অসামগী মথৌনা লৈবা মুখ্য মন্ত্রী শ্রী হিমন্তা বিশ্বা শর্মাজী. মন্ত্রী শ্রী অতুল বোরাজী, কেশব মহন্তাজী, পুজুশ হজারিকাজী, গোল্দন জুবিলী কম্মিতিগী চিয়রমেন দা. দয়ানন্দ পাথকজী, অগ্রদুতকী ফীফ ইদিতর অমসুং কোলোমগা লোয়ননা শাংখ্রবা খোঙচৎ অসিদা তপস্যা তৌখিবা, সাধনা তৌখিবা, অদুগুম্বা কনকসেন দেকাজীগুম্বা মীওইশিং, অতোপ্পা দিগনিতরীশিং, নুপী অমদি নুপাশিং,

অসামিজ লোলগী অৱাং নোংপোক্কী শক্তি লৈরবা খোলাও, দৈনিক অগ্রদুত অসিগা মরী লৈনবা মরুপশিং, পাউমীশিং, স্তাফ অমসুং রীদর পুম্নমপু চহি ৫০ শুবগী গোল্দন জুবিলী – দিকেদ মঙা ফাবগী থৌরমনা লাকপদা ঐহাক্না য়াইফ-পাউজেল পীজরি। তুংদা লাক্কদবা মতমশিংদা অগ্রদুতনা অনৌবা পনখৈশিং য়ৌব ঙম্বা ওইরসনু ঐহাক্না ইনাও প্রাঞ্জল অমসুং নহা ওইরিবা তীম অসিবু য়াইফ-মঙ্গোল পীজরি।

থৌরম অসিগীদমক শ্রীমন্ত শঙ্করদেবকী কলাগী লমবু খল্লিবা অসিমক মশানা চানজরুবনি। অসামিজকী শৈরেং অমসুং অইবশিংগী খুত্থাংদা শ্রীমন্ত শঙ্গরদেবজীনা এক ভারত, শ্রেস্থ ভারতকী ৱাখল্লোন অসি মপাঙ্গল কনখৎহনখি। হায়রিবা ভেল্যুশিং অসিমক জর্নেলিজমগা লোয়ননা দৈনিক অগ্রদুতনসু মপাঙ্গল হাপখি। লৈবাক অসিদা জর্নেলিজমগী খুত্থাংদা চান্ন-চিন্ননা লৈনবা, অপুনবগী শক্তম অমসুং মঙাল অসিবু ঙাক্তুনা থম্বদা পাউচে অসিনা অচৌবা থৌদাং অমা লৌখি।

দেকাজীনা লমজিংদুনা দৈনিক অগ্রদুতনা জাতিগী হায়বা ৱাখল্লোন অসি মতম চুপ্পদা মরু ওইনা লৌখি। ইমর্জেন্সীগী মনুংদসু দেমোক্রেসীদা খ্বাইদগী চাউনা শীংনরকপা মতমদা দৈনিক অগ্রদুত অমসুং দেকাজীনা জর্নেলিস্তিক ভেল্যুশিংগী মগুন মাংহনবা তৌখিদে। মহাক্না অসামদা খক্তা ভারতকী জর্নেলিজমদা শক্তি পীবতা নত্তনা ভেল্যু বেজ জর্নেলিজমগী অনৌবা মীরোল অমসু শেমখি।

নীংতম্বগী চহি ৭৫শুরকপা অসিদা দৈনিক অগ্রদুতকী গোল্দন জুবিলীগী পালন থৌরম অসিনা অনৌবা মাইলস্তন অমা য়ৌবা ঙম্বা খক্তা নত্তনা নীংতম্বা ঙাকপদা জর্নেলিজমগীদমক, জাতিগী থৌদাংগীদমক ইথিলগী হৌরকফমসু ওইরি।

মরুপশিং,

হৌখিবা নুমিৎ খরা অসিদা অসামনা ইচাওগী অচৌবা শীংনবা অমসুং খুদোংথিবশিং মায়োক্নরি। অসামগী অয়াম্বা জিলাগী মহৌশাগী পুন্সিদা চাউনা অকাইবা থোকহনখি। হিমন্তাজী অমসুং মহাক্কী তীম্না তেংবাং অমসুং মী কনবগী থবক অয়ুক নুমিদাং খাইদনা কন্না চত্থরি। মতম মতমগী ওইনা ঐহাক্না মসিগী মতাংদা ৱারী শাদুনা লাকখি। মুখ্য মন্ত্রীগা লোয়ননা মখা তানা ৱারী শাখি। ঙসি ঐহাক্না অসামগী মীয়ামদা, অগ্রদুত পারিবশিংদা কেন্দ্র অমসুং রাজ্য সরকারশিংনা মখোয়গী খুদোংথিবশিং হন্থহন্নবা পুন্না হোৎনরি হায়না থাজবা পীজরি

