প্রধানমন্ত্রীগী লোইশঙ
প্রধান মন্ত্রী জুলাই ১৬তা উত্তর প্রদেসতা চৎকনি অমসুং বুন্দেলখান্দ এক্সপ্রেসৱে শঙ্গাগনি
ফেব্রুৱারি ২০২২দা প্রধান মন্ত্রীনা এক্সপ্রেসৱেগী উরেপ-উয়ুং তমখি
এক্সপ্রেসৱে অসিনা লমদম অসিদা চৎথোক-চৎশিন অমসুং উদোগ চাউখৎনবা অচৌবা খুদোংচাবা অমা পীরগনি
Posted On:
13 JUL 2022 5:13PM by PIB Imphal
প্রধান মন্ত্রী শ্রী নরেন্দ্র মোদী জুলাই ১৬, ২০২২দা উত্তর প্রদেসতা চৎকনি অমসুং অয়ুক্কী পুং ১১:৩০ রোম তাবদা জালাউন জিলাগী ওরাই তেহশিলগী মনুংদা লৈবা কাইথেরি খুঙ্গংদা বুন্দেলখান্দ এক্সপ্রেসৱে শঙ্গাগনি।
লৈবাক শীনবা থুংনা চৎথোক-চৎশিনগী পাম্বৈশিং ফগৎহন্নবা সরকারনা থবক পায়খৎতুনা, লম্বী শেম্বগী মাইকৈদা চংশিল্লি। মাইকৈ অসিদা শিংথানিঙাই ওইবা থবক অমা ওইনা ফেব্রুৱারি ২৯, ২০২০দা প্রধান মন্ত্রীনা বুন্দেলখান্দ এক্সপ্রেসৱে শেম্নবা উরেপ-উয়ুং তমখি। এক্সপ্রেসৱে অসি শেমগৎপগী থবক থা ২৮গী মনুংদা লোইশিনখি অমসুং হৌজিক লম্বী অসি প্রধান মন্ত্রীনা শঙ্গারগনি।
কিলোমিতর ২৯৬ শাংবা লেন মরিগী এক্সপ্রেসৱে অসি উত্তর প্রদেস এক্সপ্রেসৱে ইন্দস্ত্রিএল দিবলপমেন্ত ওথোরিতি(উপৈদা)গী মখাদা চাউরাক্না লুপা কোতি ১৪,৮৫০ চংনা শেমখৎখিবনি অমসুং লম্বী অসি তুংদা লেন ৬তা ওনখৎকনি। এক্সপ্রেসৱে অসি এন.ঐচ-৩৫দা চিত্রাকুত জিলাগী বারাতকুপ ময়াদা লৈবা গোন্দা খুঙ্গংদগী হৌরগা ইতাৱা জিলাগী কুদ্রালি খুঙ্গং ফাওবা য়ৌরবা মতুংদা অগ্রা-লখনৌ এক্সপ্রেসৱেদা পুনশিনখি। এক্সপ্রেসৱে অসিনা জিলা ৭ হায়বদি চিত্রাকুত, বান্দা, মাহোবা, হামিপুর, জালাউন, ঔরাইয়া অমসুং ইতাৱা ফাওদুনা চৎলি।
লমদম অসিদা লম্বী-থোংগী ফিবম ফগৎহনবগা লোয়ন্না, বুন্দেলখান্দ এক্সপ্রেসৱে অসিনা শেন-থুমগী ফিবম ফগৎহন্দুনা মফম অসিগী মীয়ামদা থবক লিশিং কয়া ফংহনবা ঙমগনি। এক্সপ্রেসৱে অসিগী মনাক্তা বান্দা অমসুং জালাউন জিলাশিংদা ইন্দস্ত্রিএল কোরিদোর শেম্নবা থবক পায়খৎপা হৌরে।
****
(Release ID: 1841264)
Visitor Counter : 152
Read this release in:
Bengali
,
Assamese
,
English
,
Urdu
,
Marathi
,
Hindi
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam