পঞ্চায়তি রাজ ইন্সতিত্যুসনশিং (পি.আর.আই.শিং) অমসুং মখোয়গী মীহুৎশিংবু প্রধান মন্ত্রী নরেন্দ্র মোদীগী য়াইফ-থৌরাং স্কিমশিংগী মরু ওইবা পাউখোল্লোয়শিংনি হায়না ফোঙদোক্লদুনা কেন্দ্রগী মন্ত্রী দা. জিতেন্দ্র সিংহনা হায়খি ঙসি পঞ্চশিং, সর্পঞ্চশিং লোয়ননা ব্লোক অমসিং দিস্ত্রিক কাউন্সিলশিংগী মীয়ামগী মীহুৎশিংনা গ্রাসরুত লেবেলদা ক্ব্যুগী অরোইবদা লৈরিবা অরোইবা মীওই অদু ফাওবা য়ৌহনবদা মরু ওইবা থৌদাং অমা লৌনবা খুদোংচাবা অমা ফংলি অমসুং হৌখিবা চহি ৮ অসিদা প্রধান মন্ত্রী নরেন্দ্র মোদীনা হৌদোকখিবা প্রো-পোর অমসুং য়াইফ-থৌরাং স্কিম খুদিংমক্কী কান্নবা মঙোন্দা ফংহন্নবা হোৎনরি।

উত্তর প্রদেশকী পঞ্চায়তি রাজকী রাজ্য মন্ত্রী, চৌধুরী ভুপিন্দ্র সিংহ অমসুং অতোপ্পশিং য়াওদুনা পাঙথোকপা পঞ্চায়তি রাজ ইন্সতিত্যুসনশিং (পি.আর.আই.শিং)গী মীহুৎশিংগী মীতিন অমদা দা. জিতেন্দ্র সিংনা হায়খি হেক অহৌবদগী হৌনা প্রধান মন্ত্রী নরেন্দ্র মোসীনা পি.আর.আই.শিং মপাঙ্গল কনখৎহনবদা অমসুং অরোইবদা লেপ্লিবা মীওই অদু শক্তি পীনবা মখোয়গী মপাঙ্গল হাপ্পা হায়বা অসিদা মরু ওইবা মীৎয়েং চংদুনা লাকখি। মহাক্না করম্না দিকেদ তরেৎকী মতুংদা অহানবা ওইনা জম্মু অমসুং কাশ্মিরগী দিস্ত্রিক্ত কাউন্সিলশিংগী মীখলশিংদা পাঙথোকহনখি অমসুং রাজ্য অসিদা বিরোধি দল খরনা য়ানিংদবা উৎলবদি পঞ্চায়ত মীখলশিং পাঙথোকখি হায়বা নীংশিংখি।

জম্মুগী মনাক্তা লৈবা পাল্লি পঞ্চায়ত্তা এপ্রিল থাদা প্রধান মন্ত্রীনা ‘পঞ্চায়তি রাজ দিৱস’ পালন তৌখিবা অমসুং মফম অসিদগী মহাক্না লৈবাক শিনবা থুংবদা লৈরিবা পি.আর.আই.শিংদা ৱা ঙাংখিবা অসিনা পি.আর.আই.শিংবু প্রধান মন্ত্রী মোদীনা লুম্না লৌই হায়বগী খুদম ওইরি। মরম অসিনা হৌজিক পি.এম. আৱাজ য়োজনা, উজ্জ্বালা য়োজনা, পি.এম. গরিব কল্যান য়োজনা, পি.এম. কিসান নিধি, স্বচ্ছতা য়োজনা অসিনচিংবা স্কিমশিংগী কান্নবশিং অসি ফংফম থোকপা প্রজা অমত্তা নাথৈবা তৌদবা হায়বা অসি পি.আর.আই.শিংগী থৌদাং ওইরে হায়না মহাক্না মখা তাখি।

মন্ত্রীনা প্রধান মন্ত্রী মোদী সরকারনা হৌদোকখিবা প্রো-পিপল, প্রো-পোর ৱেল্ফিয়র স্কিমশিংগী বেনিফিসরীশিং চাদা ১০০ কোনশিন্নবা অমসুং মপুং ফানা এৱের্নেস পীনবা হায়খ্রে। মহাক্না হায়খি দীন দয়াল উপধ্যায়াগী অন্ত্যোদয় হায়বা ৱাখল্লোন হায়বদি মীপুম খুদিংমক চাউখৎহনবা হায়বা অসিগী মখাদা মপুং ফানা চংশিল্লি।

দা. জিতেন্দ্র সিংহনা হায়খি পি.আর.আই. মীহুৎশিংনা লায়রবগী য়াইফ-থৌরাং স্কিম খুদিংমক্তা কনাগুম্বা অমত্তা নাথৈদুনা থমদনবা দিস্ত্রিক্ত এদমিনিস্ত্রেসনগা খুৎশম্নদুনা মথৌ তৌগদবনি। মহাক্না স্কিমগী বেনিফিসরী খুদিংমক্তা সেচুরেসন তার্গেৎ য়ৌবা ঙম্নবা ফংফম থোকপা য়ামদ্রবদা মীওই অনিদি স্কিম অসিদা হাপচিনবদা মতেং পাংনবা খঙহন্নবা হায়খি।

প্রধান মন্ত্রীনা গুজরাতকী ভরুচতা পাঙথোকপা ‘উকর্শ সমারোহ’দা থমখিবা ৱারোল অদু পল্লদুনা দা. জিতেন্দ্র সিংহনা হায়খি ২০১৪দা লৈবাক অসিগী মীশিংগী শরুক তঙ্খাইদি তোইলেৎ, ভেক্সিনেসম, ইলেক্ত্রিসিতী কন্নেক্সন অমসুং বেঙ্ক একাউন্ত অসিগুম্বা ফেসিলিতীশিং ফংদনা লৈরমখি। মহাক্না হায়খি, হৌখিবা চহি খরা অসিদা সবকা প্রয়াসকা লোয়ননা কেন্দ্রনা স্কিম কয়া ১০০% সেচুরেসন য়ৌহন্নবা হোৎনখি অমসুং চহি ৮গী মতুংদা অনৌবা ফিরেপকা লোয়ননা ঐখোয় ইশাবু নৌনা কত্থোকপা মথৌ অমা তারি।

*****