"ঙসি, ইন্দিয়ন তেলিকম্ম্যুনিকেসন নেৎৱার্কনা খ্বাইদগী ৱাংবা কোস্ত-ইফেক্তিব রেৎ লৈবগা লোইননা মালেমদা খ্বাইদগী চাউবা অনিশুবা ওইরে। অসিগুম্বা খুমাং চাউশিল্লকপগী চাং অসি মোদী লৈঙাক্কী কৈথেলদা য়াম্না নুংঙাইবা থৌশিলশিংনা পুখৎলক্লিবনি।", হায়না শ্রী দিভুসিনহ চৌহন, রাজ্যগী কম্ম্যুনিকেসন্স মন্ত্রীনা ভারত্তা তেলিকোম সেক্তর চাউখৎলকপগী মায় পাকপগী ৱারী লিরদুনা ফোংদোকখি।

এসিয়া অমসুং ওসিনিয়া রিজনগী ইন্তর্নেসনেল তেলিকম্ম্যুনিকেসন য়ুনিয়নগী রিজরেল স্তেন্দর্দাইজ ফোরম (আর.এস.এফ.) হৌদোকপগী থৌরমদা ৱা ঙাংলদুনা মহাক্না হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা লৈরিবা ভারতকী তেলিকম্ম্যুনিকেসনগী লমদা লৈরিবা থৌশিলশিং অসিনা য়ুম্বী ৩গী হৌরকফম ওইরি- ইন্দস্ত্রীগী "ইজ ওব দুইং বিজিনেস", খুঙ্গং অমসুং অথাপ্পা মফমশিংদা লৈরিবা মীওই পুম্নমক য়াওনা মীপুম খুদিংমক্কী "ইজ ওব লিভিং", অমসুং "আত্ম নির্ভর ভারত – হায়বদি শেল্ফ রিলাইএন্ত ইন্দিয়া"।

অজাদি কা অমৃত মহোৎসব থৌরমগী শরুক অমা ওইনা, কম্ম্যুনিকেসন মন্ত্রালয়না এসিয়া অমসুং ওসিনিয়া লমদমগী ইন্তর্নেসনেল তেলিকম্ম্যুনিকেসন য়ুনিয়ন'স রিজনেল স্তেন্দর্দাইজেসন ফোরম (আর.এস.এফ.)গী মপু ওইরি। এসিয়া ওসিনিয়া লমদমদগী লৈবাক ২০ হেনবনা শরুক য়ারিবা য়ুনাইতেদ নেসন্স (য়ূ.এন.)গী থৌরম অসি ঙসি শ্রী দেভুসিনহ চৌহন্না হৌদোকখি। শ্রী কে. রাজারমন, সেক্রেতরী (তি.), ভারত সরকার, শ্রী মনিশ সিনহা, মেম্বর (ফাইনান্স), দিজিতেল কম্ম্যুনিকেসন্স কম্ম্যুনিকেসন (দি.সি.সি.), ভারত সরকার, শ্রী ভি.এল. কান্থা রাও, এদিসনেল সেক্রেতরী (তি.), ভারত সরকারগা লোইননা শ্রী বিলেল জমৌশি, চীফ ওব স্তদী গ্রুপ্স দিপার্তমেন্ত, ইন্তর্নেসনেল তেলিকম্ম্যুনিকেসন য়ুনিয়ন (আই.তি.য়ু.), শ্রীমতি অতসুকো ওকুদা, রিজনেল দিরেক্তর, আই.তি.য়ু. রিজনেল ওফিস ফোর এসিয়া অমসুং পেসিফিকসু থৌরম অদুদা শরুক য়াখি।

রিজনেল স্তেন্দর্দাইজেসন ফোরম (আর.এস.এফ.)কী মপুং ওইবা ৱারোলদি "তেলিকম্ম্যুনিকেসন্স/আই.সি.তি.শিংগী রিগুলেতরী অমসুং পোলিসীগী ওইবা হীরমশিং" হায়বনি। মসিগী মতুংদা ইন্তর্নেসনেল তেলিকম্ম্যুনিকেসন য়ুনিয়ন – তি. স্তদী গ্রুপ ৩ রিজনেল গ্রুপ এসিয়া অমসুং ওসিনিয়া (আই.তি.য়ু.-তি. এস.জি.৩ আর.জি. – এ.ও.) ওগস্ত ৯, ২০২২ দগী ওগস্ত ১২, ২০২২ ফাওবা পাঙথোক্কনি।

