কমর্স অমসুং ইন্দস্ত্রী মন্ত্রালয়

ভারতনা মরু ওইনা পন্দুপ অমা য়ৌবা ঙমখ্রে, হৌজিক ফাওবদা স্তার্তঅপ ৭৫০০০ হেন্না শকখঙখ্রে


পিয়ুশ গোয়লনা মশিং অসিনা ইনোভেসন অমসুং শাহৌ লৈহন্নবা বিজনগী শক্তি অদু উৎলি হায়খ্রে

নুমিৎ ৮০৮নিদা অহানবা ওইনা স্তার্তঅপ লিশিং তরা শকখঙখিবা অদুগা চাংদম্নবদা হৌজিক্তি নুমিৎ ১৫৬তা স্তার্তঅপ ১০০০০ শকখঙবা ঙম্লে

ইন্দিয়ন স্তার্তঅপ ইকোসিস্তেমনা থবক লাখ ৭.৪৬ পীবা ঙমখ্রে

স্তার্তঅপশিংগী ৪৯%দি তায়র II অমসুং তায়র III সহরশিংদগী ওইরি

Posted On: 03 AUG 2022 9:41AM by PIB Imphal

কম্মর্স এন্দ ইন্দস্ত্রী, কঞ্জুমর এফিয়র্স, ফুদ এন্দ পব্লিক দিস্ত্রিব্যুসন অমসুং তেক্সতাইলগী কেন্দ্র মন্ত্রী, শ্রী পিয়ুশ গোয়লনা ঙসি ভারতনা মরু ওইবা পন্দুপ অমা য়ৌবা ঙম্লে হায়না লাউথোকখি, লৈবাক অসিদা স্তার্তঅপ ৭৫০০০ শকখঙবা ঙমখ্রে। মহাক্না হায়খি মশিং অসিনা বিজনগী শক্তি অদু উৎলি। ইনোভেসন অমসুং এন্তর্প্রাইসনা ইনোৎ হাপ্পা শাহৌ অমগী বিজন্নি।

দিপার্তমেন্ত ফোর প্রমোসন ওফ ইন্দিস্ত্রী এন্দ ইন্তর্নেল ত্রেদ (দি.পি.আই.আই.তি.)না স্তার্তঅপ ৭৫,০০০ হেন্না শকখঙখ্রে – নীংতম্লকপা চহি ৭৫শুরকপগা চান্ননা মাইপাকপা ঙমখিবনি। ভারতনা আজাদী কা অমৃত মহোৎসব পালন তৌরিবা অসিদা ভারতকী স্তার্তঅপ ইকোসিস্তেম অসিবু মখা তানা ইনোভেসন, থৱায় য়াওবা অমসুং ওন্তপ্রিনোরগী ৱাখল্লোন অসিনা ইনোৎ হাপখি।

ইং কুমজা ২০১৫গী ওগস্ত ১৫দা লাল কিলদা প্রধান মন্ত্রী নরেন্দ্র মোদীনা পীখিবা নীংতম নুমিৎকী ৱারোলদা মহাক্না মীয়ামগী ওন্তপ্রিনোরগী ওইবা মতিক-ময়াই অদু শীজিন্নদুনা অনৌবা ভারত অমা ওইহন্নবা ৱাফম থমখি। মথংগী চহিগী জনুৱারী ১৬তা, হৌজিক নেস্নেল স্তার্তঅপ দে হায়না লাউথোকখ্রবা নুমিৎ অসিদা লৈবাক্কী ইনোভেসন অমসুং স্তার্তঅপশিং য়োকখৎনবা মপাঙ্গল কনবা ইকোসিস্তেম অমা শেমগৎনবা এক্সন প্লান অমস শেম্লিবা প্রোগ্রাম অমা হৌদোকখি। চহি ৬কী মতুংদা এক্সন প্লান অসিনা ভারতপু ৩শুবা খ্বাইদগী চাউবা ইকোসিস্তেম ওইহন্নবা মাইপাক্না লমজিংখি। হেন্না পুক্নীং চীংশিন্নীংঙাই ওইরিবদি নুমিৎ ৮০৮নিদা অহানবগী স্তার্তঅপ লিশিং তরা শকখঙখি অদুবু নুমিৎ ১৫৬নি খক্তদা ইনৌ নৌনা লিশিং তরা শকখঙখিবা অসিনি। মালেমদা খ্বাইদগী খোঙজেল য়াংবা ওইরিবা - নোংমদা স্তার্তঅপ ৮০ হেন্না শকখঙবগা লোয়ননা স্তার্তঅপ কলচরগী তুংলমচৎ অসি য়াম্না চাউখৎলক্লি অমসুং পুক্নীং থৌগৎনীংঙাই ওইরি।

স্তার্তঅপশিংগীদমক চাউখৎচনবা এনভাইর্নমেন্ত অমা পীনবা মপুং ওইনা হৌদোকখিবা স্তার্তঅপ ইন্দিয়া প্রোগ্রাম অসি ঙসিদি মখোয়গী লোঞ্চপেদ ওইরক্লে। তেক্স ইন্সেন্তিবশিং ফন্দিং তৌবা, পব্লিক প্রোক্যুর্মেন্ত লায়থোক্নবা ইন্তেলেকচুএল প্রোপর্তী রাইতশিংদা মতেং পাংবা, ইন্তর্নেস্নেল ফেস্ত অমসুং ইভেন্তশিং য়াওবা ফংনবা রিগ্যুলেতরী রিফোর্মশিং তৌবা অসিদগী হৌদুনা স্তার্তঅপ ইন্দিয়া প্রোগ্রাম অসি সস্তেনেবল ইকনোমিক গ্রোথকা পাঙখক ওইরকপা ঙম্লে।

পুন্না শকখঙখ্রবা স্তার্তঅপশিংগী মনুংদা ১২%রোমনা আই.তি. সর্ভিসশিংদা, ৯%না হেল্থকিয়র অমসুং লাইফ সাইন্সেসতা, ৭%না এজুকেসন্দা, ৫%না প্রোফেস্নেল অমসুং কম্মর্সিএল সর্ভিসেসতা অমসুং ৫%না লৌউ-শিংউদা শরুক তম্লি। হৌজিক ফাওবদা শীংথাবা য়াবা ওইনা ভারতকী স্তার্তঅপ ইকোসিস্তেমদা থবক লাখ ৭.৪৬ পীবা ঙমখ্রে, মসি হৌখিবা চহি ৬ অসিদা চহিগী ওইনা ১১০% হেনগৎলকপা ওইরি। ঙসি ঐখোয়গী স্তার্তঅপকী ৪৯% অসি তায়র II অমসুং তায়র IIIদগী ওইবা অসিনা লৈবাক্কী নহারোলশিংগী অচৌবা মতিক-ময়াই অদু তাক্লি।

****



(Release ID: 1847719) Visitor Counter : 138