প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলগী মীফমনা ভারতকী অপদেৎ তৌরবা নেস্নেল্লী দিতর্মাইন্দ কন্ত্রিব্যুসন (এন.দি.সি.) অসি য়ুনাইতেদ নেসন্স ফ্রেমৱার্ক কনভেন্সন ওন ক্লাইমেৎ চেঞ্জ (য়ু.এন.এফ.সি.সি.সি.)দা পীশিনবদা অয়াবা পীখ্রে।

অপদেৎ তৌরবা এন.দি.সি.না পেরিস এগ্রীমেন্তগী মখাদা য়ান্নখিবগী মতুং ইন্না ক্লাইমেৎ চেঞ্জকী শীংনবা থেংন্নবা গ্লোবেল রেস্পোন্স মপাঙ্গল কনখৎহন্নবা মাইকৈদা ভারতনা শরুক তম্লিবা অসি হেনগৎহন্নবা পান্দম থম্মি। অসিগুম্বা খোঙথাংনা ভারতপু লো ইমিসন গ্রোথ পাথৱেশিংদা পুবদা মতেংসু ওইরগনি। য়ু.এন.এফ.সি.সি.সি.গী প্রিন্সিপলশিং অমসুং প্রোবিজনশিংদা য়ুম্ফম ওইরগা মসিনা লৈবাক অসিগী অপাম্বশিং ঙাকশেনবা অমসুং মাগী তুংগী চাউখৎ-থৌরাংগী তঙাই ফদবশিং ফংহনবা ঙম্লগনি।

ভারতনা য়ুনাইতেদ নেসন্সকী গ্লাসগোদা য়ুনাইতেদ নেসন্স ফ্রেমৱার্ক কনভেন্সন ওন ক্লাইমেৎ চেঞ্জ (য়ু.এন.এফ.সি.সি.সি.)গী পাঙথোকখিবা কনফরেন্স ওফ দি পার্তীজকী ২৬শুবা সেসন (সি.ও.পি.২৬)দা মালেমদা ভারতকী ক্লাইমেৎ এক্তগী অমৃতকী মচাক মঙা (পঞ্চামৃত) পুথোক্তুনা মাগী ক্লাইমেৎ এক্সন মপাঙ্গল কনখৎহন্নবা ফোঙদোকখি। ভারতকী হান্না লৈরম্বা এন.দি.সি. অপদেৎ তৌবা অসিনা সি.ও.পি. ২৬তা লাউথোকখিবা ‘পঞ্চামৃত’ অদু হেন্না চাউবা ক্লাইমেৎ তার্গেৎশিংদা ওন্থোকপা ঙমহল্লি। অপদেৎ তৌবা অসি ভারতকী ২০৭০ ফাওবদা নেৎ-জিরো য়ৌবা ঙম্নবা লোং-তর্ম গোল অসি ফংনবা মাইকৈদা চংশিনবা খোঙথাং অমসু ওইরি।

মমাংদা ভারতনা ২০১৫গী ওক্তোবর ২দা য়ু.এন.এফ.সি.সি.দা ইন্তেন্দেদ নেস্নেল্লী দিতর্মাইন্দ কন্ত্রিব্যুসন (এন.দি.সি.) পীশিনখি। ২০১৫ এন.দি.সি.দা পান্দম নিপাল য়াওখি; মখোয়গী মনুংদা অহুমদি ২০৩০ ফাওবগী ক্বান্তিতেতিব তার্গেৎশিং থম্লি মখোয় অদুদি, নন-ফোসিল সোর্সশিংদগী অপুনবা ইলেক্ত্রিক পাৱর ইন্সতোল তৌবগী কেপাসিতী অসি ৪০% য়ৌহনবা; জি.দি.পি.গী ইমিসন ইন্তেন্সিতী অসি ২০০৫দা লৈরম্বা থাক অদুগা চাংদম্নবদা চাদা ৩৩দগী ৩৫ ফাওবা হন্থহন্নবা অমসুং অহেনবা উমংনা কোনবা অমসুং উ হৌবা মফম লৈহন্দুনা সি.ও.২গা ইক্বেভেলেন্ত ওইবা বিলিয়ন তন ২.৫দগী ৩ ফাওবগী অহেনবা কার্বোন সিঙ্ক লৈহনবা।

