“লৈবাক শিনবা থুংবদা মলতি-তায়র হেল্থ ইনফ্রাস্ত্রকচর নেৎৱার্ক শেমগৎনবা, পাকথোক-চাউথোক্নবা অমসুং মপাঙ্গল কনখৎহন্নবা রাজ্যশিংগা লোয়ননা কোওপরেতিব অমসুং কোল্লাবোরেতিব ফেদরেলিজমগী ৱাখল্লোন্দা থবক পাইখৎলি”। ৱাফম অসি নেস্নেল হেল্থ মিসন (এন.ঐচ.এম.), ইমর্জেন্সী কোবিদ রেস্পোন্স পেকেজ (ই.সি.আর.পি.)-IIগী মখাদা তোঙান-তোঙানবা প্রোজেক্তশিং, প্রধান মন্ত্রী আয়ুশ্মান ভারত হেল্থ ইনফ্রাস্ত্রকচর মিসন (পি.এম.-এ.বি.ঐচ.আই.এম.), ১৫শুবা ফাইনান্স কম্মিসন (XV এফ.সি.) গ্রান্তশিং য়াওনা ফ্লেগশিপ স্কিমশিং ইমপ্লিমেন্ত তৌবা য়েংশিন্নবা রাজ্য/য়ু.তি.শিংগী রাজ্যগী হকশেল মন্ত্রীশিংগা লোয়ননা ভর্চুএল ওইনা ঙসি কেন্দ্রগী হকশেল অমসুং য়াইফ-য়ুম্বাল মন্ত্রী, দা, মনসুখ মন্দাবিয়ানা ফোঙদোকখিবনি। মহাক্না কোবিদ ভেক্সিনেসন অমৃত মহোৎসবকী মখাদা প্রিকোসন দোজ কাপ্পীবা অসিদা অখন্নবা মীৎয়েং চংবগা লোয়ননা লৈবাক শিনবা থুংবগী কোবিদ১৯ ভেক্সিনেসন কেম্পেনগী খোঙজেলসু য়েংশিনখি। মীফম অদুদা হকশেল অমসুং য়াইফ-য়ুম্বালগী রাজ্য মন্ত্রী, দা. ভারতী প্রবিন পাৱরসু শরুক য়াখি। মসি রাজ্য শিনবা থুংবদা ক্রিতিকেল কিয়র ইনফ্রাস্ত্রকচর অপগ্রেদ তৌনবা অমদি মপাঙ্গল কনখৎহন্নবগীদমক তোঙান-তোঙানবা স্কিম অমসুং প্রোজেক্তশিংগী মখাদা রাজ্যশিংনা সেন্ত্রেল ফন্দশিং শীজিন্নবগী ফীভম য়েংশিন্নবা অমসুং খোঙজেল য়াংনা শীজিন্ননবা হকশেল মন্ত্রীনা ময়াই তাংবল লৌদুনা মথং-মথং পাঙথোকপা মীফমশিংগী শরুক অমনি।

মীফম অসিদা ত্রিপুরাগী মুখ্য মন্ত্রী, শ্রী বিপলব কুমার দেব অমসুং দিল্লীগী উপ মুখ্য মন্ত্রী অমসুং হকশেল মন্ত্রী, শ্রী মনিশ সিসোদিয়ানা শরুক য়াখি। মীফম অসিদা য়াওখিবা রাজ্যগী হকশেল মন্ত্রীশিং অদুদি দা. রাজিব সাইজল (হিমাচল প্রদেশ), শ্রীমতি ভীন জোর্জ (কেরলা), দা. সুধাকর (কর্নতকা), দা. ধন সিংহ রাৱত (উত্তরাখন্দ), শ্রীমতি বিদাধলা রাজনি (আন্ধ্র প্রদেশ), শ্রী কেশব মহন্তা (অসাম), শ্রী অলো লিবাং (অরুনাচল প্রদেশ), শ্রী অনিল বিজ (হরিয়ানা), শ্রী বন্না গুপতা (ঝারখন্দ), দা. মনি কুমার শর্ম (সিক্কিম), শ্রী তিরু মা সুব্রহ্মনিয়ম (তামিল নাদু), শ্রী তি হরিশ রাও (তেলঙ্গানা), শ্রী তি.এস. সিংহ দিও (ছত্তিসগর), শ্রী তিরু এন. রঙ্গাসামী (পুদুচেরী), শ্রী দা. সাপম রঞ্জন সিংহ, শ্রী জেমস কে সংমা (মেঘালয়), শ্রী পরসাদী লাল মীনা (রাজস্থান), শ্রী ব্রিজেশ পথক (উত্তর প্রদেশ), দা. প্রভুরাম চৌধরী (মধ্য প্রদেশ), শ্রী রুশিকেশ পতেল (গুজরাত) অমসুং নিমিশা সুথার, এম.ও.এস., হেল্থ (গুজরাত) হায়রিবশিং অসিনি।

