ফেদেরেসন ইন্তর্নেসিওনালে দে ফুতবোল এসোসিএসন (ফিফা) অন্দর ১৭ ৱিমেন্স ৱর্ল্দ কপ ২০২২বু ভারত্তা পাংথোক্নবগীদমক্তা গেরেন্তীগী খুৎয়েক পীনখিববু প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেতনা অয়াবা পীখ্রে।

ফিফাগী য়ু-১৭ ৱিমেন্স ৱর্ল্দ কপ ২০২২ অসি ভারত্তা ইং ২০২২গী ওক্তোবর ১১দগী ৩০ ফাওবদা পাংথোক্কদবনি।  চহি অমা কান্নরগা পাংথোকপা নহারোলগী ওইবা তুর্নামেন্ত অসিগী ৭শুবা ইদিসন্না ভারতনা খ্বাইদগী অহানবা ওইনা য়ুম্বু ওইবা ফিফাগী নুপীগী কম্পিতিসন ওইগদৌরিবনি। ফিফা অন্দর-১৭ মেন্স ৱর্ল্দ কপ মায় পাক্না পাংথোকখিবগী চৎনবগী মখা তারকপা ওইনা, মালেম পুম্বগী নুপী ফুতবোল শান্নরোইশিংনা মশাগী হৈ-শিংবা উত্থোক্তুনা মশক থোক্লবা ত্রোফী অসি লৌনবগীদমক্তা শান্নগদৌরিবা নুপীগী ফুতবোলগী অখন্নবা পুংফম অসিগীদমক্তা ভারতনা শেম-শারি।

শেল-থুমগী ৱারোল:

শান্নগদবা ফিল্দ শেন্নবা, স্তেদিয়মগী মৈ, ইনর্জী অমসুং কেবল তিংবা, স্তেদিয়া অমসুং ত্রেনিংগী মফমদা ব্রান্দিং তৌবনচিংবগী থবকশিংগীদমক্তা ওল ইন্দিয়া ফুতবোল ফেদেরেসন (এ.আই.এফ.এফ.)তা লুপা করোর ১০গী শেলগী তেংবাং অসি নেস্নেল স্পোর্ত ফেদেরেসন (এন.এস.এফ.)শিংদা তেংবাংবগী স্কিমগী মখাদা খাইদোকপা বজেত্তগী শিজিন্নগনি।

স্কিম অসিগী পান্দম:

• ভারত্তা পাংথোক্কদৌরিবা ফিফাগী য়ু-১৭ ৱিমেন্স ৱর্ল্দ কপ ২০২২না লৈবাক অসিদা নুপীগী ফুতবোল মপাঙ্গল কনখৎহনবা ঙম্বগী মতিক লৈ।

• ফুতবোলগী হীরমদা লুচিংবা অমসুং ৱারেপ লৌবা বোদীশিংদা নুপীশিংনা মীহুত ওইবগী থৌওং হেনগৎলক্কনি।
• ভারতকী মশিং য়াম্লবা নুপীশিংদা ফুতবোল শান্নহন্নীংনবা ইথিল পীগনি।
• নৌরিবা চহিদগী হৌদুনা মান্নবা মশান্নগী ৱাখল্লোনবু মহৌশাগী মতৌ ওইহন্দুনা জেন্দর-ইনক্লুসিব পার্তিসিপেসনগী থৌওং খুমাং চাউশিলহনগনি।
• ভারতকী নুপীগী ফুতবোলগী স্তেন্দর্দ হেনগৎহনবগী খুদোংচাবা পীগনি।
• নুপীগী মশান্নগী কম্মর্সিএল ভেল্যু হেনগৎহনগনি।

মরু ওইবগী মরম:

ফিফাগী য়ু-১৭ ৱিমেন্স ৱর্ল্দ কপ ২০২২ অসি ইকায় খুম্ননীংঙাই ওইবা থৌরম অমনি অমসুং মসি ভারত্তা খ্বাইদগী অহানবা ওইনা পাংথোকপনি। মসিনা অহেনবা মশিংগী নহারোলশিংদা শান্ন-খোৎনবদা শরুক য়ানীংনবা ইথিল পীগনি অমসুং ভারত্তা ফুতবোল মশান্নসি চাউখৎহনবদা তেংবাংগনি। থৌরম অসিনা ফুতবোলবু ভারতকী নুপীমচাশিংগী মরক্তা মখোয়না শান্নবা য়াবা মশান্না অমনি হায়না পুক্নিং থৌগৎপদা নত্তনা লৈবাক্কী নুপী অমসুং নুপীমচাশিংদা ফুতবোল অমসুং অতোপ্পা মশান্নশিংদা চঙবগী খুদোংচাবা পীগদবা মতম শাংনা লৈরগদবা চৎনবী অমসু লৈহনগনি।

বেকগ্রাউন্দ:

ফিফাগী য়ু.-১৭ ৱিমেন্স ৱর্ল্দ কপ অসি ফিফানা শীনবা চহি ১৭ অমসুং মখাদা লৈবী নুপীমচাশিংগী মালেমগী চেম্পিয়নশিপ অমনি। থৌরম অসি ইং ২০১৮দগী হৌখিবনি অমসুং চৎনবী অমা ওইনা তুমা শুবা চহিশিংদা পাংথোকই। মসিগী ৬শুবা ইদিসন অসিদি ইং ২০১৮গী নবেম্বর ১৩দগী দিসেম্বর ১ ফাওবা উরুগ্বেদা পাংথোকখি। স্পেন্না ফিফাগী য়ু.-১৭ ৱিমেন্স ৱর্ল্দ কপকী হৌজিক ওইরিবা চেম্পিয়ন্নি। ফিফাগী য়ু.-১৭ ৱিমেন্স ৱর্ল্দ কপ ইন্দিয়া ২০২২না ৭শুবা ইদিসন ওইগনি, মসিদা ভারত য়াওনা লৈবাক ১৬না শরুক য়াগনি। এ.আই.এফ.এফ.না থৌরম অসিবু মফম ৩ – ১) ভুবনেশ্বর; ২) নবি মুম্বাই অমসুং ৩) গোৱাদা পাংথোক্নবা ৱাহৌদোক থম্লি। ভারতনা ফিফাগী য়ু.-১৭ মেন্স ৱর্ল্দ কপ ইন্দিয়া ২০১৭পু লৈবাক্কী মফম ৬, মিং ওইনা পল্লবদা, নই দিল্লী, গুৱাহাতী, মুম্বাই, গোৱা, কোচী অমসুং কোলকাতাদা ওক্তোবর ৬-২৮, ২০১৭তা মায় পাক্না পাংথোকখি।

*****