পোর্তস, শিপ্পিং এন্দ ৱাতরৱেজ অমসুং আয়ুশকী কেন্দ্র মন্ত্রী শ্রী সর্বানন্দ সোনোৱালনা ওগস্ত ১৮, ২০২২দগী হৌদুনা ইরান অমসুং য়ু.এ.ই.দা ওফিসিএল ওইবা খোঙচৎ অমা চৎখ্রে। মহাক্কী খোঙচৎ মনুংদা শ্রী সোনোৱালনা ইরানগী চাবহারদা লৈবা শহীদ বহশতি পোর্ত্তা অমসুং জেবেল অলী পোর্ত য়াওনা য়ু.এ.ই.দা চৎকনি। চাবহার পোর্ত অসি লৈবাক অসিগী অহানবা ওভর্সীস পোর্ত প্রোজেক্তনি। চাবহার পোর্ত প্রোজেক্ত শেমগৎ-শাগৎপা অসি জাতিগী ওইনা মরু ওইবা অচৌবা প্রোজেক্ত অমনি।

লাইচৎনা মরম ওইদুনা ভারত্তগী ইরান অমসুং ভাইস-ভর্সাগী চৎথোক-চৎশিন তৌবগী মশিং অসি হন্থখি। মন্ত্রীগী খোঙচৎ অসিনা লৈবাক অনিগী মরক্তা লৈরিবা মরীশিং অমসুং সমু্দ্রগী লমদা লৈরিবা মরী অসিবু মপাঙ্গল কনখৎহল্লগনি। খোঙচৎ অসিনা য়ুরোপ, রসিয়া অমসুং সি.আই.এস. লৈবাকশিংগা লোয়ননা ভারতনা লালোন-ইতিক তৌনবগী গেৎৱে অমা ওইনা চাবহার অসি মরু ওইনা হায়নসু ফোঙদোক্কনি। মন্ত্রীনা ইস্লামিক রিবাপ্লিক ওফ ইরানগী সরকারগী রোদ এন্দ অর্বান দিবেলপমেন্ত অমসুং হেল্থ এন্দ মেদিকেল এজুকেসনগী মন্ত্রীশিংগা লোয়ননা বাইলেতরেলগী ওইবা মীফমশিংদা শরক য়াগনি।

খোঙচৎ অসিদা ভারত সরকার অমসুং ইস্লামিক রিবাপ্লিক ওফ ইরানগী সরকারগী মরক্তা সমুদ্রগী খোঙচৎশিংদা অথিংবা লৈতবা হীরোইশিংগী সর্তিফিকেৎস ওফ কম্পিতেন্সীগী ম্যুচুএল রিকগনিসনগী মতাংদা মেমোরেন্দম ওফ অন্দরস্তেন্দিং অমসু খুৎয়েক পীনগনি।

মন্ত্রীনা তেহরানদা বেজ তৌবা সি.আই.এস. লৈবাকশিংগী এম্বেসেদরশিংগসু উন্নগনি। শ্রী সর্বানন্দ সোনোৱালনা য়ু.এ.ই.গী জেবেল অলী পোর্ত্তসু চৎকনি অমসুং খোঙচৎ অসিদা দাইসকা উন্নগনি। য়ু.এ.ই.দা লৈবা শিপ্পিং/ফ্রেৎ কম্পনীশিংগী মকোকশিংগা লোয়ননা পাঙথোকপা রাউন্দ তেবল মীফমশিংদা মন্ত্রীনা শরুক য়াগনি।

*****