“অজাদি কা অমৃত মহোৎসব”কী ৱাখল্লোন্দা জুলাই ৮, ২০২২২দা নিউ দিল্লিগী তালকোতারা স্তদিয়মদা ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা শীন্দুনা “হরিয়ালি মহোৎসব” পাংথোক্কনি।

হরিয়ালি মহোৎসব(উগী কুহ্মৈ) অসি হৌজিক্কী মীরোলশিংদা হিংনবগীদমক উগী মরুওইবশিং খঙহন্নবা খক নত্তনা তুংগী মীরোলশিংগী য়াইফনগীদমক পাংথোক্কদবনি। অইং-অশাগী খল হোংলকপদগী থোরকপা তমথিরবা অমাং-অতাশিংদগী ঙাকথোকপদা উশিংনা মরুওইবা থৌদাং লৌরি। মসিগী মহোৎসব অসি মীয়ামদা উ থাবা অমসুং উমং য়োকখৎপগী মতাংদা অপাম্বা পোকহনবদা শীজিন্নবা মরুওইবা খুৎলায় অমা ওইনা লৌবা য়াগনি। অকোয়গী ফিবম ঙাক্তুনা থম্নবা সরকারনা পায়খৎলিবা থবকশিং অমসুং থৌশিলশিংদা মতেং পাংবদা মহোৎসব অসি য়াম্না মরুওই। অকোয়গী খল চপ চানা থম্বা অমসুং মালেম অসিদা অকোয়বগী ফিবমশিং মথৌ ফজনা পাংথোকপা ঙম্নবা উমংনা লৌরিবা মরুওইবা থৌদাং শকখঙবা ওইনা লৈবাক শীনবা থুংনা হরিয়ালি মহোৎসব পাংথোকপনি।

থৌরম অসিদা উ থাবগী থবকশিং পাংথোক্নবা রাজ্য সরকারশিং, পুলিস ইন্সতিতুৎশিং অমসুং দিল্লিগী স্কুলশিংগা লোয়ন্না ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা হরিয়ালি মহোৎসব পাংথোক্কনি। লৈবাক অসিগী নাগর বন ৭৫, পুলিস স্তেসন ৭৫ অমসুং দিল্লিগী স্কুল ৭৫ অমসুং তোঙান-তোঙানবা রাজ্যশিংগী উ হৌদ্রবা মফম ৭৫দা উ থাবগী থবকশিং পাংথোক্কনি।

থৌরম অদুদা ইনভাইরোনমেন্ত, ফোরেস্ত অমসুং ক্লাইমেত চেঞ্জগী য়ুনিয়ন মিনিস্তর শ্রী ভুপেন্দ্র য়াদব, পেত্রোলিয়ম অমসুং নেচরেল গ্যাস অমসুং হাওসিং অমসুং অর্বান এফেয়ার্সকী য়ুনিয়ন মিনিস্তর শ্রী হরদিপ সিংহ পুরি, ইনভাইরোনমেন্ত, ফোরেস্ত অমসুং ক্লাইমেত চেঞ্জ, কঞ্জুমর এফেয়ার্স, ফুদ অমসুং পব্লিক দিস্ত্রিবুসনগী রাজ্য মন্ত্রী শ্রী অশ্বিনি কুমার চৌবে অমসুং লেপ্তনেন্ত গভর্নর শ্রী বিনাই কুমার সক্সেনা শরুক য়াগনি।

থৌরম অদুদা রিক্কি কেজগী ঈশৈগী থৌরম অমসু পাংথোক্কনি।

*****