ৱেতলিফতর বিন্দ্যারানি দেবিনা কম্মনৱেল্থ গেমসকী নুপীগী কে.জি. ৫৫দা সিলভর মেদল লৌবা ঙমখি। মহাক্না অপুনবা অরুম্বা কে.জি. ২০২ (কে.জি. ৮৬+কে.জি. ১১৬) থাংগৎখি।

মনিপুরগী বিন্দ্যারানি দেবিনা মহাক্কী পোক্নফম ওইরিবা ইম্ফালদা ৱেতলিফতিং হৌখিবা চহি অদু দিকেদ অমা ফাদ্রি। মশান্না অসি শান্নবা হৌবগী চহি ৩গী মনুংদা মহাক্না ইম্ফালদা লৈবা স্পোর্স ওথোরিতী ওফ ইন্দিয়া (সাই)গী নেস্নেল সেন্তর ফোর এক্সিলেন্স (এন.সি.ও.ই.)দা ত্রেনিং তৌনবা খনখি অমসুং মসিদগী হৌনা মহাক্না মাংদা চংশিনবা হৌখি।

লেপ্পা লৈতনা অমসুং অকনবা মওংদা এন.সি.ও.ই. ইম্ফালদা চহি ৩ ত্রেনিং তৌরবা মতুংদা ইং কুমজা ২০১৯দা সাইগী পতিয়ালা রিজনেল সেন্তরগী ইন্দিয়ন নেস্নেল কেম্পকীদমক খনখি।

চহি খরা অসিদা মহাক্না কম্মনৱেল্থ সিনিয়র চেম্পিয়নশিপ ২০১৯দা গোল্দ মেদল অমা, ইং কুমজা ২০২১দা চপ মান্নবা ইভেন্ত অসিদা সিলভর অমা য়াওনা ইন্তর্নেস্নেল ইভেন্ত কয়াদা মাইপাকপা ঙমখি, অদুবু জুলাই ৩০গী নুমিদাংদা মহাক্না বর্মিংঘমদা পাঙথোক্লিবা কম্মনৱেল্থ গেমসকী কে.জি. ৫৫গী ইভেন্ততা সিলভর মেদল লৌখিবা অসিনা মহাক্কী খ্বাইদগী চাউবা মালেমগী থাক্কী মাইপাকপা ওইখি।

ঐখোয়গী কম্মনৱেল্থ য়াওগদৌরিবা অসিনা সি.দবল্যু.জি.গীদমক নীংথিনা শেম-শাবা য়ানবগীদমক য়ুথ এফিয়র্স অমসুং স্পোর্তস মন্ত্রালয় (এম.ৱাই.এ.এস.)না মখোয়গী এনুএল কেলেন্দর ফোর ত্রেনিং এন্দ কম্পিতিসন্স (এ.সি.তি.সি.) স্কিমগী খুত্থাংদা সাইগী মখাদা পুন্না লুপা ২৫,৬৩,৩৩৬ ফন্দিং তৌখি। স্কিম অসিনা অতোপ্পা ৱেতলিফতরশিংগা লোয়ননা বিন্দ্যারানিবু অচৌবা ইভেন্ত অসিগী মমাংদা মসিগী ফীভম খঙদোকপা ঙমজনবা বর্মিংঘমদা থা অমগী মমাংদা থাখি। বিন্দ্যারানি অসি তার্গেৎ ওলিম্পিক পোদিয়ম স্কিমগী দিবেলপমেন্ত গ্রুপকী শরুক অমসু ওইখি, মসিনা লুপা ২৫,০০০গী পোক্কেৎ এলাৱেন্স থাগী ওইনা পীবগা লোয়ননা মহাক্কী ত্রেনিংগী পর্সনেলাইজ সপ্পোর্ত ফংহনখি।

*******