থবক শুবা, মীয়ামগী ৱাকৎ অমসুং পেন্সন মন্ত্রালয়
অৱাং নোংপোক্কী ৱর্ক কল্চর পি.এম. মোদীগী মখাদা রিভোলুস্নরী ওইবা মওংদা অহোংবা লাক্লে, হায়না কেন্দ্র মন্ত্রী দোক্তর জিতেন্দ্র সিংহনা হায়খ্রে
দোক্তর জিতেন্দ্র সিংহনা অরুনাচল প্রদেশ মুখ্য মন্ত্রী শ্রী পেমা খান্দুগা লোয়ননা ইতানগরদা “ব্রিঙ্গিং সিতিজন্স এন্দ গভর্নমেন্ত ক্লোজর থ্রু এদমিনিস্ত্রেতিব রিফোর্মস” হায়রিবা হীরমসিদা পাঙথোকপা নুমিৎ নিনিগী ওইবা রিজনেল কন্ফরেন্স অমা হৌদোকখ্রে
দি.এ.আর.পি.জি.না অরুনাচল প্রদেশ লৈঙাক অমসুং সেন্তর ফোর গুদ গভর্নেন্স, হায়দরবাদকা খুৎশম্নরগা দিস্ত্রিক্ত খুদিংদা মতিং লৈবা লৈঙাক্লোনগী ফীভম ফগৎহন্ননবা অৱাং নোংপোক স্তেতশিংগী ওইনা অহানবা দিস্ত্রিক্ত গুদ গভর্নেন্স ইন্দেক্স শেমগৎলে
Posted On:
18 AUG 2022 2:06PM by PIB Imphal
সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোনেল, পব্লিক গ্রীভান্সেস, পেন্সন্স, এতোমিক ইনর্জী এন্দ স্পেস, দোক্তর জিতেন্দ্র সিংহনা প্রধান মন্ত্রী নরেন্দ্র মোদীগী মখাদা অৱাং নোংপোক্কী ৱর্ক কল্চরদা হৌখিবা চহি ৮সিদা রিভোলুস্নরী ওইবা মওংদা অহোংবা লাক্লে হায়না ঙসি ফোঙদোকখ্রে।
মসিগী মহৈনা, হৌজিক্তি অৱাং নোংপোক্তা পায়খৎপা প্রোজেক্তশিং অকক্নবা মতমদা লোইশিল্লে, অমদি কেন্দ্রগী ফন্দ শীজিন্নবগী চাং চাদা ১০০গী চাংদা য়ৌশিল্লক্লে হায়না মন্ত্রীনা হায়খি। স্তেত খুদিংমক লৈবাক্কী কোনুংগা রেলৱেনা শম্নহল্লে অমদি স্তেত নিপানমক্তা মখোয় মখোয়গী এয়রপোর্ত শেমগৎলকপগা লোয়ননা গুৱাহাতি অসি মরুওইবা মালেমগী থাক্কী এয়রপোর্ত অমা ওইরে।
অরুনাচল প্রদেশ মুখ্য মন্ত্রী পেমা খান্দুগা লোয়ননা মফমসিদা “ব্রিঙ্গিং সিতিজন্স এন্দ গভর্নমেন্ত ক্লোজর থ্রু এদমিনিস্ত্রেতিব রিফোর্মস” হায়রিবা হীরমসিদা পাঙথোকপা নুমিৎ নিনিগী ওইবা রিজনেল কন্ফরেন্স অমা হৌদোক্লদুনা, ২০১৪গী মমাঙদা কেন্দ্রদা পানখিবা লৈঙাকশিংগী মীৎয়েঙ শান্দবা থৌশিলনা অৱাং নোংপোক লমদমদা শেন্মিৎলোনগী ফীভম ফৎলমদে, অদুবু মোদী লৈঙাক ২০১৪দা লাক্লবা মতুংদা, প্রধান মন্ত্রীনা লমদম অসিবু লৈবাকসিগী হেন্না চাওখৎলবা মফমশিংদা থোং মান্ননা পুরক্নবা হোৎনবা য়াবা পুম্নমক হোৎনগনি হায়না