ভারতকী কিলোমিতর ৭,৫০০ শাংবা কোস্তলাইন, কিলোমিতর ১৪,৫০০ শাংবা চত্থোক চৎশিন তৌবা য়াগদবা ঈশিং লম্বী অমসুং মরুওইবা অন্তর্জাতিগী ঈশিংগী লল্লোন ইতীক তৌনগদবা লম্বীগী স্ত্রেতেজিক ওইবা লোকেসন লৈ। ভারত লল্লোন ইতীক্কী ভোলুমগী ৯৫% ভেল্যুগী ৬৫%দি হিথাংফমশিং শীজিন্নদুনা শমুদ্রগী চত্থোক চৎশিনগী খুত্থাংদা তৌই। পোর্ত, শিপ্পিং অমসুং ৱাতরৱেজ মন্ত্রালয়গী সাগরমালা প্রোজেক্তকী মীৎয়েং মখাদা, হিংথাংফমগী ওইবা চাউখৎ খোঙথাংগী তোঙান-তোঙানবা থৌরাং কয়া লৌখৎখ্রে। হৌজিক হিথাংফমশিংদা চত্থরিবা চাউখৎ খোঙথাংগী থবকশিং অমসুং ইনভেস্তমেন্তশিং (পব্লিক অমসুং প্রাইবেৎ) অসি সাইন্তিফিক অমসুং কন্সলতেতিব প্লান্নিংগী মখাদা য়েংশিনবা তঙাইফদ্রে, মসিদা লেপ্পা লৈতনা হেনগৎলক্লিবা সেফতী, সেক্যুরিতী অমসুং অকোইবগী ইস্যুশিং য়েংশিনবদা মীৎয়েং চঙদবা য়াদ্রে।

ইন্দিয়ন পোর্ত এক্ত, ১৯০৮ ("এক্ত") অসি চহি ১১০ হেন্না হেল্লে। মসিনা হৌজিক হোৎনরিবা ফ্রেমৱার্কশিং মেনখৎপা, ভারতকী ইন্তর্নেসনেল ওব্লিগেসনশিং পুশিনবা, হৌজিক লাক্লিবা অকোইবগী শমস্যাশিং য়েংশিনবা অমসুং জাতিগী অপাম্বা মওংদা হিথাংফমগী সেক্তরদা চাউখৎনবগী ৱাফম উদবনা এক্ত অসি শেমদোক্তবা য়াদবগী তাংকক য়ৌরক্লে।

মসিগী মতুং ইন্না, দ্রাফ ইন্দিয়ন পোর্ত বিল, ২০২২ ("আই.পি. বিল ২০২২") অসি হিথাংফমশিংগা মরী লৈনবা আইনশিং নৌনা হাপচিন্নবা শেম্লে, মসিনা হিথাংফমশিংদা মোৎশিনবা থিংনবা, লৈবাক অসিনা শমুদ্রগী য়ানচেশিংদা লেপখিবা ৱারেপ ঙাক্নবা অমসুং ভারতনা শরুক অমা ওইরিবা অন্তর্জাতিগী ইন্সত্রুমেন্তশিংগী ৱারেপ ঙাকপা য়ারগনি; মসিনা হিথাংফমশিং কন্নবা খোঙথাং লৌখৎকনি; স্তেত মেরিতাইম বোর্দশিং হেন্না য়েংশিনবা য়ানবা শেমগনি; ভারত্তা নোন-মেজর ওইবা হিথাংফমশিং লাকশিনবা অমসুং য়েংশিনবা য়ারগনি; হিথাংফমগা মরী লৈনবা ৱাথোকশিং য়েংশিন্নবা মেকানিজম পীরগনি অমসুং পোর্ত সেক্তর হেন্না চাউখৎনবা নেসনেল কাউন্সিল অমা লিংখৎলগনি; অমসুং ভারতকী কোস্তলাইনশিং নীংথিনা শীজিন্নবা য়ারগনি।

দ্রাফ আই.পি. বিল ২০২২ সইনা হৌজিক লৈরিবা ১৯০৮ এক্ত অসিবু লৌথোক্নবা অমসুং মহুৎ শিন্নবা হোৎনরি। হায়রিবা বিল অসিগী মরুওইবা পান্দমশিং অসি মখল মরি থোক্না খায়দোক্লিঃ

১. রাজ্যশিংগী মরক্তা অমসুং কেন্দ্রগা রাজ্যগগী মরক্তা তাথোক তাশিন তৌনদুনা অমসুং রিকমেন্দেতরী ফ্রেমৱার্ককী থোঙদা অপুনবা প্লানিং অমা শাগৎপা;

