এথলেত-ফর্স্ত হায়বা এপ্রোচ অসিগা লোয়ননা য়ুথ এফিয়র্স অমসুং স্পোর্তস মন্ত্রালয়না ইন্তর্নেস্নেল ফুৎবোল ফেদরেসন (এফ.আই.এফ.এ.) অমসুং এসিয়ন ফুৎবোল কনফেদরেসন (এ.এফ.সি.) অনিমক্তা ভারতকী ক্লব সাইদশিং, শ্রী গোকুলম কেরলা এফ.সি. অমসুং এ.তি.কে. মোহুন বাগানবু তোর্নামেন্তশিংদা হান্না লেপনখিবা অদুদা কম্পিৎ তৌবা য়াহন্নবা হায়জখ্রে।

এ.আই.এফ.এফ.গী সস্পেন্সন লাউথোক্ত্রিঙৈগী মমাংদা শ্রী গোকুলম কেরলা এফ.সি.দি ইরানগী তিম অমগী মায়োক্তা ওগস্ত ২৩দা অমসুং য়ুম্বু লৈবাক্কা ওগস্ত ২৬তা কার্শিগী খাথংবা উজবেকিস্তান সহরদা শান্নগদবা মেচশিংগী স্কেদ্যুলগী মাংজৌননা উজবেকিস্তানদা থুংদুনা লৈখ্রে, অদুগা এ.তি.কে. মোহুন বাগানদি সেপতেম্বর ৭তা বহরীন্দা এ.এফ.সি. কপ ২০২২ (ইন্তর-জোন সেমিফাইনেলস) শান্নবগীদমক্তা লেপখ্রবনি।

এফ.আই.এফ.এ. অমসুং এ.এফ.সি.দা থাখিবা ইমেল অদুদা স্পোর্তস মন্ত্রালয়না শ্রী গোকুলম কেরলা এফফ.সি.দি এ.আই.এফ.এফ.কী সস্পেন্সন এফ.আই.এফ.এ.না লাউথোক্ত্রিঙৈগী মমাংদা উজবেকিস্তান্দা লৈখ্রে হায়বা ৱাফম অসিবু ময়েক শেংনা হায়খি। মরম অসিনা থৱাই য়াওজরবা শান্নরোইশিংগী খনবিদুনা এফ.আই.এফ.এ. অমসুং এ.এফ.সি.না তিম অসিবু এ.এফ.সি. ৱিমেন্স ক্লব চেম্পিয়ন্সিপ (ৱেস্ত রিজন)তা শানবা য়াওহনবীনবা হায়জখ্রে। মরক অসিদা, মন্ত্রালয়না উজবেকিস্তান্দা লৈবা ইন্দিয়ন এম্বেসীনা তিম অসিদা য়ারিবা মখৈ মতেং পাংবীননবসু হায়জখ্রে। মন্ত্রালয় অসি গোকুলম তিমগী মেনেজমেন্তকা তত্তনা পাউ ফাওনরি।   

***************