ফোঙদোকখি হায়না দোক্তর জিতেন্দ্র সিংহনা হায়খি। হৌখিবা চহি নিপানসিদা, চাওখৎপগী লৈরমবা অহোবশিং মায় পাক্না মেনশিনবতা নত্তনা, অৱাং নোংপোক লমদম্না পুক্নিং ৱাখলদা থাজবগী চাংসু হেনগৎলক্লি হায়না মহাক্না হায়খি। লম্বী থোং, রেল অমসুং নোংথক্কী চত্থোক চৎশিনগী পাম্বৈদা মশক থোক্না চাওখৎলকপসিনা লমদমসিদা খক্তা নত্তনা লৈবাক পুমবদা পোৎ পুথোক পুশিন অমদি চত্থোক চৎশিনগী ফীভম ফগৎহনবদা মতেং পাংলি হায়নসু মন্ত্রীনা মখা তাখি।
নরেন্দ্র মোদীনা প্রধান মন্ত্রী ওইরক্লবা মতুংদখক্তা অরুনাচল প্রদেশকুমবা অৱাং নোংপোক্কী খ্বাইদগী লাপ্লবা স্তেতশিংদা লোয়ননা লমদমসিগী চীংগী মফমশিং অমসুং চাওখৎপা ৱাৎলিবা মফমশিংদা লমদমদুগী মীওইশিং মপাঙ্গল কনখৎহন্নবগীদমক অসিগুম্বা মীফমশিং অসি পাঙথোকপা হৌরকখিবনি হায়না দোক্তর জিতেন্দ্র সিংহনা ফোঙদোকখি। হৌজিক দিপার্তমেন্ত ওফ এদমিনিস্ত্রেতিব রিফোর্ম্স এন্দ পব্লিক গ্রীভান্সেসনা পাঙথোক্লিবা ইতানগর কন্ফরেন্স অসি, খ্বাইদগী ফবা থৌওংশিং তাথোক তাশিন তৌননবা, খ্বাইদগী নৌবা তেক্নোলোজী শেমগৎনবা অমদি মদুবু মতিং লৈবা লৈঙাক্লোন পুরক্নবা অমসুং মীয়ামদা সর্ভিস য়ৌহনবদা শীজিন্ননবগীদমক ই-গভর্নেন্সকী ‘সিলোং দিক্লারেসন’ এদোপ্ত তৌখিবা ওগস্ত ২০১৯দা মেঘালয়দা পাঙথোকখিবা নেস্নেল কন্ফরেন্স ওন ই-গভর্নেন্সকী মনুং চল্লিবনি হায়না মহাক্না হায়খি।
দিপার্তমেন্ত ওফ এদমিনিস্ত্রেতিব রিফোর্ম্স এন্দ পব্লিক গ্রীভান্সেসনা অরুনাচল প্রদেশ লৈঙাক অমসুং সেন্তর ফোর গুদ গভর্নেন্স, হায়দরবাদকা খুৎশম্নদুনা দিস্ত্রিক্ত খুদিংদা মতিং লৈবা লৈঙাক্লোনগী ফীভম ফগৎহন্ননবা অৱাং নোংপোক স্তেতশিংগী ওইনা অহানবা দিস্ত্রিক্ত গুদ গভর্নেন্স ইন্দেক্স শেমগৎলে হায়না দোক্তর জিতেন্দ্র সিংহনা পাউদমখি। দি.এ.আর.পি.জি.না অরুনাচল প্রদেশ লৈঙাক্কা খুৎশম্নদুনা অরুনাচল প্রদেশকী দিস্ত্রিক্ত খুদিংমক্কী রেঙ্কিং থা-থাগী ওইনা য়েংশিন্নবা অমদি অরুনাচল প্রদেশ স্তেত মনুংগী পর্ফোর্মেন্সকী বেঞ্চমারকিংদা মতেং ওইননা দিস্ত্রিক্ত গুদ গভর্নেন্স পোর্তেল অমা শেমগৎনবা থৌরাং তৌরি হায়নসু মহাক্না হায়খি। পনবা য়াবদি, অরুনাচল প্রদেশকী দিস্ত্রিক্ত গুদ গভর্নেন্স ইন্দেক্সকী পরিংদা চহিগী ওইনা ফগৎলকবা ফীভম য়েংশিন্নবা অৱাং নোংপোক লমদমগী ওইবা ওনলাইন গুদ গভর্নেন্স ইন্দেক্স অমা শেমগত্তুনা দিজিতেল পোর্তেল অমগী খুত্থাঙদা য়েংশিনবা কান্নগনি।
