য়ুমলৈ-কৈরৈ মন্ত্রালয়
কেন্দ্রগী গৃহ অমসুং কোওপরেসন মন্ত্রী শ্রী অমিৎ শাহনা ঙসি বেঙ্গলুরুদা পাঙথোকপা 'সঙ্কল্প সে সিদ্ধি'গী অহুমশুবা তাংকক্তা ৱা ঙাংখ্রে
Posted On:
04 AUG 2022 6:09PM by PIB Imphal
সঙ্কল্পতগী সিদ্ধিগী মীফম অসি 'অমৃতভর্স' অসিদগী সেন্তিনরী চহিদা ওন্থোক্নবা থৌরাং তৌরিবা মীফম অমনি
হৌখিবা চহি ৮লোম অসিদা, প্রধান মন্ত্রী নরেন্দ্র মোদীনা লৈবাক অসিগী হীরম খুদিংদা চঙশিল্লিবা চাউখৎ থৌরাংশিং অসিবু মালেমগী থাক্তা পুখৎপীখ্রে অমসুং ঙসিদি মালেম অসিনা ভারতকী চাউখৎপগী খোঙজেল অমসুং মসিগী তোঙান-তোঙানবা মায়কৈশিং উবা ফংনরে
প্রধান মন্ত্রী নরেন্দ্র মোদীনা খুন্নাই চাউখৎহন্দুনা ভারতপু শেমগৎনবা লেপ্লি, মসিনা মহাক্কী মীয়ামগা লোইননা শরুক য়াবগী অকনবা ফিরেপ অসি উৎলে
হৌখিবা চহি ৮ লোমগী খোঙচৎ অসিবু উরদুনা, ঙসিদি ঐখোয়না খ্বাইদগী য়াঙবা শেনমিৎলোন লৈবা লৈবাক অমা ওইরে, জি.এস.তি. মায় পাক্না চৎনহনখিবগা লোইননা, লুপা লাখ ১.৬৮কী জি.এস.তি. রেভিন্যু এপ্রিল থাদা খোমগৎপা ঙমখ্রে
হৌখিবা চহি নিপানলোম অসিদা, শ্রী নরেন্দ্র মোদীনা শেন্মিৎলোন হিংগৎহন্নবা অমসুং মপাঙ্গল কনখৎহন্নবা থৌরাং কয়া অমা লৌখৎখ্রে, মহাক্না ইরোমদোম লেপচবা ভারত অমসুং মেক ইন ইন্দিয়াগী খোলাউগা লোইননা শেন্মিৎলোনগী অনৌবা মায়কৈ অমা পুরকখ্রে
মোদী লৈঙাক্না মথংগী চহি ২৫গী অমৃতকালগী য়ুম্ফম লিংখ্রে অমসুং ঙসিদি কনাগুম্বা অমত্তনা ভারতপু লায়না লৌবা ঙম্লরোই
২০১৯দা, লৈবাক অসিনা পুৱারীদা খ্বাইদগী চাউবা লাইচৎ অমা কোবিদ-১৯গী শক্তমদা থেংনখি, অসিগুম্বা ফিভম অসিদা ভারতনা মশামকপু অনৌবা মোদেল অমা ওইনা শেমগৎখি অমসুং অনৌবা পোলিসী অমা লৌখৎখি
প্রধান মন্ত্রী নরেন্দ্র মোদীগী লুচিং মখাদা লৌখৎখিবা ৱারেপ কয়া অমনা, মালেম পুম্বদা লৈরিবা শেনমিৎলোন কয়ানা থাজৈ মদুদি ভারতকী শেনমিৎলোন অসিনা কোবিদ-১৯গী শাফুদগী হিংগৎলকখিবা অহানবনি হায়না।
মতম অসিগী মনুংদনি মীৎয়েং থমগদবা য়ুম্বী মঙা – শেন্মিৎলোন, ইনফ্রাস্ত্রকচর, সিস্তেম অসিগী সিস্তেমেতিক রিফোর্ম, দেমোগ্রাফী অমসুং দিমান্দ অমসুং সপ্লাই লিংখৎখিবা অমসুং য়ুম্বী মঙা অসিদা য়ুম্ফম ওইদুনা ঐখোয়না কোবিদ-১৯বু থেংননবা হোৎনখি অমসুং শ্রী মোদীগী হায়রিবা থৌরাংশিং অসিনা ভারতপু কোবিদ-১৯গী লাংফমদগী থোক্লক্নবা হোৎনবদা মতেং পাংখি
