শেল-থুম অমসুং কোর্পোরেৎ এফিয়র্সকী মন্ত্রী, শ্রীমতি নির্মলা সিতারামন্না ঙসি নেস্নেল ইন্দস্ত্রিএল কোরিদোর দিবেলপমেন্ত প্রোগ্রামগী থবক-থৌরমশিং য়েংশিন্নবা শেমখিবা এপেক্স মোনিতরিং ওথোরিতীগী পাঙথোকখিবা অহানবা মীফমদা ময়াই তাংবল লৌখ্রে। এপেক্স মোনিতরিং ওথোরিতীদা শেল-থুম মন্ত্রীনা চিয়রপর্সন ওইনা, কম্মর্স এন্দ ইন্দস্ত্রীগী মন্ত্রী, রেলৱেজকী মন্ত্রী, রোদ ত্রান্সপোর্ত অমসুং হায়ৱেজকী মন্ত্রী, শিপ্পিংগী মন্ত্রী, নিতি আয়োগকী ভাইস চিয়রমেন অমসুং মরী লৈনবা রাজ্যশিংগী মুখ্য মন্ত্রীশিং য়াওরি। রাজ্য তরুক হায়বদি গুজরাত, হরিয়ানা, কর্নাতকা, এম.পি., মহারাস্ত্র অমসুং উত্তরাখন্দগী মুখ্য মন্ত্রীশিং; রাজ্য ৭ হায়বদি বিহার, হিমাচল প্রদেশ, উত্তর প্রদেশ, আন্ধ্র প্রদেশ, কেরলা অমসুং রাজস্থানগী মন্ত্রীশিং লোয়ননা রাজ্য পুম্নমক্কী মোক থোংবা ওফিসিএলশিংনা মীফম অসিদা শরুক য়াখি।

মীফম অদুদা ৱা ঙাংলদুনা, শ্রীমতি সিতারামন্না চহি কয়া অসিদা থবক লেপ্তনা পাইখৎলিবা অসিগীদমক রাজ্যগী মুখ্য মন্ত্রীশিং অমসুং মন্ত্রীশিংবু থাগৎপা ফোঙদোকখি। মহাক্না লম লৌশিনবগী থবক খুমাং চাউশিন্নবা রাজ্যশিংদা হায়রদুনা “রাজ্য ৩-৪দা নোদ খরগা লোয়ননা হৌদোকখিবা অসি ঙসিদি রাজ্য ১৮দা শন্দোকখ্রে অমসুং ইন্দস্ত্রিএল দিবেলপমেন্তগী ইকোসিস্তেম্না হেন্না লিবরেলাইজ ওইবা এনভাইর্নমেন্ত অমা উরকপগা লোয়ননা তোঙানবা শক্লোন অমা লৌরকখি অমসুং খোঙজেল য়াংখৎলকখি। মসি লেপ্পা লৈতনা খুমাং চাউশিল্লকই অমসুং মসিগী ফল ওইনা চাউনা কান্নবা ফংগনি” হায়না ফোঙদোকখি।।

রিসোর্সশিংগী ওপতিমেল য়ুতিলাইজেসন তৌবা মথৌ তাবগী মতাংদা শেল-থুম মন্ত্রীনা হায়খি মদুদি পি.এম. গতিশক্তি নেস্নেল মাস্তর প্লান অসিনা ইনফ্রাস্ত্রকচর প্রোজেক্তশিংদা তৌবা ইনভেস্তমেন্ত পুম্নমক্তা হেন্না কোহেরেন্স পুরক্কনি হায়না থাজবা থম্মি। মহাক্না নিতি আয়োগনা মখোয়বু পি.এম. গতিশক্তিগী মখাদা পুরকপা মথৌ তাবগী মতাংদা খঙনবগীদমক ইন্দস্ত্রিএল কোরিদোরশিং, ফ্রেৎ কোরিদোরশিং, দিফেন্স কোরিদোরশিং, এন.আই.এম.জেৎ. (নেস্নেল ইন্দস্ত্রিএল মেন্যুফেকচরিং জোনশিং) পি.এল.আই.-বেজ ইন্দস্ত্রী পার্কশিং, পি.এম.-মিত্রা পার্কশিং, মেদিকেল অমসুং ফার্মা পার্কশিং অমসুং লোজিস্তিক পার্কশিং অসিগুম্বা তোঙান-তোঙানবা প্রোজেক্তশিং মেপ তৌনবা হায়খি। শেল-থুম মন্ত্রীনা শিপ্পিং মন্ত্রালয়দা অফবা লিঙ্কেজশিং লৈবরা য়েংথোক্নবা তোঙান-তোঙানবা ইন্দস্ত্রিএল কোরিদোরশিংগা মরী লৈনবা সমুদ্রগী হীথাংফম পুম্নমক মেপ তৌনবা হায়খি। মহাক্ন মোনিতরিং কম্মিতিগী মথংগী মীফম নবেম্বরদা পাঙথোক্নবসু হায়খি।

