প্রধানমন্ত্রীগী লোইশঙ
azadi ka amrit mahotsav

পি.এম.না মীয়ামদা হর ঘর তিরঙ্গা ঈহৌবু মপাঙ্গল কলহন্নবা ৱাফম থমখ্রে


মনীং তমবা ভারতকী ফিরাল অমগীদমক মঙ মঙখিবা মীওইশিংগী শিংথানিংঙাই ওইরবা থৌনা অমদি হোৎনরমবশিংবুসু নীংশিংখি

জুলাই ২২ অসি ঐখোয়গী পুৱারীগা অখন্নবা মরী লৈনৈ মরমদি ১৯৪৭গী নুমিৎ অসিদা ঐখোয়গী জাতিগী ফিরাল লেপ্নখিবনি: পি.এম.

Posted On: 22 JUL 2022 9:31AM by PIB Imphal

প্রধান মন্ত্রী শ্রী নরেন্দ্র মোদীনা মীয়ামগী মফমদা হর ঘর তিরঙ্গা ঈহৌবু মপাঙ্গল কলহন্নবা ৱাফম থমখ্রে‍। মনীং তমবা ভারতকী ফিরাল অমগীদমক মঙ মঙখিবা মীওইশিংগী শিংথানিংঙাই ওইরবা থৌনা অমদি হোৎনরমবশিংবুসু শ্রী মোদীনা নীংশিংখি‍। ঐখোয়গী মচু অহুমগী ফিরালগী মরী লৈনবা কম্মিতীগী অকুপ্পা ৱারোল অমসুং পন্দিৎ নেহরুনা অহানবা ওইনা পাইহনখিবা মচু অহুমগী ফিরালনচিংবা পুৱারীগী তাঙ্কক্তগী পুক্নিং চিংশিন্নিংঙাই ওইরবা পোৎলমশিংসু মহাক্না ময়ামগী মফমদা পুথোরকখি‍। জুলাই ২২ অসি ঐখোয়গী পুৱারীগা অখন্নবা মরী লৈনৈ মরমদি ১৯৪৭গী নুমিৎ অসিদা ঐখোয়গী জাতিগী ফিরাল লেপ্নখিবনি হায়না মহাক্না হায়খি‍।

ত্বী পরিং অমদা প্রধান মন্ত্রীনা হায়খি;

“ঐখোয়না অজাদি কা অমৃৎ মহোৎসব পাঙথোক্লিবা চহি অসিদা ঐখোয় হর ঘর তিরঙ্কা ঈহৌবু কনখৎহল্লসি‍। অদোমগী য়ুমদা ওগস্ত ১৩দগী ১৫ ফাওবগী মরক্তা মচু অহুমগী ফিরাল চিংখৎপিয়ু নৎত্রগা থেৎপিয়ু‍। ঈহৌ অসিনা ঐখোয়গা জাতিগী ফিরালগা লৈনরিবা মরী হেন্না চেৎশিলহনগদৌরিবনি‍।”

“ঙসি, জুলাই ২২ অসি ঐখোয়গী পুৱারীগা অখন্নবা মরী লৈনৈ‍। ইং ১৯৪৭গী নুমিৎ অসিমক্তদা ঐখোয়গী জাতিগী ফিরাল লেপ্নখিবনি‍। ঐখোয়গী মচু অহুমগী ফিরালগী মরী লৈনবা কম্মিতীগী অকুপ্পা ৱারোল অমসুং পন্দিৎ নেহরুনা অহানবা ওইনা পাইহনখিবা মচু অহুমগী ফিরালনচিংবা পুৱারীগী তাঙ্কক্তগী পুক্নিং চিংশিন্নিংঙাই ওইরবা পোৎলমশিংসু মহাক্না ময়ামগী মফমদা লান্থোকচরি‍।”

“ঙসি, ঐখোয়না লোইলম লৈঙাক্কী মায়োক্তা লান্থেংনরিঙৈ মতমদা মনীং তমবা ভারতকী ফিরাল অমগীদমক মঙ মঙখিবা মীওইশিংগী শিংথানিংঙাই ওইরবা থৌনা অমদি হোৎনরমবশিংবু ঐখোয়না নীংশিংলি‍। ঐখোয়না মখোয়গী মঙলানবু মঙফাওনহন্নবা অমসুং মখোয়না পামজরমবা ভারত অদু শেমগৎনবগী ফিরেপ অমুক নৌহৌননা লৌরি‍।”

***



(Release ID: 1843739) Visitor Counter : 57