ন্যু এজুকেসন পোলিসী, দ্রোন পোলিসী, হকশেলগী পোলিসী কোবিদ-১৯গী মনুংদা শেমখি, কম্মর্সিএল ওইনা কোইলা তানবগী ৱারেপসু লৌখি অমসুং মতম অসিমক্তদা নেসনেল পোলিসী ওন ইলেক্ত্রোনিক্সসু দ্রাফ তৌখি
সেক্তর ১৪দা লুপা করোর লাখ ৩০ য়ৌনা পুথোকপা ঙম্নবগীদমক ঐখোয়না পি.এল.আই. স্কিম লৌখৎখি, শ্রী নরেন্দ্র মোদীনা ভারতপু ইরোমদোম লেপচবা ঙম্নবা অমসুং পোৎ পুথোকপগী মরুওইবা মফম অমা ওইহন্নবা হোৎনখি
শ্রী নরেন্দ্র মোদীগী লুচিং মখাদা, ২০২২দা ঐখোয়গী জি.দি.পি. চাউখৎপগী চাং অসি চাদা ৭.৪ য়ৌখি, হায়রিবসি চাউখৎলবা লৈবাক কয়াদগী হেন্না ৱাংলিবনি। মসিনা উৎলে মদুদি ঐখোয়গী থৌশিল থৌরাংশিং অসি মায় পাক্লে অমসুং ফলশিং উবা ফংলে
২০১৪ অমসুং ২০২১গী মরক্তা ভারত্তা লুপা য়ু.এস. $৪৪০ বিলিয়নগী এফ.দি.আই. লাকখি অমসুং ঐখোয়না মালেমদা ইনভেস্তমেন্তকী ৭শুবা ময়াম্না পাম্নবা লম অমা ওইখি
সোসিএল অমসুং একনোমিক ইনফ্রাস্ত্রকচরগীদমক ঐখোয়না লুপা করোর লাখ ১০০ চাদিং তৌনবা, ইন্দস্ত্রিএল কোরিদোর ১১, একনোমিক জোন ৩২ শেম্নবা ৱারেপ লৌখি
মী মশীং য়াম্বা হায়বসি কৈথেল অমনি অমসুং কৈথেল অমনা চাউখৎপা হায়বসি লৈবাক অদুগী চাউখৎপদু সিমেত্রিকেল ওইরবা মতমদা থোকই, ভারতকী মীশিং অসি করোর ১৩০নি অমসুং কৈথেলনা মীওই করোর ৮০ ওইখি, মরমদি অরেম্বা মীওইশিং অসিনা লৈবা ঙমজদে, হৌখিবা চহি ৮ লোমসিদা শ্রী নরেন্দ্র মোদীনা হায়রিবা মীওইশিং অসিবু লৈবাক্কী চাউখৎলোনগা মরী অমা শম্বীরম্লে
শ্রী মোদীনা শেনমিৎলোন্দা মীওইবগী মাইথোংগুম্বা মশক অমা পীবীরম্লে অমসুং জি.দি.পি. সি.আই.আই.না আর.দি. চাউখৎহন্নবা ফম্বাক অমা ওইহনগদবনি অমসুং খোঙজেল খক্তমক য়াঙখৎহনবদা নত্তনা, ভারতকী ইন্দস্ত্রীশিংনা মখোয়গী চাউবগী চাংদা অহোংবা পুরক্নবা লেপকদবনি অমসুং করিগুম্বা চাউবগী চাং অসি হোংদোক্কদবা লৈরবদি আর.এন্দ দি.দা শাফু পীগদবনি
