প্রধান মন্ত্রীনা হায়ৱেজ, রেলৱেজ, এভিএসন, গ্যাস, পাৱর ত্রান্সমিসন, রিন্যুএবল ইনর্জী অসিনচিংবা সেক্তর পুম্নমক্কী তোঙান-তোঙানবা মন্ত্রালয়শিং/য়ুতিলিতীশিং অমসুং ইনফ্রাস্ত্রকচর প্লান্নিং অসিবু সিঙ্গল য়ুনিফাইদ বিজন অমগী মখাদা পুরক্নবা পান্দমগা লোয়ননা ২০২১গী ওক্তোবরদা ইনফ্রাস্ত্রকচর দিবেলপমেন্তগীদমক পি.এম. গতিশক্তি-নেস্নেল মাস্তর প্লান (এন.এম.পি.) হৌদোকখি। অসিগুম্বা অমুক্তা পাইখৎখিদ্রিবা থৌশিল অসিনা অয়াম্বনা “পাৱর” অমসুং মরু ওইনা লৈবাক অসিগী ইনর্জী লাইফ-লাইন মপাঙ্গল কনখৎহল্লিবা “ত্রান্সমিসন” য়াওনা লৈবাক শিনবা থুংবদা ইনফ্রাস্ত্রকচর দিবেলপমেন্তগীদমক বিজন থম্লি।

মসিনা “আত্মনির্ভর ভারত”কী পান্দম থুংহল্লিবা বি.আই.এস.এ.জি-এন., গুজরাতনা দিবেলপ তৌবা ইন্দিজিনস ইস্রো ইমেজরীগা লোয়ননা স্পাসিএল প্লান্নিং তুলশিং য়াওবা তেক্নোলোজী চাউনা শীজিন্নদুনা ইকনোমিক জোন কয়াদা ইনফ্রাস্ত্রকচরশিংগী মলতি-মোদেল কন্নেক্তিবিতী পীবদা গেম চেঞ্জর অমা ওইরগনি।

লৈবাক অসিনা মাগী ইনফ্রাস্ত্রকচর মপাঙ্গল কনখৎহন্নবা মাইকৈদা চংশিল্লিবা অসিদা ইনফ্রাস্ত্রকচর অমসুং শেন্মীৎলোন চাউখৎহনবদা পাৱরগী মরু ওইবা থৌদাং লৈ। পি.এম. গতিশক্তি এন.এম.পি. পোর্তেলনা পাৱর ত্রান্সমিসন প্রোজেক্তশিংগী প্লান্নিং তৌবদা লমজিংনবা অমসুং লায়থোকহল্লিবা অমদি ইমপ্লিমেন্ত তৌবগী থৌওংদা মতম অমসুং শেল চংবা হন্থহল্লিবা “ৱান-ক্লিক কম্প্রিহেন্সিব ভ্যু” ফংহল্লি। মসিনা সিঙ্গল দিজিতেল প্লেৎফোর্ম অমসুং মলতি মোদেল পোর্তেলগী খুত্থাংদা লোজিস্তিক্স ইফিসিএন্সী ফগৎহনবদা মতেংসু পাংলগনি।

পাৱর ত্রান্সমিসন প্রোজেক্তশিং শেমগৎপদা পি.এম. গতিশক্তি-নেস্নেল মাস্তর প্লান্না প্লান্নিং, তেন্দরিং, ইমপ্লিমেন্তেসন অমসুং এপ্রুবেলগী স্তেজশিংদা মরু ওইবা থৌদাং লৌগনি। প্লান্নিং স্তেজতা য়ুজরনা প্লান তৌরিবা ত্রান্সমিসন লাইনগী চাউরাকপা লাইনগী অশাংবা অঞসুং সবস্তেসন(শিংগী) লোকেসন খঙদোকপদা ঙমহনগনি। তেন্দরিং/বিদ্দিং স্তেজকী মখাদা সর্ভে এজেন্সীনা পোর্তেল অসি শীজিন্নদুনা খ্বাইদগী ফবা তেক্নো-ইকনোমিকেল রুৎ খঙদোকপা ঙমগনি। ইমপ্লিমেন্তেসন স্তেজতা তশেংবা ফীভম  অদুগী মখা পোন্না ত্রান্সমিসন লাইন রুৎ অমসুং সবস্তেসনগী লোকেসন ফাইনেলাইজেসন তৌবা য়াগনি। অরোইবদা এপ্রুবেল স্তেজ অসি সিঙ্গল ৱিন্দো ক্লিয়রেন্স পীনবা পান্দম থম্মি।

