জুলাই, ২০২১দা এম.তি. ৫৪.২৫ ওইরম্বা অদুগা চাংদম্নবদা জুলাই, ২০২২গী অপুনবা কোল প্রদক্সন্দা চাদা ১১.৩৭ হেনগৎলক্তুনা মিলিয়ন তন (এম.তি.) ৬০.৪২ য়ৌখি। কোল মন্ত্রালয়গী প্রোবিজনে স্তেতিস্তিক্সকী মতুং ইন্না চহি অসিগী জুলাইদা কোল ইন্দিয়া লিমিতেদ (সি.আই.এল.), সিঙ্গারেনি কোল্লিরীজ কম্পনী লিমিতেদ (এস.সি.সি.এল.) অমসুং কেপতিব মাইনশিং/অতোপ্পশিংনা মথং শিৎনবা চাদা ১১.১২ অমসুং চাদা ৪৪.৩৭গী গ্রোথ লৈদুনা এম.তি. ৪৭.৩৩ অমসুং এম.তি. ৯.৮০ পুথোকখি। অদুম ওইনম এস.সি.সি.এল.না থা অসিদা চাদা ৩২.৫১গী নেগেতিব গ্রোথ রেজিস্তর তৌখি।

মকোক থোংবা কোল মাইন ৩৭কী মনুংদা মাইন ২৪গী প্রদক্সন অসি চহি অসিগী জুলাইদা চাদা ১০০ হেনখি। অতোপ্পা মাইন তরেৎকী প্রদক্সন অসি চাদা ৮০দগী চাদা ১০০গী মরক্তা লৈখি।

মসিগা ইরোইননা কোল থাদোকপা অসিদসু মমাং চহিগা চাংদম্নবদা জুলাই, ২০২২গী মনুংদা চাদা ৮.৫১ হেনগৎলক্তুনা এম.তি. ৬২.৪৯ ওইরম্বদগী এম.তি. ৬৭.৮১ য়ৌবা ঙমখি। জুলাই ২০২২গী মনুংদা সি.আই.এল. অমসুং কেপতিব মাইনশিং/অতোপ্পশিংনা মথং শিৎনা চাদা ৮.১৭ অমসুং ৪০.৭৮গী গ্রোথ রেজিস্তর তৌদুনা এম.তি. ৫৪.৫৪ অমসুং ৯.৯১ থাদোকখি।

পাৱর য়ুতিলিতী থাদোকপা অসি পাৱর দিমান্দ হেনগৎলকপনা মরম ওইদুনা জুলাই ২০২১দা এম.তি. ৪৯.৯২ ওইখিবা অদুগা চাংদম্নবদা চহি অসিগী জুলাইদা চাদা ১৭.০৯ হেনগৎলক্তুনা এম.তি. ৫৮.৪৫ য়ৌখি। কোল বেজ পাৱর জেনরেসন অসি জুলাই ২০২২দা চাদা ৪.৭৬কী গ্রোথ রেজিস্তর তৌখি। জুলাই ২০২২গী অপুনবা পাৱর জেনরেসন অসি জুলাই ২০২১দগী চাদা ৪.২৯ ৱাংখি।

****