অৱাবা তাবদা মদুবু খুদোংচাবা ওইনা উদুনা মদুদগী পরা তমশিন্নবা অমসুং ঐখোয়গী পাঙ্গল হেনগৎহন্নবা প্রধান মন্ত্রীগী ৱাখল্লোন অদুবু নৌহৌননা ফোঙদোক্তুনা দা. মনসুখ মন্দাবিয়ানা হায়খি মদুদি লাইচৎ অসিনা ঐখোয়দা জিলা অমসুং ব্লোক খুদিংমক্তা ক্রিতিকেল কিয়র ইনফ্রাস্ত্রকচরদা ইনভেস্ত তৌনবা তাকপী-তম্বীখি। ভারত সরকারনা প্রজাশিংদা লাইনা, হোংনা, ক্বালিতী লৈবা অমসুং ইক্বিতেবল ওইবা পব্লিক হেল্থকিয়র সর্ভিসশিং পীনবা মাইকৈদা পাইখৎলিবা মখোয়গী খোঙথাংশিংদা রাজ্য/য়ু.তি.শিংদা মতেং পীগনি হায়না থাজবা পীখি। রাজ্য খরদা সেন্ত্রেল ফন্দশুং শীজিন্নবদা হন্থবগী মতাংদা নুংনাংবা ফোঙদোক্লদুনা মহাক্না হায়খি, “কেন্দ্রনা ফন্দশিং শীজিন্নবা হন্থবগী মতাংদা য়েংশিনবগী মহুৎ রাজ্যশিংনা মখোয়গী পরফোর্মেন্স হেনগৎহন্দুনা অমসুং হেল্থ স্কিমশিং খোঙজেল য়াংনা ইমপ্লিমেন্ত তৌনবগীদমক কেন্দ্রদগী ফন্দশিং পীনবা তকশিনগদবনি”। মহাক্না মখা তারদুনা হায়খি ফন্দশিং মতম চানা শীজিন্ননবা অমসুং পেকেজ/ফ্লেগশিপ প্রোগ্রামশিংগী মখাদা হেক্থ ইনফ্রাস্ত্রকচর শেমগনবা রাজ্যশিংদা ফ্লেক্সিবিলিতী কয়ারুম পীখি। ই.সি.পি.আর.-IIগী মখাদা লৈরিবা ফন্দশিং অসি অথুবদা শীজিন্নবা মথৌ তাই মরমদি পেকেজ অসি দিসেম্বর ২০২২ ফাওবা ফংখিগনি হায়না মহাক্না ফোঙদোকখি।

দা. মন্দাবিয়ানা রাজ্যগী হকশেল মন্ত্রীশিংদা পান্দম অসি য়ৌনা হোৎনবদা মখোয়না মায়োক্নবা শীংনবশিং শিয়র তৌনবা হায়খি অমসুং ফন্দশিং শীজিন্নবা হেনগৎহনবগী মখোয়গী ওইবা সজেসনশিংসু লৌখি। রাজ্যগী হকশেল মন্ত্রীশিংনা শীংনবা খরগী মতাংদা ফোঙদোক্লদুনা কেন্দ্রগী হকশেল মন্ত্রীনা গ্রাসরুত লেবেলদা স্কিমশিং অসিগী খোঙজেল য়াংখৎনবগীদমক পর্সনেল সুপর্ভিসন তৌখিবা অমসুং চাং নাইনা য়েংশিন মীফমশিং পাঙথোকখিবগীদমক তৌবীমল খঙবা উৎখি। দা. মন্দাবিয়ানা রাজ্যগী হকশেল মন্ত্রীশিংদা চাং নাইনা ফন্দশিং শীজিন্নবা অসি পর্সনেল ওইনা য়েংশিন্নবা অমসুং ফন্দশিং লেমহনহৌদনবা হায়খি। মহাক্না রাজ্যশিংদা হেল্থ ইনফ্রাস্ত্রকচর স্কিমশিংগী ফিজিকেল অমসুং ফাইনান্সিএল প্রোগ্রেস উৎনবা কেন্দ্রগী হকশেল মন্ত্রালয়গী পোর্তেল চাং নাইনা অপদেৎ তৌনবসু হায়খি।

