মরু ওইবা হাইলাইতশিং:

• প্রেসিদেন্ত শ্রীমতি দ্রোপদি মুর্মু অমসুং প্রধান মন্ত্রী, শ্রী নরেন্দ্র মোদীনা মেদল লৌরকখ্রবশিংবু মখৌয়গী থৌইদোক-হেন্দোকপা পর্ফোর্মেন্সকীদমক্তা থাগৎপা ফোংদোকখি
• শ্রী অনুরাগ থাকুরনা মেদল ফংলকখ্রবশিংদা থাগৎপা ফোংদোক্লি, স্পোর্তসকী লমদা ভারতকী নুপীমচাশিংগী কনখৎলক্লিবা মতিক অদু অমুক্কসু হন্না মপুং ফানা উৎথোক্লে  

ভারতনা কমনৱেল্থ গেমস ২০২২গী নুমিৎ ১০নি শুবদা গোল্দ ৫, সিলভর ৪ অমসুং ব্রোঞ্জ ৬ য়াওনা মেদল ১৫ লৌবা ঙমখ্রে।শরথ কমল/শ্রীজা অকুলা (মিক্সদ দবলস তি.তি.), নিখত জরীন (বোক্সিং), এল্ধোস পোল (নুপাগী ত্রিপল জমপ), অমিত পঙঘল (বোক্সিং), নিতু ঘংঘাসনা (বোক্সিং) গোল্দ মেদল লৌরকখি। অবদুল্লাহ অবুবকর (নুপাগী ত্রিপল জম্প), সাগর অহলাৱত (বোক্সিং), অচন্তা শরথ কমল অমসুং সাথিয়ান গ্যানাসেকরন (তেবল তেনিস) অমসুং অতোপ্পা অমনা নুপীগী ক্রিকেত তীমনা সিলভর মেদল অমা লৌরকখি। নুপীগী হোকী তীম, সন্দীপ কুমার (নুপাগি মিতর ১০,০০০গী রেস ৱাক),অন্নু রানি (নুপীগী জেভেলিন থ্রো), শোরব ঘোসল অমসুং দিপিকা পল্লিকল (স্ক্বাশ, মিক্স দবল), কিদম্বি শ্রিকান্ত (নুপাগী বেদমিন্তন সিঙ্গল) অমসুং ত্রীসা জোল্লী অমসুং গায়ত্রী গোপিচন্দ (বাদমিন্তন, নুপীগী দবলস)না ব্রোঞ্জ মেদল লৌখি। ভারতকী মেদল তেলী অসি গোল্দ ১৮, সিলভর ১৫ অমসুং ব্রোঞ্জ ২২ ফংখিবগা লোইননা অপুনবা ভারতকী মেদল তেলী অসি ৫৫ য়ৌখ্রে। প্রেসিদেন্ত শ্রীমতি দ্রোপদি মুর্মু, প্রধান মন্ত্রী, শ্রী নরেন্দ্র মোদী, কেন্দ্রগী স্পোর্তস মন্ত্রী, শ্রী অনুরাগ থাকুর অমসুং লৈবাক অসিগী মফম কয়াদগী ভারতমচাশিংনা মেদল ফংলকখ্রবশিং অদুবু মখোয়গী মাইপাকপগীদমক্তা থাগৎপা ফোংদোকখি। 

প্রেসিদেন্তনা মেদল লৌরকখ্রবশিং অদুবু থাগৎপা ফোংদোকখি অমসুং ত্বীত তৌরকখি;

“প্যুজিলিস্ত সাগরবু #CommonwealthGames তা বোক্সিংদা সিলভর লৌরকপগীদমক্তা থাগৎপা ফোংদোক্লি।

নহাক্কী লিংজেল, অচেৎপা ফিরেপ অমসুং থৌনা অদুনা পাকশন্না মীয়াম্না পাম্নহল্লে। নহাক্না ভারতপু চাউথোকহল্লে। মীয়াম্না শিংথানবা নহাক্কী  তুংগী লম্বি অমা লৈগনি হায়না ঐহাক্না থাজৈ।”

“#CommonwealthGames তা বেদমিন্তন নুপীগী দবলসতা ব্রোঞ্জ লৌরকখিবগীদমক্তা নহা ওইরিবা য়াম্না হৈশিংলবা নুপীমচা জোল্লী অমসুং গয়ত্রি গোপিচন্দবু থমোইনুংদগী থাগৎপা ফোংদোক্লি। মখোয়না থোইদোক-হেন্দোক্না য়াম্না হৈশিংনা মাইপাকপা ঙম্নবা শান্নখি। মখোয় অনিমক অসি ঐখোয়গী নহাশিংগী, মরু ওইনা নুপীমচাশিংগী রোল মোদেলনি।”