২. ভারত্তা লৈরিবা হিথাংফম খুদিংদা মোৎশিনবগী থবক থিংনবা খোঙথাং লৌখৎপা অমসুং লৈবাক অসিনা শমুদ্রগী য়ানচেশিংদা লেপখিবা ৱারেপ ঙাক্নবা হোৎনবা;

৩. হিথাংফমগী সেক্তর শেমগৎ শাগৎপদা থোকপা ৱাথোক্কী অহোবা য়েংশিনবা;

৪. দেতা শীজিন্নদুনা মনুং মপান ফাওনা উবা ঙম্বা অমসুং মতেং পাংনদুনা চাউখৎনবা হোৎনবনি।

পুথোক্লক্লিবা বিল অসিনা শমুদ্রগী সেক্তর চাউখৎপগী থবকশিং হোমোজনাইজ তৌগনি অমসুং স্ত্রিম্লাইন তৌগনি মসিগা লোইননা, কান্নদবা মওংদা থেংথবা হন্থহন্দুনা, য়ানদবা মাঙহন্দুনা অমসুং থৌদাং মশক তাক্নদুনা লল্লোন ইতীক্কী থবক হেন্না লাইহনবা। মসিনা নেসনেল ফ্রামৱার্ক্তা স্তেত মেরিতাইম বোর্দশিংবু পুখৎকনি।  মসিগী মথক্তা, মেরিতাইম স্তেত দিবেলপমেন্ত কাউন্সিল অসিনা কেন্দ্র অমসুং রাজ্য/য়ূতিনা পুন্না থবক তৌমিন্নদুনা চাউখৎপগী লম্বী অমা লৈবাক অসিগীদমক শেম্নবা হোৎনগনি। এক্ত অসিগী হঞ্জিনবা প্রোভিজনশিং মুত্থৎলে অমসুং মতমসিগা চুন্নবা প্রোভিজনশিংনা মহুৎ শিল্লে। মখা তানা, এক্ত অসিদা লৈরিবা মতম হেল্লবা পেনালতিশিং অসি হৌজিক মতমগা চুন্নবা ওফেন্সশিং অমসুং চাং য়েংদুনা অপদেত তৌরে।

বিল অসিগী অঙনবা ভর্জন অহুমসু মন্ত্রালয় অসিনা তোঙান-তোঙানবা স্তেকহোল্দরশিং হায়বদি মরুওইবা হিথাংফমশিং, রাজ্য সরকার, রাজ্যগী মেরিতাইম বোর্দশিং অমসুং তোঙান-তোঙানবা কেন্দ্র লৈঙাক্কী মন্ত্রালয়শিংদা লান্থোকখ্রে। দ্রাফ আই.পি. বিল, ২০২২ অসি ময়াম্না পীবীরকপা ৱাফমশিং পুম্নমক খন্নরবা মতুংদা শেমখিবনি।

শ্রী সর্বানন্দ সোনোৱাল, কেন্দ্রগী পোর্ত, শিপ্পিং অমসুং ৱাতরৱেজ মন্ত্রীনা ফোংদোকখি মদুদি বিল অসিনা মেরিতাইম সেক্তরদা অফবা মওংদা অথোই অহেন তান্নবা হেনগৎহন্দুনা অহেনবা কয়া অমা শরুক য়ানবগী থোক্লক্নিংবা ফাওরগনি। মহাক্না হায়খি মদুদি মসিনা শেন্মিৎলোনগী থবক থৌরম হেনগৎহল্লগনি, মার্কেৎ পাকথোক চাউথোক্লগনি, অমসুং মসিগা মরী লৈনবা থবক পীবগী চাং হেনগৎলগনি, মসিনা মরম ওইদুনা আত্মনির্ভর ভারতকী মঙলান অমা প্রধান মন্ত্রীনা মঙজরিবসি মঙফাওনবা ঙম্লগনি।

মন্ত্রালয় অসিনা স্তেকহোল্দরশিংদগী দ্রাফ আই.পি. বিল ২০২২ অসিদা ফীদবেক অমসুং সজেসনশিং তরাম্না ওক্লি। দোক্যুমেন্ত অসি এম.ও.পি.এস.দব্ল্যু.গী ৱেবসাইৎ অমসুং সাগরমালাগী মখাদা পীজরিবা লিঙ্ক https://shipmin.gov.in/ and https://sagarmala.gov.in/ অসিদা ফংবীগনি। অমসুং সজেসনশিংনা sagar.mala[at]gov[dot]in দা থাবীরকপা য়াগনি।

***************