কেন্দ্রগী এজুকেশণ অমসুং স্কিল দেবেলপমেন্ত  অমসুং এন্ত্রপ্রেনরশিপকী মন্ত্রী, শ্রী ধর্মেন্দ্র প্রধাননা ইন্দো-ওস্ত্রেলিয়াগী মরীশিং অদুবু হেন্না চেৎশিনহন্নবা অমসুং এজুকেশন অমসুং স্কিল দেবেলপমেন্তকী হীরম অসিদা মরী থম্নবা, খুৎশম্ননা থবক তৌনবা অমসুং তেংবাং পীননবা ওস্ত্রেলিয়াদা নুমিৎ মরিনিগী খোংচৎ অমদা চৎখ্রে।

মহাক্না থাদোক্ত্রিঙৈগী মমাংদা, শ্রী প্রধাননা হায়খি মদুদি ভারতকী এজুকেশন সেক্তরদা পুরক্লিবা অহোংবশিং অমসুং ইন্দিয়া-ওস্ত্রেলিয়াগী বাইলেতরেল ওইবা মরীদা নৌনা হাপকৎলক্লিবা ইচং-থৌনা অসিনা নোলেজ ইকোনোমীবু ঐখোয়গী মরক্তা তেংবাং পীনবগী য়াম্না মরু ওইবা হিরম অমা ওইনা থম্নবা নাকল অনিমক্কীদমক্তা য়াম্না চাউরবা খুদোংচাবা অমা পীরি। তুর অসিনা মরম অমগীদমক্তা অমত্তা ওইবগী থবক অসিদা খোংজেল য়াংখৎহল্লগনি, মসিনা ত্রান্স-নেস্নেল নোলেজ ব্রিজ অমা শেম্বদা মতেং পাংলগনি,  মখাতানা লর্নিং, স্কিলিং, রিসর্চ, ইন্নোভেশণ অমসুংএন্ত্রপ্রেনরশিপকী হীরম খুদিংমক্তা থাক খুদিংমক্তা ঐখোয়গী এনগেজমেন্ত অদু হেন্না চাউথোকহল্লগনি অমসুং মীশিংগী মরক্তা লৈরিবা মরী অদুবুসু হেন্না চেৎশিনহল্লগনি হায়না মহাক্না মহাক্কী থাজবা অদু ফোংদোরকখি।

ওগস্ত ২১দা মহাক্কী নুমিৎ মরিনিগী খোংচৎ অসিদা, মন্ত্রী অসিনা ইন্দিয়ন দাইসপোরাগা ৱারি-ৱাতাই শানরগনি। মথংগী নুমিৎতা, শ্রী প্রধাননা ওস্ত্রেলিয়ন কাউন্তরপার্ত মিস জেসন ক্লেরগা লোইননা ওস্ত্রেলিয়া ইন্দিয়া এজুকেশন কাউন্সিলগী ৬শুবা মীফমদা থৌবু ওইমিন্ননবা ৱেস্তর্ন সিদনী য়ুনিভর্সিতী (দবল্যু.এস.য়ু.)দা চৎলগনি। এন.এস.দবল্যুগী এজুকেশন মন্ত্রী, ঐচ.ই. সারাহ মিতচেল এম.এল.সি.গা লোইননা, শ্রী প্রধাননা স্কুল অমাদা চৎলগনি। মহাক্না তি.এ.এফ.ই. এন.এস.এফ. অমসুং সীদ্নীদা লৈবা দ য়ুনিভর্সিতী ওফ ন্যু সাউথ ৱেলস (বু.এন.এস.দবল্যু.)দসু চৎলগনি, মসিদা মহাক্না ভাইস-চান্সেলরশিং অমসুং ওস্ত্রেলিয়ন সরকারগী দিপার্তমেন্ত ওফ এজুকেশনগী সেনিবর রিপ্রেজেন্তেতিবশিংগা ৱারী-ৱাতাই শানরগনি। 

২০২২গী ওগস্ত ২৩দা, মন্ত্রী অসিনা মেলবোর্নদা কঙ্গন ইনস্তিত্যুত অমসুং দীকিন য়ুনিভর্সিতীদা চৎলগনি। মহাক্না ওস্ত্রেলিয়ন এজুকেশনগী একাদেমিসিয়নশিং অমসুং লুচিংবশিং অমসুং স্কিলিং ইকোসীস্তেম অমসুং মেলবোর্নদা লৈরিবা ভাইব্রেন্ত ওইরবা ইন্দিয়ন দাইসপোরাগা উনরগনি। শ্রী প্রধাননা স্কিলস অমসুং ত্রেনিংগী মন্ত্রী, ঐচ.ই. ব্রেন্দন ও’ কোন্নর এম.পি.গা লোইননা ভর্চুৱল বাইলেতরেল মীফম অমসু পাংথোক্লগনি। মথংগী নুমিত্তা, শ্রী প্রধাননা ওস্ত্রেলিয়া-ইন্দিয়া রিসর্চ কোলাবোরেশন মাইপাক্না শেমগৎনবগীদমক্তা নিপানগী কাংলুপ অমগা ৱারী-ৱাতাই শানরগনি। মহাক্না ওস্ত্রেলিয়া ইন্দিয়ন চেম্বর ওফ কমর্স অমসুং মোনাশ য়ুনিভর্সিতীনা শিন্দুনা মীফম অমসু পাংথোক্লগনি। মতুং তারকপদা, মন্ত্রী অসিনা মেলবোর্নদা লৈরিবা ভারতকী মহৈরোইশিংগা লোইননা  ৱারী-ৱাতাই শানরগনি।

*****