وزیراعظم کا دفتر

وزیر اعظم 25 جولائی کو آنجہانی ہرموہن سنگھ یادو کی دسویں برسی کے موقع پر تقریب سے خطاب کریں گے

Posted On: 24 JUL 2022 1:55PM by PIB Delhi

نئی دہلی، 24 جولائی 2022:

وزیراعظم جناب نریندر مودی ویڈیو کانفرنسنگ کے ذریعے 25 جولائی 2022 کو شام 4:30 بجے آنجہانی ہرموہن سنگھ یادو کی دسویں برسی کے موقع پر منعقد ہونے والی تقریب سے خطاب کریں گے۔

آنجہانی ہرموہن سنگھ یادو (18 اکتوبر 1921 - 25 جولائی 2012) یادو برادری کی ایک بلند شخصیت اور رہنما تھے۔ اس پروگرام میں وزیر اعظم کسانوں، پسماندہ طبقات اور معاشرے کے دیگر طبقات کے لیے آنجہانی لیڈر کے تعاون کے اعتراف کے طور پر شرکت کر رہے ہیں۔

آنجہانی ہرموہن سنگھ یادو طویل عرصے تک سیاست میں سرگرم رہے اور انھوں نے ایم ایل سی، ایم ایل اے، راجیہ سبھا کے رکن اور 'اکھل بھارتیہ یادو مہاسبھا' کے چیئرمین کے طور پر مختلف عہدوں پر خدمات انجام دیں۔ انھوں نے اپنے بیٹے جناب سکھرام سنگھ کی مدد سے کانپور اور اس کے آس پاس بہت سے تعلیمی ادارے قائم کرنے میں بھی اہم کردار ادا کیا۔

آنجہانی ہرموہن سنگھ یادو کو 1984 کے سکھ مخالف فسادات کے دوران متعدد سکھوں کی زندگیاں بچانے میں بہادری کا مظاہرہ کرنے پر 1991 میں شوریہ چکر سے نوازا گیا تھا۔

***

(ش ح - ع ا - ع ر)

U. No. 8054



(Release ID: 1844408) Visitor Counter : 119


Read this release in: Gujarati , Assamese , English , Marathi , Hindi , Manipuri , Bengali , Punjabi , Odia , Tamil , Telugu , Kannada , Malayalam