ડિપાર્ટમેન્ટ ઓફ એડમિનિસ્ટ્રેટિવ રિફોર્મ્સ એન્ડ પબ્લિક ગ્રીવન્સ (DARPG) દ્વારા તેના નોલેજ પાર્ટનર્સ, જેમ કે NASSCOM અને KPMG સાથે મળીને 2021માં નેશનલ ઈ-ગવર્નન્સ સર્વિસ ડિલિવરી એસેસમેન્ટ હાથ ધરવામાં આવ્યું હતું. આ એક સામયિક મૂલ્યાંકન છે જેનો હેતુ રાજ્યો/કેન્દ્રશાસિત પ્રદેશો અને કેન્દ્ર સરકારની નાગરિકોને તેમની ઓનલાઈન સેવાઓ પહોંચાડવામાં અસરકારકતામાં સુધારો કરવાનો છે.

તાજેતરમાં બહાર પાડવામાં આવેલા મૂલ્યાંકન પરિણામો પછી, ગૃહ મંત્રાલય (MHA)ની વેબસાઇટને કેન્દ્રીય મંત્રાલયના પોર્ટલ હેઠળ પ્રથમ સ્થાન આપવામાં આવ્યું છે અને ડિજિટલ પોલીસ પોર્ટલને કેન્દ્રીય મંત્રાલય સેવા પોર્ટલ હેઠળ બીજું સ્થાન આપવામાં આવ્યું છે.

આ કવાયતમાં, સેવા પોર્ટલનું મૂલ્યાંકન તેમના મૂળ મંત્રાલય/વિભાગના પોર્ટલ સાથે કરવામાં આવ્યું હતું. MHAના સંદર્ભમાં, નેશનલ ક્રાઈમ રેકોર્ડ્સ બ્યુરો (NCRB)ના ડિજિટલ પોલીસ પોર્ટલ એટલે કે https://digitalpolice.gov.in/ને સેવાઓ પોર્ટલ હેઠળ મૂલ્યાંકન માટે શોર્ટલિસ્ટ કરવામાં આવ્યું હતું. અનુરૂપ, ગૃહ મંત્રાલયની મુખ્ય વેબસાઇટ એટલે કે https://mha.gov.in મૂલ્યાંકન માટે પેરેન્ટ મિનિસ્ટ્રી પોર્ટલ તરીકે શોર્ટલિસ્ટ કરવામાં આવી હતી.

મૂલ્યાંકન કરાયેલા તમામ સરકારી પોર્ટલને બે મુખ્ય શ્રેણીઓમાં વિભાજિત કરવામાં આવ્યા હતા-

રાજ્યો/કેન્દ્રશાસિત પ્રદેશો/કેન્દ્રીય મંત્રાલય પોર્ટલ

રાજ્ય/કેન્દ્રશાસિત પ્રદેશ/કેન્દ્રીય મંત્રાલય સેવા પોર્ટલ.

આકારણીના ચાર મુખ્ય પરિમાણો હતા:-

ઉપલ્બધતા

સામગ્રી ઉપલબ્ધતા

ઉપયોગમાં સરળતા અને માહિતી સુરક્ષા

કેન્દ્રીય મંત્રાલયના પોર્ટલ માટે ગોપનીયતા

સેન્ટ્રલ મિનિસ્ટ્રી સર્વિસ પોર્ટલ માટે વધારાના ત્રણ પેરામીટર્સનો પણ ઉપયોગ કરવામાં આવ્યો હતો - એન્ડ સર્વિસ ડિલિવરી, ઇન્ટિગ્રેટેડ સર્વિસ ડિલિવરી અને સ્ટેટસ એન્ડ રિક્વેસ્ટ ટ્રેકિંગ.

SD/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com