পি.এম.গী “ৱান সন, ৱান ৱর্ল্দ, ৱান গ্রিদ”কী খোলাও অদুদা মহাক্না মালেমদা রিন্যুএবল্সকী গ্রোথতা তেংবাং পীবগা লোয়ননা ভারতকী রিন্যুএবল ইনর্জী (আর.ই) শৌগৎনবা মপাঙ্গল কনবা অমসুং থাজবা য়াবা ত্রান্সমিসন সিস্তেমগী অপাম্বা ফোঙদোকখি। পাৱর ত্রান্সমিসন অসিনা আর.ই. স্তোরীগী ইনেব্লর ওইরমখি অমসুং মরু ওইবা পাৱর প্রোজেক্ত কয়ানা লৈবাক শিনবা থুংবদা আর.ই. ইভাক্যুএসন ঙমহল্লি। প্রোজেক্তশিং অসিগী মনুংদা পাৱর মন্ত্রালয়না হায় ইম্পেক্ত পাৱর প্রোজেক্ত ৯ (ত্রান্সমিসন লাইন মশিং ১০) আর.ই. য়াম্না লৈয়া রাজ্য ৬তা হায়বদি রাজস্থান, গুজরাত, মধ্য প্রদেশ, মহারাস্ত্র, কর্নাতকা, তামিল নাদুদা পাইখৎখি। প্রোজেক্তশিং অসিগী মথৌ তাবা ৱারোলশিং বেসিক দেতা (লাইন রুৎ, তাৱর লোকেসন, সবস্তেসনগী লোকেসন, মপুগী মমিং অসিনচিংবা) ইনকোর্পোরেৎ তৌদুনা আই.এস.তি.এস. ত্রান্সমিসন লাইনশিংগী তোখাইবা লেয়র অমা শেমদুনা পোর্তেলদা মেপ তৌখি।

পি.এম. গতিশক্তিগী পান্দমগী মখাদা অপুনবা “একজিস্তিং” ইন্তর স্তেৎ ত্রান্সমিসন সিস্তেম (আই.এস.তি.এস.) লাইনশিং অসি লৈবাক শিনবা থুংবা য়ৌশিন্দুনা পোর্তরলদা মেপ তৌখি। অমসুং “অন্দর কনস্ত্রক্সন” আই.এস.তি.এস. লাইন ৯০%না পোর্তেল অসিদা ইন্তিগ্রেদ তৌখ্রে অমসুং লেমহৌরিবা ১০%না মরী লৈণবা ত্রান্সমিসন সর্ভিস প্রোভাইদরশিংগী রুৎ সর্ভে ফাইনেলাইজেসন তৌরবা মতুংদা ইন্তিগ্রেদ তৌগনি।

পি.এম. গতিশক্তি এন.এম.পি. পোর্তেল অসিনা ইকনোমিক জোনশিংদা অপনবা লৈতবা কন্নেক্তিবিতী ফংহন্নবগীদমক ইনফ্রাস্ত্রকচর প্লান্নিং তৌনবা মাইকৈদা সেক্যুর ওইবা, সস্তেনেবল ওইবা, স্কেলেবল ওইবা অমসুং কোল্লাবোরেতিব এপ্রোচ শেমগৎতুনা লৈবাক অসিদা ইনফ্রাস্ত্রকচর শেমগৎপগী সমস্যাশিং কোকহনবদা মতেং পাংলগনি। হৌজিক পি.এম. গতিশক্তি এন.এম.পি. পোর্তেলগা লোয়ননা অমসুং মন্ত্রালয়শিং, য়ুতিলিতীশিং অমসুং ইনফ্রাস্ত্রচরগী প্লান্নিং তৌনবা মাইকৈদা হেন্না হোলিস্তিক অমসুং কমপ্রিহেন্সিব ওইবা এপ্রোচ পাইখৎপা হৌরকপা অসিদা ঐখোয়না জাতি অমা ওইনা “পাৱর ফোর ওল” ফংহনবগা লোয়ননা দোলর ত্রিলিয়ন ৫গী ইকনোমী ওইহন্নবা মাইকৈদা অচৌবা খোঙথাংশিং থাংনবা শেম-শাদুনা লৈরে।

*******