং খক্তা বস অসিদগী থাদোকপা ইফ্যুন্ত ওইবনা মসিবু ত্রান্সপোর্তেসনগী খ্বাইদগী এনভাইর্নমেন্ত ফ্রেন্দলী ওইবা পাম্বৈ ওইহল্লি। পনবা য়াবদি, লমশাং চেল্লিবা দিজল বস অমা খক্তনা চহিদা সি.ও.২গী তন ১০০ থাদোকই অমসুং ভারত্তা অসিগুম্বা বস কয়া চেল্লি।

দা. জিতেন্দ্র সিংহনা হায়খি, ফ্যুল সেল ভেহিকলশিংগী ইফিসিএন্সী ৱাংবা অমসুং হাইদ্রোজেনগী ইনর্জী দেন্সিতী ৱাংবা অসিনা ফ্যুল সেল ত্রক অমসুং বসশিংগীদমক কিলোমিতর অমদা চৎলিবা ওপরেস্নেল কোস্ত অসি দিজলনা পাৱর তৌবা গারীশিংদগী হন্থৈ অমসুং মসিনা ভারত্তা ফ্রেৎ রিভোল্যুসন পুরকপা ঙমগনি। মসিগী মথক্তা ফ্যুল সেল বেহিকলশিংনা গ্রীন-হাউস গ্যাসকী জিরো ইমিসন তৌগনি। মন্ত্রীনা কে.পি.আই.তি. অমসুং সি.এস.আই.আর.-এন.সি.এল.গী অপুনবা খোঙথাং অসিবু থাগৎখি অমসুং ভারতকী সাইন্তিস্তশিং অমসুং ইঞ্জীনিয়রশিংগী তেক্নোলোজীগী হৈ-শিংবা অসি মালেমদা খ্বাইদগী হৈরে হায়নরিবশিং অসিদগী তাবা লৈতে অমসুং শেংসু চংদনা পুথোকপা ঙম্লি হায়না ফোঙদোকখি।

দা. জিতেন্দ্র সিংহনা হায়খি সি.ও.২. ইমিসন অমসুং পার্তিক্যুলেৎ ইমিসনগী ১২-১৪% অসি দিজলনা পাৱর তৌবা হেভী কম্মর্সিএল ভেহিকলশিংদগী থাদোরকই অমসুং মসি দিসেন্ত্রেলাইজ ইমিসনশিংনি অমসুং মসি লাকশিনবদা অৱাবা ওই। মন্ত্রীনা হায়খি, হাইদ্রোজেন ফ্যুল ওইবা গারীশিংনা সেক্তর অসিগী ওন-রোদ ইমিসনশিং হন্থহন্নবা খ্বাইদগী অফবা পাম্বৈ অমা ওইরি। মহাক্না হায়খি, ভারতনা ফ্রেৎ অমসুং পেসেঞ্জর ত্রান্সপোর্তকীদমক ইনলেন্দ ৱাতরৱেজ হেনগৎহন্নবা পান্দম থাম্মি।

দা. জিতেন্দ্র সিংহনা পান্দমশিং অসি ফংদুনা ভারতনা ফোসিল ইনর্জীগী নেৎ ইম্পোর্তর ওইরম্বদগী ক্লীন হাইদ্রোজেন ইনর্জীগী নেৎ এক্সপোর্তর ওইহনবা ঙমগনি অমসুং মসিনা ভারতনা খ্বাইদগী চাউবা গ্রীন হাইদ্রোজেন প্রদ্যুসর অমসুং গ্রীন হাইদ্রোজেনগী ইকিপমেন্তগী সপ্লায়র ওইদুনা হাইদ্রোজেন স্পেসতা মালেমগী লুচিংবা ওইবা ঙমহনগনি হায়না ফোঙদোক্লদুনা ৱারোল পীবা লোইশিনখি।

মতুংদা দা. জিতেন্দ্র সিংহনা সি.এস.আই.আর.-এন.সি.এল.দা বিস্ফেনোল-এ পাইলোৎ প্লান্ত শঙ্গাখি অমসুং পাইলোৎ প্লান্ত অসিনা সি.এস.আই.আরগী কোবিদ-১৯ মিসন প্রোগ্রাম অমসুং বল্ক কেমিকেল্স মিসন প্রোগ্রামগী মখাদা এন.সি.এল.না দিবেলপ তৌবা নোবেল প্রোসেস তেক্নোলোজীশিং মাইপাক্না দেমোনস্ত্রেৎ তৌখ্রে হায়না ফোঙদোকখি।

দা. জিতেন্দ্র সিংহনা হায়খি, বিস্ফেনোল-এ (বি.পি.এ.) অসি ইপোক্সি রেসিন, পোলীকার্বোনেৎ অমসুং অতোপ্পা ইঞ্জীনিয়রিং প্লাস্তিকশিং পুথোক্নবগী মরু ওইবা ফীদস্তোক অমনি। মহাক্না হায়খি, বিস্ফেনোল-এগী গ্লোবেল মার্কেৎ অসি ২০২৭ ফাওবদা মিলিয়ন ত ৭.১ য়ৌরবা য়াই হায়না প্রোজেক্ত তৌরি, মসি ২০২০-২০২৭কী এনলাইসিস পেরিয়দতা সি.এ.জি.আর.গী ২% হেনগৎলক্লি। ঙসি ভারত্তা অপুনবা এস্তিমেৎ তৌবা এনুএল দিমান্দ অসি তন ১,৩৫,০০০ ওইরি। সি.এস.আই.আর.-এন.সি.এল.গী তেক্নোলোজীনা মসিগী মরু ওইবা রো মেতরিএলগী ইম্পোর্ত মহুৎ শিনবা ঙম্লগনি অমসুং মসিনা ভারতকী আত্মনির্ভরগী থৌশিলদা মতেং পাংলগনি হায়না মন্ত্রীনা থাজবা ফোঙদোকখি।

সি.এস.আই.আর.-এন.সি.এল.না দিবেলপ তৌবা প্রোসেস অসিগী তোপ-তোপ্পা মগুন অসি মসি নোবেল দাউনস্ত্রীম প্রোসেস তেক্নোলোজী অমনি, মসিনা গ্লোবেল বেঞ্চমার্কশিংগা ইন্দিজিনস তেক্নোলোজী অসিবু লম্বা তৌনবা য়াহল্লি। প্রোসেস অসি তেক্নোলোজী ত্রান্সফরগীদমক অমসুং মখা তানা কম্মর্সিএল স্কেলদা কো-দিবেলপমেন্ত তৌনবা শেম শাদুনা লৈরে।

<><><><><>