সিভিল এভিএসন মন্ত্রালয়গী থৌশিলশিংগী মরক্তা অমা ওইরিবা রিজনেল কন্নেক্তিবিতী স্কিম উরান (উরেদেশকাআমনাগ্রিক) প্রধান মন্ত্রীনা এপ্রিল ২৭, ২০১৭দা হৌদোকখিবা নুমিত্তগী মায় পাক্লকপগী চহি ৫ মপুং ফারে। স্কিম অসি ওক্তোবর ২১, ২০১৬দা 'উরেদেশকাআমনাগ্রিক'কী পান্দম তুংইন্না মীচম প্রজাশিংগী মঙলান মঙফাওনহন্নবা পান্দম অমসুং হেন্না ফরবা এভিএসনগী ইনফ্রাস্ত্রকচর অমসুং নোংথক্কী কন্নেক্তিবিতী তাইয়র ২ অমসুং তাইয়র ৩ শহরশিংদা শম্নহন্নবা পান্দমগা লোইননা হৌদোকখি।

হৌখিবা চহি মঙা অসিদা, উরাননা লৈবাক অসিগী রিজনেল এয়র কন্নেক্তিবিতী মশক থোক্না হেনগৎহনখ্রে। ২০১৪দা মথৌ তৌরিবা এয়রপোর্ত ৭৪ লৈরম্মি। উরান স্কিম্না মরম ওইদুনা, হায়রিবা মশীং অসি হৌজিক্তি ১৪১দা হেনগৎখ্রে। উরান স্কিমগী মখাদা এয়রপোর্ত ৫৮, হেলিপোর্ত ৮  অমসুং ঈশিংগী এরোদ্রোম ২ য়াওনা অন্দর্সর্ভ/অনসর্ভ ওইবা লমথুংফম ৬৮ শম্নখ্রে। স্কিম অসিগী মখাদা অনৌবা লম্বী ৪২৫ শেমখিবগা লোইননা, উরান্না লৈবাক অসিগী কাচিন কোয়া শীনবা থুংবদা লৈরিবা রাজ্য/য়ু.তি. ২৯ হেনবদা নোংথক্কী লম্বী হেন্না শম্নহনখ্রে। ওগস্ত ৪, ২০২২ ফাওবদা পেসেঞ্জর করোর অমা হেনবনা স্কিম অসিগী কান্নবা লৌখ্রে। স্কিম অসিনা রিজনেল কেরিয়রশিংদা মখোয়গী ওপরেসন হেনগৎনবা তঙাইফদবা ফম্বাক অমা পীরে।

উরানগী মখাদা দেস্তিনেসন ২২০ (এয়রপোর্ত/হেলিপোর্ত/ঈশিংগী এরোদ্রোম) ২০২৬ ফাওবদা লম্বী ১০০০না লৈবাক অসিদা লৈরিবা শম্নদ্রিবা দেস্তিনেসনশিংগা শম্ননবা হোৎনবগা লোইননা মপুং ফাহন্নবা হোৎনরি। উরানগী মখাদা,লম্বী ৯৫৪দা এয়রপোর্ত ১৫৬কা শম্ননবা শিন্নখ্রে। থৌরম অসিদা, সিভিল এভিএসন মন্ত্রী শ্রী জ্যোতিরঅদিত্য এম. সিন্দিয়ানা হায়খি, "আর.সি.এস. উরান্না মায় পাকপা হায়বসি লৈঙাক অসিনা প্রধান মন্ত্রীগে 'উরে দেশ কা আম নাগ্রিক'কী মঙলান মপুং ফাহন্নবা হোৎনবগী খুদম অমনি। মসিনা ভারতকী এভিএসন ইন্দস্ত্রী অসিবু অহোংবা অমা পুরক্নবা হোৎনবদা অচৌবা থৌদাং অমা লৌরি। স্কিম অসিগী মখাদা হৌজিক ফাওবদা, ঐখোয়দা হৌজিক লম্বী ৪২৫ লৈ, মসিসু ১০০০ ফাওবা য়ৌহন্নবা পান্দম থম্লি, এয়রপোর্ত ৬৮না এয়রপোর্ত ১০০ য়ৌহন্নবা হোৎনরি। মথংগী চহি ৪দদি, ঐখোয়না সিভিল এভিএসনগী থোংদা ভারত্তা ত্রাভেলর করোর ৪০ আশা তৌরি। ভারত্তা রেল ত্রান্সপোর্ত অমসুং রোদ ত্রান্সপোর্তকুম্না সিভিল এভিএসন্না চত্থোক চৎশিনগী মরুওইবা পাম্বৈ অমা ওইরক্কদবা মতম অদু লাপত্রে।"