“#CommonwealthGames দা মিক্স দবলস তেবল তেনিসতা গোল্দ লৌরকপগীদমক্তা শরথ কমল অমসুং শ্রীজা অকুলাবু থমোইনুংদগী থাগৎপা ফোংদোক্লি। মকোয়না এক্সপরিয়েন্স অমসুং নহা ওইবা অসিবু য়াম্না ফজনা পুনশিন্দুনা ভারতকীদমক্তা তেবল তেনিসকী পুৱারী শেমখ্রে। মখোয়না ঐখোয়গী তিরঙ্গা অসিবু অমুক্কা হন্না বর্মিংঘমদা য়াম্না ৱাংনা পাইহল্লম্লে।”

“#CommonwealthGames তা সিলভর মেদল লৌরকখিবগীদমক্তা ভারতকী নুপীগী ক্রিকেত তীমদা থাগৎপা ফোংদোক্লি। নখোয়না অরোইবা ফাওবা চেমপিয়ন অমগুম্না শান্নখি অমসুং মেচ অদুগী মনুংদা নখোয়গী নিংহন্নবা লৈতবা অচেৎপা ফিরেপ অদু শিংথানিংঙাইনি। ঐখোয়গী ইচানুপীশিংনা বর্মিংঘমদা ঐখোয়গী লৈবাক অসিবু চাউথোকচনিংঙাই ওইহল্লে।”

“#CommonwealthGames তা বেদমিন্তনদা ব্রোঞ্জ লৌরকখিবগীদমক্তা কিদম্বি শ্রিকান্তপু থাগৎপা ফোংদোক্লি। সি.দবল্যু.জি.দা নহাক্কী থংন-থংননা মাইপাক্লকখিবা অদুনা নহাক্কী অচেৎপা ফিররেপ অমসুং ময়ামদগী থোইদোক-হেন্দোক্না হৈশিংবা অদুগী অদুগী মতাংদা  ময়েক শেংনা তাক্লি। নহাক ভারতকী বেদমিন্তনগী মশক তাক্লিবা য়াম্না অফবা এম্বেসেদর অমনি।”

“#CommonwealthGames তা স্ক্বাশকী মিক্স দবলসতা ব্রোঞ্জ লৌরকখিবা দিপিকা পল্লিকল অমসুং সৌরব ঘোসলবু থাগৎপা ফোংদোক্লি। নখোয়না পোদিয়মদা লেপ্পা ঙম্বা অসি ভারত্তা স্ক্বাশপু পামজবশিংগীদমক্তা পুক্নিং থৌগৎনিংঙাইনি। অসিগুম্বা মাইপাকপা অসিনা ঐখোয়গী লৈবাক অসিদা স্পোর্তসকী পোপুলরিতী প্রোমোত তৌরি।”

“#CommonwealthGames তা তেবল তেনিসতা সিলভর লৌরকপগীদমক্তা শরথ কমল অমসুং সাথিয়ান নানাসেকরনবু থাগৎপা ফোংদোক্লি। নখোয়গী য়াম্না লিংলবা পার্তনর্শিপ অদুনা নখোয়বু মমীং চৎহল্লে। ভারতমচাশিংনা নখোয়বু চাউথোকচৈ।”

“#CommonwealthGames তা বোক্সিংদা গোল্দ লৌরকপগীদমক্তা ৱার্লদ চেমপিয়ন নিখত জারীনবু থমোইনুংদগী থাগৎপা ফোংদোক্লি। ভারতমচাশিংনা পামজবা মওংদা নহাক্না বাউতশিং অদুবু ঙমদুনা চৎখি। নহাক্কী গোল্দ মেদল অদুনা তাক্লিবা অসি বর্মিংঘমদা তিরঙ্গা অসিবু ৱাংনা পাইহল্লি তাক্লিবনি। নহাক অসি মরু ওইনা নুপীমচাশিংগী আইকোন অমা ওইরে।”

“#CommonwealthGames তা জেভেলিন থ্রোদা ব্রোঞ্জ লৌরকপগীদমক্তা অন্নু রানিবু থমোই নুংদগী থাগৎপা ফোংদোক্লি। নহাক্না ৱার্ল্দ চেমপিয়নশিপতা মসিগী গেম অসিগীদমক্তা ভারতকী নুপীশিংগী মরক্তা অহানবা ওইনা ক্বালিফাই তৌবা ঙম্বা অমা ওইদুনা অনৌবা হোরাইজন অমা হাংদোক্লরে। নহাক্কী মেদল অসিনা ভারতমচা পুম্নমক্কী মরু ওইনা নুপীশিংগী পুক্নিং থৌগৎহল্লে। ”