মরুপশিং,

ভারতকী লেংগ্বেজ জর্নেলিজমনা ভারতকী চৎনবী, নাৎ, নীংতম ইহৌ অমসুং চাউখৎ-থৌরাংগী খোঙচৎতা চাউনা শরুক তম্লি। অসামনা জর্নেলিজমগী মীৎয়েংদগী য়েংলকপদা য়াম্না মরু ওইবা মফম অমা কনখি। জর্নেলিজম অসি অসামিজ লোলদা চহি ১৫০গী মমাংদগী হৌরকখি অমসুং মতমগা ইরোইননা মপাঙ্গল কনখৎলকখি। অসামিজতা লেংগ্বেজ জর্নেলিজমদা অনৌবা দাইমেন্সনশিং পীখিবা অদুগুম্বা পাউমী, ইদিতর কয়া লৈবাক অসিদা পীখি। ঙসিসু জর্নেলিজমনা সরকার অমসুং মরী লৈনবগা মীচম প্রজাশিং শম্নহনবদা অচৌবা থৌদাং অমা লৌরি।

মরুপশিং,

দৈনিক  অগ্রদুতকী হৌখিবা চহি ৫০গী খোঙচৎ অসিনা অসামদা অহোংবা পুরকখিবগী ৱারী লিরি। অহোংবা অসি পুরকপদা মীয়ামগী ইহৌশিংনা মরু ওইবা থৌদাং অমা লৌখি। মীয়ামগী ইহৌশিংনা অসামগী কলচরেল হেরিতেজ অমসুং অসামিজকী মীংচৎ ঙাকশেনখি। অমসুং হৌজিক অসামনা জন ভাগীদারীগী মতেংগা লোয়ননা অনৌবা চাউখৎ-থৌরাংগী অনৌবা ৱারী অমা ইরি।

মরুপশিং,

ভারতকী খুন্নাইদা দেওক্রেসী অসি য়াওজৈ মরমদি খন্ন-নৈনদুনা অমসুং ৱাখল খন্থদুনা লৈরম্বা খেন্নবা খুদিংমক মাংহনবা লম্বী লৈজৈ। দাইলোগ তৌরবদি, সোল্যুসনসু লৈগনি। দাইলোগকী খুত্থাংদা মসিগী ওইথোকপা য়াবশিং অসি পাকথোক-চাউথোরকই। মরম অসিনা ভারতকী দেমোক্রেসীগী লৈরিবা লৌশিংগা লোয়ননা ই-পাউগী ইচেল অসি লেপ্পা লৈতনা চেন্থরক্লি। অগ্রদুতনসু চৎনবী অসি মাংদা পুখৎনবা মরু ওইবা পাম্বৈ অমসু ওইখি।

মরুপশিং,

ঙসি মালেম অসিদা ঐখোয়না মফম অমা হেক্তদা লৈরবসু ঐখোয়গী ইমা লোলদা ফোঙবা পাউচে পাবনা ঐখোয়না য়ুমদা লৈরবোই নীংই। অদোমসু খঙজিনবীহৌ, অসামিজ লোলদা দৈনিক অগ্রদুত অসি চয়োল অমদা অনিরক ফোঙখি। মসিগী খোঙচৎ অসি মদুদগী হৌদুনা অহানবা নুমিৎ খুদিংগী ফোঙবা পাউচে ওইরকখি অমসিং হৌজিক্তি মসি ই-পেপরগী মওংদা ওনলাইন্দসু ফংলে। মালেমগী কাচিন অমদা লৈরবসু অদোম্না অসামগী পাউশিং অদুমক ফংলগনি অসামগী শম্নদুনা লৈরগনি।

পাউচে অসিগী চাউখৎ-থৌরাংগী খোঙচৎ অসিদা ঐখোয়গী লৈবাক্তা পুরকখিবা অওনবা অমসুং দিজিতেল দিবেলপমেন্ত অদু তাক্লি। দিজিতেল ইন্দিয়া অসি ঙসি লোকেল কন্নেক্তকী মপাঙ্গল কনবা মীদিয়ম অমা ওইখি। ঙসি মীয়াম্না ওনলাইন্দা পাউচে পারে, অমসুং করম্না ওনলাইন্দা পেমেন্ত তৌগনি হায়বা খঙলে। দৈনিক অগ্রদুত অমসুং ঐখোয়গী মীদিয়ানা অসাম অমসুং লৈবাক অসিদা অওনবা পুরকখিবা অদুগী শাখি ওইখি।

