নীতি আয়োগ
কর্নাতকা, মনিপুর অমসুং চান্দিগরনা নিতি অয়োগকী ইন্দিয়া ইনোভেসন ইন্দেক্স ২০২১দা মকোক তারে
Posted On:
21 JUL 2022 11:20AM by PIB Imphal
কর্নাতকা, মনিপুর অমসুং চান্দিগরনা নিতি অয়োগকী ইন্দিয়া ইনোভেসন ইন্দেক্সকী অহুমসুবা ইদিসন্দা মখোয় মখোয়গী কাঙলুপ্তা মকোক তাখ্রে।
ইন্দেক্স অসি ঙসি নিনি অয়োগ ভাইস চেয়রমেন সুমন বেরীনা মেম্বর দোক্তর ভি.কে. সরস্বত, সি.ই.ও. পরমেস্বরন ঐয়র অমসুং মকোক থোংবা পাউতাক্লোই নীরজ সিন্হা, অমদি ইন্সতিত্যুৎ ফোর কম্পিতিতিবনেস চেয়রমেন দোক্তর অমিত কাপুর য়াওবা থৌরম অমদা ফোঙদোকখিবনি।
কর্নাতকানা ‘অচৌবা স্তেত’শিংগী কাঙলুপ্তা অমুক্কা হন্না মকোক তারকপগা লোয়ননা মনিপুরনা ‘অৱাং নোংপোক অমসুং চীঙগী স্তেত’শিংগী কাঙলুপ্তা মাঙজিন থারি অমদি চান্দিগরনা ‘য়ুনিয়ন তেরিতরী অমসুং সিতী স্তেত’শিংগী কাঙলুপ্তা মকোক থোংনা লৈরি।
‘ইনোভেসন হায়বসি তুং কোইগদবা অমদি পুম্নমক কোনশিল্লবা চাউখৎপগী ফীভম লাক্নবা পরম্নি। মসিনা মতমসিগী খ্বাইদগী চাউবা শিংনবশিং: মীওই কয়া লায়রবগী পনখৈ মখাদগী পুখৎলকপা, পুন্সি হিংনবগী ফীভমশিং শেমবিবা, অমদি আত্মনিরভর ভারতকী লম্বী য়াৎপা হায়রিবা হীরমশিং অসিগী ৱাখৈ পুরকপদা মতেং ওইগনি,” হায়না দোক্তর সরস্বতনা হায়খি।
“ইন্দিয়া ইনোভেসন ইন্দেক্সকী খুত্থাঙদা ভারতকী ইনোভেসনগী ফীভমবু নিতি অয়োগনা মখা তানা য়েংশিন্নবগী ফিরেপ ঐনা অমুক্কা হান্না মীয়ামগী মফমদা থমজরি। ঐখোয়না স্তেতশিং অমসুং অতৈ স্তেকহোল্দরশিংগী খোঙবু ওইদুনা লৈবাক শিনবা থুংনা ইনোভেসন ইকোসিস্তেম ফগৎহন্নবা হোৎনরিও” হায়না মিস্তর ঐয়রনা ফোঙদোকখি।
ইন্দিয়া ইনোভেসন ইন্দেক্স হায়বসি করিনো?