“#CommonwealthGames তা মিতর ১০০০০গী রেস ৱাকতা ব্রোঞ্জ লোরকপগীদমক্তা সন্দীপ কুমারবু থাগৎপা ফোংদোক্লি। নহাক্না নহাক্কী খ্বাইদগী হেনবা পর্ফোর্মেন্স উৎখি অমসুং ঐখোয়গী লৈবাক অসিবু চাউথোকহল্লে। নহাক্না পোদিয়মদা লেপ্পা ঙম্বা অসি ভারতমচাশিংগীদমক্তা হরাওনিংঙাই ওইবা ৱাফম্নি।”

“পুৱারী শেমখ্রে! #CommonwealthGames তা ত্রিপল জম্পতা গোল্দ লৌরকপগীদমক্তা এল্ধোস পোল অমসুং সিলভর লৌরকপগীদমক্তা অবদুল্লাহ অবুবকরবু থমোইনুংদগী থাগৎপা ফোংদোক্লি। ঐখোয়গী লৈবাক অসিনা দোমিনেত তৌদুনা ফাইনেলিস্ত অনিমক ভারত্তগী ওইবা উবা ফংবা অসি য়াম্না চিংলেম্নিংঙাইনি। মসিগী য়াম্না তাংবা থোকপা মতৌ অসি মতম কুইনা শোন্নহৌরগনি।”

“#CommonwealthGames তা গোল্দ লৌরকপগীদমক্তা অমসুং পুৱারী শেমখিবগীদমক্তা অমিত পংঘলবু থমোইনুংদগী থাগৎপা ফোংদোক্লি। নহাক্কী স্পীদ অমসুং শোত সেলেক্সন অসি মশক খঙবা ভ্যুৱরশিংনা শোন্নরি। নহাক্কী হৈথোই-শিংথোইবা অসি ভারতমচা খুদিংমক্কীদমক্তা চাহউথোকচনিংঙাই ওইবা ৱাফম্নি।”

 “#CommonwealthGames তা বোক্সিংদা গোল্দ লৌরকপগীদমক্তা য়াম্না তেলেন্তেদ ওইরবা নিতুবু থমোইনুংদগী থাগৎপা ফোংদোক্লি। নহাক্না পুঞ্চ থিন্দুনা, হুক তৌদুনা অমসুং দিফেন্দ তৌদুনা খ্বাইদগী মকোক থোংবা ওইদুনা স্পোর্তিং হিস্তরী আমা শেমখ্রে। অসুক নহা ওইনা নহাক্কী নিংহন্নবা লৈতবা ৱাখল্লোন অমসুং থোইদোক-হেন্দোক্না হৈথোই-শিংথোইবা অসি য়াম্না থাগৎনিংঙাইনি।”

“#CommonwealthGames তা ব্রোঞ্জ লৌরকপগীদমক্তা ভারতকী নুপীগী হোক তীমবু থাগৎপা ফোংদোক্লি। নখোয়গী থৌনা-লিংজেল লৈনা উৎলকপা পর্ফোর্মেন্স অমসুং তীম ৱার্ক অদুনা ভারতমচা খুদিংমক্কী পুক্নিং চিংশিল্লে। নখোয়না ভারতপু চাউথোকহল্লে। নখোয়না ভারতকীদমক্তা মীংচৎ-উরোং হেন্না পুরকপা ওইরসনু। ”

প্রধান মন্ত্রী, শ্রী নরেন্দ্র মোদীনা শরথ কমল অমসুং শ্রীজা অকুলানা বর্মিংঘম কমনৱেল্থ গ্রেমস ২০২২দা মিক্স দবল্স তেবল তেন্নিসতা গোল্দ মেদল ফংখিবগীদমক থাগৎপা ফোংদোকখ্রে। প্রধান মন্ত্রীনা অসুম্না ত্বীৎ তৌখি;"শরুক য়াবা অমসুং মায় পাকপা হায়বসি মশা মশাগী ওইবা তোঙান-তোঙানবা খুন্নুংঙাই অমমম লৈজৈ। @sharathkamal1 অমসুং শ্রীজা অকুলানা মপাং ওইবগী মতিক চাবা খুদম অমা উৎতুনা তি.তি. মিক্স দবলস ইভেন্ততা গোল্দ মেদল ফংখি। শরথনা মহাক্না শরুক য়াবা সি.দব্ল্যু.জি. ইভেন্ত পুম্নমক্তা ফাইনেল য়ৌনা চঙবা ঙম্বা হায়বসি অখন্নবা অমনি।"