কেন্দ্রগী গৃহ অমসুং কোওপরেসন মন্ত্রী শ্রী অমিৎ শাহনা ঙসি বেঙ্গলুরুদা পাঙথোকপা 'সঙ্কল্প সে সিদ্ধি'গী অহুমশুবা তাংকক্তা ৱা ঙাংখ্রে। কর্নাতাকাগী মুখ্য মন্ত্রী, শ্রী বাসবরাজবোম্মাই, অমসুং কেন্দ্রগী কলচর, তুরিজম অমসুং অৱাং নোংপোক এফিয়র্স মন্ত্রী শ্রী জি. কিশন রেদ্দীসু থৌরম অদুদা শরুক য়াখি।
থৌরম অসিদা কেন্দ্রগী গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা নীংতম্বগী চহি ৭৫ শুবগী থৌরমদা অজাদিকাঅমৃতমহোৎসব পাঙথোক্নবা ৱারেপ লৌখ্রে। অমৃতমহোৎসব অসিগী মনুংদা ভারতনা মালেম পুম্বগী ওইনা চহি ২৫গী মতুংদা করম্না লুচিংবা ওইগদগে হায়বদু মীয়াম্না ৱারেপ লৌগদবনি। সঙ্কল্পতগী সিদ্ধিগী মীফম অসি 'অমৃতভর্স' অসিদগী সেন্তিনরী চহিদা ওন্থোক্নবা থৌরাং তৌরিবা মীফম অমনি। প্রধান মন্ত্রী নরেন্দ্র মোদীনা চহি ৭৫দগীনা ১০০ ফাওবগী মনুং অসিবু অমৃতকাল হায়না হায়রি। লৈবাক অসিনা মনীং তমখিবগী মতুংদা, লোক সভা মীখল ১৭ লক পাঙথোকখ্রে, লৈঙাক ২২ খনখ্রে অমসুং ঐখোয়গী প্রধান মন্ত্রী ১৫ লৈখ্রে অমসুং মসি পুম্নমক অসিনা লৈবাক অসিগী চাউখৎপদা মতেং পাংলক্লি। অদুমওইনমক, হৌখিবা চহি ৮ লোমসিদা প্রধান মন্ত্রী নরেন্দ্র মোদীনা লৈবাক অসিগী হীরম খুদিংদা চঙশিল্লিবা চাউখৎ থৌরাংশিং অসিবু মালেমগী থাক্তা পুখৎপীখ্রে। ঙসিদি মালেম অসিনা ভারতকী চাউখৎপগী খোঙজেল অমসুং মসিগী তোঙান-তোঙানবা মায়কৈশিং উবা ফংনরে। ঙসিদি ফগৎলকপগী মফম লৈতবা খুমাং চাউশিনখিদবা অমসুং ওইথোক্লোইদবা হীরম অমত্তা লৈত্রে। প্রধান মন্ত্রী নরেন্দ্র মোদীনা খুন্নাই চাউখৎহন্দুনা ভারতপু শেমগৎনবা লেপ্লি, মসিনা মহাক্কী মীয়ামগা লোইননা শরুক য়াবগী অকনবা ফিরেপ অসি উৎলে।
শ্রী অমিৎ শাহনা হায়খি মদুদি শ্রী নরেন্দ্র মোদীনা ২০১৪দা লৈবাক অসিগী প্রধান মন্ত্রী ওইরকখিবা মতমদা, থৌশিলদা অশোইবগী অমসুং লুপা করোর লাখ ১২গী স্কেমনা হেদলাইন ওইখি। কেপিতেলিজম্না মতোল লোম্না লৈরম্মি, পুবা ঙমদবা শেন্দোন কয়া অমা লৈরমখি, লল্লোন ইতীক তৌবগী থবকশিং মনীং হন্দুনা চৎলম্মি, অমসুং মালেমদা লৈরম্বা ঐখোয়গী ইকাই খুম্নবগী চাং অদুক্কী মতীক হন্থরম্মি। অদুগুম্বা ফিভম অদুদা মীয়াম্না পুৱারীদা হক্তুনা লৈহৌরগদবা ৱারেপ অমা লৌবীখি, শ্রী মোদীবু প্রধান মন্ত্রী ওইনা খনবীখি অমসুং চহি ৩০গী মতুংদা, অপুনবা মশীং ফংদুনা লৈঙাক অমা শেমখি। মমাংগী