কোবিদ ভেক্সিনেসনগী মাইপাকখিবশিংগী মতাংদা পল্লদুনা দা. মন্দাবিয়ানা রাজ্য/য়ু,তি,শিংদা জুলাই ১৫দগী নুমিৎ ৭৫নি চুপ্না সেপ্তেম্বর ৩০, ২০২২ ফাওবা চত্থগদবা কোবিদ ভেক্সিনেসন অমৃত মহোৎসবকী মখাদা চহি ১৮ অমসুং মথক্কী মীওইশিংগী মরক্তা প্রিকোসন দোজকী কবরেজ হেনগৎহন্নবা অকনবা ৱাফম থমখি। ২শুবা দোজ কাপখিবগী তাং অদুদগী পারকপদা থা ৬ নত্ত্রগা চয়োল ২৬ শুরবা চহি ১৮গী মথক্কী মীওই পুম্নমক সরকারগী ভেক্সিনেসন সেন্তরশিংদা লেম্না প্রিজোসন দোজ কাপ্নবগীদমক ইলিজিবল ওই। মহাক্না মখোয়দা কোর্বেভেক্স ভেক্সিনগী হেতেরোলোগস প্রিকোসন দোজ ফংলিবা অসিগী মতাংদা পাকশন্না মীয়ামদা খঙহন্নবা অমসুং ইলিজিবল বেনিফিসরীশিংনা প্রিকোসন দোজ কাপ্পা হেনগৎহন্নবা বস স্তেন্দশিং, রেলৱে স্তেসনশিং, এয়রপোর্তশিং, স্কুল/কোলেজশিং, লাইনীংগী য়াত্রা চৎপগী লম্বেলশিং, লাইফমশিং অসিনচিংবা মীয়াম তিনবা মফমশিংদা ভেক্সিনেসন কেম্পশিং পাঙথোক্নবা পাউতাক পীখি। ঙসি ফাওবদা করোর ১২.৩৬না প্রিকোসন দোজশিং কাপখ্রে।

রাজ্য/য়ু.তি.শিংদা ভেক্সিন দোজশিং অসি মাংহনদনবগীদমক এফ.ই.এফ.ও. ( ফর্স্ত এক্সপায়রী ফর্স্ত আউত) হায়বা অসিদা য়ুম্ফম ওইরগা শীজিন্ননবা খঙহনখি। “ভেক্সিনশিং অসি মমল য়াম্লবা জাতিগী রিসোর্সনি অমসুং চেকশিন্না থৌরাং তৌদুনা অমসুং চাং নাইনা য়েংশিন্দুনা ভেক্সিন দোজ অমা ফাওবা মাংহন্দনবা ঐখোয়না হোৎনবা তাই”, হায়না কেন্দ্রগী মন্ত্রীনা ফোঙদোকখি।

“অখন্নবা কেম্পশিং পাঙথোক্তুনা পি.এম.জে.এ.ৱাই. কার্দশিং পীদুনা পি.এম.এ.ৱাই.এ.ৱাই.গী মখাদা হেল্থ সর্ভিসেসকীদমক ইলিজিবল ওইবা বেনিফিসরী পুম্নমক খোঙজেল য়াংনা কবর তৌরসি”, হায়না দা. মন্দাবিয়ানা রাজ্যশিংদা মহাক্না পি.এম.জে.এ.ৱাই.গী ফীভম য়েংশিনবদা ফোঙদোকখি।