প্রধান মন্ত্রী, শ্রী নরেন্দ্র মোদীনা শ্রিকান্ত কিদম্বিবু বরমিংঘম সি.দবল্যু.জি.দা ২০২২দা ব্রোঞ্জ মেদল লৌরকখিবগীদমক থাগৎপা ফোংদোকখ্রে। শ্রিকান্ত কিদম্বিনা সি.দব্ল্যু.জি.দা মরিরক শুবা মেদল লৌরকখিবগীদমক প্রধান মন্ত্রীনা হরাওবা ফংদোকখ্রে। প্রধান মন্ত্রীনা ত্বীত তৌরকখি; “ভারতকী বেদমিন্তনগী লম অসিদা ফম চাউনা কল্লিবশিংগী মনুংদা অমা ওইরিবা, @srikidambi না মহাক্কী সি.দবল্যু.জি. ইন্দিবিজুৱল মেচতা ব্রোঞ্জ মেদল লৌখ্রে। মসি মহাক্কী মরিরকশুবা সি.দবল্যু.জি. মেদলনি, মসিনা মহাক্কী হৈথোই-শিংথোইবা অমসুং পুকচেল লেপ্পা অদু উৎলি। মহাকপু থাগৎপা ফোংদোক্লি। মহাক্না হৌরক্লিবা শান্নরোইশিং পুক্নিং থৌগৎপীদুনা অনৌবা ইথিল অমা পীবা ওইসনু অমসুং ভারতপু অমুক্কা হেন্না চাউথোকহনবা ওইরসনু। #Cheer4India”

প্রধান মন্ত্রী, শ্রী নরেন্দ্র মোদীনা বর্মিংঘমদা পাঙথোক্লিবা সি.দবল্যু.জি. ২০২২দা নুপীগী ক্রিকেৎ তীমনা সিলভর মেদল লৌরকপগীদমক তীম মেম্বরশিংবু থাগৎপা ফোঙদোকখ্রে। প্রধান মন্ত্রীনা ত্বিত তৌখি; "ক্রিকেৎ অমসুং ভারত অসি তৎন-থানবা য়াররোইদবনি। ঐখোয়গী নুপী ক্রিকেৎ তীমনা সি.দবল্যু.জি.দা য়াম্না ফজবা মওংদা ক্রিকেৎ শান্নখি অমসুং মখোয়না ইকাই খুম্ননীংঙাই ওইরবা সিলভর মেদল লৌরকপা ঙমখি। ক্রিকেৎকী অহানবা সি.দবল্যু.জি. মেদল ওইবনা মসি মতম চুপ্পদা য়াম্না অখন্নবা অমা ওইদুনা লৈহৌরগনি। তীম মেম্বর পুম্নমক্তা মখোয়গী তুংগী পুন্সিগীদমক য়াইফ-মঙ্গোল পীজরি।"

শ্রী নরেন্দ্র মোদীনা বর্মিংঘম সি.দবল্যু.জি. ২০২২দা বেদমিন্তন দবল্সতা ত্রীসা জোল্লী অমসুং গায়ত্রী গোপীচন্দনা ব্রোঞ্জ মেদল লৌরকপদা থাগৎপা ফোঙদোকখ্রে।প্রধান মন্ত্রীনা ত্বিত তৌখি; "বেদমিন্তন দবল্সতা ত্রীসা জোল্লী অমসুং গায়ত্রী গোপীচন্দনা ব্রোঞ্জ মেদল লৌরকপদা চাউথোকচাবা পোকই। সি.দবল্যু.জি.গীদমক খোঙশান্নদ্রিঙৈ মমাংদা ত্রীসানা ঐঙোন্দা মহাক্কা গায়ত্রীগা লৈনরিবা মরুপ ওইবগী মরীগী মতাংদা ফোঙদোক্লমখি অদুবু করিগুম্বা মেদল লৌরক্লবদি মহাক্না করম্না নুংঙাইবা ফোঙদোক্কদগে হায়বা খঙদে হায়রমখি। হৌজিক্তি মহাক্না প্লানশিং শোইদনা শেমলম্লগনি হায়না ঐহাক্না থাজৈ।"

প্রধান মন্ত্রীনা ত্বিত তৌখি; "সাগর অহলাৱতনা য়াম্না নীংথিনা শান্নখি! সি.দবল্যু.জি.দা বোক্সিংদা সিলভর মেদল লৌরকখিবগীদমক মহাকপু থাগৎচরি। গেম অসিদা য়াওরিবা ভারতকী পাৱরহাউসশিংগী মরক্তা মহাকসু অমনি অমসুং মহাক্কী মাইপাকপা অসিনা বোক্সরশিংগী হৌরক্লিবা মীরোলশিংদা ইথিল পীরগনি। তুংদা লাক্কদৌরিবা মতমশিংদা মহাক্না ভারতকী মীংচৎ মখা তানা পুরকপা ঙম্বা ওইরসনু। #Cheer4India"

