উপ রাস্ত্রপতি, শ্রী এম. বেঙ্কাইয়া নাইদুনা ঙসি লৈবাক্কী নুপীশিংদা নীংতম্বা পীবদা অপনবা পীরিবা পলশিং লৌথোক্নবা হায়খ্রে। মহাক্না হায়খি মদুদি ঐখোয়গী সিভিলাইজেস্নেল ইথোসনা তোঙান-তোঙানবা লমশিংদা নুপীশিং চপ মান্ননা শরুক য়ানবা পুক্নিং থৌগৎলি, নুপীশিংনা মখোয়গী তৌবা ঙম্বা মপুং ফানা পুথোক্ত্রিবা লম কয়া লৈরি।

ঙসি বেঙ্গলুরুদা মাউন্ত কার্মেল কোলেজকী প্লেতিনম জুবিলী থৌরম হৌদোক্লবা মতুংদা মীতিন অসিদা ৱা ঙাংলদুনা উপ রাস্ত্রপিনা সরকারগী অচেৎপা খোঙথাংশিংগী খুত্থাংদা নুপীগী এজুকেসন্দা ইনোৎ হাপ্নবা হায়খ্রে। মহাক্না হায়খি খুদোংচাবা অমা পীরবদি নুপীশিংনা লম খুদিংদা মখোয় মশাবু মতম চুপ্পদা উৎথোকচবা ঙম্লগনি।

ভারত মচাশিংনা লম পুম্নমক্তা মখোয় মশাবু লুচিংবশিং ওইরকপা ঙম্লিবা অসিদা মহাক্না হায়খি মদুদি ভারতনা খুমাং চাউশিল্লিবা অসি মালেমগী থাক্তা শকখঙলক্লি। লাইনিংগী ওইবা মান্নদবা ৱাখল্লোন চেনবগী সমস্যগী মতাংদা শ্রী নাইদুনা হায়খি মদুদি লাইনিং হায়বা অসি লনাইগী ওইবা ৱাফমনি অমসুং কনাগুম্বা অমনা মাগী লাইনীংদা চাউথোকচবা পোকচবা অমসুং চৎপবা য়াই, কনাগুম্বা অমত্তনা অতোপ্পা লাইনিংগী থাজবশিং অদু হন্থনা য়েংবগী হক লৈতে। মহাক্না হায়খি অতোপ্পগী ৱাখল্লোনশিংদা সেক্যুলরিজম অমসুং য়ানীংবা উৎপা হায়বা অসি ভারতকী চৎনবীগী মরু ওইবা শরুক অমনি অমসুং অসিগুম্বা স্পোরেদিক ইন্সিদেন্তশিং অসিনা ভারতকী প্লুরেলিজম অমসুং ইনক্লুসিবিতীগী ভেল্যুশিংবু নমথবা ঙমলোই।

এজুকেসন্দা ভারতকী ফজরবা হেরিতেজ অসিগী মতাংদা উপ রাস্ত্রপতিনা হায়খি মদুদি ভারতনা অরিবা মতমদা এজুকেসনগী লমদা শীংথানীংঙাই ওইনা শরুক তম্লিবা অসিনা ‘বিস্বা গুরু’গী থাক ফংবা ঙমখি। গার্গী আমসুং মাইত্রেয়ি অসিগুম্বা অরিবা মতমগী মশক নাইবা নুপী স্কোলরশিংগী মমিং পল্লদুনা মহাক্না হায়খি মদুদি অরিবা মতমদগী হৌনা নুপীগী এজুকেসন্দা ময়েক শেংনা মীৎয়েং চংদুনা লাকখি। মহাক্না মহৈ তম্বা য়াম্না পামজবা মীওইশিং ওইরিবা, অত্তিমাব্বে অমসুং সোবালাদেবিগুম্বা কর্নাতকাদগী অনৌবা ৱাখল্লোন চেনবা রুলর অমসুং রিফোর্মর কয়াবু অমসুং এজুকেসনগী খুত্থাংদা নুপীবু নীংতম্বা ফংহন্নবা মীৎয়েং চংলিবা বিরাসাইবা ইহৌবু থাগৎখি।

এম.সি.সি.গী মশক নাইবা নুপী এলুমনি কয়াগী মমিং পল্লদুনা উপ রাস্ত্রপতিনা কোলেজ অসিনা নীংতম্বা ফংলবা মতুংদগী নুপীশিংবু শক্তি পীনবগীদমক এজুকেসন্দা জেন্দর দিস্পেরিতী লৈতনবা অহোংবগী কেতলিস্ত ওইরিবা অসিবু থাগৎখি।