লৈঙাক্কী মনুংদা, প্রধান মন্ত্রীবু কনাগুম্বা অমত্তনা প্রধান মন্ত্রী অমগুম্না খন্নবীরমদে, মসিগী মহুৎতা মন্ত্রী খুদিংমক্না মখোয় মশাবু প্রধান মন্ত্রীনি হায়না লৌনরম্মি। মতম অদুদা মীয়াম্না শোইনাইদ্রবা লৈঙাক অমা খনবীখি অমসুং করিগুম্বা ঐখোয়না হৌখিবা চহি ৮গী খোঙচৎ অসিবু হন্না য়েংলুবা তারবদি, ঐখোয়না খ্বাইদগী য়াঙনা চৎপা শেন্মিৎলোন ওইরি। জি.এস.তি. মায় পাক্না চৎনহনখিবগা লোইননা, লুপা লাখ ১.৬৮কী জি.এস.তি. রেভিন্যু চহি অসিগী এপ্রিল থাদা খোমগৎপা ঙমখ্রে। ২০২২দা খ্বাইদগী য়াম্বা লল্লোন ইতীক্কী পোৎ পুথোকপগী চাং লৈখি, এফ.দি.আই. খ্বাইদগী ৱাংখি অমসুং ঐখোয়না ইজ ওব দুইং রেঙ্কিংদা খোঙ্কাপ লাউনা থাংখি। হৌখিবা চহি নিপানলোম অসিদা, শ্রী নরেন্দ্র মোদীনা শেন্মিৎলোন হিংগৎহন্নবা অমসুং মপাঙ্গল কনখৎহন্নবা থৌরাং কয়া অমা লৌখৎখ্রে, মহাক্না ইরোমদোম লেপচবা ভারত অমসুং মেক ইন ইন্দিয়াগী খোলাউগা লোইননা শেন্মিৎলোনগী অনৌবা মায়কৈ অমা পুরকখ্রে। মোদী লৈঙাক্না মথংগী চহি ২৫গী অমৃতকালগী য়ুম্ফম লিংখ্রে অমসুং ঙসিদি কনাগুম্বা অমত্তনা ভারতপু লায়না লৌবা ঙম্লরোই।
২০১৯দা, লৈবাক অসিনা পুৱারীদা খ্বাইদগী চাউবা লাইচৎ অমা কোবিদ-১৯গী শক্তমদা থেংনখি। মতম অদুদা হিদাক অমসুং তিকা অমত্তা লৈতবনা মরম ওইদুনা করম্না থেংনগদগে খনবদা মীয়াম মীপাইনরম্মি। অসিগুম্বা ফিভম অসিদা ভারতনা মশামকপু অনৌবা মোদেল অমা ওইনা শেমগৎখি অমসুং অনৌবা পোলিসী অমা লৌখৎখি। প্রধান মন্ত্রীনা ঐখোয়গী সাইন্তিস্তশিংগা লোইননা লমদম অসিগী ওইবা তিকা অমা পুথোক্নবা হোৎনখি। প্রধান মন্ত্রী নরেন্দ্র মোদীগী লুচিং মখাদা লৌখৎখিবা ৱারেপ কয়া অমনা, মালেম পুম্বদা লৈরিবা শেনমিৎলোন কয়ানা থাজৈ মদুদি ভারতকী শেনমিৎলোন অসিনা কোবিদ-১৯গী শাফুদগী হিংগৎলকখিবা অহানবনি। লাইচৎকী মনুংদা এম.এস.এম.ই.শিংবু কন্নবগীদমক, মখোয়দা ৱার্কিং কেপিতেল ওইনা লুপা করোর লাখ ৬কী শেনফম পীবীখি, লৈঙাক অসিনা মীয়ামদা লেম্না রাসন পীদুনা অমসুং দি.বি.