প্রধান মন্ত্রীনা সৌরব ঘোসল অমসুং দিপিকা পাল্লিকলবু থাগৎপা ফোংদোকখ্রে। অসুম্না ত্বীৎ তৌখি, "ঐখোয় এথলেৎশিংনা সি.চব্ল্যু.জি.গী তোঙান-তোঙানবা মশান্নশিংদা মীকোক থোংলিবশিং অসি উবদা মতম চুপ্পদা অদুক্কী মতীক নুংঙাইবা পোকই। @SauravGhosal অমসুং @DipikaPallikal না স্ক্বাস মিক্স দবল্সতা ব্রোঞ্জ মেদল ফংলকখিবদা থাগৎপা ফোংদোকচরি। মখোয়না য়াম্না হৈশিংবা অমসুং মপাং ওইমিন্নবগী খুদম অদু উৎখ্রে। তুংদা য়াইফবতা পুরকপা ওইরসনু। #Cheer4India"

"তীমৱার্ক্তা অহেনবা শক্তি! @sharathkamal1 অমসুং @sathiyantt গী দাইনামিক তীম্না নুপাগী দবল্সকী ইভেন্ততা সিলভর মেদল ফংখ্রে। অসিগুম্বা হৈথোই শিংথোইরবা এথলেৎশিং অসিবু য়াইফ-মঙ্গোল পীজরি।

#Cheer4India"

প্রধান মন্ত্রীনা নিখত জরীনবু থাগৎপা ফোংদোকখ্রে অমসুং অসুম্না ত্বীত তৌরকখি;“নিখত জরীন অসি ভারতকী মীংচৎনি। মহাক অসি মহাক্কী হৈথোই-শিংথোইবগীদমক্তা মীয়াম্না শীংথানরিবা মালেমগী থাক্তা লৈবা এথলেত অমনি। ঐহাক্না মহাকপু সি.দবল্যু.জি.দা গোল্দ মেদল লৌরকপগীদমক্তা থাগৎপা ফোংদোক্লি। তুর্নামেন্ত কয়া অমদা ময়ামদগী মীথোই-মীহেন্দুনা, মহাক্না মহাক্কী থোইদোক-হেন্দোকপগী মতিক অদুবু অদুমক লেংদনা থমখি। মহাক্কী তুংগী পুনশিগীদমক্তা য়াইফ-পাউজেল পীরি। #Cheer4India”

প্রধান মন্ত্রীনা অন্নু রানিবু নুপীগী জেভেলিন থ্রোদা ব্রোঞ্জ মেদল লৌরকখিবগীদমক্তা থাগৎপা ফোংদোকখ্রে,“অন্নু রানি অসি য়াম্না শিংথানিংঙাই ওইবা এথলেতনি। মহাক্না য়াম্না ইচং থৌনা অমসুং ময়ামদগী থৌইদোক-হেন্দোক্না হৈথোই-শিংথোইবা উৎখি। মহাক্না জেভেলিনদা ব্রোঞ্জ মেদল ফংলকখিবা অসিদা ঐহাক্না য়াম্না নুংঙাইবা ফাওই। মহাকপু থাগৎপা ফোংদোক্লি। লাক্কদবা চহিশিং অসিদা মহাক্না মখাতানা ময়ামদগী মীথোই-মীহেনখিগনি হায়না ঐহাক্না থাজৈ। . #Cheer4India ”

প্রধান মন্ত্রীনা ত্বীত তৌরকখি;“বর্মিংঘম গেমসতা ঐখোয়গী রেস ৱাকিং কন্তিঞ্জেন্তনা ময়ামদগী মীথোই-মীহেল্লকপা অসি উবদা নুংঙাই। মিতর ১০,০০০গী ইভেন্ততা ব্রোঞ্জ মেদল লৌরকখিবগীদমক্তা সান্দীপ কুমারদা থাগৎপা ফোংদোক্লি। মহাক্কী তুংগী পুনশিদা তৌরু-তৌরুবা থবকশিংদা খ্বাইদগী হেন্না ফবা ওইরসনু হায়দুনা য়াইফ-পাউজেল পীরি। #Cheer4India”

পি.এম.না মখাতানা অসুম্না ত্বীত তৌরকখি; “অবদুল্লাহ অবুবকরনা বর্মিংঘামদা ত্রিপল জম্প ইভেন্ততা সিলভর মেদল লৌরকপা অসি য়াম্না নুংঙাই। মেদল অসি য়াম্না কন্না হোৎনখিবা অমসুং শিংথানিংঙাই ওইবা মওংদা লৌখিবা অচেৎপা ফিরেপ অদুগী মহৈনি। মহাক্না তুংদা হোৎনবা থবকশিংগীদমক্তা য়াইফ-পাউজেল পীরি। #Cheer4India”