কম্মর্স এন্দ ইন্দস্ত্রী, কঞ্জুমর এফিয়র্স, ফুদ এন্দ পব্লিক দিস্ত্রিব্যুসন অমসুং তেক্সতাইলসকী মন্ত্রী শ্রী পিয়ুশ গোয়লনা হায়খি মদুদি ইন্দস্ত্রিএল কোরিদোরশিংদা অথুবদা ইনভেস্তরশিংগী পুক্নিং চিংশিনবদা মীৎয়েং চংবা মথৌ তাই অমসুং এন.আই.সি.দি.আই.তি. লোয়ননা রাজ্যশিংদা বিজিনেসশিংগী মীৎয়েং চংনবা রোদ শোশিং তৌনবসু হায়খি। মন্ত্রীনা হায়খি মদুদি ইন্দস্ত্রিএল পার্কশিং অসি করিগুম্বা ইনভেস্তমেন্তশিং লাক্লবা খক্ততা মাইপাক্লে হায়না লৌগনি। “ঐখোয়না থুনা লম এল্লোৎ তৌবা তাই। ইন্দস্ত্রীগীদমক লম অসি মমল চান্না লৌগদবনি অমসুং ঐখোয়না তোঙান-তোঙানবা লীজ পেরিয়দ, লীজ প্রিমিয়ম পেমেন্তগী ফ্লেক্সিবিলিতী লৈহনবা, রেন্তেল মোদেল, লীজ কম রেন্ত ওপ্সন অসিগুম্বা ইনোভেতিব ওইবা মওংশিং ঐখোয়না লৈহনগদবনি। ইলেক্ত্রিসিতী রেৎ অসি ইনভেস্তরশিংনা লুপ্না য়েংলিবা হীরম অমনি। ঐখোয়না অহোংবা অমসুং কনসিস্তেন্ত রেৎশিং ফংহনবা তাই। ইলেক্ত্রিসিতীগী রেৎ ৱাংবনা ইন্দস্ত্রীদা অকাইবা পী,” হায়না মন্ত্রীনা মখা তাখি। শ্রী গোয়লনা করিগুম্বা হৌজিক লৈরিবা পার্কশিং অসি অফবা মওংদা শীজিন্নদবা তারবদ কেন্দ্রনা অতোপ্পা অনৌবা পার্ক অমত্তদা তেংবাং পীরোই হায়না চেকশিলৱা থমখি। মন্ত্রীনা রাজ্যশিংদা ইন্দস্ত্রিএল পার্কশিংদা স্লমশিং লৈরক্তনবা শিন্মীশিংদা অতাবা মমলদা লৈফম চাফম, কেন্তীনশিং ফংহন্নবা হায়খি।                                                                                                                                                                                                                                                                                                                                                                                                                                                                                                                                                                                                                                                                                                                              