তি. স্কিম হৌদোক্তুনা মীয়ামগী অৱাবদা মতেং পাংখি। মতম অসিগী মনুংদনি মীৎয়েং থমগদবা য়ুম্বী মঙা – শেন্মিৎলোন, ইনফ্রাস্ত্রকচর, সিস্তেম অসিগী সিস্তেমেতিক রিফোর্ম, দেমোগ্রাফী অমসুং দিমান্দ অমসুং সপ্লাই লিংখৎখিবা অমসুং য়ুম্বী মঙা অসিদা য়ুম্ফম ওইদুনা ঐখোয়না কোবিদ-১৯বু থেংননবা হোৎনখি অমসুং শ্রী মোদীগী হায়রিবা থৌরাংশিং অসিনা ভারতপু কোবিদ-১৯গী লাংফমদগী থোক্লক্নবা হোৎনবদা মতেং পাংখি। মোদী লৈঙাক্না মীওই করোর ৮০দা চহি অনি লেম্না চানবা চীঞ্জাক পীখি। চহি অনি চুপ্না মীওই মিলিয়ন ৮০০দা শেল অমত্তা লৌদনা লেম্না চানবা চীঞ্জাক পীবা লৈবাক অমত্তা মালেম অসিদা লৈত্রি। মরক অসিদা ন্যু এজুকেসন পোলিসী, দ্রোন পোলিসী, হকশেলগী পোলিসী কোবিদ-১৯গী মনুংদা শেমখি, কম্মর্সিএল ওইনা কোইলা তানবগী ৱারেপসু লৌখি অমসুং মতম অসিমক্তদা নেসনেল পোলিসী ওন ইলেক্ত্রোনিক্সসু দ্রাফ তৌখি। মসিনা স্তেন্দ অপ ইন্দিয়া অমসুং স্কিল ইন্দিয়াদা পাঙ্গল পীনবা থবকসু পায়খৎখি, দিজিতেল ইন্দিয়া, উরান অমসুং ভোকেল ফোর লোকেলনা ঐখোয়গী থৌশিলগী খ্বাইদগী মরুওইবশিংগী মরক্তা অমা ওইখি। ঙসিদি ভারত্তা লেত্রিন লৈতবা ইমুং অমত্তা লৈত্রে। কোবিদ-১৯গী মনুংদা ঐখোয়না থৌশিল থৌরাং কয়া অমা পায়খৎখি, মসিনা হীরম খুদিংমক্তা শেন্মিৎলোন হিংগৎহনবদা মতেং ওইখি। মসিগা লোইননা সেক্তর ১৪দা লুপা করোর লাখ ৩০ য়ৌনা পুথোকপা ঙম্নবগীদমক ঐখোয়না পি.এল.আই. স্কিম লৌখৎখি। শ্রী নরেন্দ্র মোদীনা ভারতপু ইরোমদোম লেপচবা ঙম্নবা অমসুং পোৎ পুথোকপগী মরুওইবা মফম অমা ওইহন্নবা হোৎনখি।
শ্রী নরেন্দ্র মোদীগী লুচিং মখাদা, ২০২২দা ঐখোয়গী জি.দি.পি. চাউখৎপগী চাং অসি চাদা ৭.৪ য়ৌখি, হায়রিবসি চাউখৎলবা লৈবাক কয়াদগী হেন্না ৱাংলিবনি হায়না শ্রী অমিৎ শাহনা হায়খি। মসিনা উৎলে মদুদি ঐখোয়গী থৌশিল থৌরাংশিং অসি মায় পাক্লে অমসুং ফলশিং উবা ফংলে। ২০১৪ অমসুং ২০২১গী মরক্তা ভারত্তা লুপা য়ু.এস. $৪৪০ বিলিয়নগী এফ.দি.আই. লাকখি অমসুং ঐখোয়না মালেমদা ইনভেস্তমেন্তকী ৭শুবা ময়াম্না পাম্নবা লম অমা ওইখি। ইজ ওব দুইং বিজিনেসকী পরিংদা ঐখোয়না ২০১৪দা ১৪২শুবদা লৈরম্মি, অদুবু ঙসিদি ৬৩শুবদা লৈরে। ২০১৪দা য়ুনিকোর্ন স্তার্তঅপ অমা ওইরম্বদগী ঙসিদি য়ুনিকোর্ন স্তার্তঅপ ১০০গা লোইননা ভারতকী নহাশিংনা লৈবাক অসিবু মালেমগী থাক্তা মহুৎ শিল্লি। ২০১৪-১৫গী মতমদা গ্লোবেল কম্পিতিতিবনেস ইন্দেক্সতা ঐখোয়না ৭১শুবদা লৈরম্মি, ঙসিদি ঐখোয় ৪৩শুবদা লৈরে।