মরুপশিং,

ঐখোয়না নীংতম্বগী চহি ৭৫শুরকপা অসিদা ঐখোয়না ৱাহং অমা হংবা মথৌ তাই। অকক্নবা লোল অমা খঙবা মীওই খরগী মরক্তা খক্তা ইন্তেলেকচুএল স্পেস ফংজিন্দুনা থম্লিবা অসি করিগীনো? ৱাহং অসি পুক্নিংগী ইহুল খক্তগী ৱাফম নত্তনা সাইন্তিফিক লোজিক অমসু ওইরি। অদোমসু খন্থদুনা য়েংবীয়ু, ভারতনা ৩শুবা ইন্দস্ত্রিএল রিভোল্যুসন্দা রিসর্চ অমসুং দিবেলপমেন্তদা করিগীদমক শোথদুনা লৈহৌরিবনো? অমরোমদা ভারত্তা ইনোভেতিং নোলেদজ, নোলেদজ-অন্দরস্তেন্দিং, অনৌবা ৱাখল্লোনগী চৎনবী অসি চহিচা কয়াদগী চৎনদুনা লাকখি।

মসিগী অচৌবা মরম অসি ভারতকী লোলশিংদা লন অসি য়াওই। ভারতকী লোলশিং শন্দোকহনবা অসি মীনাই-নাইথাংগী শাংলবা মতমগী মনুংদা অথিংবা থমখি, অমসুং মোদর্ন ইপিস্তেমোলোজীদা রিসর্চ অসি লোল খরা খক্তদা তৌখি। ভারতকী য়াম্লবা শরুক অমনা লোলশিং অদু, লৌশিং অদু এক্সেস তৌবা ফংখিদে। হায়বদি ইন্তেলেক্কী, ‌এক্সপর্তিজকী স্কোপ অসি অসুম পীশিল্লকখি। মসিনা মরম ওইদুনা ইনভেন্সন অমসুং ইনোভেসনগী পুলসু লিমিতেদ ওইরকখি

২১শুবা চহিচা অসিদা ৪শুবা ইন্দস্ত্রিএল রিভোল্যুসনগী মাইকৈদা মালেম্না চংশিল্লিবা তানফম অসিদা মালেমবু লমজিংনবা ভারত্তা অচৌবা খুদোংচাবা অমা লৈ। খুদোংচাবা অসি ঐখোয়গী দেতা পাৱর অমসুং দিজিতেল ইনক্লুজন অসিনা মরম ওইরগা ফংবা ঙম্মি। শুপ্নগী লোলনা মরম ওইরগা ভারত মচা অমত্তদা খ্বাইদগী চুম্বা ই-পাউ, খ্বাইদগী ফবা লৌশিং, খ্বাইদগী ফবা স্কিল অমসুং খ্বাইদগী ফবা খুদোংচাবা ফংহন্দবা তৌরোইদবনি, মসি ঐখোয়গী খোঙথাংনি।

মরম অসিনা ঐখোয়না নেস্নেল পোলিসী ওন এজুকেসন্দা ভারতকী লোলশিং তম্নবা পুক্নিং থৌগৎখি। মহৈরোয়শিং অসিনা মখোয়গী মমা লোলদা তম্লিবা প্রোফেসন অমা হেক্তনা মফম অমা হেক্তদা চৎলবসু মখোয়গী লমদমগী মথৌ তাবশিং অমসুং মখোয়গী মীয়ামগী এস্পিরেসনশিং অসি হেন্না খঙলগনি। মসিগা লোয়ননা ভারতকী লোলশিংদা মালেমগী খ্বাইদগী ফবা কনতেন্ত শেম্বা হায়বা অসি হৌজিক ঐখোয়গী পান্দম ওইরি। মসিগীদমক ঐখোয়না নেস্নেল লেংগ্বেজ ত্রান্সলেসন মিসন শেমগৎলি।

খোঙথাং অসিদা লৌশিং অমসুং ই-পাউগী খ্বাইদগী চাউবা পুকৈ ওইরিবা ইন্তর্নেৎ অসি মহাক মশাগী লোলদা ভারতমচা খুদিংমক্না শীজিন্নবা য়াহন্নবা হোৎনরি। মসিগীদমক নুমিৎ নিনিগী মমাংদা ভাশিনী প্লেৎফোর্ম লোঞ্চ তৌখি। য়ুনিফাইদ লেংগ্বেজ ইন্তর্ফেস অসিনা ভারতমচা খুদিংমক্না লায়না ইন্তর্নেৎ এক্সেস তৌবা ফংহন্নবা হোৎনরি। অসুম্না তৌবনা মহাক্না মহাক্কী লোলদা ই-পাউগী মোদর্ন সোর্স, লৌশিং, সরকার, সরকারগী ফেসিলিতীশিং লায়না কন্নেক্ত তৌবা ফংলগনি।