ভারতকী তেলিকোম রিফোর্মশিংনা শেম্লিবা অফবা অমসুং মাংজিল থাবা এনভাইরোনমেন্ত অসিগী মতাংদা ৱা ঙাংলদুনা, মন্ত্রী শ্রী দেভুসিনহ চৌহন্না হায়খি মদুদি হায়রিবা রিফোর্মশিং অসিনা হেন্না ফবা অথোই অহেন তান্নবা, কঞ্জুমরশিংগী অপাম্বা ঙাকপা হেনগৎহল্লি, লিক্বিদিতী পীশিল্লি, ইনভেস্তমেন্ততা পুক্নিং থৌগৎলি অমসুং মসিনা তি.এস.পি.শিংদা লৈবা রিগুলেতরী বর্দনশিং হন্থহল্লি।' "মসিগী মহৈনা, হন্দক্কী ভারত্তা চত্থখিবা ৫জি স্পেক্ত্রম ওক্সন্দা বিলিয়ন দোল্লর ২০গী বিদশিং ফংখি। মসিনা ভারতকী তেলিকোম ইন্দস্ত্রীগী থাজবা অমসুং ইহুল অসি ময়েক শেংনা উৎলে।"।

অনৌবা তেলিকোমগী খুদোংচাবশিং অসি খুন্নাই অসিগী খ্বাইদগী মনীংদা লৈবা মীওইদা ফাওবা য়ৌহন্ননবগীদমক অমসুং 'অন্ত্যোদয়া' ফিলোসোফীগা চুন্ননবগীদমক, শ্রী দেভুসিনহ চৌহন্না হায়খি মদুদি ইকাইখুম্নজরিবা ভারতকী প্রধান মন্ত্রী শ্রী নরেন্দ্র মোদীনা দিজিতেল দিভাইদতা ময়েক শেংবা লম্বেল অমা তাক্লে। মসিদা খুঙ্গং লাখ ৬তা ওপ্তিকেল ফাইবর য়ৌনবা অমসুং হায়রিবা খুঙ্গংশিং অসিদা ৪জি মোবাইল কম্ম্যুনিকেসন য়ৌহনবা য়াওরি। মহাক্না শরুক য়ারিবা মীওইশিং অদুদা পাউদমখি মদুদি খুঙ্গং ১,৭৫,০০০ লোমদা ওপ্তিকেল ফাইবর পীখ্রে অমসুং খুঙ্গং ৫,৬০,০০০ রোমদনা ৪জি. মোবাইলগী খুদোংচাবা ফংহনখ্রে। মলতি-বিলিয়ন-দোলার, ২০২৫ ফাওবদা খুঙ্গং লাখ ৬ লোমদা ওপ্তিকেল ফাইবর অমসুং মোবাইল কম্ম্যুনিকেসন পীনবা মপুং ওইবা থৌরাং।

লৈবাক অসিদা ৫জি থাদোক্নবগী মতাংদা ৱা ঙাংলদুনা শ্রী চৌহন্না হায়খি মদুদি ভারত সরকার অসিনা লমদম অসিদা শাজবা পুথোকচবা অমসুং শুংজবা অৱাংবা থাক্কী তেলিকোম তেক্নোলোজীশিংবুনা হেন্না পুক্নিং থৌগৎলি। মসিগী মহৈনা ঙসিদি ভারত্তা লমদম অসিদা য়োখৎচবা ৫জি মোবাইল কম্ম্যুনিকেসন ইকোসিস্তেম অমা লৈরে। "চহি অসিগী লোইরকপদদি ভারত্তা লমদম অসিদা পুথোকচবা, অমসুং শাজবা ৫জি স্তেক চল্লাইবা উরগনি। ঐখোয়গী ইঞ্জিনীয়রশিংনা ৫জি.গী থাক অমা শেমগৎখ্রে, মসিনা খুঙ্গংশিংদসু ৫জি নেৎৱার্ক শন্দোকপদা মতেং ওইরগনি।

খোঙজেল য়াঙনা হোংলক্লিবা তেলিকোম/আই.সি.তি. লেন্দস্কেপশিং তুং কোইনা চৎনবা অমসুং হেন্না মখা তানা ফগৎহন্নবা হোৎনবদা আই.তি.য়ূ.গী থৌদাংগী মতাংদা ফোংদোক্লদুনা শ্রী চৌহন্না হায়খি মদুদি আই.তি.য়ু.না স্তেকহোল্দ পুম্নমক্কা হেন্না মরী ফগৎহন্নবা অমসুং অপুনবা অমা শাগৎনবা ভাপ তান্ননবগী ওইবা অচৌবা থৌদাং অমা লৌরি। ভারতনা মতম শাংনা আই.তি.য়ু.গা চৎমিন্নদুনা লাক্লি অমসুং তেলিকম্ম্যুনিকেসনগী লৈমাইসিদা মান্নবা ৱাখল্লোন লৈ।

শ্রী দেভুসিনহ চৌহন্না হায়খি মদুদি আই.তি.য়ু.গা চুন্ননবগীদমক ভারতনা অচেৎপা ফিরেপ অমগা লোইননা কন্নেক্ত তৌদ্রিবশিংবু কন্নেক্ত তৌনবা, অমসুং মীপুম খুদিংমক্কী পাউ ফাওননবা লৈজরিবা হক অসিবু ঙাক্নবা অমসুং শৌগৎনবা চৎকনি। ভারতনা আই.তি.য়ু.গী ৱাখল্লোন অমসুং পান্দম হেন্না পাকথোক চাউথোক্নবা মতম চুপ্পদা হোৎনগনি হায়না মহাক্না মখা তাখি।

*****