রেলৱেজ, কম্ম্যুনিকেসন্স অমসুং ইলেক্ত্রোনিক্স এন্দ ইনফোর্মেসন তেক্নোলোজীগী মন্ত্রী, শ্রী অশ্বিনি বৈস্নোনা হায়খিরেল কন্নেক্তিবিতী অসি প্রোজেক্ত নোদশিং প্লান্নিং তৌবগী মরু ওইবা শরুক অমা ওইগদবনি অমসুং রেলৱেজকী মথৌ তাবা য়েংলগা লম লোশিন্নবা হায়খি। মহাক্না রিজনেল রেলৱেজ অমসুং হাইদ্রোজেন ত্রেনগী থৌরাং তৌরি অমসুং ৱাফম অসি ইনফ্রাস্ত্রকচর দিবেলপমেন্তনা খঙজিনগদবনি হায়খি। মহাক্না এন.আই.সি.দি.আই.তি.দা ওপ্তিকেল ফাইবর তিংনবগীদমক দেতা সেন্তরশিং অমসুং দক্তশিং প্লান তৌনবা হায়খি।

শ্রী বৈস্নোনা রাজ্য সরকারশিংদা এমপ্লোইমেন্ত ইন্তেন্সিব ৱাংবা ইলেক্ত্রোনিক মেন্যুফেকচরিংগীদমক দেদিকেতেদ নোদশিং থম্নবা হয়খি। “ইলেক্ত্রোনিক্স মেন্যুফেকচরিংগীদমক অচৌবা খুদোংচাবা অমা লৈ। অপুনবা গ্লোবেল ভেল্যু চেন অসিনা থাজবা য়াদবা পার্তনরশিংদগী মাই লৈথোরক্লি অমসুং ভারত অসি থাজবা য়াবা পার্তনর ওইনা লৌরি। ভারত্তা হৌখিবা চহি খরা অসিদা ইলেক্ত্রোনিক্স মেন্যুফেকচরিংগী মাইপাকপা অসি মালেম্না য়েংলি। ঐখোয়না মখোংদগী হৌরক্তুনা দোলর বিলিয়ন ৭৬ য়ৌবা ঙম্লে অমসুং হৌজিক্না দবল দিজিত ওইনবা হোৎনরি”, হায়না মন্ত্রীনা মখা তাখি।

দি.পি.আই.আই.তি.গী সেক্রেতরী শ্রী  অনুরাগ জেন্না হায়খি লৈবাক অসিগী মেন্যুফেকচরিং পোতেন্সিএল পুথোক্নবগীদমক ভারত সরকারগী খোঙথাংশিংদা মতেং পাংলদুনা এন.আই.সি.দি.সি.না পি.এম. গতিশক্তি নেস্নেল মাস্তর প্লানগী মখাদা বিজন অসি মাংদা পুখৎনবা ফেস ০৪দা দিবেলপ তৌগদবা নোদশিং/প্রোজেক্তশিং ৩২ য়াওনা ইন্দস্ত্রিএল কোরিদোর ১১ দিবেলপ তৌরি।

স্পেসিএল সেক্রেতরী (লোজিস্তিক্স) অমসুং এন.আই.সি.দি.সি.গী সি.ই.ও. অমসুং এম.দি. শ্রী অমৃত লাল মীনান্না হায়খি মদুদি এন.আই.সি.দি.আইনা দিবেলপ ফ্যুচরিস্তিক “স্মার্ত ইন্দস্ত্রিএল সিতীজ” ৪ মমিং ওইনা পল্লবদা গুজরাত্তা ধোলেরা স্পেসিএল ইনভেস্তমেন্ত তিজন (দি.এস.আই.আর.); মহারাস্ত্রদা শেন্দ্র বিদকিন ইন্দস্ত্রিএল এরিয়া, ওরঙ্গবাদ; উত্তর প্রদেশতা ইন্তিগ্রেতেদ ইন্দস্ত্রিএল তাউনশিপ, গ্রেতর নোইদা (আই.আই.তি.জি.এন.); মধ্য প্রদেশতা ইন্তিগ্রেতেদ ইন্দস্ত্রিএল তাউনশিপ, বিক্রম উধ্যোগপুরি (আই.আই.তি.ভি.য়ু.), উজেন ফংহন্নবা কন্না হোৎনরি। মহাক্না মখা তারদুনা হায়খি আন্ধ্র প্রদেশ অমসুং কর্নাতকাগী মতেংগা লোয়ননা কৃষ্ণপতনম অমসুং তুমাকুরুদা অনৌবা নোদ অনি ইমপ্লিমেন্ত তৌনবা মাইকৈদা কন্না ফংশিল্লি। এন.আই.সি.দি.সি.না হরিয়ানাগী নঙ্গল চৌধুরীদা অমসুং  উত্তর প্রদেশকী দাদ্রিদা মলতি মোদেল লোজিস্তিক্স হবশিং (এম.এম.এল.ঐচ.) দিবেলপ তৌরি। অহেনবা ওইনা উত্তর প্রদেশকী বোরাকিদা মলতি মোদেল ত্রান্সপোর্ত হবশিং (এম.এম.তি.ঐচ.) দিবেলপ তৌরি।