ভারতমচা করোর কয়াদা মখোয় মশাগী লোলদা ইন্তর্নেৎ ফংহনবা হায়বা অসি সোসিএল অমসুং ইকনোমিক, হীরম খুদিংমক্তা মরু ওই। মসিগী মথক্তা মসিনা এক ভারত, শ্রেস্থ ভারত মপাঙ্গল কনখৎহন্নবা, লৈবাক অসিগী তোঙান-তোঙানবা রাজ্যশিং পুনশিন্নবা, কোই চৎপদা অমসুং নাৎ খঙহনবদা চাউনা মতেং পাংগনি।

মরুপশিং,

অসাম য়াওনা অপুনবা অৱাং নোংপোক অসি তুরিজম, কলচর অমসুং বাওদাইভর্সিতী য়াম্না লৈ। হৌজিকসু অপুনবা লমদম অসি মতিক চানা এক্সপ্লোর তৌদ্রি। অসামগী ঈশৈ-নোংমাইগী মমল য়াম্লবা লেগেসী লৈজে অমসুং মসি মালেম শিনবা থুংনা য়ৌহনবা মথৌ তাই। হৌখিবা চহি ৮ অসিদা লমদম অসিগী ফিজিকেল অমসুং দিজিতেল কন্নেক্তিবিতীগা মরী লৈননা পাইখৎখিবা খোঙথাংশিংনা অসামগী ত্রাইবেল ত্রেদিসিন, তুরিজম অমসুং নাৎতা চাউনা কান্নবা পীরগনি।

মরুপশিং,

রম অসিনা ঐহাক্না লৈবাক অসিগী লেংগ্বেজ জর্নেলিজম ইন্সতিত্যুসন পুম্নমক ঐখোয়গী অগ্রদুতগুম্বদা অখন্ননা হায়জনীংবদি ঐখোয়না দিজিতেল ইন্দিয়াগী অসিগুম্বা খোঙথাং অসিগী মতাংদা ঐখোয়গী রীদরশিংদা খঙহন্নবা হোৎনসি। ভারতকী তেক ফ্যুচর মপাঙ্গল কনখৎহন্নবা অমসুং শক্তি পীনবা জন ভাগীদাআর মথৌ তাই। স্বচ্ছ ভারত মিসনগুম্বা কেম্পেনশিংদা ঐখোয়গী মীদিয়ানা লৌখিবা অফবা থৌদাং অসি ঙসি লৈবাক শিনবা থুংবদা অমসুং মালেমদা ফাওবা থাগৎনরি। মসিগা মান্ননা অদোম্না অমৃত মহোৎসবতা লৈবাক্কী ফিরেপশিং লৌবদদা শরুক য়াবীয়ু।

অসামদা ঈশিং য়োকশিনবা অমসুং মসিগী মরু ওইবগী মতাংদা মীপুম খুদিংমক্না খঙলে। মাইকৈ অসিদা লৈবাক অসিনা হৌজিক অমৃত সরোবর অভিয়ান হৌদোক্তুনা চংশিল্লি। লৈবাক অসিনা জিলা খুদিংমক্তা অমৃত সরোবর ৭৫ শেম্নবা থবক পাইখৎলি। অগ্রদুতকী খুত্থাংদা খোঙথাং অসিদা শরুক য়ারোইদবা অসামগী প্রজা অমত্তা লৈরোই হায়না ঐহাক্না থাজৈ, সবকা প্রয়াসকা লোয়ননা অনৌবা শাহৌ অমা পীবা ঙমগনি।

মসিগা মান্ননা অসামগী লমদম অসিগী মীয়াম্না, ঐখোয়গী ত্রাইবেল খুন্নাইনা নীংতম ইহৌদা শরুক তমখি। মীদিয়া ইন্সতিত্যুসন অমা ওইনা অদোম্না ফজরবা পুৱারী অসি মীয়ামদা য়ৌহনবদা অচৌবা থৌদাং অমা লৌবা য়াগনি। হৌখিবা চহি ৫০দগী মথৌ তৌরক্লিবা অগ্রদুতনা পোজিতিব ওইবা খোঙথাংশিং অসিদা দিকেদ কয়া ফাওবা মখা তানা ইনোৎ হাপক্কনি হায়না ঐহাক্না থাজৈ। অগ্রদুতনা অসামগী মীয়ামগী অমসুং অসামগী নাৎ চাউখৎহনবদা লমজিংগনি।

লৌশিং লৈবা, হেন্না খঙবা খুন্নাই ওইহনবা হায়বা অসি ঐখোয় পুম্নমক্কী পান্দম ওইগদবনি, ঐখোয় পুম্নমক্না মসিগীদমক পুন্না হোৎনরি, লোয়ননা ঐহাক্না গোল্দন জুবিলীগী থৌরম অসিগীমদক অমুক হন্না য়াইফ-পাউজেল পীজরি অমসুং তুংগীদমক য়াইফ-মঙ্গোল পীজরি, থাগৎচরি!

*****