প্রধান মন্ত্রী মোদীনা অরুনাচল প্রদেশপু নোংপোক এসিয়াগী অচৌবা থোঙজিল অমা ওইহন্নবা থবক পায়খৎলি। লৈবাক্কী ঙাকশেলদা অরুনাচল প্রদেশগী শক্লোন য়েংলগা মতমগা চুনবা ইনফ্রাস্ত্রকচর শেমগৎলি। মহৌশা লাইরেম্বীনা অরুনাচলদা য়াম্লবা লন-থুম পীবিরি অমদি কেন্দ্রনসু অরুনাচলগী লমকোয় মতিংবু মালেম পুমবদা পুথোক্নবা হোৎনরি হায়না দোক্তর জিতেন্দ্র সিংহনা হায়খি।
এদমিনিস্ত্রেতিব রিফোর্ম্সকী মতাঙদা দোক্তর জিতেন্দ্র সিংহনা হায়খিবদা, ২১শুবা চহিচাগী পব্লিক গ্রীভান্সেস রিদ্রেসেল অসি সিঙ্গল ৱিন্দো ওইহন্দুনা মীয়ামদা হেন্না ফবা সর্ভিস ফংহনবদা ইনফোর্মেসন শীজিন্নবদা মতেং পাংহনবা হায়বা ৱাফমসিদা ভারতনা থাজবা থম্লি। ৱন নেসন ৱন পোর্তেল, হেন্না ফবা সিতিজন আউতরীচকীদমক মল্তিলিঙ্গুএল সি.পি.জি.আর.এ.এম.এস., ৱাকৎকী ৱাখৈ পুরকপগী ক্বালিতী ওন্ননবা দেতা এনালাইতিক্স, ফীদবেক কোল সেন্তর অমসুং সি.পি.জি.আর.এ.এম.এস. পোর্তেলদা সিতিজন ত্রান্সকৃপ্তকী ৱাফম্নচিংবা য়াওনা তোঙান তোঙানবা থৌওং কয়া পায়খৎলে।
ভারত অসি ২০৪৭দদি মথৌ মশক খঙবা সিভিল সর্ভেন্তশিংনা লৈঙাক্লগনি অমদি মতিং লৈনা লৈবাক্কী থৌগল তৌগনি হায়না মহাক্না থাজৈ। নহা ওইরিবা সিভিল সর্ভেন্তশিংবু Vision@2047 গা লোয়ননা পুক্নিং থৌগৎপা অমদি শরুক য়াহনবা হায়বসি য়াম্না মরুওই হায়না দোক্তর জিতেন্দ্র সিংহনা ফোঙদোকখি।
শ্রী এন.বি.এস. রাজপুত, জোইন্ত সেক্রেতরী, এ.আর.পি.জি.না তরাম্না ওকপগী ৱারোল লান্থোকখি। তরাম্না ওকপগী ৱারোল মতুংদা, শ্রী ধর্মেন্দ্র, চীফ সেক্রেতরী, অরুনাচল প্রদেশ লৈঙাক; শ্রী লোক রঞ্জন, সেক্রেতরী, দোনর অমসুং শ্রী ভি. স্রিনিবাস, সেক্রেতরী, এ.আর.পি.জি.নসু হৌদোকপগী থৌরম অদুদা ৱা ঙাঙখি। দি.এ.আর. এন্দ পি.জি.না পুথোকপা পি.এম. এৱার্দেদ ইনিসিএতিব্স ২০২১ ইন নোর্থ ইস্তর্ন রিজনগী ফিল্ম অমা উৎখি। শ্রী অজয় চগতি, সেক্রেতরী (এ.আর.) অরুনাচল লৈঙাক্না হৌদোকপগী থৌরমদুগী থাগৎ ৱারোল পীখি।
<><><><><>
(Release ID: 1852867)
Visitor Counter : 205