অপদেৎ তৌরবা এন.দি.সি.গী মতুং ইন্না ২০৩০ ফাওবদা জি.দি.পি.গী ইমিসন ইন্তেন্সিতী অসি ২০০৫দা লৈরম্বা থাক অদুদগী চাদা ৪৫ ফাওবা হন্থহন্নবা অমসুং ২০৩০ ফাওবদা নন-ফোসিল ফ্যুএল-বেজ ইনর্জী সোর্সশিংদগী অপুনবা ইলেক্ত্রিক পাৱর ইন্সতোল তৌবগী কেপাসিতী অসি ৫০% য়ৌহনবা ঙম্নবা হোৎনবনি। ঙসিগী অয়াবা পীখিবা অসিনা ক্লাইমেৎ চেঞ্জকী তমথীরবা চৈথেংশিংদগী লায়রবা অমসুং শোত্থরবশিংবু ঙাকপী শেনবীনবা ইকাই খুম্নরবা প্রধান মন্ত্রীগী সস্তেনেবল লাইফস্তাইল অমসুং ক্লাইমেৎ জস্তিসকী বিজন অদি মাংদা পুখৎলগনি। অপদেৎ তৌরবা এন.দি.সি. অসিনা হায়রি, “ক্লাইমেৎ চেঞ্জ লাকশিন্নবা মরু ওইবা পাম্বৈ ওইনা ‘লাইফ’ – লাইফস্তাইল ফোর এনভাইর্নমেন্ত’গীদমক মীয়ামগী ইহৌ অমা য়াওনা কঞ্জর্বেসন অমসুং মোদরেসনগী চৎনবীশিং অমসুং কান্নবশিংদা য়ুম্ফম ওইরগা অফবা অমসুং তুং কোইগদবা পুন্সি মহিং অমা হিংনবা মাংদা চংশিনবা অমসুং প্রোপাগেৎ তৌ”। অপদেৎ তৌরবা এন.দি.সি.গী ৱারেপ অসিনা ভারতনা গ্রীনহাউস গ্যাস ইমিসনশিংদগী ইকনোমিক গ্রোথ খাইদোক্নবগী অৱাংবা থাক্তা চংশিল্লিবা অদু তাক্লি।

ভারতকী অপদেৎ তৌরবা এন.দি.সি. অসি ঐখোয়গী লৈবাক্কী ওইরিবা ফীভমশিং অমসুং কম্মন বত দিফরেন্সিএতেদ রেস্পোন্সিবিলিতীজ এন্দ রেস্পেক্তিব কেপাবিলিতীজ (সি.বি.দি.আর.-আর.সি.)গী প্রিন্সিপলশিং অসি কুপ্না খন্নরবা মতুংদা শেমখি। ভারতকী অপদেৎ তৌরবা এন.দি.সি. অসিনা লো কার্বোন ইমিসিনগী লম্বেলদা চংশিন্নবা ঐখোয়গী খোঙথাংশিং অদু নৌহৌনা খঙহল্লি অমরোমদনা সস্তেনেবল দিবেলপমেন্ত গোলশিং থুংহন্নবা হোৎনগনি।

ক্লাইমেৎ চেঞ্জতা লাইফস্তাইলনা অচৌবা থৌদাং অমা লৌই হায়রদুনা ইকাই খুম্নরবা ভারতকী প্রধান মন্ত্রীনা সি.ও.পি. ২৬তা মালেমগী মীয়ামদা ‘ৱান-ৱার্দ মুফমেন্ত’ অমগী অপাম্বা পুখৎখি। মসিগী ৱাহৈ অমা অসি লাইফ….এল.আই.এফ.ই. হায়বদি লাইফস্তাইল ফোর এনভাইর্নমেন্ত হায়বনি। লাইফকী বিজন অসি ঐখোয়গী গ্রহগী অপাম্বগী মতুং ইনবা অমসুং গ্রহদা অকাইবা পীদবা পুন্সি মহিং অমা হিংনবা হোৎনবনি। ভারতকী অপদেৎ তৌরবা এন.দি.সি. অসিনা ক্লাইমেৎ চেঞ্জ লাকশিন্নবা সিতিজেন সেন্ত্রিক এপ্রোচতা মীৎয়েং থম্লি।