প্রধান মন্ত্রীনা বর্মিংঘম সি.দবল্যু.সি. ২০২২দা এথলেতিক্সতা নুপাগী ত্রিপল জম্পতা গোল্দ মেদল লৌরকপগীদমক্তা এল্ধোস পোলবু থাগৎপা ফোংদোকখ্রে অমসুং অসুম্না ত্বীত তৌরকখি, “ঙসিগী ত্রিপল জম্প ইভেন্ত অসি পুৱারীদা লৈহৌরগনি। ঐখোয়গী এথলেতশিংনা য়াম্না ফজনা পাংথোকখি। গোল্দ মেদল অমা লৌরকখিবা অমসুং মমাংগী ইন্তর্নেস্নেল কমপিতিশনশিংদা উৎখিবা মহাক্কী ফজরবা পর্ফোর্মেন্স অদুবু অমুক্কা হেন্না ফগৎহল্লিবা ময়ামদগী থোইদোক-হেন্দোক্না হৈথোই-শিংথোইরবা এল্ধোস পোলবু থাগৎপা ফোংদক্লি। মহাক্কী কত্থোকপগী মতৌ অসি য়াম্না থাগৎনিংঙাইনি। #Cheer4India”

পি.এম.না ত্বীত অমদা অসুম্না হায়রকখি, “য়াম্না হৈ-শিংলবা অমিত পাংঘলগী মপান্দগী ঐখোয়গী মেদল তেলীদা য়াম্না শিংথানিংঙাই ওইবা মমল য়াম্লবা মেদল অমমুক হাপচিল্লরে। মহাক অসি খ্বাইদগী হেন্না হৈথোই-শিংথোইবা উৎখিবা, ঐখোয়গী খ্বাইদগী হেন্না শিংথানবা অমসুং হৈথোই-শিংথোইরবা বোক্সরশিংগী মনুংদা অমনি। গোল্দ মেদল ফংলকপগীদমক্তা মহাকপু ঐহাক্না থাগৎপা ফোংদোক্লি অমসুং মহাক্কী তুংগীদমক্তা য়াইফ-পাউজেল পীরি। #Cheer4India”

নিতুবু থাগৎলদুনা পি.এম.না হায়খি, “সি.দবল্যু.জি. ২০২২দা বোক্সিংদা য়াম্না কন্না হোৎনদুনা ফংলকপা অমসুং য়াম্না মতিক চারবা গোলদ মেদলগীদমক্তা নিতু ঘংঘাসপু থাগৎপা ফোংদোক্লি। মহাক্না শান্ন-খোৎনবা অসিবু য়াম্না পুকচেল শেংনা অমসুং য়াম্না থৱায় য়াওনা হোৎনখি। মহাক্কী মাইপাকপা অসিনা বোক্সিং অসিবু মীয়াম্না অমুক্কা হেন্না পাম্নবা অমা ওইহল্লগনি। মহাক্কী তুংগী পুনশিগীদমক্তা ঐহাক্না য়াইফ-পাউজেল পীরি। #Cheer4India”

পি.এম.না চি.দবল্যু.জি. ২০২২দা ভারতকী নুপীগী হোকী তীমনা ব্রোঞ্জ মেদল লৌরক্লবদা চাউথোকচবা ফোংদোকখি। পি.এম.না অসুম্না ত্বীত তৌরকখি;“ভারতনা হোকীগা য়াম্না অখন্নবা মরী অমা লৈ। মরম অদুনা ব্রোঞ্জ মেদল লৌরকখিবা ঐখোয়গী থৌইদোক-হেন্দোক্লবা নুপীগী হোকী তীমবু ভারতমচা খুদিংমক্না চাউথোকচবা হায়বসি লেংদ্রবা ৱাফম্নি। চহি কয়াগী মনুংদা সি.দবল্যু.জি.গী পোদিয়মদা নুপীগী তীমনা লেপ্পা অসি মসিনা অহানবনি। তীম অসিগীদমক্তা চাউথোকচৈ! #Cheer4India”

শ্রী অনুরাগ সিং থাকুরনসু ত্বীত্তরগী খুত্থাংদা মাইপাক্লবশিং পুম্নক্তা থাগৎপা ফোংদোকখি।

শ্রী থাকুরনা অসুম্না ত্বীত তৌরকখি, “সি.দবল্যু.জি.দা অহানবা ওইনা শরুক য়াবদা মেদল লৌরকপগীদমক্তা সাগরবু থাগৎপা ফোংদোক্লি। নহাক্না হন্দক গোল্দ ফংদ্রবসু রিং মনুংদা নহাক্না উৎখিবা পোতেন্সিয়েল অদুনা লৈবাক অসিগী মীংচৎ হেন্না পুরক্কনি। ”

