প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ভারত অমসুং রিপব্লিক ওফ মাল্দিব্সকী জুদিসিএল সর্ভিস কম্মিসনগা অনিগী মরক্তা জুদুসিএল কোওপরেসনগী লমদা মেমোরেন্দম ওফ অন্দরস্তেন্দিং (এম.ও.য়ু.) খুৎয়েক পীনববু অয়াবা পীখ্রে‍। মসিনা ভারতনা অতোপ্পা লৈবাকশিংগা জুদিসিএল কোওপরেসনগী লমদা এম.ও.য়ু. খুৎয়েক পীনবা নিপানলক শুবনি‍।

এম.ও.য়ু. অসিনা কোর্ত দিজিতাইজেসনগীদমক ইনফোর্মেসন তেক্নোলোজীকী কান্নবশিং লোক শিন্নবা ফম্পাক অমা পীগনি অমদি লৈবাক অনিমক্কী আই.তি. কম্পেনীশিং অমসুং স্তার্ত-অপশিংগী চাওখৎনবগী মতিং লৈবা হীরম অমসু ওইবা ঙমগনি‍।

হৌখিবা চহি খরসিদা ভারত অমসুং মাল্দিব্সকী মরক্তা লৈনরিবা নক্নবা মরী মায়কৈ কয়াদা হেন্না চেৎশিন্নরক্লি‍। চৎন-কাঙলোন অমসুং ৱায়েলগী লমদা তেংবাংনবগী য়ানচে অসি খুৎয়েক পীনখিবগা লোয়ননা লৈবাক অনিগী মরক্তা লৈনরিবা অফবা মরী অসি হেন্না খোঙজেল য়াঙ্খৎহল্লগনি‍। মসিনা লৈবাক অনিগী মরক্তা জুদিসিএল অমসুং লিগেলগী হীরমশিংদা লৌশিং অমসুং তেক্নোলোজী তাথোক তাশিন তৌনবা ঙমহনবতা নত্তনা “নৈবরহুদ ফর্স্ত” পোলিসীগী পান্দমশিংসু খুমাঙ চাওশিলহনগনি‍।

*****