কেন্দ্রগী গৃহ অমসুং কোর্পোরেসন মন্ত্রী শ্রী অমিত শাহনা ঙসি নই দিল্লীদা সেন্ত্রেল পুলিস ত্রেনিং ইন্সতিত্যুতশিংগী (সি.পি.তি.আই.শিং) য়েংশিন মীফম অমদা ময়াই তাংবল লৌখ্রে। গৃহগী রাজ্য মন্ত্রী, শ্রী নিত্যানন্দ রাই, কেন্দ্রগী হোম সেক্রেতরী, সেন্ত্রেল পুলিস ফোর্সেস অমসুং ব্যুরো ওফ পুলিস রিসর্চ এন্দ দিবেলপমেন্তগী দিরেক্তর জেনরেলশিং অমসুং সেন্ত্রেল পুলিস ত্রেনিং ইন্সতিত্যুতশিংগী হেদশিংনা মীফম অসিদা শরুক য়াখি।

থৌরম অসিদা ৱা ঙাংলদুনা, কেন্দ্রগী গৃহ মন্ত্রীনা থাজবা থম্লিবশিং অসি থুংহন্নবা, মথৌদাং খঙবা অমসুং পান্দমশিং ফংবা ঙম্বা অফবা ত্রেনিং সিস্তেম অমা থম্নবা অকনবা ৱাফম থমখি। মহাক্না হায়খি প্রধান মন্ত্রী নরেন্দ্র মোদীনা হৌদোকখিবা মিসন কর্ময়োগীগী মখাদা পুলিস পর্সনেলদগী কোনস্তেবল, সব ইন্সপেক্তর অমসুং দি.এস.পি. ফাওবগী থাক্তা ত্রেনিং তৌবা অসি হোলিস্তিক এপ্রোচ অমগা লোয়ননা পাঙথোক্কদবনি। মহাক্না হায়খি পুলিসমেন খুদিংমক্কী ত্রেনিং অসি চাদা ৬০দি পুম্নমক্কী ওইনা চপ মান্নহনগদবনি অদুগা ত্রেনিংগী চাদা ৪০না ফোর্স-বেজ ওইহন্দুনা ঐখোয়গী ত্রেনিং কেপাবিলিতীশিং অসি ঐখোয়না নীংথিনা শীজিন্নগদবনি।

শ্রী অমিত শাহনা হায়খি মদুদি পুলিসমেনশিংগী ত্রেনিং অসি মতমগা লোয়ননা অহোংবা পুরকপা য়াম্না মরু ওই। মহাক্না ত্রেনিংগী স্ত্রিকনেস অমসুং সেন্সিতিবিতী অনিমক্তা মীৎয়েং চংবা তাই অমসুং মতমগা চুনবা তেক্নিকশিংগা লোয়ননা পুলিস ফোর্সশিংদা লৈবাক নীংবা, মশা-মউ ফবা, কাংলোন নাইবা, সেন্সিতিবিতী অমসুং সেল্ফ-দেদিকেসনগী ৱাখল্লোন পোকহনবসু তঙাই ফদে হায়খি। মহাক্না হায়খি হৌজিক্কী মতম অসিদা পুলিস ফোর্সশিংগী ত্রেনিংদা তেক্নোলোজী অমসুং মোদর্ন ইক্বিপমেন্ত শীজিন্নবা তঙাই ফদ্রে, অদুবু মসিগা ইরোইননা ঐখোয়না বেসিক পোলিসিংদা মীৎয়েং থম্বা অমসুং মসি থবক ওইনা পাঙথোকপবসু মথৌ তাই। মহাক্না থাক পুম্নমক্তা পুলিসমেনশিংগী ওনলাইন ত্রেনিংনা পীরিবা কান্নবা অসি য়েংশিনবগী মথৌ তাবসু ফোঙদোকখি।

ঙাকশেলগী শীংনবশিং অসিগী হোংলক্লিবা মওং-মতৌ অসিদা খুদক্কী অমসুং নীংথিনা রেস্পোন্স তৌনবগীদমক পুলিস পর্সনেলগী কেপাবিলিতীশিং হেনগৎহন্নবা মতম চানা মতিক চাবা ত্রেনিং পীবগী মরু ওইবা অদুগী মতাংদা সেন্ত্রেল পুলিস ত্রেনিং ইন্সতিত্যুতনা প্রজেন্তেসনশিং উৎখি। হাইব্রিদ লর্নিং অমসুং ইমর্জিং ত্রেনিং পেরাদাইমশিং, ত্রেনিং নীদ এনালাইসিস (তি.এন.এ.)গী এসেসমেন্তগী মরু ওইবা য়াওনা ত্রেনিং মেথোদোলোজীশিং অমসুং তেক্নিকশিং, ত্রেনিং রিসোর্সশিংগী প্রদক্তিবিতী, ত্রেনরশিংগী দিবেলপমেন্ত, অফবা প্রেক্তিসশিংগী দিসিমিনেসন তৌবা, রিসর্চ অমসুং পব্লিকেসনশিং, স্তদী মেতরিএল, ই-কন্তেন্তগী স্তেন্দর্দাইজেসন, ত্রেনিং ইভাল্যুএসনগূ খ্বাইদগী ফবা প্রেক্তিসশিং, ত্রেনিং ইনফ্রাস্ত্রকচর দিবেলপমেন্ত, ত্রেনিং কেপাসিতী পাকথোক-চাউথোকপা, ত্রেনিংগী অনৌবা থৌশিল অমসুং ইনোভেসনশিং অমসুং দিজাস্তর মেনেজমেন্তগী মতাংদা ত্রেনিং তৌবা অসিগুম্বা রিলেতিব মেরিতশিংদা খন্ন-নৈনবশিং পাঙথোকখি।

মীফম অদুদা সারদর বল্লভভাউ পতেল নেস্নেল পুলিস একাদেমী, সেন্ত্রেল একাদেমী ফোর পুলিস ত্রেনিং, ভোপাল, সেন্ত্রেল রিজর্ব পুলিস ফোর্স (সি.আর.পি.এফ.) একাদেমী, বোর্দর সেক্যুরিতী ফোর্স (বি.এস.এফ.) একাদেমী, ইন্দো-তিবেতন বোর্দর পুলিস (আই.তি.বি.পি.) একাদেমী, নেস্নেল ইন্দস্ত্রিএল সেক্যুরিতী একাদেমী, নেস্নেল সেক্যুরিতী গার্দ (এন.এস.জি.), নোর্থ ইস্ত পোলিসী একাদেমী, সস্ত্রা সীমা বাল (এস.এস.বি.), ভোপাল, অমসুং নেস্নেল দিজাস্তর রেস্পোন্স ফোর্স (এন.দি.আর.এফ.)কী মীহুৎশিংনা শরুক য়াখি।

*****