অয়ুশ মন্ত্রালয়না ইন্দিয়ন কাউন্সিল ওফ মেদিকেল রিসর্চ (আই.সি.এম.আর.), বাইওতেক্নোলোজী বিভাগ (দি.বি.তি.), কাউন্সিল ওফ সাইন্তিফিক অমসুং ইন্দস্ত্রীএল রিসর্চ (সি.এস.আই.আর.), ওল ইন্দিয়া ইন্দস্তিত্যুত ওফ মেদিকেল সাইন্স (এমস) অমসুং অয়ুশ ইন্সতিত্যুসনশিংগী মীহুৎশিং য়াওদুনা ইন্তর্দিসিপ্লিনরী অয়ুশ আর. অমসুং দি. তাস্ক ফোর্স অমা শেমখ্রে। তাস্ক ফোর্স অসিনা তোঙানবা থৌওং মরি, মিং ওইনা পল্লবদা, অশ্বগন্ধা, য়স্তিমাধু, গুরুচি+পিপ্পলি অমসুং পোলীহর্বেল ফোর্ম্যুলেসন (অয়ুশ-৬৪) অমা নৈননবগীদমক্তা কোবিদ-১৯গী প্রোফাইলেক্তিব স্তদী পাংথোকপা অমসুং অহেনবা থৌওং কয়া পাংথোকপগী ক্লিনিকেল রিসর্চ প্রোতোকোল শেমখ্রে। মপুং ওইবা ফিভম অমা ওইনা, রিসর্চ কাউন্সিল অমসুং নেস্নেল ইন্সতিত্যুতশিংনা অয়ুশ মন্ত্রালয়গী মখাদা ক্লিনিকেল, প্রি-ক্লিনিকেল অসুং ইপিদেমিওলোজিকেল স্তদী ১৫০ পাংথোকখ্রে।

কোবিদ-১৯গুম্বা লৌনগনবা লাইনা শন্দোকপা থিংনবা অয়ুশ মন্ত্রালয়না পায়খৎখিবা খোঙথাংশিং মখাদা পীরি-

১) ইশাবু কোবিদতগী করম্না ঙাকথোক্কনি অমসুং হকশেল ফনা মতৌ করম্না লৈগনি হায়বগী মতাংদা অয়ুশ মন্ত্রালয়না এদভাইজরী ফোঙখি। এদভাইজরী অসিদা খুৎ-শা হাম্বা, মাস্ক উপ্পফুম্বা হাইজিন মেন্তেন তৌবগী ৱাফম কয়াগী মথক্তা য়ুমদা পাংথোকপা য়াবা লাইয়েংবগী থৌওং কয়াসু তাকখি।

২) মীয়ামগী জেনেরেল ইম্ম্যুনিতী হেনগৎহন্নবা অমসুং রাজ্য/য়ু.তি.শিংগী হেল্থ দিপার্তমেন্তকা তেংবাংনদুনা, তঙাই ফদবগী মতুং ইন্না অয়ুশকী থৌওং পাংথোকপা য়াবা তাঞ্জাগী অকুপ্পা ৱারোল কয়া মন্ত্রালয় অসিদগী রাজ্য অমসুং য়ুনিয়ন তেরিতোরীশিংগী চীফ সেক্রেতরীশিংদা চিথী থাখি।

৩) কোবিদ-১৯ লাইচৎ লান্থেংনবগীদমক্তা অয়ুশকী চাউরবা ইনফ্রাস্ত্রকচর শিজিন্নবীয়ু হায়বা ৱারোলগা লোয়ননা হকশেল অমসুং য়াইফ য়ুম্বাল মন্ত্রালয়দা চিথী থাখি।