“ত্রীসা জোল্লী অমসুং গায়ত্রী গোপিচন্দনা বেদমিন্তন দবলগী মেদল অদুনা অপুনবা মেদল মশিংদা হেনগৎহনবদা নত্তনা অহানবা ওইনা #CWG2022দা ভারত্তগী মাইপাকখিবশিংগী মশিংদসু হেনগৎহল্লগনি। ”

 “#CWG2022 দা তি.তি. মিক্সদ দবলস ফাইনেলসতা য়াম্না মতিক-মগুন লৈবা স্কিল উৎথোক্তুনা ভারতকী সরথ কমল অমসুং শ্রীজানা গোল্দ লৌরক্লি। তু্রনামেন্ত অসিদা ময়ামদা য়াম্না চাউনা থাজবা পীখিবা অমসুং ভারতকী মেদল তেলীদা গোল্দ অমগা অমুক হাপচিল্লক্লিবা মসিগী তীম অসিবু ধাগৎপা ফোংদোক্লি। ”

 “স্পোর্তকী লমদা ভারতকী নুপীগী মতিক হেনগৎলক্লিবা অসিবু অমুক্কসু হন্না ভারতকী নুপীগী ক্রিকেত তীমনা য়াম্না থৌনা ফনা লান্থেংনদুনা সিলভর লৌরকখ্রে। অহানবা ওইনা শরুক য়াবা অসি মতম চুপ্পদা য়াম্না নিংশিংনিংঙাই ওই অমসুং ফাইনেল ফাওবা চংদুনা তীম অসিনা ঐখোয় পুম্নমকপু চাউথোকহল্লে!! য়াম্না ফজনা পাংথোকখ্রে #WomenInBlue”

“সি.দবল্যু.জি.দা নহাক্কী ৪শুবা মেদল লৌরকপগীদমক্তা কিদম্বি শ্রিকান্তপু থাগৎপা ফোংদোক্লি। মসিগী ব্রোঞ্জ অসি য়াম্না নিংথিনা লান্থেংনখি অমসুং ঐহাক্না নহাক্কী থোমস কপ লৌখ্রবা মতুংদা উৎখিবা থাজবা অদুমক চপ মান্ননা নহাক্না মসিদা উৎখি। কোর্ততা নহাক্কী নিংহন্নবা লৈতনা হোৎনবা অদু য়াম্না থাগৎনিংঙাইনি। ”

“#CWG2022 দা মহাক্না মহাক্কী লম্বা কার্লী এম.সি. নোল (এন.আই.আর.)বু নম্থদুনা অমসুং নুপীগী কে.জি. ৫০গী ইভেন্ততা ময়াম্না য়াম্না পাম্নরবা গোল্দ মেদল অদু লৌরকখি।”

“#CWG2022 দা ভারতকীদমক্তা তেবল তেনিসতা অনিশুবা মেদল লৌরকপগীদমক্তা অচন্তা শরথ কমল অমসুং জি. সাথিয়নবু থাগৎপা ফোংদোক্লি। নখোয়না ভারতকী খ্বাইদগী হেন্না নিংথিনা শেম-শারবা তেবল-তেনিসকী শান্নরোই অনিনি অমসুং সিলভরগীদমক্তা ঙসি মায়োক্নখিবা লম্বা অদুনা অমুক হন্না তাক্লে!”

“এল্ধোস পোলনা ঙসি মহাক্কী পর্সোনেল বেস্ত মিতর ১৭.০৩ থমখিবগা লোইননা সি.দবল্যু.জি.দা গোল্দ লৌরকখিবা ভারতকী অহানবা ত্রিপল জম্পর ওইদুনা ঐখোয় পুম্নমকপু চাউথোকহল্লে। মিতর ১৭ চংওদুনা গোল্দ লৌরকপা অসি য়াম্না চিংলেম্নিংঙাই ওই। #Cheer4India”

“সি.দবল্যু.জি.২২দা নুপাগী ত্রিপল জম্পদা ১৭.০২  চোংদুনা ভারতনা ১-২ ফংখিবা অবদুল্লাহ অবুবকরগী মাইকৈদগী য়াম্না কন্না ওৎনখি। নিংহন্নবা লৈতবা ৱাখল্লোনগা লোইননা মহাক্না লম্বা তৌখিবা অমসুং সিলভর মেদলগী পোজিশন লৌরকখিবা অদু মতম শাংনা নিংশিংদুনা লৈহৌরগনি। #Cheer4India”

