নিতি আয়োগনা জুলাই ২১, ২০২২দা নিতি ভবন্দা পাংথোকপা থৌরমদা ইন্দিয়া ইন্নোভেসন ইন্দেক্সকী অহুমশুবা ইদিসন পুথোক্লগনি। ইন্দিয়া ইন্নোভেসন ইন্দেক্স ২০২১ অসিবু নিতি আয়োগকী ভাইস চেয়র্মেন, শ্রী সুমন বেরীনা মেম্বর, দাঃ ভি.কে. সরস্বত; চীফ একজেক্যুতিব ওফিসর, শ্রী পরমেস্বরন আইয়র অমদি অতোপ্পা শক্নাইরবা মীওই কয়াগী মমাংদা পুথোক্কনি।

ওক্তোবর ২০১৯ অমসুং জনুৱারী ২০২১দা ইন্দেক্স অসিগী অহানবা অমসুং অনিশুবা ইদিসন মথংশিৎনা পুথোক্লবা তুংদা, অহুমশুবা ইদিসন অমুক পুথোক্লিবা অসিনা সরকারনা লৈবাকপু ইন্নোভেসন্না শাফু পীদুনা চলায়বা শেন্মিৎলোন অমা ওইহন্নবা লেপ্তনা হোৎনবগী মতৌ উৎলি।

ইন্দিয়া ইন্নোভেসন ইন্দেক্স ২০২১ অসি মালেমগী দেমোগ্রাফিক লেন্দস্কেপ্তা অচৌবা চৈথেং পীখিবা লাইচৎকী মতমদা য়ুম্ফম ওইদুনা শেম্বনি। নীংহন্নবা নাইদবা অমসুং ইরাংনা শাফু পীদুনা ইন্নোভেসন পাংথোকখিবনা মসিগুম্বা অরুবা তাঞ্জা অসিদা ভারতনা হান্নগী ফিভমদা অমুক হন্না লাকপদা তেংবাংখি। সব নেস্নেল লেভলদা ইন্নোভেসন পাংথোকপগী মতিক অমসুং ইকোসীস্তেম নীংথিনা য়েংশিল্লিবা ইন্দিয়া ইন্নোভেসন ইন্দেক্স ২০২১না ইরাংনা শাফু পীদুনা ইন্নোভেসন পাংথোকহল্লিবা হন্দক্কী থৌদোক অমসুং কেতালীস্তশিংদা অহেনবা মিৎয়েং চঙলি।

অহুমশুবা ইদিসন অসিনা গ্লোবেল ইন্নোভেসন ইন্দেক্স (জি.আই.আই.)গী ফ্রেমৱর্ক্তা য়ুম্ফম ওইদুনা লৈবাক অসিগী ইন্নোভেসন এনালাইসীস্কী স্কোপ্পু মপাঙ্গল হেন্না লৈহল্লি। অনৌবা ফ্রেমৱর্ক অসিনা মমাংগী ইদিসন্দা (ইন্দিয়া ইন্নোভেসন ইন্দেক্স ২০২০) শিজিন্নখিবা ইন্দিকেতর ৩৬কা চাংদম্নবদা তোপ-তোপ্পা ইন্দিকেতর ৬৬ নৌনা পুথোক্তুনা ভারতকী ইন্নোভেসন তৌবগী থৌওংগী চাং ওন্নবা হান্নদগী হেনবা পাক চাউরবা মিৎয়েং অমা মীয়ামদা তাক্লি। মসিগুম্বা পাক চাউরবা ফ্রেমৱর্ক অসিগী খুত্থাংদা ইন্দেক্স অসিনা ভারতকী রাজ্য অমসুং য়ুনিয়ন তেরিতোরী খুদিংগী ইন্নোভেসন পরফোর্মেন্স য়েংশিল্লি। রাজ্য অমসুং য়ুনিয়ন তেরিতোরীশিংবু মখোয়গী পরফোর্মেন্সশিংবু নীংথিনা চাংদম্নবা য়ানবগীদমক্তা ‘মেজর স্তেত’ ১৭; ‘নোর্থ-ইস্ত অমসুং হিল স্তেত’ ১০ অমসুং ‘য়ুনিয়ন তেরিতোরী অসুং সিতী স্তেত’ ৯দা কাঙলুপ খায়দোক্লি।

ইন্নোভেসনগী শাফুশিংবু ইন্দিকেতরদা ফগৎলকপগী মতৌ য়েংশিন্দুনা কুপ্না নৈনবগী ৱারোল তাক্নবগীদমক্তা ইন্দিয়া ইন্নোভেসন ইন্দেক্স ২০২১দা অখন্নবা সেক্সন অমসু হৌদোক্লে। রাজ্যশিংনা মখোয়গী ফম য়েংবা য়াগনি অমসুং ইন্দিয়া ইন্নোভেসন ইন্দেক্স ২০২০গা চাংদম্নবদা মখোয়গী রেঙ্কিংদা অহোংবা লাকহল্লিবা হীরম কয়াগী মতাংদা য়েংশিনবসু য়াগনি।

নিতি আয়োগনা ইন্দিয়া ইন্নোভেসন ইন্দেক্সকা লোয়ননা লৈবাক্কী রাজ্য অমসুং য়ুনিয়ন তেরিতোরীশিংগী ইন্নোভেসন ইকোসীস্তেম বেঞ্চমার্ক তৌবগী কান্নবা খুৎলায় অমা শেম্বগী খোঙচৎ হৌদোক্লে, অমসুং মসিনা মরম ওইরগা মখোয়গী মরক্তা কম্পিতিতিব অমসুং কোওপরেতিব ফেদেরেলিজমসু লৈহল্লে।

থৌরম অসি https://youtu.be/h9Esk5EFpP4 লাইব স্ত্রীম তৌগনি।

***