হৌজিক ফাওবদা লেন পর্সেলগী একর ৯৭৯গা লোয়ননা প্লোৎ ২০১দা লুপা করোর ১৭,৫০০ হেনবগী ইনভেস্ত অমসুং থবক ২৩,০০ হেনবগী পোতেন্সিএল এমপ্লোইমেন্তগী থাজবগা লোয়ননা তোঙান-তোঙানবা নেস্নেল/মলতি নেস্নেল ইন্দস্ত্রিএল য়ুনিৎশিংদা এলোৎ তৌখি। কম্মর্সিএল প্রদক্সনশিং অসি য়ুনিৎ ১২দা হৌখ্রে অঞসুং কম্পনী ৪০গী ময়ানা ফেক্তরীশিং লিংখৎলি। দিবেলপ লেন্দ একর ৫৪০০ হেনবা অসি ইন্দস্ত্রিএল, কম্মর্সিএল, রেসিদেন্সিএল, ইন্সতিত্যুস্নেল অসিনচিংবগীদমক শীজিন্ননবা খুদক্তা এলোৎ তৌখি। ইন্দস্ত্রিএল কোরিদোর প্রোগ্রামগী মখাদা প্লোৎ এলোতীশিংদা কম্মর্সিএল প্রদক্সন হৌদ্রিঙৈ মমাংদা মপুং ফানা হেন্দ হোল্দিং সপ্পোর্ত পীরি।

এন.আই.সি.দি.সি. লিমিতেদ অসি ‘নেস্নেল ইন্দস্ত্রিএল কোরিদোর প্রোগ্রাম’গী মখাদা তোঙান-তোঙানবা ইন্দস্ত্রিএল কোরিদোর প্রোজেক্তশিংগী প্রোজেক্ত দিবেলপমেন্ত এক্তিবিতীশিং পাইখৎলিবা অমসুং ইমপ্লিমেন্তেসন্দা কোর্দিনেৎ তৌরিবা  কম্মর্স অমসুং ইন্দস্ত্রী মন্ত্রাকয়গী দি.পি.আই.আই.তি.গী এদমিনিস্ত্রেতিব কন্ত্রোল মখাদা লৈরিবা স্পেসিএল পর্পস ভেহিকল (এস.পি.ভি.) অমনি। প্রোগ্রামগী মখাদা এন.আই.সি.দি.সি.গী গ্রীনফিল্দ স্মার্ত সিতিজ ৮ লৈ মমিং ওইনা পল্লবদা গুজরাতকী ধোলেরা স্পেসিএল ইনভেস্তমেন্ত রিজন (দি.এস.আই.আর.); মহারাস্ত্রদা শেন্দ্র বিদকিন ইন্দস্ত্রিএল এরিয়া, ওরঙ্গবাদ; উত্তর প্রদেশতা ইন্তিগ্রেতেদ ইন্দস্ত্রিএল তাউনশিপ, গ্রেতর নোইদা (আই.আই.তি.জি.এন.); মধ্য প্রদেশতা ইন্তিগ্রেতেদ ইন্দস্ত্রিএল তাউনশিপ, বিক্রম উধ্যোগপুরি (আই.আই.তি.ভি.য়ু.), উজেন অসি ইন্দস্ত্রীজশিংগী প্লোৎ লেবেল ফাওবা প্লগ এন্দ প্লে ইনফ্রাস্ত্রকচরগা লোয়ননা দিবেলপ তৌখি।

*****