“য়াম্না ফজনা লংখি! সি.দবল্যু.জি.২২দা নুপীগী জেভেলিন থ্রোদা ব্রোঞ্জ লৌনবা য়াম্না কন্না হোৎনখিবা, অন্নু রানিনা মশাগী ওইবা মীংচৎ অমা থমখ্রে। মহাক্না ওলীমপিক গেমসতা শোকখিবা অদুদগী অমুক হন্না হৌগৎলকখি অমসুং য়াম্না মতি লৈবা কমপিতিতর অমা ওইনা মশাবু পুখৎলকখি! #Cheer4India”

“সি.দবল্যু.জি.২২দা সান্দীপ কুমারগী মিতর ১০০০০গী রেস ৱাক্কী ব্রোঞ্জ অসি অচেৎপা ফিরেপ অমগা লোইননা য়াম্না কন্না হোৎনখিবগী খুদম অমনি। চহি ৩৬ শুরবা অসিনা চই হায়বসি মশিং খক্তনি অমসুং খ্বাইদগী হেন্না মরু ওইরিবা অসি পর্ফোর্মেন্সকা চুনবা পোতেন্সিয়েল লৈবদুনি। #Cheer4India”

“ৱিকেন্দ মেদল রশ! অমিত পংঘলনা সি.দবল্যু.জি.২২দা নুপাগী কে.জি. ৫১ বোক্সিং গোল্দ মেদল লৌরক্তুনা মশাবু ভারতকী য়াম্না মরু ওইবা বোক্সরশিংগী মনুংদা অমা ওইনা লেপচবা ঙমখ্রে। থাগৎপা ফোংদোক্লি! ঐখোয়না নংবু য়াম্না চাউথোকচৈ!”

“গোল্দ!!! য়াম্না ফজখ্রে, নিতু ঘংঘাস!!! ৱার্লদ য়ুথ চেমপিয়ন অনিরক ওইরবা, মহাক্না সি.দবল্যু.জি.২২দা নিংথিনা চং-খোন্না কে.জি.৪৮গী গোল্দ মেদল লৌরকখি। চেমপিয়ন নহাকপু ঐখোয়না চাউথোকচৈ!”

“সৱিতা পুনিয়া অমসুং নুপীগী হোকী তীমবু ব্রোঞ্জ মেদল লৌরকখিবগীদমক্তা থাগৎপা ফোংদোক্লি! মদু ন্যু জীলেন্দগী ময়োক্তা য়াম্না ফজবা পর্ফোর্মেন্স অমসুং পুক্নিং চিংশিন্নিংঙাই ওইবা মাইপাকপা অমা ওইখি। হৌখিবা চহি খরা অসিদা ভারতকী নুপী হোকী তীমগী লাক্লিবা অওনবা অসি য়াম্না থোইদোক-হেন্দোক্না শিংথানিংঙাই ওই।  ”

শ্রীজা অকুলাগী এচীবমেন্তশিংগীদমক্তা ক্লিক তৌবীয়ু

নিখত জরীনগী এচীবমেন্তশিংগীদমক্তা ক্লিক তৌবীয়ু

এল্ধোস পোলগী এচীবমেন্তশিংগীদমক্তা ক্লিক তৌবীয়ু

অমিত পংঘলগী এচীবমেন্তশিংগীদমক্তা ক্লিক তৌবীয়ু

নিতু ঘংঘাসগী এচীবমেন্তশিংগীদমক্তা ক্লিক তৌবীয়ু

অবদুল্লাহ অবুবকরগী এচীবমেন্তশিংগীদমক্তা ক্লিক তৌবীয়ু

সাগর আহলাৱতকী এচীবমেন্তশিংগীদমক্তা ক্লিক তৌবীয়ু

সাথিয়ন নানাসেকরনগী এচীবমেন্তশিংগীদমক্তা ক্লিক তৌবীয়ু

সন্দীপ কুমারগী এচীবমেন্তশিংগীদমক্তা ক্লিক তৌবীয়ু

অন্নু রানিগী এচীবমেন্তশিংগীদমক্তা ক্লিক তৌবীয়ু

সৌরব ঘোসলগী এচীবমেন্তশিংগীদমক্তা ক্লিক তৌবীয়ু

দিপিকা পল্লিকলগী এচীবমেন্তশিংগীদমক্তা ক্লিক তৌবীয়ু

কিদম্বি শ্রিকান্তকী এচীবমেন্তশিংগীদমক্তা ক্লিক তৌবীয়ু

ভি. ত্রীসা জোল্লীগী এচীবমেন্তশিংগীদমক্তা ক্লিক তৌবীয়ু

গয়ত্রি গোপিচন্দগী এচীবমেন্তশিংগীদমক্তা ক্লিক তৌবীয়ু

*****