কেন্দ্রগী গৃহ অমসুং কোওপরেসন মন্ত্রী অসিনা হায়খি মদুদি ঐখোয়না অথৌবা ভারত অমগী য়ুম্বী য়ুংলে অমসুং মথংগী মীরোলগী লন শেমগৎলম্লে। ঐখোয়না পুথোক পুশিন্দা চঙবা শেল হন্থনবগীদমক পি.এম. গতিশক্তি হৌদোক্লে। সোসিএল অমসুং একনোমিক ইনফ্রাস্ত্রকচরগীদমক ঐখোয়না লুপা করোর লাখ ১০০ চাদিং তৌনবা, ইন্দস্ত্রিএল কোরিদোর ১১, একনোমিক জোন ৩২ শেম্নবা ৱারেপ লৌখ্রে। মমাংদা ত্রান্সমিসন লাইন অমদা সার্কল কিলোমিতর লাখ ৩ খক্তগী ওইরম্মি, মসিসু নরেন্দ্র মোদী লৈঙাক্না হৌখিবা চহি ৮ অসিদা সার্কল কিলোমিতর ৪,২৫,০০০ হেনগৎলে। মমাংদা পঞ্চায়ৎ ৬০ খক্তমক্তা ওপ্তিকেল ফাইবর লৈরম্মি, অদুবু হৌখিবা চহি ৮ অসিদা পঞ্চায়ৎ ১,৫০,০০০ য়ৌরে অমসুং দিসেম্বর ২০২৫তদি লৈবাক অসিগী খুঙ্গং অমত্তা ওপ্তিকেল ফাইবর য়ৌদবা লৈররোই। নেসনেল হায়ৱে পোলিসী অসিসু কিলোমিতর ৯১,০০০ লোমতমক ওইরম্মি, মসিসু কিলোমিতর ১,৩৪,০০০ হেনগৎলে অমসুং রিন্যুএবল এনর্জী কেপাসিতী অসিসু ১০০ জি.দব্লিয়ু. লানখ্রে।
মী মশীং য়াম্বা হায়বসি কৈথেল অমনি অমসুং কৈথেল অমনা চাউখৎপা হায়বসি লৈবাক অদুগী চাউখৎপদু সিমেত্রিকেল ওইরবা মতমদা থোকই, ভারতকী মীশিং অসি করোর ১৩০নি অমসুং কৈথেলনা মীওই করোর ৮০ ওইখি, মরমদি অরেম্বা মীওইশিং অসিনা লৈবা ঙমজদে। মীওই অমগী মরুওইবা পান্দম হায়ববু মহাক্কী ইমুংগীদমক হোৎনবা হায়বসিনি। ঐখোয়না গ্যাস সিলিন্দর, লেত্রিন, থক্নবা ঈশিং, লৌমী করোর ১১ লোমদা পি.এম. কিশানগী থোঙদা লুপা ৬০০০ পীখ্রে, মীওই করোর ২.৫গী য়ুম শাখ্রে, মীওই করোর ৬০দা লুপা লাখ ৫গী হকশেলগী ইন্সুরেন্স পীখ্রে, দি.বি.তি.গী খুত্থাংদা বেঙ্ক একাউন্ত করোর ৪৩ হাংখ্রে, মোদী লৈঙাক্না চহি ৮ অসিদা শেঞ্জা থুমজা অমত্তা য়াওদনা লাইরবশিংগী একাউন্ততা লুপা লাখ ২৩ থাখ্রে। মসিনা তাকপদি লৈঙাক অসিনা মীওই করোর ৬০গী অৱাবা কোকপীরে হায়বনি। মীওই করোর কয়াগী চারোলনা নোংমগী অৱাবা কয়ানা পোৎলুম পুহনবীরম্মি, অদুবু মসিসু চহি ৮ অসিদা শ্রী নরেন্দ্র মোদীনা লুচিংবা লৈঙাক অসিনা মখোয়বু কোকহনবীরে। হৌজক্তি অৱাবদগী