৪) কোবিদ-১৯ লাইচৎকা লান্থেংননবগীদমক্তা অয়ুর্বেদ, সিধ উনানী অমসুং হোমিওপেথী (এ.এস.য়ু. অমসুং ঐচ.) কোলেজশিংগী প্রিন্সিপলশিংগী মফমদা মখোয়গী লৈজরিবা হোস্পিতাল (আই.পি.দি. অমসুং ও.পি.দি.), পেথোলোজী লেবোরেতরী, আই.সি.য়ু. অমসুং মেদিকেল অমসুং পেরামেদিকেল স্তাফ য়াওনা মখোয়গী মেনপাৱরশিং শিজিন্নহন্নবা মন্ত্রালয়না দি.ও. লেত্তর থাখি। তাঞ্জাগী মতুং ইন্না, মখোয়গী ফেসিলিতীশিংবু লোকেল হেল্থ ওথোরিতীশিংদা শিজিন্নবগী অয়াবা পীনবসু মখোয়দা খঙহনখি। মতৌ অসুম্না, রাজ্য সরকারশিংনা অয়ুশ ইন্সতিত্যুতকী হোস্পিতালশিংবু ক্বারান্তাইন সেন্তর, আইসোলেসন সেন্তর, কোবিদ কেয়র সেন্তর অমসুং কোবিদ হেল্থ সেন্তর ওইনা শিজিন্নখি।

৫) অয়ুশ মন্ত্রালয়না ইশা ঙাকথোক্নবা অমসুং ইম্ম্যুন হেনগৎহন্নবগীদমক্তা ইশানা পাংথোকপা য়াবা থৌওং অমসুং কাঙলোন তাকখি।

• জেনেরেল ওইবা থৌওং
• ইম্ম্যুনিতী হেনগৎহন্নবা অয়ুর্বেদগী থৌওং
• অয়ুর্বেদগী অচম্বা থৌওং
• খনাও নাবা অমসুং লোক কংখু খুবগী চেকশিন থৌরাং অমসুং লাইয়েং

৬) অয়ুশ মন্ত্রালয়না ৱেবিনারগী খুত্থাংদা ‘অয়ুশ ফোর ইম্ম্যুনিতী’ হায়বা থা অহুমগী কেম্পেন হৌদোকখি অমসুং মসিগা মরী লৈনবা কেম্পেন বুল্লেতিন্সু ফোঙখি। ৱেবিনার অসিদা মীওই লিশিং ৫০ হেনবনা শরুক য়াখি।

৭) অয়ুশ মন্ত্রালয় অমসুং এম.ও.ঐচ. অমসুং এফ.দবল্যু.না অয়ুশ মাস্তর ত্রেনর ৩৩,০০০দা পুন্না ত্রেনিং পীমিন্নখি। অয়ুশকী মীওই অপুনবা ৮৩০০০না igot.in প্লেতফোর্মদা লেপ্তনা ত্রেনিং ফংখি। অয়ুশ মন্ত্রালয়না এম.ও.ঐচ. অমসুং এফ.দবল্যু.গা তেংবাংনদুনা অয়ুশ মেনপাৱরশিংবু মশক খঙবা থৌদাং শিন্নদুনা কোবিদ-১৯ শেন্নবগী কোবিদ লান্মী ওইনা শিজিন্নখি।

৮) অয়ুশ মন্ত্রালয়না শাখি পুথোক্নবগীদমক্তা প্রোফাইলেক্তিক থৌওং, ক্বারেন্তাইনগী মনুংদা পাংথোক্কদবা থৌওং, কোবিদ-১৯গী সীম্পতম উৎপা অমসুং উত্তবা কেস, পব্লিক হেল্থ রিসর্চ, সর্ভে, লেবতা য়ুম্ফম ওইবা রিসর্চনচিংবা কয়া য়াওনা অয়ুর্বেদ, সিধ উনানী অমসুং হোমিওপেথী পথাপ কয়াগী খুত্থাংদা কোবিদ-১৯গী রিসর্চ চত্থবগী গেজেত নোতিফিকেসন থোকখি। তাস্কফোর্সকী ৱারোলদা য়ুম্ফম ওইদুনা কোবিদ-১৯গা মরী লৈনবা অয়ুশকী থৌওং কয়া মনুং চনবা ইন্তর-দিসিপ্লিনরী স্তদী কয়াসু অয়ুশ মন্ত্রালয়না হৌদোকখি। অয়ুশ মন্ত্রালয়গী মখাদা লৈবা তোঙান-তোঙানবা রিসর্চ ওর্গনাইজেসন অমসুং নেস্নেল ইন্সতিত্যুত কয়াগী মখাদা অয়ুশকী থৌওংগা মরী লৈনবা রিসর্চ স্তদী ১৪০বু লৈবাক অসিদা পাংথোকখি।