প্রাইম মিনিস্তর আয়ুশ্মান ভারত হেল্থ ইনফ্রস্ত্রকচর মিসন (পি.এম. – এ.ভি.ঐচ.আই.এম.) অসি হেল্থকিয়র ইনফ্রাস্ত্রকচর মপাঙ্গল কনখৎহন্নবগীদমক লৈরিবা খ্বাইদগী চাউবা পান-ইন্দিয়া স্কিমশিংগী মনুংদা অমনি। চহি তরুক (এফ.ৱাই. ২৫-২৬) ফাওবগী লুপা করোর ৬৪,১৮০ রোমগী আউতলে অমগা লোয়ননা স্কিম অসিগী মখাদা লৈরিবা থৌশিলশিংনা লেবেল পুম্নমক হায়বদি প্রাইমারী, সেকেন্দর অমসুং তরসিয়রীদা লৈরিবা কিয়রগী কন্তিনম শিনবা থুংবদা লৈরিবা হেল্থ সিস্তেমশিং অমসুং ইন্সতিত্যুসনশিংদা কেপাসিতীশিং দিবেলপ তৌবদা অমসুং হৌজিক্কী অমদি তুংলমচৎকী লাইচৎশিং/খুদোংথিবশিং নীংথিনা মায়োক্নবা ঙম্নবা হেল্থ সিস্তেমশিং শেম-শাবদা মীৎয়েং থম্লি। মিসন অসিনা ব্লোক, জিলা, রেজনেল অমসুং নেস্নেল লেবেলশিং, মেত্রোপোলিতেন এরিয়াশিংদা সর্ভিলেন্স লেবোরেতোরীশিংগী নেৎৱার্ক অমা দিবেলপ তৌদুনা অমসুং পব্লিক হেল্থ ইমর্জেন্সীশিং থোরকপদা অমসুং লাইনা শন্দোকরকপদা নীংথিনা খঙদোক্নবা, থীজিন্নবা, ঙাকথোক্নবা অমসুং মায়োক্ননবগীদমক্তা পোইন্ত ওফ এন্ত্রীদা লৈরিবা হেল্থ য়ুনিৎশিং মপাঙ্গল কনখৎহন্দুনা আই.তি. ইনেবল দিজিজ সর্ভিলেন্স সিস্তেম অমা শেমগৎনবা পান্দম থম্মি।

এফ.ৱাই. ২০২০-২৫কী রাজ্যশিংগী কন্সোলিদেতেদ ফন্দশিং শীজিন্নবগী পাম্বৈশিং রিকম্মেন্দ তৌনবা মেন্দেৎকা লোয়ননা ১৫শুবা ফাইনান্স কম্মিসন অসি নবেম্বর ২০১৭দা শেমখি। কম্মসিন অসিনা রাজ্যশিংনা হকশেলগী চাদিং অসি ২০২২ ফাওবদা মখোয়গী বজেৎকী চাদা ৮ হেন্না হেনগৎহন্নবা, প্রাইমারী হেল্থকিয়রগী চাদিংনা ২০২২ ফাওবদা তৌখিবা হকশেলগী অপুনবা চাদিংগী শরুক অহুম থোকপগী অনি ওইগদবনি অমসুং ইনপুৎশিংদগী আউতকমশিংদা মীৎয়েং থমদুনা হকশেলগী সেন্ত্রেলী স্পোন্সর্দ স্কিমশিং (সি.এস.এস.) অসি রাজ্যশিংনা এদাপ্ত অমসুং ইনোভেৎ তৌবা য়ানবা ফ্লেক্সিবল ওইহনগদবনি হায়না রিকম্মেন্দ তৌখি। অর্বান হেল্থকীদমক অপুনবা ফন্দগী চাদা ৩৭ (লুপা করোর ২৬,১২৩) অমসুং রুরেল হেল্থকীদমক চাদা ৬৩ (লুপা করোর ৪৩,৯২৮) ওইবগা লোয়ননা কেন্দ্র সরকারনা লোকেল গভর্নমেন্তশিংগীদমক লুপা করোর ৭০,০৫১গী ১৫শুবা এফ.সি. গ্রান্ত অয়াবা পীখি।

জুলাই ৮, ২০২১দা কেন্দ্রগী মন্ত্রী-মন্দলনা লুপা করোর ২৩,১২৩ রোম ওইবা ‘ইন্দিয়া কোবিদ-১৯ ইমর্জেন্সী রেস্পোন্স এন্দ হেল্থ সিস্তেম প্রিপিয়র্দনেস পেকেজ: ফেস-II (ই.সি.আর.পি.-II পেকেজ)’ অয়াবা পীখি। মসিনা পেদিয়াত্রিক কিয়র য়াওনা হেল্থ ইনফ্রস্ত্রচর দিবেলপমেন্তদা অমসুং মিজরেবল আউতকমশিংদা মীৎয়েং অমা থম্বগা লোয়ননা ঙন্না ঙাকথোক্নবা, খঙদোক্নবা অমসুং মেনেজমেন্ত তৌনবগীদমক খুদক্কী রেস্পোন্সিবনেসকীদমক হেল্থ সিস্তেমগী প্রিপিয়র্দনেস খোঙজেল য়াংশিনহন্নবা পান্দম থম্মি।

****