কোকহনবীদুনা, মীওই অমনা তুংগী খনবা হৌবা ঙমজরে। হৌজিক্তি মীয়াম্না মখোয়গী মংলানশিং মংফাওননবা হোৎনবা ঙমজরে, অমসুং লৈবাক্কী চাউখৎলোন্দা শরুক য়াবা ঙমজরে। মহাক্না হায়খি মদুদি শ্রী নরেন্দ্র মোদীনা শেন্মিৎলোন অমা অমসুং কৈথেলগা লৈবাক্কী শেন্মিৎলোনগা শেমগৎনবা পান্দম থম্লি। করিগুম্বা মীওই করোর ১৩০না শেনমিৎলোন্দা মতেং পাংলকপা তারবদি, ঐখোয়গী শক্তি অসি অদুক্কী মতীক চাউগনি। শ্রী মোদীনা শেনমিৎলোন্দা মীওইবগী মাইথোংগুম্বা মশক অমা পীবীরম্লে। শ্রী শাহনা হায়খি মদুদি চহি ৮ অসিদা, য়ূমথোং খুদিংদা থক্নবা ঈশিং পীরি অমসুং মীয়াম্বু মখোয়গী ইমুংগী হকশেলগী অৱাবদগী কনবীরে।
সি.আই.আই. অসিবু আর.এন্দ.দি. চাওখৎহন্নবগী ফম্বাক অমা ওইহনগদবনি হায়না কেন্দ্রগী গৃহ মন্ত্রীনা হায়খি। ভারতকী ইন্দস্ত্রীনা খোংজেল হেনগৎনবা খনবগী মহুত্তা স্কেল হোংদোকপগী মতাংদা খনগদবনি অমসুং করিগুম্বা স্কেল অদুবু হোংদোকপা তারবদি, থ্রস্ত অদু আর.এন্দ.দি.দা পীগদবনি। মহাক্না হায়খি মদুদি ভারতকী নহাশিং অসিবু আর.এন্দ.দি.গীদমক্তা খ্বাইদগী ফবা ব্রেনশিংনি হায়না লৌনৈ অমসুং সি.আই.আই.না ভারত্তা আর.এন্দ.দি. তৌনবগীদমক হোৎনগদবনি। ইন্দস্ত্রী অমসুং স্তার্তঅপকী মনুংদা মরী অমা লৈনবনা মরম ওইদুনা ইন্দস্ত্রীনসু স্তার্তঅপশিংবু শৌগৎপীগদবনি। মহাক্না সি.আই.আই.দা হায়খি মদুদি প্রদক্সন চেন অসিদা রো মেতরিএলশিংদগী হৌরগা অরোইবা পোৎশিং ফাওবা অসি ভারতকী মপান্দা অমত্তা শেম্লোইদবনি। সি.আই.আই.না পোৎশিংবু মশক খংদোক্কদবনি। হৌজিক্তি মসি ইন্দস্ত্রীনা তৌরগদবনি হায়বসি সি.আই.আই.না ইসুশিং উৎপা খক্তগী মহুত্তা ফম্বাক অমা ওইরক্লবা মতমদা খক্তা ওইথোক্কনি। সি.আই.আই.না খুদোংচদবশিং শেমদোক্ননবা চপ চাবা প্রোপোজেলশিং পুথোক্কদবনি। ঐখোয়না দিফেন্স, এনর্জি, অমসুং মতৌ করম্না মমল তাংদবা ইন্দস্ত্রী অমদি মেন্যুফেকচরিং হব অমা ওইগদগে হায়বসিদা অহেনবা মীৎয়েং পীদুনা চঙশিনবা মথৌ তাই হায়না শ্রী শাহনা হায়খি। ইন্দস্ত্রীনা মীওই করোর ১৩০, মখোয়গী অপাম্বশিং অমসুং অৱা নুঙাইশিংগা শাগোন্নগদবনি হায়না সি.আই.আই.দা ফোংদোকখি।
***************
(Release ID: 1848533)
Visitor Counter : 125