৯) অয়ুশ মন্ত্রালয়না অয়ুশ সঞ্জীবনী এপ লোঞ্চ শাখি। মসিনা চাউরাকপা মীওই করোর ১.৩৫না শরুক য়াদুনা মোবাইল এপকী খুত্থাংদা পাংথোকখিবা স্তদীগী খুত্থাংদা কোবিদ-১৯দগী ঙাকথোকপদা অয়ুশকী পাউতাক অমসুং থৌওং শিজিন্নখিবা, কান্নবা পীখিবিগী ৱাফম কয়া লৌশিনখি। চাউরাকপা মীওই ৮৫.১%না কোবিদ-১৯দগী ঙাকথোক্নবা অয়ুশকী থৌওং শিজিন্নখি অমসুং মখোয়গী মনুংদগী মীওই ৮৯.৮%না অয়ুশকী কাঙলোন কয়াদগী কান্নবা ফংখি হায়বা য়াজখি।

১০) রিসর্চ কাউন্সিলশিংগী দাইরেক্তর জেনেরেল অমসুং নেস্নেল ইন্সতিত্যুতশিংগী দাইরেক্তরশিংনা মখোয়গী অখঙ-অহৈগী তীমগা লোয়ননা অয়ুশকী মরী লৈনবা পথাপ কয়াগী রেজিস্তর তৌরবা প্রেক্তিস্নরশিংগী গাইদলাইন শেমখি অমসুং অয়ুশ মন্ত্রালয়গী ইন্তর্দিসিপ্লিনরী অয়ুশ রিসর্চ অমসুং দিভেলপমেন্ত তাস্ক ফোর্সনা মসিগী অচুম অরান য়েংশিনখি। হোমিওপেথী য়াওনা অয়ুশকী রেজিস্তর তৌরবা প্রেক্তিস্নরশিংনা কান্নবা লৌদুনা কোবিদ-১৯ লাইচৎপু মান্নবা মওংদা শেন্নবদা তেংবাংবা ঙম্নবগীদমক্তা গাইদলাইনশিং অসি পব্লিক দোমেন্দা ফংহনখি।

১১) ভারত সরকারনা নেস্নেল তাস্ক ফোর্সনা শেম-শাবা অয়ুর্বেদ অমসুং য়োগদা য়ুম্ফম ওইবা ‘নেস্নেল ক্লিনিকেল মেনেজমেন্ত প্রোতোকোল ফোর মেনেজমেন্ত ওফ কোবিদ-১৯’সু ফোঙখি।

১২) অয়ুশ মন্ত্রালয়না কোবিদ-১৯গী মতমগী মরক্তা ইশাগী চেকশিন থৌরাংগী অয়ুর্বেদ, উনানী অমসুং সিধা অমসুং হোম আইসোলেসন্দা লৈবা কোবিদ-১৯গী অনাবা শেন্ননবা অয়ুশ প্রেক্তিস্নরশিংগী গাইদলাইন্সু ফোঙখি।

১৩) অয়ুশ মন্ত্রালয়না কোবিদ-১৯ লাইচৎ মনুংদা অয়ুশ প্রেক্তিস্নরশিংনা ইনগদবা ইথিকেল প্রেক্তিসকী এদভাইজরী ফোঙখি।