অপদেৎ তৌরবা এন.দি.সি. অসিনা ২০২১-২০৩০গী মতমদা ভারতনা ক্লীন ইনর্জীদা ত্রাঞ্জিসন তৌনবগী ফ্রেমৱার্কসু উৎলি। অপদেৎ তৌরবা ফ্রেমৱার্ক অসিনা তেক্স কনসেসনশিং অমসুং রিন্যুএবল ইনর্জী পুথোক্নবা অমসুং শীজিন্নবা থৌগৎনবা প্রদক্সন লিঙ্ক ইন্সেন্তিব স্কিমগুম্বা থৌশিলশিং য়াওনা সরকারগী অতোপ্পা থৌশিল কয়াগা লোয়ননা ভারতকী মেন্যুফেচরিং কেপাবিলিতীশিং অমসুং এক্সপোর্তশিং হেনগৎহন্নবা খুদোংচাবা অমা পীরগনি। মসিনা রিন্যুএবল ইনর্জী, ক্লীন ইনর্জী ইন্দস্ত্রীশিং – ওতোমোতিবসতা, ইলেক্ত্রিক ভেহিকলশিং অমসুং সুপর-ইফিসিএন্ত এপ্লাইয়েন্সশিংগুম্বা লো ইমিসন প্রদক্রশিং পুথোকপা অমসুং গ্রীন হাইদ্রোজেনগুম্বা ইনোভেতিব তেক্নোলোজীশিংনচিংবা লমশিং অসিদা গ্রীন জোবশিং পীবদা হেনগৎহনবা ঙম্লগনি। ভারতকী অপদেৎ তৌরবা এন.দি.সি. অসি রাজ্যশিং অমসুং য়ুনিয়ন তেরিতোরীশিংগী মতেংগা লোয়ননা মরী লৈনবা মন্ত্রালয়/বিভাগশিংগী প্রোগ্রামশিং অমসুং স্কিমশিংগী খুত্থাংদা ২০২১-২০৩০দা ইমপ্লিমেন্ত তৌগনি। সরকারনা এদাপ্তেসন অমসুং মিতিগেসন অনিমক্তা ভারতনা লৌখৎলিবা খোঙথাংশিং হেনগৎহন্নবা স্কিম অমদি প্রোগ্রাম কয়াসু লোঞ্চ তৌরি। ঈশিং, লৌউ-শিংউ, উমং, ইনর্জী অমসুং এন্তর্প্রাইস, সস্তেনেবল মোবিলিতী অমসুং হাউসিং, ৱেস্ত মেনেজমেন্ত, সর্ক্যুলর ইকনোমী অমসুং রিসোর্স ইফিসিএন্সী অসিনচিংবা বাওনা সেক্তর কয়াদা স্কিম অমদি প্রোগ্রাম কয়াগী মখাদা চুনবা খোঙথাংশিং পাইখৎলি। হায়রিবা খোঙথাংশিং অসিগী ফল ওইনা, ভারতনা গ্রীনহাউস গ্যাস ইমিসনশিংদগী লাকপা ইকনোমিক গ্রোথ অদু দিকপল তৌনবা মখা তানা হোৎনরি। ইন্দিয়ন রেলৱেজ খক্তনা ২০৩০ ফাওবদা নেৎ জিরো তার্গেৎ য়ৌবা ঙম্বনা চহিদা ইমিসন মিলিয়ন তন ৬০ হন্থহনবা ঙমগনি। মসিগা মান্ননা ভারতকী অচৌবা এল.ই.দি. বল্ব কেম্পেন অসিনা চহিদা ইমিসন মিলিয়ন তন ৪০রোম হন্থহল্লি।

ভারতকী ক্লাইমেৎ এক্সনশিং অসিনা হৌজিক ফাওবদা দোমেস্তিক রিসোর্সশিংদগী চাউনা ফাইনান্স তৌখি। অদুম ওইনমক, মালেমগী গ্লোবেল চেঞ্জকী শীংনবা কোকহন্নবা অনৌবা অমসুং অহেনবা ফাইনান্সিএল রিসোর্সশিং পীবা লোয়ননা তেক্নোলোজী ত্রান্সফর তৌবা অসি য়ু.এন.এফ.সি.সি. অমসুং পেরিস এগ্রীমেন্তগী ওইনা চাউখৎলক্লিবা লৈবাকশিংগী ফিরেপশিং অমসুং থৌদাংশিংগী মরক্তা অমা ওইরি। ভারতনসু অসিগুম্বা ইন্তর্নেস্নেল ফাইনান্সিএল রিসোর্সশিং অমসুং তেক্নোলোজিকেল সপ্পোর্তশিংদগী মথৌ তাবা শিয়র অদু মথৌ তারি।

ভারতকী এন.দি.সি. অসি সেক্তরগী ওইবা অকক্নবা মিতিগেসনগী ওবলিগেসন নত্ত্রগা এক্সনগী মখা পোন্দে। ভারতকী পান্দম অসি অপুনবা ইমিসন ইন্তেন্সিতী হন্থহনবা অমসুং মতমগা ইরোইননা মাগী শেন্মীৎলোনগী ইনর্জী ইফিসিএন্সী হেনগৎহনবগা লোয়ননা শেন্মীৎলোনগী খুদোংথীনীংঙাই ওইবা সেক্তরশিং অমসুং ঐখোয়গী শরুকশিংবু ঙাকশেনবনি।

***