নিতি অয়োগ অমসুং ইন্সতিত্যুৎ ফোর কম্পিতিতিবনেসনা শেম্লিবা ইন্দিয়া ইনোভেসন ইন্দেক্স অসি লৈবাকসিগী ইনোভেসনগী ইকোসিস্তেম অসিগী ফীভম য়েংশিন্নবা অমদি চাউখৎহন্নবা মপুং ফাবা খুৎলায় অমনি। মসিনা স্তেত অমসুং য়ুনিয়ন তেরিতরীশিংবু মখোয় মশেলগী মরক্তা অফবা হিদান্নবগী চৎনবী অমা শেমগৎনবগীদমক্তা মখোয়গী ইনোভেসন পর্ফোর্মেন্সকী মতুং ইন্না রেঙ্ক খায়দোকই।
অহুমসুবা ইদিসন অসিনা গ্লোবেল ইনোভেসন ইন্দেক্সকী ফ্রেমৱর্ক্তা পাদম লৌদুনা লৈবাকসিগী ইনোভেসন এনালাইসিসকী স্কোপশিং উৎলি। ইন্দিকেতর মশিং (ইন্দিয়া ইনোভেসন ইন্দেক্স ২০২০দা) ৩৬ ওইরমবদগী (ইন্দিয়া ইনোভেসন ইন্দেক্স ২০২১দা ৬৬তা হেনগৎলে। ইন্দিকেতরশিং অসি সব-পিল্লর ১৬তা য়েন্থোক্লি, অমদি মসিনা অমুক মখা তানা মরুওইবা পিল্লর ৭ থোক্না খায়দোক্লি।
ইন্দিয়া ইনোভেসন ইন্দেক্স ২০২১: অপুনবগী রেঙ্কিং
ইন্দিয়া ইনোভেসন ইন্দেক্স ২০২১গী মওং মতৌ মমাঙগী চহিগা চপ মান্নরি। মমাঙগী ইদিসনগা মান্ননা, ‘ইনেব্লর’ পিল্লর মঙানা ইনপুৎ ওল্লি অদুগা ‘পর্ফোর্মেন্স’ পিল্লর অনিনা আউতপুৎ ওল্লি। ইনেব্লর পিল্লরদা য়াওরিবা ইন্দিকেতর খুদিংমক্না স্তেত/য়ুনিয়ন তারিতরী অমগী মনুংদা ইনোভেসন য়োকখৎনবগী মরুওইবা মচাক পুম্নমক কোনশিল্লি। পর্ফোর্মেন্স পিল্লরদা লৈরিবা ইন্দিকেতরশিংনা লৌশিং শেমগৎপা অমদি হিদান্নবগী মচৎকী লমদা লৈবাক অমগী তৌথোরকপা মতৌশিং উৎলি।
“ইনোভেসন হায়বসি লৈবাকসিগী খাঙবা কনবা অমদি মরোমদোম লেপচবা ঙমবগী ফীভম য়োকখৎপদা মরুওই। ইন্দেক্স অসিনা ইনোভেসনবু ভারতকী স্তেত খুদিংদা য়েন্থোকখিবগী মতৌ উৎলি,” হায়না নিতি অয়োগকী মকোক থোংবা পাউতাক্লোই নীজর সিন্হানা ফোঙদোক্লি।
“ইন্দেক্স অসিনা, ভারতনা তমশিনবদা কান্নগদবা অমদি ঐখোয়গী লমবাশিংগা থোং মান্নবা ফীভমদা পুরকপদবা মতেং ওইগদবা, মালেমগী ওইবা মান্নবা ৱাফম খরসু লৌশিল্লি,” হায়না ইন্সতিত্যুৎ ফোর কম্পিতিতিবনেস চেয়রমেন দোক্তর অমিত কাপুরনা ফোঙদোকখি।
ইন্দিয়া ইনোভেসন ইন্দেক্স ২০২১ অসি লৈবাক অসিবু ইনোভেসন্না থৌদুনা চৎপা শেন্মিৎলোন অমা ওইহন্নবগীদমক ভারত লৈঙাক্না লেপ্লিবা খোঙফমগী খুদম অমনি।
ইন্দিয়া ইনোভেসন ইন্দেক্স অসিনা নিতি অয়োগনা নোদেল ওর্গনাইজেসন ওইরিবা রিফোর্ম এন্দ গ্রোথ (জি.আই.আর.জি.) মেকানিজমবু মথৌ হাপ্নবগীদমক গ্লোবেল ইন্দাইসশিংগী খুত্থাঙদা খনগৎলবা গ্লোবেল ইন্দাইসশিংবু য়েংশিন্নবা লৈঙাক্কী থৌরাংদসু তেংবাংলি।
মপুং ফাবা রিপোর্ত মসিদা পাবিয়ু: https://www.niti.gov.in/sites/default/files/2022-07/India-Innovation-Index-2021-Web-Version_21_7_22.pdf
***
(Release ID: 1843389)
Visitor Counter : 163