১৪) অয়ুশ মন্ত্রালয়না মখোয়গী দি.ও. লেত্তর নম্বর ৱাই.-১৮০২০/২/২০২০ –ই.পি.-৩গী খুত্থাংদা কোবিদ-১৯ শেন্নবা অমসুং লাকশিনবগী থৌওংশিংদা দিস্ত্রিক্ত অয়ুর্বেদ ওফিসরশিং খুদক্তগী শিজিন্নবা হৌনবা অমসুং অয়ুশ দাক্তর, অয়ুশ হেল্থকেয়র প্রোভাইদর অমসুং অয়ুশ হেল্থকেয়র ফেসিলিতী মপুং ফানা শিজিন্নহন্দুনা কোবিদ-১৯ শেন্নবদা মেনপাৱর অমসুং ইনফ্রাস্ত্রকচরগী অৱাৎপা লৈহন্দনবা দিস্ত্রিক্ত ওথোরিতীশিংগী মফমদা চুনবা পাউতাক পীখি।

১৫) কোবিদ-১৯গী কেসশিং শেন্নবগী হ্যুমেন রিসোর্স হেনগৎহনবগী থৌওং মখা চত্থবা ওইনা, অয়ুশ মন্ত্রালয়না কোবিদ-১৯ কেসশিংগী ক্লিনিকেল মেনেজমেন্ত তৌনবগীদমক্তা নীংথিনা ত্রেন তৌরবা অয়ুশ হ্যুমেন রিসোর্স শিজিন্ননবা এদবাইজরী থোকখি।

১৬) অয়ুশ মন্ত্রালয়না অঙাংশিংগী হোম কেয়র গাইদলাইন ফোঙখি অমসুং কোবিদ-১৯ লাইচত মনুংদা অঙাংশিংগী প্রোফাইলেক্তিক কেয়রগীদমক্তা অয়ুশ প্রেক্তিস্নরশিংগী এদভাইজরীসু থোকখি।

১৭) অয়ুশ মন্ত্রালয়না ম্যুকোর্মাইকোসীস ওইরে খঙলবা অমসুং ওইগনি চিংনবা  কেসশিংগী প্রোফাইলেক্তিক অমসুং সীম্পতোমেতিক মেনেজমেন্তকীদমক্তা অয়ুর্বেদ প্রেক্তিস্নরশিংগী ই-পাউ থোকখি।

১৮) অয়ুশ মন্ত্রালয়না কোবিদ-১৯ অমসুং লোং কোবিদ-১৯গী মতমদা হোলিস্তিক হেল্থ অমসুং ৱেল-বিইং, ঙাকথোকপগী পাম্বৈ অমসুং চেকশিনবগী অয়ুশনা তাকপা ৱারোলশিং মীয়ামগীদমক্তা ফোঙখি।

১৯) অয়ুশ মন্ত্রালয়না হোম আইসোলেসন্দা লৈবা কোবিদ-১৯ অনাবশিংগা মরী লৈনবা অয়ুর্বেদ প্রেক্তিস্নরশিংগী গাইদলাইন ফোঙখি অমসুং কোবিদ-১৯ লাইচৎ মনুংদা ইশা ঙাকথোক্নবা অয়ুর্বেদ অমসুং উনানীদা য়ুম্ফম ওইবা কাঙলোনসু ফোঙখি।

২০) অয়ুশ মন্ত্রালয়না প্রোফাইলেক্সীস অমসুং কোবিদ-১৯ শেন্নবগী অয়ুশকী ওইবা থৌওংশিংগী এদভাইজরী অমসুং কোবিদ-১৯গী অনাবা শেন্নরিবশিংগী অয়ুশ গাইদলাইন ফোঙখি।

কোবিদ-১৯গী মাইয়োক্তা হৌজিক শিজিন্নরিবা এলোপেথী, হোমিওপেথীগী হিদাক অমসুং কাপ্লিবা ভেক্সিনশিংগী মহুৎ শিনবা য়াবা হিদাক অমত্তা হৌজিক ফাওবদা পুথোকখিবা লৈত্রি।

ৱাফম অসি ঙসি অয়ুশ মন্ত্রী, শ্রী সর্বানন্দ সোনোৱালনা রাজ্য সভাদা অইবা পাউখুম ওইনা পীখিবনি।

***