ভারতনা নিংতম্বগী চহি ৭৫ শুরকপা অসিদা, রাজ্যশিং অসিনা মখোং য়াংনা, ইচং থৌনা অমসুং মীপাল তাংদনা মরোমদোম লেপচবা ঙম্বগী তঙাইফদবা অমা লৈ অমসুং কো-ওপরেতিব ফেদেরেলিজমগী ৱাখল্লোনদা ‘আত্মনির্ভর ভারত’কী মায়কৈদা খোং থাংবগী মথৌ তারক্লে। ভারতপু খোংফম চেৎপা, সস্তেনেবল ওইবা অমসুং ইনক্লুসিব ওইবা ভারত অমা শেমগৎনবগী মায়কৈদা, ২০২২গী অগস্তকী তাং ৭তা নিতি অয়োগকী ৭শুবা গোবর্নিং কাউন্সিল মীফম পাংথোক্কদৌরি অমসুং সেন্তর অমসুং রাজ্যশিং / য়ুনিয়ন তেরিতোরীশিংগী মরক্তা অনৌবা মওংদা য়ান্নবা অমসুং থবক শুমিন্ননবগী অনৌবা মতম অমা পুরক্নবা লম্বিসু শেম্লগনি। 

রাস্ত্রপতি ভৱন কলচরেল সেন্তর, নই দিল্লীদা পাংথোক্কদৌরিবা গোবর্নিং কাউন্সিলগী ৭ শুবা মীফম অসি প্রধান মন্ত্রী, শ্রী নরেন্দ্র মোদীনা থৌবু ওইদুনা পাংথোক্লগনি। মীফম অসিগী হিরমদি, অতৈ-অতৈগা লোইননা, মহৈ-মরোং তোঙান-তোঙানবা মখল-মখা কয়া অমা শিজিন্নহনবা অমসুং থাউ মরুশিং অমসুং হৱাই-চেংৱাইশিং মীপাল তাংদনা ইশাগী ওক্নবা পোত্থোক পুথোকপা ঙম্বা অমসুং এগ্রি-কম্যুনিতীশিং; নেস্নেল এজুকেশন পোলিসী-স্কুল এজুকেশনবু থবক ওইনা পাংথোকপা; নেস্নেল এজুকেশন পোলিসী - হায়র এজুকেশনবু থবক ওইনা পাংথোকপা; অমসুং অর্বান গোবর্নেন্স য়া‌ওরি হায়রিবশিং অসি য়াওরি।

মীফম অসিগী থৌরাংগী শরুক অমা ওইনা, ২০২২গী জুনদা ধরমশালাদা সেন্তর  অমসুং রাজ্যনা থা তরুক শাংবা য়াম্না চেকশিনবা এক্সর্সাইস অমা ওইনা চীফ সেক্রেতরীশিংগী ওইবা নেস্নেল কনফরেন্স পাংথোকখি। কনফরেন্স অসি প্রধান মন্ত্রীনা থৌবু ওইখি অমসুং সেন্তর  অমসুং রাজ্য সরকারশিংগী সেনিয়র ওফিসিয়েলশিংগা লোয়ননা রাজ্য অমসুং য়ুনিয়ন তেরিতোরীশিংগী চীফ সেক্রেতরীশিংনসু মসিদা শরুক য়াখি। ৭শুবা গবর্নিং কাউন্সিলগী মীফম অসিদা হায়রিবা হিরমশিং অসিবু থবক ওইনা পাংথোক্নবগীদমক লম্বি য়াৎকনি অমসুং এক্সন প্লানসু শেমগনি।   

গবর্নিং কাউন্সিলগী মীফম অসি জুলাই ২০১৯গী মতুংদা মশানা হকথেংননা শরুক য়াদুনা পাংথোকপা অহানবা মীফম ওইগনি। কোবিদ-১৯গী লাইচৎ লোইশিল্লক্তুনা ঐখোয়না অমৃত কালদা চঙকপা অমসুং মথং চহিদা ভারতনা জি২০ প্রেসিদেন্সী অমসুং সমিত পাংথোক্কদৌরিবা ওইবনা মসি য়াম্না মরু ওইরি। মীফম অসিদা ফেদেরেল সীস্তেমগী মীৎয়েংদা ইন্দিয়ানা লুচিংবগী মরু ওইবা হিরমশিং অমসুং জি-২০ প্লেতফোর্মদা ইশাগী চাউখৎপবু উৎপদা রাজ্যশিংনা পাংথোক্লিবা মথৌশিংগী মরমদসু খন্নগনি।

নিতি আয়োগকী গবর্নিং কাউন্সিল অসি রাজ্য অমসুং য়ুনিয়ন তেরিতোরীশিংনা লৈবাক্কী মরু ওইবা হিরমশিং অমসুং স্ত্রেতেজীশিংদা লেপ্তনা শরুক য়ারিবাশিংদা অওনবা অমা পুরক্নবগী থৌ পুহল্লিবা মরু ওইবা বোদী অমনি।  গবর্নিং কাউন্সিল অসিনা ইন্তর-সেক্তর, ইন্তর-দিপার্তমেন্তল অমসুং ফেদেরেলগী ওইবা হিরমশিংগী মরমদা খন্ন –নৈননবগীদমক প্লেতফোর্ম অমা পীরি। মসিদা ভারতকী প্রধান মন্ত্রী; রাজ্য পুম্নমক্কী অমসুং লেজিসলেচর লৈরিবা য়ুনিয়ন তেরিতোরীশিংগী মুখ্য মন্ত্রীশিং; অতোপ্পা য়ুনিয়ন তেরিতোরীশিংগী লেফ্তনেন্ত গোবর্নরশিং; নিতি আয়োগতা থবক পুরম্বা মেম্বরশিং; নিতি আয়োগকী ভাইস-চেয়রমেন; নিতি-আয়োগকী ফুল-তাইম ওইরিবা মেম্বরশিং অমসুং অখন্নবা মীথুংলেন ওইনা চেবাউ পীখিবা কেন্দ্রগী মন্ত্রীশিংনা মসিদা শরুক য়ারি। মসিনা কেন্দ্র অমসুং রাজ্যগী মরক্তা তাথোক-তাশিন তৌদুনা খন্ন-নৈনবদা খ্বাইদগী মরু ওইবা মফম অমা পীরি অমসুং সরকারগী ওইবা ৱাখললোনবু চেকশিন্না থবক পাংথোক্নবগীদমক মরু ওইবা স্ত্রেতেজীশিংবুসু খংদোকপদা মতেং পাংলি।

*****