ৱার্কস্পেসশিং খোঙজেল য়াংনা হোংলক্লিবা অসিদা শ্রী নাইদুনা আর্তিফিসিএল ইন্তেলিজেন্সতগী দেতা এনালাইতিক্স ফাওবদা মহৈরোয়শিংগী স্কিলশিং হেনগৎহনবদা মীৎয়েং চংদুনা এজুকেসনগী ফ্যুচরিস্তিক এপ্রোচ অমা পাইখৎপা মরু ওই হায়না অকনবা ৱাফম থমখি। “মসিগা মান্ননা মরু ওইরিবা অসি অফবা কম্ম্যুনিকেসন স্কিলশিং লৈবনি” হায়না মহাক্না মখা তাখি।

অনৌবা কেরিয়র ওপ্সনশিং অমসুং হান্নদগী লৈরবশিংনা হৌজিক লম কয়ামরুমদা হেন্না লৌশিং লৈনবা কর্মচারিগী মথৌ তারি। মাংদা চংশিল্লদুনা নহারোলশিংনা মখোয়গী স্পেসিএলাইজেসন্দা মনুং হুৎনা লৌশিং লৈবা খক্তা নত্তনা অতোপ্পা লমশিংগী ফন্দামেন্তেলশিং নীংথিনা লৈবা তাই। মখোয়না তোঙান-তোঙানবা লমশিংদগী লৌশিং লৌশিনবা অমসুং পুনশিনবগী গুন অদু মখোঙ শোমদুনা ২১শুবা চহিচাগী জোব মার্কেৎতা কম্পিতিতিব ওইনবা হোৎনগদনি।

রোৎ লর্নিংদগী ‘এক্তিব লর্নিং’দা হোংদোকপগী মথৌ তাবা অদু ফোঙদোক্লদুনা উপ রাস্ত্রপতিনা এজুকেস্নেল ইন্সতিত্যুসনশিংনা লেপ্পা লৈতনা এসেসমেন্ত তৌবদা য়ুম্ফম ওইরগা ইভাল্যুএসন অমা তৌনবা হায়খি। সবজেক্তশিংগী রিজিদিতী অমসুং ৱাতর-তাইৎ কম্পার্তমেন্তেলাইজেসন অসু থুগাইনবা হায়রদুনা মহাক্না হায়খি, “ইন্তরদিস্সিপ্লিনরী অমসুং মলতিদিস্সিপ্লিনরী অসিনা মাংদা চংশিনহনবা ঙমগনি”।

এজুকেন্সনবু অচুম্বা অমসুং থাক মান্নবা খুন্নাই অমা শেমগৎনবা খ্বাইদগী শক্তি লৈবা খুৎলাইনি হায়রদুনা শ্রী নাইদুনা এজুকেস্নেল ইন্সতিত্যুসনশিংনা নহারোলশিংদা মখোয় মশাবু এম্প্লোয়েবল ওইহনবা ঙম্নবা অচুম্বা স্কিল সেৎ পীবতা নত্তনা অনৌবা ভারতকী গ্রোথ স্তোরীগী কেতলিস্তশিং ওইহনবসু পামখি।

থৌরম অসিদা মাউন্ত কার্মেল কোলেজকী প্লেনিনম জুবিলীগী চহি পালন তৌবা ওইনা পোস্তেল দিপার্তমেন্তগী কোম্মেমোরেতিব এনভেলপসু ফোঙখি।

কর্নাতকাগী ইকাই খুম্নরবা রাজ্যপাল, শ্রী থাৱরচান্দ গেহলোৎ, হান্নগী রাজ্যপাল শ্রীমতি মার্গরেৎ অলবা, কর্নাতকা সরকারগী আই.তি./বি.তি. অমসুং হায়র এজুকেসনগী মন্ত্রী দা. অশ্বন্থনরয়ন, বেঙ্গলুরু সিতী য়ুনিভর্সিতীগী ভাইস চাঞ্চেলর দা. লিঙ্গরাজ গান্ধি, কর্নাতকা সর্কলগী চীফ পোস্তমাস্তর জেনরেল আই.পি.ও.এস. এস. রাজেন্দ্র কুমার, বেঙ্গলুরুগী আর্কবিশোপ দা. পিতর মাচাদো, কার্মেলাইৎ সিস্তর্স ওফ সেন্ত তেরেসাগী মোদর জেনরেল, দা. সিস্তর খৃস, কার্মেলাইৎ সিস্তর্স ওফ সেন্ত তেরেসাগী প্রোবিজনেল হেদ সিস্তর বর্নিস, মাউন্ত কার্মেল ইন্সতিত্যুসনগী সুপেরিয়র সিস্তর অপর্না, মাউন্ত কার্মেল কোলেজকী প্রিন্সিপল দা. সিস্তর অপর্না, অতোপ্পা দিগনিতরীশিং, ফেকলতী মেম্বরশিং অমসুং মহৈরোয়শিংনা থৌরম অসিদা শরুক য়াখি।

*****