خواتین کے قومی کمیشن نے منی پور کے خواتین کے کمیشن کے اشتراک کے ساتھ ریاست کی خاتون تاجروں کے لئے صلاحیت سازی سے متعلق ایک روزہ تربیتی پروگرام کا انعقادکیا۔ یہ پروگرام منی پورکی خاتون تاجروں کی مجموعی ترقی اوران کے لئے صنعت کاری کے مزید مواقع پیداکرنے کی غرض سے منعقد کیاگیاتھا۔ منی پورکے وزیر اعلیٰ جناب این بیرین سنگھ ، منی پورکے سماجی بہبود کے وزیر جناب ہیکھم ڈنگو سنگھ اور خواتین کے قومی کمیشن  این سی ڈبلیو  کی چیئرپرسن محترمہ ریکھا شرما اس موقع پر موجودتھیں ۔

منی پور کے ایما کیتھل کو ایشیا میں ایسی سب سے بڑی مارکیٹ کہاجاتاہے ، جہاں سبھی اسٹالوں کا کام کاج خواتین تاجر سنبھالتی ہیں ۔ شمال مشرقی ریاستوں میں کمیشن  کے پروگراموں  کو عملی جامہ پہنچاتے ہوئے ، خواتین کے قومی کمیشن نے تین ایما کیتھل بازاروں کی خاتون تاجروں کے لئے اس ایک روزہ تربیتی پروگرام کا انعقاد کیاتھا، تاکہ ان کے ذریعہ معاش ، سماجی سکیورٹی اورکل ملا کر ان کے معیارزندگی کو بہتربنایاجاسکے ۔

منی پور کے وزیراعلیٰ جناب این بیرین سنگھ نے اس پروگرام میں مہمان خصوصی کے طورپر شرکت کی اور خاتون شرکاء کی حوصلہ افزائی کی ۔ انھوں نے خواتین کو بااختیار بنانے کی غرض سے این سی ڈبلیو کے اس پروگرام کی ستائش کی۔ انھوں نے کہاکہ سات ایما بازار تعمیرکئے گئے ہیں اور ایک ایمابازار جلد ہی تعمیر کیاجانے والا ہے ۔

خواتین کے قومی کمیشن این سی ڈبلیو کی چیئرپرسن محترمہ ریکھا شرمانے اپنے خطاب  میں کہاکہ خواتین ، منی پور کے سبھی شعبوں میں موجود ہیں اورانھوں نے یہ بات ثابت کردی ہے کہ وہ ہرکام سنبھال سکتی ہے اورکہیں بھی سنبھال سکتی ہیں ۔ محترمہ ریکھا شرمانے کہا :‘‘ ہم چاہتے ہیں کہ منی پور کی خواتین اپنی مصنوعات کو ای –مارکیٹ میں بھی فروخت کریں ۔ یہاں کی خواتین کو اپنے آپ کو منی پور تک محدود نہیں کرنا چاہیئے ۔ دنیا بدل رہی ہے اورخواتین کو جدید ترین ٹیکنولوجی سے باخبرہوناچاہیئے تاکہ ان کی مصنوعات  ، دنیا میں ہرجگہ پہنچ سکیں ۔ ہم انھیں اُڑنے کے لئے پردیں گے اورای۔ کامرس اوردیگرٹیکنولوجی میں انھیں تربیت فراہم کریں گے ، تاکہ دنیا کو ان کی مصنوعات کے بارے میں جانکاری فراہم ہوسکے ۔’’

خواتین کے قومی کمیشن  نے ریسورس افراد کے طورپر مختلف سرکاری محکموں اور بینکنگ  شعبے کے ممتاز افراد کو مدعوکیاتھا تاکہ خواتین کو ای-کامرس ، بینکنگ ، ٹیکس سے متعلق قوانین جیسے اہم موضوعات  کے بارے میں مطلع کیاجاسکے اورمطلوبہ معلومات فراہم کی جاسکے ۔ تربیتی پروگرام کو تین تکنیکی سیشنز میں تقسیم کیاگیاتھا ۔ پہلا سیشن متعلقہ بینکنگ اسکیموں کی معلومات اورآن لائن بینکنگ  کو کیسے استعمال کیاجائے کے بارے میں تھا۔ دوسرا سیشن ‘‘ٹیکس سے متعلق قوانین /اشیاء اورخدمات ٹیکس جی ایس ٹی سے متعلق قوانین اور ٹیکس سے متعلق عمل آوریوں کے بارے میں معلومات ’’کے موضوع پرتھا۔ جبکہ تیسرے سیشن کا موضوع تھا :ای۔ کامرس ڈیما نسٹریشن ’’۔

**********

)ش ح ۔ ع م۔ ع آ)

U -7276