আর.সি.এস.-উরান অসি দি নেসনেল সিভিএল এভিএসন পোলিসী (এন.সি.এ.পি.)-২০১৬গী রিভ্যু মতুং ইন্না শেম্বনি অমসুং মসিনা চহি ১০গী ওইনা চৎননবা থৌরাং তৌখি। মসিদা রিজনেল কন্নেক্তিবিতী ফন্দ (আর.সি.এফ.) শেমগৎতুনা মশা মথন্তনা শেল থাদজনবা মেকানিজম অমা য়াওরি। স্কিমসিগী মকাহদা, আর.সি.এফ. শেমখি, মসিনা স্কিম অসিগী ভি.জি.এফ.কী তঙাইফদবশিংবু অখন্নবা দোমেস্তিক ফ্লাইৎশিংদা লেভী তৌদুনা শেল থাদগনি। অসুম্না, সেক্তর মশামক্তগী ফংলকপা ফন্দশিংনা সেক্তর অসিগী চাউখৎপা অমসুং খুমাং চাউশিনবদা মতেং ওইগনি।

উরান স্কিম অসিনা স্তেকহোল্দর কয়ামরুমদা কান্নবা পীখ্রে। পেসেঞ্জরশিংনসু নোংথক্কী লম্বীগী কান্নবা ফংলে, এয়রলাইনশিংনসু রিজনেল রুৎশিংদা চলাইবদা কন্সেসন ফংলে, অনসর্ভ রিজনশিংসু হকথেংননা নৎত্রগা নাকোইননা নোংথক্কী লম্বীদগী শেন্মিৎলোনগী কান্নবা ফংলে।

উরান্না তঙাইফদবদা য়ুম্ফম ওইদুনা ফ্রেমৱার্ক অমা শেমখ্রে অমসুং মসিনা মখাগীশিং অসি শেম্বদা মতেং ওইখিঃ

• লাইফ্লাইন উরান (লাইচৎকী মনুংদা মেদিকেল কার্গো পুথোক পুশিন তৌবা)
• কৃশি উরান (মরুওইনা অৱাং নোংপোক লমদমদা অমসুং ত্রাইবেল দিস্ত্রিক্তশিংগী লৌউশিংউগী পোত্থোকশিংগী মমল ফংহনবা)
• গুৱাহাতি অমসুং ইম্ফালদগী/দা ইন্তর্নেসনেল কন্নেক্তিবিতী পীনবা এন.ই.আর.গী ইন্তর্নেসনেল উরান।

লাইফ্লাইন উরান – লাইফ্লাইন উরানগী থৌরাং অসি কোবিদ-১৯গী মনুংদা মার্চ ২০২০দা হৌদোকখি অমসুং মসিনা অচৌবা কার্গো তন ১০০০ হেন্না অমসুং তঙাইফদবা হিদাক লাংথক্কী সর্ভিসশিং তোঙান-তোঙানবা লৈবাক অসিগী মফমশিংদা ফ্লাইৎ ৫৮৮না পুথোক-পুশিন তৌবদা অতেং পাংখি।

আর.সি.এস. – উরান অসিবু ইন্নোভেসন কেতগোরীদা ২০২০গী ওইনা প্রধান মন্ত্রীগী এক্সিলেন্স ইন পব্লিক এদমিনিস্ত্রেসন মনা পীখি।

২৬ জনুৱারী ২০২২গী রিপব্লিক দে তেব্লোদা উরানবু ঙাকশেল মন্ত্রালয়গী খ্বাইদগী ফজবা তেব্লোনি হায়না লাউথোকখি।

(রাজ্য রাজ্যগী ওইবা উরানগী মখাদা মথৌ তৌরিবা আর.সি.এস. রুৎশিং অমসুং এয়র্পোর্তশিং এনেক্সর – এদা পীরি)

এনেক্সর-এ

রাজ্য রাজ্যগী ওইবা উরানগী মখাদা মথৌ তৌরিবা আর.সি.এস. রুৎশিং অমসুং এয়র্পোর্তশিং

***************